شبكة و منتديات العرب المسافرون - آخر أيام الصيفية فى جنوب القارة الأفريقية.......(جنوب أفريقيا مارس 2015)

السلام عليكم ورحمة الله وبركاته

الحلقة الأولى (التحضير للسفر)

أهلا بيكم فى أولى حلقات التقرير

فكرة السفر

بعد زياراتى الى أوروبا وأسيا
خطرت فى بالى فكرة السفر الى قارة أفريقيا
حيث التجربة الجديدة كليا
طبعا أول ما حد يقول أفريقيا يفكر فى السفارى والحيوانات المفترسة :yolks00250:
وعلى طول توجهت بالقراءة عن الموضوع ده
فكان قدامى كينيا وتنزانيا
حيث واحدة من أشهر المحميات فى أفريقيا وهى "سيرنجاتى"
لكن بعد القراءة وجدت إن البنية التحتية فى البلاد دى ضعيفة نسبيا
ومفيش تقريبا حاجة تانى غير السفارى

طيب ليه أكيد فى مكان تانى فيه السفارى وفيه حاجات تانى كتيير
وهنا بدأت القراءةعن

جنوب أفريقيا

الدولة التى تمتلك جميع مقومات السياحة
وتمتلك إختلاف كبير فى الطبيعة والأجواء
فأحيانا تجد نفسك فى أفريقيا وأحيانا أوروبا وأوقات استراليا وحتى تجد نفسك فى أمريكا الجنوبية

كان الأول المخطط للسفر فى شهر أكتوبر 2014 وده بداية موسم الربيع حيث الأجواء المعتدلة
ولكن فجأة ودون سابق انذار أرتفعت الأسعار :yolks00740: وخصوصا الطيران
مما أدى الى الإنتظار حتى عودت الأسعار الى طبيعتها
وكان متوقع حدوث ذلك فى نهاية الصيف "شهر مارس" وهذا ما حدث

السفر لشخصين انا وصديق

إستخراج التأشيرة

إجراءات إستخراج التأشيرة الى جنوب أفريقيا تشبه دول أوروبا ومحتاج الى
1- جواز سفر
2- صور شخصية
3- حجوزات فنادق وطيران "تم عمل حجوزات وهمية"
4-جواب من العمل
5-تطعيم ضد الحمى الصفراء اذا كنت من المسافرين على الطيران الإثيوبى "خدث ان تم رفض الطلب لأول مرة بسبب عدم وجود التطعيم"
6-كشف حساب بنكى
7- للمصريين التأشيرة مجانية

وتتوجه للسفارة قبل السفر بحوالى شهر على الرغم من صدور التأشيرة لمدة 3 شهور
بعد الحصول على التأشيرة وكانت لمدة 3 شهور ودخول متعدد وكل دخول لايتعدى 14 يوم

جدول الرحلة

كان مخطط للرحلة فى حدود 12 يومى وتم توزيع الجدول كالتالى

1- 3 ليالى فى مبومالانجا
2- يوم فى صن سيتى ومبيت الليلة فى بريتوريا
4- 4 ليالى فى الجاردن رووت
5- 4 ليالى فى كيب تاون

حجوزات الطيران

طبعا انا يهمنى فى الأول والاخر السعر فى حجوزاتى
فكان أرخص سعر للطيران الأثيوبى"من القاهرة الى جوهانسبرج"
مع وقوف ترانزيت فى أديس أبابا

Ethiopian | Welcome to Ethiopian Airlines | Flights, Airfares, Tickets from Addis to/from Washington, London, Dubai, Zanzibar, China, Mumbai - Ethiopian Airlines

فتم حجز ذهاب يوم 20-3 وعودة 1-4 بسعر 4000 جنيه مصري للشخص

طبعا الطيران حلو و مواعيده مضبوطة
والوجبات حلوة "ولكن لاتنسوا طلب وجبة مسلمين عند الحجز"

مصر للطيران فى طيران مباشر من القاهرة الى جوهانسبرج بس طبعا السعر أغلى
ووصل فى بعض الأوقات الى أكثر من 1700 جنيه مصرى

