شبكة و منتديات العرب المسافرون - آخر أيام الصيفية فى جنوب القارة الأفريقية.......(جنوب أفريقيا مارس 2015)

بسم الله الرحمن الرحيم

الحلقة الثالثة (Kruger National Park)

السلام عليكم ورحمة الله وبركاته
النهارده معادنا مع واحدة من أقوى حلقات التقرير ان شاء الله
ومع إحدى البقاع الرئيسية اللى من أجلها شدت الرحال الى جنوب أفريقيا

طبعا اول ما حد يسمع انى رايح جنوب أفريقيا يا كان يقولى حرامية وقطاع طرق
يا يقول حيوانات وغابات وده لان جنوب أفريقيا فيها الكثير والكثير من حدائق الحيوانات الخاصة
والمحميات والحدائق الوطنية العامة

والتى فى صدارتها بلا منازع
كروجر بارك

https://lh3.googleusercontent.com/-l...20-c/photo.jpg

Kruger National Park | South African Safari and Lodging Guide

متنزه كروغر الوطني هو أكبر المتنزهات الوطنية في جنوب أفريقيا. يغطي المتنزه مساحة قدرها 18989 كم مربع، ويمتد لمسافة 350 كم من الشمال إلى الجنوب، و60 كم من الشرق إلى الغرب

مكان كروجر فى أقصى اشمال الشرقى من جنوب أفريقيا
عند الحدود مع موزمبيق وزيمبابوى

http://media.web.britannica.com/eb-m...4-81C898B9.jpg

http://www.southafricakrugernational...p-4.jpg?52c340

وفى كروجر تم تصوير أشهر أفلام الحيوانات على اليوتيوب

https://www.youtube.com/watch?v=LU8DDYz68kM

أكبر المدن القريبة منه هى مدينة نيلسبرت فى جنوب أفريقيا
فى كروجر فى كذا طريقة للتمتع بها
ممكن تختار المبيت فى المنتجعات بداخل البارك "أسعاره غالىة"
او تاخد معاك خيمة وتبات فى كامب
او تقعد فى اكواخ او خيام تبع الكامب
او تعمل زى ما عملنا كده تختار مكان تلف بيه بسيارتك لمدة يوم
مع العلم ان البارك كبيرة جدا على الأقل 3 ايام علشان تلفها كلها
كان اختيارنا نلف فى المنطقة الجنوبية نتيجة لقربها من نيلسبرت

بوابات الحديقة بتفتح من الساعة 6 صباحا وبتقفل 6 المغرب
طبعا إستيقذنا من الفجر وصلينا الفجر وانطلقنا بسيارتنا الى كروجر

قررنا الدخول من بوابة malelane فى أقصى الجنوب وتقريبا تبعد 45 دقيقة عن نيلسبرت
وصلنا البوابة فى حدود الساعة السادسة
دخلنا ملينا الابليكيشن للدخول وتم تفتيش العربية علشان ممنوع الصيد
ودفعنا رسم الدخول وكان 520 راند للشخصيى تقريبا
وللاسف مفيش غير خريطة للبارك متوفرة غير باللغة الألمانية
كانت مش مشكلة لان معايا الخريطة على الايفون
وبصراحة الطرق فى داخل البارك منظمة وفيها لوحات إرشادية عند كل تقاطع

فى كروجر او فى افريقيا عموما فى اكبر خمس حيوانات
الأسد- الفيل- الجاموس الأفريقيى- وحيد القرن- الليوبارد (حاجة بين النمر والفهد)

وطبعا كان التارجت لينا نشوف الخمسة دول

نظرة عامة على خط السير هندخل من malelane وهنمشى ل skukuza ومنها الى lowe sabie ثم crocodile bridge والخروج من malelane مرة اخرى

طبعا البارك فىها الطرق الرئيسية مرصوفة وفى طرق بتبقى وصت الغابات وطرق رملية هى
طبعا الطريق اللى قولتلكم عليه مش مشيناه بالظبط
كنا بندخل كتير فى الطرق الفرعية علشان تكون فى فرص اكبر لرؤية الحيوانات
السرعة فى البارك أخرها 50 فى الطرق المرصوفة و 40 فى الطرق الرملية

ملحوظة الخريطة اللى فوق دى خريطة الطرق الرئيسية
وفى طرق فرعية كتيير جدا هتلاقوها فى موقع البارك pdf لكل جزء من البارك "شمال ، جنوب، شرق ... الخ"
اللينك ده فى الخريطة بالتفاصيل Kruger Park Map

نبدأ جولتنا فى البارك
أول حيوان شوفناه كان الغزلان واللى طول ما انت بتتحرك فى البارك هتشوفها
واكتر حيوان موجود هناك

https://farm8.staticflickr.com/7762/...649855ed_o.jpg

ومع اول طريق فرعى دخلنا فيه

https://farm1.staticflickr.com/407/1...f30749c4_o.jpg

كان فيه فيل واقف بعيد بس للأسف معرفناش نصوره
اليوم شكله هيمشى حلو فى نص ساعة شوفنا أول واحد من الخمسة

