![]() |
تقريرك روعة ماشاءالله كنت متخوفة شويه من اوكرانيا بس بعد التقرير غيرت رايي شكرا ماقصرت |
اقتباس:
|
الله يعطيك العافية تقرير مميز وليس غريب من شخص مميز مثلك 2018 زرت اوكرانيا البلد نظيف لكن كان فيه أشخاص تجدها يتكلمون معك كلام بلغته لاتفهمه خاصة وقت المساء وهذي اجدها سلبية كذلك اعتقد أنك صادفت من يضع عليك حمامة لتصوير فيها واتذكر كان فيها تسول لكن اتوقع مع وجود السياح بكثرة تغير الوضع لديهم وربما فرض نظام قوي لحماية الاقتصاد السياحي 2018 لا اتذكر اني شاهدت سائح عربي نعم فيه عرب مقيمين وحدثني احدهم أن انتبه عن ركوب المترو بسبب كثرة السرقات اكرر لك شكري على هذا التقرير الرائع وسلمت يداك |
اقتباس:
صحيح نادر تواجه ناس تتكلم أنجليزي ولكن إذا تلاحظ إنه ما عندهم وسط إما يتكلم انجليزي صح أو ما يعرف أبدا . بخصوص التسول ما شفنا أحد يتسول نهائيا وأكيد هذا ما يحسم الأمر ١٠٠% ... طبعا عندهم العزف بالشوارع ولكن هذا ما يعتبر تسول بالمعنى الحرفي لأنه قاعد يقدم شي مقابل المال . المترو ما ركبته ولكن دخلت في ممراته للإستكشاف لا يعيبه شي مرتب ونظيف ولا يصل لمستوى غرب أوروبا أما السرقات الحمد لله ما واجهناها ومعروف أنها تكون دائما في محطات المترو وأذكر لك موقف حصل لي في باريس ركبنا المترو من باب التجربة وبعد ما عدينا حواجز التذاكر واحد مد يده بيسرق البوك من الجيب الخلفي والله ستر انتبهت ومسكت الجيب وهرب مباشرة ... لاحظ توقيت السرقة بعد تجاوز الحاجز يعني ما تقدر ترجع تلحقه إلا تقفز فوق الحاجز وهذا يعطيه وقت يهرب ... طريقتهم يمد يده والحاجز بينك وبينه ... عيال حرام طبعا هذا حصل في باريس . |
اقتباس:
الله يعطيك العافية انا اقصد فيه اشخاص كانو يرمون علينا كلام من باب المضايقة وبالغالب هم مخمورين |
ما شاء الله تقرير لبلد لا يعرف عنه كثير من الناس غير الاسم والاجواء خياليه و النظافة شي روعه و الريف وانتقاءك للمكان ممتاز التصوير روعه اشكرك عليه هل مسموح الذبح هناك كما اعتاد العرب في البوسنه و تركيا و الكشتات |
اقتباس:
نعم مسموح ، اللي يذبح هو نفسه اللي يبيع ولكنه غير مسلم ولذلك وضعت يدي على يده وذكرت اسم الله لأني لم أجرب الذبح بنفسي . |
ما شاء الله بلد يستحق الزيارة فعلا الاسعار جدا ممتازة الفنادق و المطاعم والامن و الامان |
مشكور يالغالي على التقرير الجميل بس عندي سؤال طال عمرك : هل الأماكن اللي زرتها تنفع نروح لها طول السنه والا لها وقت معين ؟ |
ما شاء الله أخي سالم بداية سرد ممتازة وذكر التفاصيل بشكل مبسط يضيف للقاريء الفائدة المرجوة بعض المكاتب يعقدون على نفسهم وعلى الناس معاهم لكن الحمدلله وجدت مكتب متفهم وأخذت السيارة هذا المهم بالتأكيد أخونا سالم مشرف أوروبا سيكون تقريره شي فاخر من الأخر مستمتعين بالتقرير وبكل تفاصيله |
الساعة الآن 02:26 PM |
Powered by vBulletin® Copyright ©2000 - 2025, Jelsoft Enterprises Ltd.
Search Engine Optimization by vBSEO