وتم حجز الطيران الداخلى على طيران kulula

Full-on Travel | Flights, Hotels, Car Hire, Packages - kulula.com

الرحلة الأولى من جوهانسبرج الى جورج يوم 24-3 وكانت بمبلغ 966 راند
شاملة شنطة واحدة للشحن

والثانية من كيب تاون الى جوهانسبرج يوم 1-4 بمبلغ 888 راند
شاملة شنطة واحدة للشحن

حجز السيارة

جنوب أفريقيا تعتمد فى السياحة بها على ايجار السيارات
وده نظرا لبعد المسافات بين الأماكن السياحية
ولعدم توافر المواصلات العامة فى كثير من المدن
عدا كيب تاون من الممكن أن تعتمد على المواصلات العامة بسهولة او تستخدم الباص السياحى بيلف المدينة كلها

تم حجز السيارات عن طريق موقع rentalcars

rentalcars.com

وده ميزته انه بياخد المبلغ مقدم، وأيضا به عروض على التأمين

تم استئجار سيارتين "سيارات صغيرة" وناقل حركة يدوى ، لأننا شخصين ولتوفير إستهلاك البنزين

الأولى من شركة بدجيت الإستلام من مطار جوهانسبرج أور تامبو يوم 20-3 والتسليم بنفس المكان يوم 24-3
وكانت بمبلغ 1000 جنيه مصرى شاملة تأمين كلى

الثنية من شركة هرتز الإستلام من مطار جورج يوم 24-3 والتسليم فى مطار كيب تاون يوم 1-4
وكانت بمبلغ 1500 جنيه شاملة تأمين كلى

ستحتاج الىرخصة قيادة دولية وجواز السفر وورقة الحجز وكريدت كارد اثناء إستلام السيارة
وذلك لسحب مبلغ التأمين

الفنادق

طبعا فى كل رحلاتى أخر حاجة أفكر فيها هى مكان النوم
لانى رايح علشان أشوف البلد ومش محتاج الفندق غير للنوم فقط

1- مبومالانجا
خيارات المبيت كثيرة جدا فى الولاية "هازى فيو، سابي، نيلسبرت، خراسكوب ..."
كل ما عليك غير انك افتح بوكينج واكتب مبومالانجا ودور على المكان اللى يناسبك

ولكنى إخترت نيلسبروت لأنها أكبر مدينة فى الولاية وعاصمتها وأقرب مدينة من جوهانسبرج
وأيضا لتنوع السكن بها

وتم إختيار

Dome Home SelfCatering

فى نلسبرت وتم حجز غرفة تؤام بسعر 1120 راند للثلاث ليالى

والصراحة الفيلا نظيفة جدا جدا وصاحبها غاية فى الإحترام

https://farm9.staticflickr.com/8779/...eb49e440_o.jpg

وبها كل شئ تحتاجه ولا ينقصها شئ
تقيمى لها 10\10 فى كل شئ
ويوجد بها اكواخ ايضا لكن مساحتها أصغر قليلا من الغرفة

2- بريتوريا

الحقيقة انا مهتمتش قوى انى اشوف فندق فى بريتوريا
دورت بسرعة وتم إختيار

Blackwood Guest house

https://farm9.staticflickr.com/8746/...1c65e9d2_o.jpg

كان فى وسط البلد
وجانب القصر الرئاسى وموجود فى حى السفارات

الغرف كانت ضيقة شوية
وسعر الغرفة كان 400 راند فى الليلة
وبالنسبة للفندق انا شايف انه كتير عليه المبلغ
الغرفة كان فيها كل حاجة تقريبا
بس هى كانت 6 ساعات النوم فقط اللي قعدتهم
اللى عاوز حاجة رخيصة ومكان فى وسط المدينة
ده مناسب جدا
غير كده اعتقد انه هيبقى غير مريح