معظم الطرق الفرعية بتبقى مدكوكة بطريقة كويسة
بس فى اماكن بتبقى صخور وجبال عالية والسواقة صعبة جدا
بس دى نادرة جدا جد يعنى امشي فى اى طريق ولايهمك

ورجعنا للطريق الرئيسى ومفيش غير شوية غزلان وفيل

https://farm1.staticflickr.com/264/1...99828496_o.jpg

فين الحيوانات

https://farm9.staticflickr.com/8875/...2753fc8e_o.jpg

مناظر طبيعية رائعة

https://farm8.staticflickr.com/7773/...807791b7_o.jpg

https://farm8.staticflickr.com/7795/...4a9d98db_o.jpg

البارك لا نهاية لها :yolks00180:

https://farm1.staticflickr.com/532/1...066c653a_o.jpg

وأخيرا بعد تقريبا ساعتين مشى
لقينا حيوان جديد
نسور :yolks00350:

https://farm8.staticflickr.com/7742/...3ea58028_o.jpg

وزى ماقلتلكم المفروض شهر مارس ده اخر موسم الأمطار
بس من كلام الناس هناك ان السنة دى جفاف ومفيش مطر
والصورة الجاية دليل على كده

ده من فوق احد الانهار فى البارك

https://farm8.staticflickr.com/7772/...1fa4e071_o.jpg

الوقت بقى الساعة 9 تقريبا والشمس بدأت تسخن
ونسيت اقولكم ان اليوم ده كان متوقع درجة الحرارة توصل فيه ل 35 مئوية
والغزلان واقفين تحت شجرة من الشمس

https://farm8.staticflickr.com/7750/...8390e5aa_o.jpg

وبعد تقريبا 4 ساعات وصلنا skukuza

https://farm1.staticflickr.com/508/1...ea137f26_o.jpg

طبعا كنا محبطين احباط شديد
مفيش حيوانات
الجو حر جدا
المايه اللى معانا سخنت وتعبنا من قاعدة العربية
المهم نزلنا نتمشي شوية فى الكامب

ده المبنى الرئيسى والاستقبال

https://farm8.staticflickr.com/7740/...487898fc_o.jpg

ودى خريطة الكامب

https://farm9.staticflickr.com/8788/...0fbb53e1_o.jpg

https://farm1.staticflickr.com/484/1...7f4b46ea_o.jpg

ومربيين هناك حيوانات
خنازير :yolks00630:

https://farm9.staticflickr.com/8860/...5362f35c_o.jpg

كملنا مشى فى الكامب

https://farm9.staticflickr.com/8765/...3c958fd3_o.jpg

الاكواخ دى بتتأجر بالليلة
وومكن بتجيب الكرفان بتاعك وتقعد فىه او فى خيمة
وفى اماكن مخصصة لكده
ومتقلقش من حاجة

شايفين الكشك ده

https://farm9.staticflickr.com/8769/...1223f30d_o.jpg

ده فيه كل حاجة هتحتاجها
كهربا و بوتجاز للطبخ و حتى فيه ماية مغلية جاهزة للشاى

رجعنا تانى ناحية الاستقبال ولقينا الخريطة دى

https://farm8.staticflickr.com/7747/...2d042f3e_o.jpg

ده الجزء الجنوبى من البارك وكل واحد شاف حيوان بيحط مكانه على الخريطة فى اليوم اللى احنا فيه واليوم السابق
احنا مكناش شوفنا غير فيل اول ما دخلنا حطينا مكانه وشوفنا فين أقرب مكان على الخريطة

زووم اكتر على الخريطة

https://farm1.staticflickr.com/297/1...a531e7d6_o.jpg

https://farm1.staticflickr.com/455/1...9baa12f9_o.jpg

واضح ان منطقة نهر سابى دى مليانة حيوانات فقررنا ناخد لفة فيها
كل كامب بيبقى فى محطة بنزين وحمامات واوقات سوبر ماركت صغير
وبيبقى حواليها زى سور صغير ومكهرب علشان الحيوانات متدخلش
ولو هتقعد فى كامب منهم بيبقى ممنوع الخروج منه بعد الساعة 6 المغرب ولحد 6 الصبح
بس الميزة فى سكوكوزا ان الاستقبال كان فيه مايه ساقعة :yolks00250:
شربنا وملينا مايه

http://www.krugerpark.co.za/images/e...rounds-map.jpg

الطريق s83 ثم H12 بعد كده H1 تانى لسكوكوزا

خرجنا من الكامب بعد ما ريحنا وشربنا وتوجهنا الى نهر سابى

https://farm8.staticflickr.com/7791/...193ce2f4_o.jpg

https://farm8.staticflickr.com/7763/...92d8bc7d_o.jpg

https://farm8.staticflickr.com/7778/...e6ed52bb_o.jpg

وواضح كده ان النهر فيه مايه عكس الباقى
والمعروف ان الحيوانات بتبفى جنب الاماكن اللى فيها مايه
بس فى عز الظهر والحر ده مش هيطلعوا
بس نجرب حظنا

