|
اول شي سفره سعيده ان شاء الله اختيار ممتاز لخط الرحله ووقتها ثاني شي اختي قطريه كفت ووفت ما شاء الله بس انا برد على اشياء بسيطه بحكم تجربتي بالنسبه لخط التلفون اخذه من المطار وافعله عندهم لاني احتاجه لقوقل ماب والطريج .. والسعر مايفرق عن داخل المنطقه .. بالنسبه للتنقل في نيويورك المشي للمكان يعني اذا كان المكان يبيله مشي نص ساعه امشي اذا اكثر كنت اخذ صب واي او lyft او اوبر وليفت ارخص من اوبر .. والمطار نفس شي استخدم واحد منهم .. نيويورك ممتعه في المشي ما راح تحس في الوقت وانت تمشي .. اما الوقت احنا كنا نقعد في التايم لي ساعات متأخره الوضع عادي والحياه شغاله بس اكثر شي لي 1 ويكون فندقنا في التايم لو كان برا التايم لا نرجع على 10 نيويورك جمييييله جميييله ما راح اتحسف انك زرتها اذا تحب العروض في عرضهم يكون وقت الكريسماس فقط من احلى العروض اللي شفتها هذا اسمه Radio City Christmas Spectacular هذا الموقع تحجز منه https://checkout.broadway.com/the-ra...endar/2022/01/ اخر عرض 2 يناير ان شاء الله تلحق عليه برد نيويورك بررررررررد اخذ احتياطك واتمنى لك سفره سعيدة |
حديقة السنترال بارك روعه وقت الكريسماس ويسون فيها معارض و ساحات التزلج |
اقتباس:
تحياتي لك |
اقتباس:
بالنسبة لتوزيع الايام أشوف 4 أيام كثيرة واجد لفيقاس يكفيها يوم واحد الى يومين. اذا يمديك ضيف سان فرانسيسكو (جوها بارد هالايام) وقلل الايام من فيقاس. المواصلات في نيويورك السب واي يكفي وممكن تحتاج الباص. وبالنسبة ل AT&T ممتازة جدا من ناحية التغطية والنت وماراح تواجهك مشاكل ان شاء الله. بالنسبة للمطاعم ياكثرهم في لوس انجلوس واذا يمديك زور مطعم ميدان التحرير و World Famous Grill نصيحة: خذ معاك ملابس ثقيلة برد نيويورك هالوقت مايرحم وخذ معاك قلفز يدك راح تجمد هههه وموفق لكل خير عزيزي |
اقتباس:
طبعاً استبعدت سان فرنسيسكوا بسبب البرد والا طريق الساحل يعتبر حلم انو الواحد يقطعه والتوقف في بعض مناطقه ، وخيار الرجوع من نيويورك بسبب الطيران وتوفره وسعره والا الرحلة خاصة لكالفورينا بشكل تام اقتراحك يقول لاس فيغاس 2 يومين وفي اقتراح طرح انو سان ديقوا تكون زيارة من أنهايم لمدة يوم والعودة مرة أخرى . لو عندك 18 ليلة ..... كيف ممكن تتوزع ؟ باب المشاركة مفتوح للجميع والمخطط مفتوح وهذه ميزة الرحلة الوحدانية :64: السؤال المهم الان في هذه الظروف ، هل مناسب زيارة الغرب الامريكي تحديدا ؟؟ |
وعليكم السلام اخي العزيز فهد رحلة موفقة ان شاء الله سير الرحلة ممتاز جدا واحسنت في شيل مدينة سان فرانسسكو لانها بعيدة جدا وتاخذ من وقتك انصحك تزود المدة في سان ديقو ممتازة جدا جدا وفيها اماكن جميلة ومتعددة وحاول تسكن بجنب الكورنيش لي عودةللنقاش حول الخطة |
اقتباس:
اقتباس:
أستقدت كثيرا منه وقرأته كثيراً طبعاً هدفي من الرحلة هو زيارة القرى الامريكية وليس المدن بشكل اساسي يعني حاب اشوف الحياة الامريكية كما هي .... ولذلك حتى توقفي سيكون في نفس القرية اللي توقفت عندها في عودة من لاس فيغاس الى سان ديقوا طبعا تشرفني وياريت نستفيد ، بخصوص كل شي ، من الفنادق الى ......الخ في انتظارك |