3- نايزنا

اخترنا فى نايزنا

Homebase Knysna

هو بيت صغير وأصحابه محترمين جدا وغاية فى الزوق

https://farm8.staticflickr.com/7706/...4d4d68e1_o.jpg

احنا حجزنا غرفة تؤام بمرافق مشتركة

كان سعرها 1500 راند للأربع ليالي

وعندك الفيلا تقدر تستخدم فيها اللى انت عاوزه
حمامات، مطبخ، كمبيوتر .....
الحقيقة ممتازة
اكتر ميزة فى البيت ده
ان كل الضيوف فيه كانوا اسرة واحدة
كنا بليل نقعد نتكلم والصبح على الفطار مع بعض
وحتى أولاد صاحب البيت كانوا بيعملوا واجب المدرسة معايا :(47):

تقيمى ليه 10\10
مرافق وغرفة نظيفة، وجو أسرى رااائع

4- كيب تاون

اخر 4 ليالى كانوا فى مدينة كيب تاون

وهنا كان نقطة إختلاف كبيرة بينى وبين صديقى
انا كنت عاوز أقعد فى أوضة مشتركة مع ناس
وهو كان رافض :yolks00800:

فكل واحد قعد فى مكان
انا اخترت

Sunflower Stop

وده بيت قريب من فكرة نايزنا

https://farm8.staticflickr.com/7619/...28750064_o.jpg

بس انا قعدت فى غرفة مشتركة
وكانت رائعة الصراحة
وأكتشفت إن احلى ما فى السفر انك تتعرف على ناس من بلاد مختلفة وثقافات مختلفة
وتعيش معاهم كمان وطبعا كونت صداقات جديدة :(89):

سعر السرير كان 800 راند فى الأربع ليالى
وكان حصل موقف انهم خصموا عليه فلوس بالغلط
بس كانوا محترمين جدا وكل حاجة اتعدلت
وأول ما وصلت كانوا منتظرين وصولى ورحبوا بي جدا

المكان رائع فى جرين بوينت مشى للووتر فرونت ولوسط المدينة
طبعا لمحبى المشى اللى زى :(92):
بالعربية 5 دقايق تقريبا
التقييم 8/10 وده بسبب البار اللى خارج البيت

صديقى توجه للفنادق الغالية
وكان اختياره

Parkinn foreshore

بيقول فندق محترم جدا
وموقعه حلو فى وسط المدينة

بس طبعا غالى جدا
وصديقى لما جرب موضوع البيوت فى نازينا
قال انه اى سفر بعد كده مش هيقعد غير فى بيوت ضيافة

تجهيزات السفر

طبعا جهزنا الشنط مع وضع ملابس أغلبها صيفيى
مع جاكيت "مهم" بعض الأيام كان فى برودة بسيطة فى الجو

و بعض الأطعمة المعلبة

ولا ننسى معدات التصوير
كاميرا نيكون D500

http://u.jimdo.com/www37/o/scd8dd460.../std/image.jpg

وطبعا iphone 4s مهم للتصوير والخرائط

http://www.geeky-gadgets.com/wp-cont...phone-4s-2.jpg

وطبعا أهم شئ الشطافة :yolks00520:

http://static.jumia.com.eg/p/fresh-b...542-4-zoom.jpg

وسجادة صلاة للجيب
محطات البنزين فيها حمامات كنا نتوضى فيها ونصلى بجانب السيارة

تجهيز أوراق الحجوزات وجواز السفر والرخصة الدولية
ولا تنسوا شهادة تطعيم الحمى الصفراء للمسافرين عن طريق الخطوط الإثيوبية

بطاقات الصرف الالى مهمة جدا
وفى رأى افضل من تحويل العملة
وبطاقات credit لاستئجار السيارات "ولى أعرفه انه لازم كريدت"

كل شئ الان جاهز للسفر وبسرعة جدا
انه مساء يوم الخميس 19-3 موعد التوجه الى المطار
تم عمل webcheckin لسرعة انهاء الإجراءات

كان موعد الطائرة من القاهرة الى اديس الساعة 2:15 صباح الجمعه 20-3
والحمد لله الطائرة فى موعدها

https://farm8.staticflickr.com/7586/...a1f1311a_o.jpg

طبعا الطائرة مريحة جدا
حاولت النوم دون فائدة :yolks00430:

بعد تقريبا 3 ساعات ونصف وصلنا اديس

https://farm9.staticflickr.com/8739/...4ab153ce_o.jpg

اللى حسيته من المطار واللى شوفته من شباك الطيارة
انهم مستوى المعيشة قليل جدا
معظم البيوت عشش حتى المطار صغير وغير مجهز بأى وسائل ترفيه
وزحمة شديدة

توجهنا من الطائرة الى الصالة

https://farm9.staticflickr.com/8749/...365be1a7_o.jpg

حتى واحنا راكبين الباص عمل بينا حادثة :yolks00590:

وصلنا الصالة الصغيرة جدا

ومن الواضح انهم بيبنوا توسعات للصالة

https://farm9.staticflickr.com/8735/...b0f4a3b1_o.jpg

https://farm9.staticflickr.com/8709/...6b795d93_o.jpg

مفيش وقت نقعده فى الصالة كتير
كان الفرق بين الطائرتين تقريبا ساعه ونصف فتقريبا مقعدناش

https://farm8.staticflickr.com/7646/...a122bf54_o.jpg

توجهنا الى الطائرة الثانية المتجهة الى جوهانسبرج

https://farm8.staticflickr.com/7710/...1f41a035_o.jpg

الطائرة كانت على اخرها ومفيش كرسي فاضى
وكانت مليانة يهود :yolks00530:

https://farm8.staticflickr.com/7607/...14186aca_o.jpg

كانت مدة الرحلة تقريبا 5 ساعات

وده جبل كلمجارو اعلى قمة فى افريقيا وموجود فى تنزانيا

https://farm8.staticflickr.com/7714/...2a8fe4dc_o.jpg

ودى مدينة هرارى عاصمة زيمبابوى

https://farm9.staticflickr.com/8696/...530d1974_o.jpg

وصلنا جوهانسبرج فى الموعد الساعة 1:10 ظهر يوم الجمعة 20-3
إستلمنا الشنط وختمنا الجوازات
وسحبنا فلوس من ماكينات المطار

واشتريت شريحة من MTN فيها 30 راند و 2.5 جيجا انترنت كانت 180 راند
دى هستخدمها علشان الخرائط فى الموبايل

وتوجهنا الى استلام السيارة

https://farm9.staticflickr.com/8806/...57d2c30c_o.jpg

كانت من شركة اسمها bidvest تبع budget
وكانت نوعها سزوكى alto موديل السنة

استلمنا السيارة وكان معانا أكل فى الشنط للغذاء
كلنا بسرعة وصلينا

وفتحنا الموبايل وطبعا رفيق الرحلة google maps
كنا نكتب المكان اللى رايحينه وهو يجيب الطريق
انا شايفه أحسن من الgps والإحداثيات
وكان مثلا لو طريق زحمة يقول ان فى طريق تانى فاضى
وهيوفر وقت قد ايه
وكمان لو معاك احداثيات ومش معاك اسم المكان تكتبها فيه ويشتغل

خرجنا من المطار الساعة 3 ونص العصر تقريبا
ومشينا على الطريق الى نيلسبرت
كان تقريبا 320 كيلو
بس طبعا أول يوم سواقة كنت سايق بطئ شوية والطريق خد 5 ساعات
مع راحة 30 دقيقة فى النص
كان فى 2 كارتة فى الطريق واحدة ب 50 والتانية ب 75 راند
السرعة فى اغلب الطرق السريعة 120
ولو مدينة بتبقى 60
السواقة هناك والطرق مريحة جدا حتى لو ليل

وللاسف مصورناش فى الطريق ده زى ما قلتلكم كنا اول يوم وماشين على حذرنا
وصلنا نيلسبرت الساعة 8 ونصف مساءا والفيلا فيها مكان لركن السيارة
إستقبلنا صاحب البيت بترحاب كبير جدا وكان معاه خريطة للولاية والأماكن اللى فيها
وإحتجناها واحنا بنلف كتيير

ودخلنا الغرفة وطبعا على السرير على طول
كان بقالى يومين منمتش غير ساعة فى الطيارة

نتقابل بكرة الصبح علشان ورانا يوم طويل فى "نهر سابى وطريق البانوراما"

الى اللقاء