العيور من فوق النهر
وسيارة واحدة بتعدى وعلى الباقى الانتظار

https://farm8.staticflickr.com/7781/...fed81039_o.jpg

ووصلنا الجهة الشمالية من النهر
واللى كانت مليانة حيوانات على الخريطة اللى شوفناها فى الكامب

ومشينا فيه شوية ولقينا ده

https://farm8.staticflickr.com/7728/...80000874_o.jpg

فيل :yolks00740:

وكملنا مشى على ضفاف النهر ولقينا زحمة كتير وناس واقفة مش بتتحرك
فيه ايه ياجدعان

https://farm9.staticflickr.com/8875/...7caacf0d_o.jpg

ده باينه هو ولا ايه :yolks00180:

اه هو فعلا
ملك الغابة الاسد :yolks00660:
فينك من زمان يا اس اس :yolks00660:
الحمد لله كنت خلاص فقدت الامل انى اشوفه لان الاسود مش بتتطلع من اماكنها الا الفجر والمغرب بس
وطول اليوم نايمة

ومن الواضح انهم مجموعة اسود واشبال
طبعا الناس مسابوهمش فى حالهم غير لما شبل طلع من تحت

https://farm1.staticflickr.com/338/1...d1b5f5f3_o.jpg

بينى وبينه متر :yolks00740:

https://farm1.staticflickr.com/482/1...a723a2a6_o.jpg

طبعا قفلت الشباك وفضلنا ماشيين جنبه بالعربية

https://farm9.staticflickr.com/8858/...cb278689_o.jpg

لحد ما دخل فى الغابة جوه واختفى
والباقيين نايمين تحت عند النهر ومش باينيين
قررنا ان خلاص هدفنا الاول من زيارة البارك خلاص حققناه
وقررنا نكمل المسيرة حول منطقة النهر ونسيب الاسود شوية

كده 2 من 5 اسد وفيل

ولقينا فى طريقنا فيل تانى

https://farm1.staticflickr.com/396/1...bebc2dc0_o.jpg

واذ فجأة لقينا ده قاعد

https://farm9.staticflickr.com/8777/...62963a93_o.jpg

ايه ده :yolks00350:

استنوا استنوا
ده واحد من الخمسة
جاموس افريقى :yolks00660:
بس الصورة من بعيد شوية فا مش باين للاسف

الطريق ده مليان حيوانات

3 من 5 (اسد وفيل وجاموس) باقى 2 بس
يا مسهل يارب

نكمل فى طريق النهر

ايه ده كمان

https://farm1.staticflickr.com/379/1...f4408966_o.jpg

https://farm1.staticflickr.com/371/1...968cbc28_o.jpg

زرافة يا جمالو يا جمالو :yolks00740:

كده نبقى خلصنا الطريق الشمالى من اللوب حول نهر سابى
هنرجع تانى من الجنوب فى اتجاه سكوكوزا

https://farm9.staticflickr.com/8844/...15382e90_o.jpg

جفاف برضه
وفى اى مستنقع او مكان فيه مايه لازم تلاقى ده

https://farm9.staticflickr.com/8894/...a92ffd51_o.jpg

فرس النهر
بس للاسف طول الوقت هو قاعد تحت المايه
باين ظهره البنى الغامق من فوق المايه
بيطلع يخطف نفس وينزل تانى ومعرفتش اصوره

نكمل طريقنا فى اتجاه سكوكوزا

https://farm8.staticflickr.com/7786/...2ab9ff0d_o.jpg

ووصلنا لطريق مسدود وفيه عربة النقل دى

https://farm1.staticflickr.com/469/1...378eec87_o.jpg

https://farm9.staticflickr.com/8790/...86d5e84c_o.jpg

وبتعدى النهر فوق السكة الحديد تقريبا لنقل البضائع

وصلنا سكوكوزا كان وقت الظهر صلينا ظهر وعصر
وملينا المايه تانى وقولنا نمشى نفس اللوب بس بدل ما نرجع يعد ما نخلص شمال النهر
لا هنكمل فى اتجاه lower sabi
مشينا فى نفس الطريق وتقريبا كل الطريق الشمالى مكانش فيه حيوانات خالص
تقريبا ناموا تانى :yolks0060:
بس كان فيه قرود بتتخانق ومعرفتش اصورها