الافضل من وجهة نظري اقتباس:
عليكم السلام ورحمة الله وبركاته ,,, 1- بخصوص توزيع الايام والسكن افضل منطقة LAX والمناطق القريبه منها لعدة اسباب انها المحور في النص تقع عن جميع المناطق وقليل فيها الهوملس لان بجوار المطار ... يعني لو فكرت تذهب سانتا مونيكا راح تبعد 15 دقيقه اااذا هوليوود هايلاند 25 دقيقه اذا حاب يونيفرسال و6 فلاقز يكون مسافه 30-40 دقيقه تبعد عنك سان ديغو مسافه ساعه .. اما المده ممتازه 7 ليالي تكفي لوس انجلوس + سان ديغو ولايتطلب منك ان تجلس 3 ليالي في سان ديغو لحالها مافيها من زود و اختلاف كثير اذا عندك ايام زياده روح شلاالاات نياغرا او تقدر تروح مدن ثانيه .. فيقاس تحتاج 4 ليالي فعلا و نيويورك اقل شي 3 ليالي 2- السكن منهاتن بعيد هو عن جميع الانشطه عدا دزني واذا كنت تفكر تسكن قريب من دزني فهي حديقة ليوم واحد تكفي شرط تكون تذكره هووبر .. الافضل لك السكن في Hawthorn او Inglewood مناطق ال LAX 3- المواصلات نيويورك عليك ب3 برامج معروفه اوبر و لفت و كارمل .. لكن اذا حاب الارخص عن طريق القطار MTA 4- لا يوجد اقصى وقت للتجول .. اذا كنت في لوس انجلوس طبيعتها نهارية بتقوم الصباح 8 او 9 من الطبيعي راح تنام بدري 9 او 10 بالليل ... لكن فيقاس يختلف الوضع يحتاج منك تسهر شوي عادي لي 11 و 12 .. اما نيويورك فهي حياه نهار وليل 5-افضل شريحة عن تجربه T-Mobile انا مجرب كل الشركات AT&T , Spirit ولكن الافضل من ناحية تغيطة هي وسعر T-mobile سعرها 50 دولار مع تغيطة 5جي شامل انترنت واتصال مفتوح لمدة شهر كامل ,, افضل مكان لشراء البطاقه من محل الفرع الخاص بالشركه نفسه داخل المدينه ليس بالمطار ولك تحياتي وسفرة سعيده |
اقتباس:
هل المقصود بمنطقة Lax هي المناطق جنوب المطار ؟ وأعتقد انك تقصد أنهايم في النقطة الثانية ، am I right ؟ هل الشريحة تشتغل على جوالات شركة هوواي اللي عليها قوقل بلاي ؟ الرحلة مخطط لها تبدأ في نهاية ديسمبر ، اذا ممكن انسب توزيع أيام في رأيك ؟ وهل استمر في مخططي الحالي والا الموضع يبغى له تأجيل في الاوضاع الحالية ( كورونا وووووووو النسخة الجديدة ) ؟ تحياتي لك |
اهم شي ثقل الملابس برررررد اقتباس:
شريحة T-Mobile تشتغل على كل شي وتغطيتها ممتازه الوضع الحالي امريكا .. فقط نيويورك تحتاج فيها إلى شهادات التطعيم لدخول المطاعم والمسارح وجميع الاماكن المغلقة عدا محلات التسوق ... ولكن باقي مناطق امريكا لا تحتاج فيها إلى شيء والوضع طبيعي وكانه كورونا غير موجود .... بخصوص التوزيع تخطيطك ممتاز 7 ليالي لوس انجلوس و 4 فيقاس و 2 سان دييغو .. اذا معك ايام اضافية ممكن تكون في نيويورك ومناطق ثانيه وبالامكان التقليل من لوس انجلوس يعني انا تكفيني فيها 5-6 ليالي خصوصا انزعج كثيرا من الازدحامات المروريه فيها خانقه ... |
| الساعة الآن 12:58 PM |
Powered by vBulletin® Copyright ©2000 - 2025, Jelsoft Enterprises Ltd.
Search Engine Optimization by vBSEO