بعد مخلصنا شمال النهر ورجعنا بدل ما ندخل فى اتجاه الغرب ناحية سكوكوزا
دخلنا للشرق فى اتجاه لوير سابى

واول حاجة لقينا ده

https://farm1.staticflickr.com/301/1...cc1684c7_o.jpg

https://farm1.staticflickr.com/336/1...cc9043da_o.jpg

https://farm9.staticflickr.com/8801/...af937375_o.jpg

https://farm8.staticflickr.com/7732/...a24da14c_o.jpg

ده شكله ظبى
بس نوع كبيير شوية

وتقريبا على الساعه 1 كده لقينا كل الغزلان مرة واحدة نزلوا يشربوا من النهر
ورجعوا تانى وكانوا بيجروا فى كل مكان
سبحان الله منظمين جدا

طول الطريق كان النهر على ايدينا الشمال وطبعا مليان حيوانات

https://farm9.staticflickr.com/8797/...127e56ce_o.jpg

https://farm9.staticflickr.com/8887/...8b5a5ff1_o.jpg

قطيع من الافيال الصغيرة والكبيرة

ودى بعض المناظر الطبيعية من الطريق

https://farm9.staticflickr.com/8786/...673545db_o.jpg

https://farm8.staticflickr.com/7762/...2f43959f_o.jpg

https://farm9.staticflickr.com/8828/...a84c3bf9_o.jpg

ومرة اخرى زرافة

https://farm8.staticflickr.com/7758/...eeeffe80_o.jpg

ونسر واقف على الشجرة

https://farm9.staticflickr.com/8896/...7cec514c_o.jpg

https://farm9.staticflickr.com/8819/...93c1dc6c_o.jpg

ولقينا دول

https://farm8.staticflickr.com/7771/...6b103255_o.jpg

https://farm8.staticflickr.com/7729/...041895ea_o.jpg

https://farm1.staticflickr.com/539/1...fe9e9958_o.jpg

قطيع من الافيال بيعدى الطريق فى اتجاه النهر

https://farm8.staticflickr.com/7796/...20d6ca0f_o.jpg

وفيل صغي مع امه
جميل جدا ما شاء الله

ولقينا الاسد ده بين الاشجار

https://farm8.staticflickr.com/7750/...817bf6e8_o.jpg

الناس حاولوا كتيير يطلعوه بره دون جدوى

ومازلنا نسير فى بجانب النهر

https://farm9.staticflickr.com/8785/...724867e8_o.jpg

وواضح تغيير البيئة فى المنطقة دى الى الحشائش الصغيرة
واصبح افق الرؤية واسع

https://farm9.staticflickr.com/8817/...44f99b3f_o.jpg

وواضح اختفاء اشعة الشمس ورا السحب
وكان فعلا نقطة تحول كبيرة فى الاجواء لان الحرارة كانت شديدة
لان فى معظم الوقت كان صعب تشغييل تكييف العربية
لان كل شوية تلاقى حيوان تفتح وتصور فكان الحل الامثل اغلاقه
وتقريبا ده اليوم الوحيد فى الرحلة كلها اللى فتحنا فيه تكييف العربية
الاجواء عامة كانت جميلة

https://farm9.staticflickr.com/8854/...887585a5_o.jpg

وافراس النهر مرة اخرى فى احد المستنقعات

وصلنا lower sabi بس مدخلناش الكامب
اتجهنا جنوبا فى اتجاه crocodile bridge

وبعدنا عن النهر و رجعنا للمشى فى وسط اليابس
وكنا ماشيين على الحدود مع دولة موزمبيق
ويمكن الجبال اللى هناك دى فى موزمبيق مش جنوب افريقيا

https://farm9.staticflickr.com/8885/...8fe2c2d9_o.jpg

https://farm8.staticflickr.com/7740/...ee563eb8_o.jpg

يمكن نلاقى حيوانات جديدة

وبالفعل

https://farm8.staticflickr.com/7785/...18aab20f_o.jpg

احد اشهر حيوانات افريقيا

الزيبرا او الحمار الوحشى او الحمار المخطط

https://farm9.staticflickr.com/8769/...17e2fde0_o.jpg

https://farm8.staticflickr.com/7787/...bdf2a786_o.jpg

ويمكن هو اجمل الحيوانات فى الشكل اللى شوفناه فى البارك

https://farm8.staticflickr.com/7741/...b759ef33_o.jpg

وده اثناء عبوره الشارع

https://farm9.staticflickr.com/8765/...062b7bb1_o.jpg

https://farm9.staticflickr.com/8809/...c173da8d_o.jpg

https://farm8.staticflickr.com/7741/...7e8e8b5a_o.jpg

يعيشون فى قطعان برضه

ولقينا ده

https://farm1.staticflickr.com/484/1...76377a05_o.jpg

https://farm9.staticflickr.com/8820/...1306a79f_o.jpg

اسمه النو وهو شبه الجاموس بس اصغر شوية

https://farm1.staticflickr.com/273/1...c2f198ba_o.jpg

https://farm9.staticflickr.com/8842/...993cbe24_o.jpg

وشايف فى الافق بعض الاراضى اللى متعدلة عن طريق البشر
اذا اقتربنا من اخر البارك من الجنوب

وبالفعل وصلنا crocodile bridge

https://farm1.staticflickr.com/529/1...87e54489_o.jpg

الكامب هنا اصغر شوية من سكوكوزا
بس ميزته انه فى سوبر ماركت صغير وكافيه
وجنبه على طول باب للبارك يطلعك على الطريق بره

قررنا الراحة قليلا
وجبت الايس كريم ده

https://farm9.staticflickr.com/8841/...0582991f_o.jpg

طعمه جميل جدا

https://farm8.staticflickr.com/7760/...c54ff117_o.jpg

وبرضه مربيين خنازير

بعد الاستراحة القصيرة كان باقى تقريبا ساعه وربع على موعد اغلاق البوابات الساعة السادسة
فقررنا المجازفة وشوفنا اقرب طريق يودينا malelane ودى البوابة اللى دخلنا منها
ويمكن نشوف حيوانات جديدة

http://www.krugerpark.co.za/images/e...h-west-map.jpg

http://www.krugerpark.co.za/images/e...h-east-map.jpg

هنمشى S25 بعد كده S114 للبوابة

https://farm8.staticflickr.com/7744/...4dcfd7af_o.jpg

كان طريق ترابى

https://farm9.staticflickr.com/8788/...046a220c_o.jpg

https://farm8.staticflickr.com/7740/...c3acf799_o.jpg

طائر واقف عند البركة

ومرة تانية نشوف الزيبرا

https://farm9.staticflickr.com/8765/...70c9951c_o.jpg

https://farm1.staticflickr.com/289/1...fd40b12a_o.jpg

وقرينا على وقت الغروب

https://farm8.staticflickr.com/7748/...73d43ebb_o.jpg

https://farm1.staticflickr.com/472/1...ab0b49f4_o.jpg

كنا ماشيين بسرعة عالية علشان نلحق البوابات

https://farm9.staticflickr.com/8869/...0e5aec48_o.jpg

وفجأة ومن غير محد يتوقع

https://farm9.staticflickr.com/8758/...1462bd53_o.jpg

ايوه هو
وحيد القرن :yolks00250:
وده احد اندر الحيوانات فى افريقيا واللى قرب ينقرض

https://farm1.staticflickr.com/298/1...1841ae51_o.jpg

https://farm8.staticflickr.com/7742/...5a1f6beb_o.jpg

https://farm8.staticflickr.com/7773/...89d8e4f0_o.jpg

كانوا 3
وهناك كنت بشوف اعلانات كتيير لحماية وحيد القرن
وبيجمعوا فلوس ليه وممنوع صيده

كده الحمد لله رقم 4 من اكبر 5
"فيل و أسد و جاموس و وحيد القرن"
مش باقى غير الليوبارد ياترى هنشوفه
المعروف عنه انه بيبقى على الشجر فكان كل تركيزنا على الشجر

واحنا ماشيين لقينا زحمة

https://farm8.staticflickr.com/7756/...7924e0b2_o.jpg

وواضح كده ان فى اسد

https://farm8.staticflickr.com/7759/...111b5952_o.jpg

كانوا اتنين ذكر وانثى
واقتربت منها تقريبا لحد متر واحد

https://farm8.staticflickr.com/7756/...2ea26ce8_o.jpg

والناس حذرونى من خطورة اللى بعمله ده لانى كنت فاتح شباك العربية

المهم هى خافت منى وراحت للذكر يحميها :yolks00260:

https://farm8.staticflickr.com/7778/...226ccce3_o.jpg

https://farm9.staticflickr.com/8832/...96a18d5b_o.jpg

جمال جدا ما شاء الله

https://farm1.staticflickr.com/558/1...37556f86_o.jpg

وغابت الشمس واحنا لسه موصلناش البوابة

https://farm1.staticflickr.com/467/1...5ee038c8_o.jpg

وزودنا السرعة اكثر تقريبا ضعف المسموح بيه

https://farm1.staticflickr.com/301/1...537bbc92_o.jpg

https://farm8.staticflickr.com/7762/...e9e617b5_o.jpg

والطريق مش بيخلص والساعه عدت 6

https://farm8.staticflickr.com/7744/...8f856839_o.jpg

https://farm9.staticflickr.com/8889/...66564bcb_o.jpg

ووصلنا اخيرا الطريق المرصوف

https://farm9.staticflickr.com/8757/...c16b106b_o.jpg

https://farm1.staticflickr.com/428/1...205ec42f_o.jpg

ووصلنا البوابة تقريبا مع بدأ الظلام
متأخرين تقريبا ربع ساعه
لكن الحمد لله محصلش مشاكل وخرجونا عادى من البوابة

https://farm8.staticflickr.com/7781/...e27b120d_o.jpg

لنبدأ طريق العودة الى نيلسبرت

https://farm9.staticflickr.com/8767/...97f38c18_o.jpg

الطريق كان فيه كارتة تمنها 50 راند

https://farm1.staticflickr.com/489/1...277eee87_o.jpg

ودى المدينة بجوار البوابة

https://farm9.staticflickr.com/8760/...4a554e70_o.jpg

ودى صورة الطريق وزى ما قلتلكم السواقة بالليل هناك سهلة جدا وأمان الحمد لله

وصلنا البيت تقريبا الساعه 8
وقعدنا مع صاحب البيت نحكيله والراجل كان ما شاء الله محترم جدا

وكده يكون خلص واحد من امتع واجمل واطول ايام الرحلة
على الرغم اننا مشوفناش الليوبارد
بس نسبة 4 من 5 تعتبر من big five لرحلة يوم واحد تعتبر ناجحة جدا جدا الحمد لله

التقييم للبارك واليوم
طبعا مش محتاجة كلام 10\10

شوية نصائح لو هتعملوا زيارة ليوم واحد
متنساش تملوا تانك البنزين فى العربية والمحطات موجودة فى الكامبس بس احتياطى برضه
لو الزيارة فى الصيف يبقى المايه الساقعة شئ مهم جدا يفضل لو يكون معاكم حاجة تحافظ على برودة الماء
الاكل مش مهم قوى كان معانا شوية بسكوت وسناكس كفونا اليوم الحمد لله
مستحيل تلف البارك كلها فى يوم او يومين على الاقل 3 ايام
الحيوانات المفترسة بتصطاد وقت الشروق ووقت الغروب
الصبر وانت فى البارك ممكن يعدى عليك ساعات من غير ما تشوف حيوان واحد

كده تقريبا انا خلصت كل المعلومات ليوم ولو فى اى خطأ سامحونى عليه

اراكم فى الحلقة القادمة و "صن سيتى"

تحياتى

بسم الله الرحمن الرحيم
الحلقة الرابعة (SunCity)

السلام عليكم ورحمة الله وبركاته

صباح يوم الاثنين 23-3-2015

كالعادة صحيت من الفجر صليت وجهزت الشنط
وفطرت واستنيت صاحبى يجيى ساعتين على ما صحى :yolks00480:
المهم صحي وجهز شنطه وودعنا صاحب المنزل
وقالنا شوية نصايح
زى متقفوش لحد فى الطريق ونخبى الحاجات الثمينة علشان زجاج العربية هيكسروه وياخدوها
زى اى بلد يعنى
وقال متصرفوش فلوس فى صن سيتى كتيير :200:

نبذة عن صن سيتى

كان فى رجل اعمال معاه فلوس
وعاوز يعمل مشروع فندق من افخم فنادق العالم فقرر بناء منتجع صن سيتى
واختار المكان على انقاض مدينة قديمة اثرية
وبالفعل قد كان ففندق the palace واحد من أفخم الفنادق فى العالم
وهو احد الفنادق فى صن سيتى
فى فنادق تانى زى كبانس سعرها معقول لمن اراد الاقامة فى المدينة
او الخيار المفضل للسياح الاقتصاديين زى كده المبيت فى فندق خارج المدينة وزيارتها ليوم واحد
اقرب مدينة ليها مدينة روستنبرج وهى عاصمة مقاطعة نورث ويست

صن سيتى فيها حاجات كتير
زى فالى اوف ويفز او وادى الموج وده زى حمام سباحة صناعى وفى امواج Valley Of Waves
وفى البحيرة وفيها العاب مائية
وفى ركوب المنطاد
وفى المتاهة للمدينة الضائعة The maze of the lost palace
وفي بجانبها محمية بيلانسبرج الطبيعية زيها زي كروجر بس مع الفارق plensibner national park

نرجع تانى لرحلتنا
انطلقنا من المنزل فى نلسبروت الساعة 8 صباحا تقريبا والطريق بياخد 5 ساعات
تبعد عن نلسبروت تقريبا 500 كيلو
وزى ماقلتلكم الطريق مش مشكلة السواقة مريحة جدا
وطبعا كنا بنبدل انا وصديقى
حطينا بنزين للعربية واشترينا مؤن (مايه وشيبسى وعصاير) للطريق
حطينا العنوان على جوجل مابس وانطلقنا

صديقى تولى القيادة فى اول الطريق فكان فى فرصة اصور

الطريق فى نلسبروت

https://c1.staticflickr.com/1/317/18...63935cd4_o.jpg

https://c1.staticflickr.com/1/465/19...aeb34ca3_o.jpg

وده ملعب مومبيلا او نليسبرت "يطلق عليها الاسمين" وكان اتلعب فيه مبارايات كأس العالم 2010

https://c1.staticflickr.com/1/526/19...b93eec72_o.jpg

الطريق كان من أروع الطرق اللى مشينا فيه وكان اول مرة نشوفه لاننا وصلنا فيه بالليل

https://c1.staticflickr.com/1/520/19...02baf68e_o.jpg

https://c1.staticflickr.com/1/346/18...51936f99_o.jpg

https://c1.staticflickr.com/1/262/18...f41a485f_o.jpg

الطريق من نليسبرت الى ويت بانك تول مزدوج بس مفيش مشاكل
الناس هناك ملتزمة جدا والطرق مريحة جدا جدا

https://c1.staticflickr.com/1/450/19...71dd88da_o.jpg

وساعات يفتح حارة للتخطى او لو فى طريق يمين او شمال

https://c1.staticflickr.com/1/493/19...1eb75d68_o.jpg

ودى قرى الأفارقة اصحاب البشرة السوداء

https://c1.staticflickr.com/1/335/19...ea2371d2_o.jpg

وللاسف هتشوفوا المنظر ده على أطراف المدن وفى الطرق السريعة
وعلى الرغم من التقدم الهائل ومستوى المعيشة المرتفع جدا جدا فى جنوب أفريقيا
لكن للاسف مازالت سياسة التمييز العنصرى موجودة وبشدة
فأصحاب اللون الاسود أغلبيتهم يعيشوا فى عشش او بيوت صفيح فى القرى
وكنت بشوفهم واقفين على الطريق بيوقفوا اى عربية مواصلة ليهم
طبعا لان البلد هناك مش مهتمية بالمواصلات لان البيض كلهم معاهم سياراتهم الخاصة
لكن فى جوهانسبرج وكيب تاونفى بعض السود مستواهم مرتفع
لكن الاغلبية كما ترون
الابيض فى فلل وقصور فارهة والاسود فى عشش وبيوت صفيح

نكمل طريقنا

ده واحد بيوسعلنا الطريق

https://c1.staticflickr.com/1/520/18...4bed962f_o.jpg

https://c1.staticflickr.com/1/520/18...15fbfe8a_o.jpg

وكان علينا اننا نعدى من النفق وسط الجبل

https://c2.staticflickr.com/4/3870/1...27bcfcdd_o.jpg

https://c1.staticflickr.com/1/464/18...7b775fe6_o.jpg

وصلنا

https://c1.staticflickr.com/1/405/19...5a80ba3a_o.jpg

https://c1.staticflickr.com/1/296/19...c0fc4a68_o.jpg

يدأت معالم الطبيعة تتغير شوية
واعتقد من بسبب تدخل الانسان وتكسير الغابات

https://c1.staticflickr.com/1/506/18...734b3fe4_o.jpg

https://c1.staticflickr.com/1/543/18...f0fa0385_o.jpg

بعض القرى الافريقية البسيطة على جانب الطريق

https://c2.staticflickr.com/4/3748/1...86d2262f_o.jpg

ووصلنا للطريق متعدد الحارات

https://c2.staticflickr.com/4/3856/1...5984f54d_o.jpg

وهنا كان سواقة 200 كيلو وصاحبى تعب
وتوليت انا القيادة :yolks00800:

الطريق اللى اختاره جوجل كان بيمر فى قلب بريتوريا وروستنبرج
على الرغم ان الطريق السريع كان تقريبا يوصل بس أطول
المهم الطرق اللى اختاره كان بيمر فى مناطق طبيعية خرافية فى ولاية نورث ويست
جمال وطرق مفتوحة قدامك مد البصر
كان طريق خيالى فعلا
ومدينة روستنبرج هى حلوة وهادية
بس مستوى المعيشة اقل من بريتوريا و نليسبرت
طبعا الزحمة فى بريتوريا خيالية

المهم وصلنا كانت الساعة 1:30 الظهر
كان هدفنا بس اشوف المكان وادخل وادى الموج valley of waves
وقالولنا فى اوفر للدخول المدينة والوادى الشخص ب 160 راند
دفعنا الفلوس ودخلنا

لفينا بسرعة حول الفنادق وركنت العربية فى الباركينج وانطلقنا
التصوير هيكون بالموبايل بس للأسف

https://c2.staticflickr.com/4/3783/1...74aacbc0_o.jpg

https://c1.staticflickr.com/1/525/19...2a484233_o.jpg

https://c1.staticflickr.com/1/557/19...e42dec7f_o.jpg

دخلنا entertainment center او مركز الترفيه

https://c1.staticflickr.com/1/354/19...befc81c3_o.jpg

وده فيه العاب فيديو والمتاهة والمدخل لوادى الموج

https://c2.staticflickr.com/4/3915/1...bccaeb70_o.jpg

https://c1.staticflickr.com/1/528/18...6621f256_o.jpg

الصور مش واضحة للاسف

https://c1.staticflickr.com/1/548/18...518c2546_o.jpg

https://c1.staticflickr.com/1/262/19...0c11c94c_o.jpg

مضيعناش وقت كتير فى اللف ودخلنا على طول للوادى

https://c1.staticflickr.com/1/558/18...98e4f0c8_o.jpg

https://c1.staticflickr.com/1/373/18...31883f36_o.jpg

مع التماثيل دى كان في مؤثرات صوتية يعنى أصوات افيل وقرود

https://c1.staticflickr.com/1/283/18...135e10f2_o.jpg

https://c1.staticflickr.com/1/451/19...e9a0ecf8_o.jpg

https://c1.staticflickr.com/1/298/19...2c39152b_o.jpg

https://c1.staticflickr.com/1/453/19...74cdbaa0_o.jpg

وده الوادى من فوق

https://c1.staticflickr.com/1/482/18...a4b5ed40_o.jpg

https://c1.staticflickr.com/1/433/18...db3bdd60_o.jpg

https://c1.staticflickr.com/1/312/19...4d9802f2_o.jpg

اجرنا لوكر شيلنا فيه حاجتنا وانطلقنا فى الوادى

اكشاك الاكل وفي منها حلال
ملحوظة ممنوع دخول المأكولات الى الوادى

https://c1.staticflickr.com/1/339/19...b14574c4_o.jpg

https://c1.staticflickr.com/1/274/18...f514022c_o.jpg

أشهر العاب الوادى هو حوض السباحة ده

https://c1.staticflickr.com/1/290/18...6d413a1f_o.jpg

واللى بيبقى فيه أمواج صناعية وهو ممتع جدا جدا ومش عميق
مناسب للاطفال والكبار

عاملين شط رمل وشماسى كأنه بحر حقيقى

https://c1.staticflickr.com/1/424/18...e5a3792d_o.jpg

https://c1.staticflickr.com/1/324/19...9c01278c_o.jpg

https://c1.staticflickr.com/1/266/19...d08822de_o.jpg

https://c2.staticflickr.com/4/3732/1...664219d8_o.jpg

الوادى فيه العاب تانية
فى زحاليق فى المايه
وفيه لعبة زحلقة كده اشبه بالسقوط الحر
وممكن تتزحلق بالعوامات
هى قريبة من صنواى لاجوون اللى فى ماليزيا بس امكانيات اقل

قعدنا تقريبا 3 ساعات فى المايه بين لعبة ولعبة
وكفاية كده

خرجنا من الوادى نشوف المدينة فيها ايه من بره

ده ملعب الجولف

https://c1.staticflickr.com/1/296/19...12d3f2ac_o.jpg

https://c2.staticflickr.com/4/3917/1...18b3c688_o.jpg

وده الكازينو اعاذنا الله

https://c1.staticflickr.com/1/404/19...59fe8f12_o.jpg

قعدنا نتمشى شوية وروحنا فندق بلاس ومردوش يدخلونا :yolks00700:
لازم تكون مقيم فى الفندق

وكان الوقت اتأخر جدا والساعة 8
واحنا لسه ورانا سفر للمبيت فى بريتوريا
كلمت الجيست هاوس وبلغته اننا هنتأخر تقريبا للساعه 11
خرجنا من المدينة وحطينا بنزين وكلنا حاجات خفيفة وانطلقنا

الطرق فى نورث ويست مش زى باقى الولايات
بس تعتبر حلوة برضه
بس الحال بيختلف فى بريتوريا
طرق رائعة بس عيبها كان فى تول كتير
كل شوية 2 راند 3 راند
وكان فى حاجات متعلقة بتخصم من العربية اتوماتيك فى جهاز كده متعلق عند المراية على الزجاج الامامى
مسجل بيانات العربية
وصلنا بريتوريا تقريبا الساعة 10 ونص وعدينا على القصر الرئاسى
اللى كان بين مكان سكنا وبينه تقريبا 200 متر
ووصلنا البيت
وحصل لخبطة فى الغرفة لكن كل شئ تمام
هى ليلة وهتعدى
طبعا نمت تقريبا من غير ما حتى اكل من التعب

تقييم اليوم
وادى الموج الصراحة معجبنيش
يعنى مش مستاهل المشوار علشان فى الاخر شوية زحاليق وحمام سباحة
انا مشوفتش باقى الحاجات فى صن سيتى زى البحيرة
لكن اعتقد انها برضه مش حلوة ومش مستاهلة المشوار

هو بس منتجع فخم لعشاق الفخامة
التقييم 7\ 10

اراكم فى الحلقة القادمة و (الانتقال الى الجاردن رووت)

تحياتى