شبكة و منتديات العرب المسافرون - لندن .... لقاء من بعد غياب

صفحة 3 من 5

شبكة و منتديات العرب المسافرون (https://www.arabtrvl.com/vb/)

- بوابة بريطانيا (https://www.arabtrvl.com/vb/f138.html)

- - لندن .... لقاء من بعد غياب (https://www.arabtrvl.com/vb/t48549.html)

mohanned

09-01-2022 11:14 AM

ماشاء الله تبارك الله , تقرير مميز من شخص محترف , والله صراحه كل ما افكر اكتب تقرير اخجل واستحى مقارنه بعمالقه التقارير في المنتدى ,
التصوير ابداع وفن , اسلوب الطرح ولا اجمل , واصلي ومستمتعين معاك .

بوصلووح

13-01-2022 12:07 PM

جولات ممتعة ورحلة موفقة
بعض المدن مانمل من تكرارها
بالعكس التكرار والروتين فيها شي ممتع
مادري شنو السر هل من تنظيم المدينة
او لطافة الجو او طبيعة الشعب او الذكريات الجميلة
او هذي كلها.

توبليرون

15-01-2022 12:07 AM

يلا اموون طولتي علينا
نبي اجواء لندن وشوارعها:5:

أم احمد

15-01-2022 04:40 AM

هلا بغاليتنا الايمان الله يسعد أوقاتك بكل خير ، من رجعتي من لندن قلت أكيد عاشقة لندن بتكتب تقرير من الأخر 5 نجوم كعادتك ما شاء الله :e130::e035:
ما عمري حطيت ببالي أسافر لندن كان حلمي أزور عاصمة الموضة والعطور باريس وبـ 2017 والدتي وأخواتي سافرو فرنسا وبريطانيا ووقتها أنا كنت بماليزيا علشان اللغة وما شاء من كثر ما لندن عجبتهم ومن الصور والفيديوهات وكلام الوالدة عنها مع إنها ما شاء الله زارت 6 دول أوروبية ومن ضمنها كومو الإيطالية وسويسرا لكن لندن كانت بالمقدمة وكنا مخططين إننا نسافر لها بفبراير لكن سبحان الله أوميكرون سبب إصابات مهولة وشروط السفر لها صارت صعبة

Abu Muataz

15-01-2022 09:06 AM

سبحان الله .. الكثيرين يجمعون بأن لندن لها سحر عجيب
يعشقها البعض و يتحاشها أخرون .. و لكن في الغالب لا يختلف عليها أثنين
بأنها من أجمل المدن الأوروبية لما تحتويه من عراقة و تنوع يرضى كل الأذواق

ameera

15-01-2022 03:45 PM

في الانتظااار

أم احمد

15-01-2022 05:22 PM

الله على الأجواء اللندنية تبارك الرحمن *
المحطات عندهم تفتح النفس يارب عقبالنا ، في تحسن ملحوظ بس ودي تكون محطاتنا بهالترتيب والنظافة |
أطول رحلة بالسيارة لي داخل السعودية 470 كلم من الطائف للمدينة وصراحتاً نعاني من نظافة المحطات وبعد كذا صرنا نروح طيران وبعدها قطار والحمدلله المسافة بين الطائف وجدة قصيرة 160 كلم .

يا سلام على الفندق إختيار موفق والجميل إنه كذا كوزي ومريح للعين وإطلالة الفطور بالعافية يارب

https://g.top4top.io/p_2206b5jmn1.png
أختكم من محبين الخريف منظر يشلع القلب لا إله إلا الله على الجمال والطبيعة ، بس يبغاله كوب قهوة وجلسة وإسمتاع بالطبيعة وجمالها ورائحتها :e118::e130:

الايمان

16-01-2022 09:53 AM

اقتباس:

المشاركة الأصلية كتبت بواسطة q8ya metnaqla (المشاركة 560676)

شنو تقيميج لمطعم البيض؟

البيض لذيذ جدا والخلطات روعه
بكن سعره وايد غالي
حسافه ماصورت الفاتورة

الايمان

16-01-2022 09:57 AM

اقتباس:

المشاركة الأصلية كتبت بواسطة توبليرون (المشاركة 560679)

لازم يطري علينا البيض بين الايام
عوافي الريوق والغدا

كامدن تاون حلوو تروحين له حلاته مرتين وبس ماكو جديد
بس اشوف القعدات بالخيم الدائرية شي يديد كان مكانهم اكشاك ملابس

سيلفردجز كل سنة وكل موسم يسوي حركات بجام العرض
افكار حلوة

مستمتعين معاج امون

تصدقين هالمطعم يذكرني فيج لانج حطيته عن فرع الكويت لكني ماجربته بالكويت
كامدن تاون سبحان الله ماعجبتني نهائيا ولا افكر ارجع لها لو رايحة شبربوش احسن :25:
سيلفرجز متعه بصريه للسياح يبدعون في الزينة كل سنة
نورتي التقرير يا الغالية :e303:

الايمان

16-01-2022 10:08 AM

اقتباس:

المشاركة الأصلية كتبت بواسطة بن قوت (المشاركة 560872)

الحمدلله على السلامة اختنا الايمان
تقرير جميل وممتع
الحمد لله لحقت على التقرير
شهيتنا للكروسان

الفندق الاول جميل جدا جدا
حتى الطريق

الله يسلمك يارب
اي والله الكروسان والفلات وايت وكل شي في لندن لذيذ وله طعم مميز
الفندق الاول من سلسلة فنادق نوفوتيل وايد حلوه
نورت التقرير

أم احمد

16-01-2022 06:16 PM

الحمدلله على سلامتكم عدت بسلام وخير والله عواصفهم تخوف كهرباء إنقطعت وشجر طاح قفل الطرق

أم احمد

16-01-2022 06:52 PM

هههههههههههه تعليقك قتلني على الملابس الله يسعدك غاليتنا
https://a.top4top.io/p_22076me621.png

الله على الجمال تبارك الرحمن مبدعة :e035:
https://b.top4top.io/p_2207outhc2.png

بدون مبالغة ألذ خبز نان بالجبن أكلته بهولندا وماربيا وقلت خلينا أجربه عندنا طلع يختلف عندنا راشين الجبن من فوق وما عجبني السادة أفضل منه لكن عندهم محشي بالجبن والزبدة ولذيذ ناااطع
https://c.top4top.io/p_2207k6skb3.png

بالعافية عليكم وما شاء الله تبارك الرحمن الايمان موسوعة لندن الله يبارك لكي مبدعة ومتميزة :e303:

الايمان

17-01-2022 11:02 AM

اقتباس:

المشاركة الأصلية كتبت بواسطة فارس من خيال (المشاركة 560884)

ماشاء الله مبدعه امون كالعادة تقاريرك مميزه
اه يالندن كانت وجهتي السابقه بعدما حجزت وسويت كلش عام 2019 توقف السفر بسبب الجائحه
استمتعت بمتابعة التقرير لاخر صفحه والصور جميلة جدًا تسلم اياديك امون
خربت عليك العاصفه الاستمتاع في ويندرمير هههههههه الفندق جميل جدا واطلالة البحيره مميزه خاصة على طاولة الافطار
هالفندق مو قبل سكنتي فيه
مسؤل الفندق يستحق الشكر رجع قيمة ليلة العاصفه ناس عندهم ضمير :18:
وضعت قائمة المطاعم في لندن في مفضلتي شكرًا لك
يعطيك العافية

اه يا لندن :e022:
نلف نلف ونرجع لها الحب الكبير
ان شاءالله تعوض سفرتك 2019 في 2022 والله الوضع ممتاز ومايدرون عن الكورونا
هذا الفندق اول مرة اسكن فيه لكنه نفس الفكرة قصر قديم مجدد على البحيرة
قاعده احط المطاعم اللي تستحق التجربة اما اللي ماعجبتني ما احطها نهائيا
الله يعافيك يارب
نورت التقرير

الايمان

17-01-2022 11:05 AM

اقتباس:

المشاركة الأصلية كتبت بواسطة mohanned (المشاركة 560909)

ليش تخجل بالعكس لازم تجرب
اول مابديت في التقارير كانت الصور كبيرة وصغيره والكلام مو مرتب والحين الحمدلله تطورنا
ياريت تبتدي بكتابه التقارير عشان الكل يستفيد من تجربتك
حياك الله بالتقرير:e303:

الايمان

17-01-2022 11:10 AM

اقتباس:

المشاركة الأصلية كتبت بواسطة بوصلووح (المشاركة 561079)

والله كل شي قلت عنه مثل الجو والشعب والذكريات لها دور كبير في حب وتكرار زيارة المدن
بريطانيا تشمل كل هذا وكل زيارة لها نكتشف مكان جديد
حياك الله بالتقرير

الايمان

17-01-2022 11:11 AM

اقتباس:

المشاركة الأصلية كتبت بواسطة توبليرون (المشاركة 561139)

يلا اموون طولتي علينا
نبي اجواء لندن وشوارعها:5:

ان شاءالله يا الغالية :e030:

الايمان

17-01-2022 11:15 AM

اقتباس:

المشاركة الأصلية كتبت بواسطة أم احمد (المشاركة 561148)

عجبني لقب عاشقة لندن :18:
فعلا انا عاشقة ومحبه لها
قبل كورونا كنت بالسنة مرتين او ثلاث مرات اروح لندن
شلوووووووون للحين مارحتي لندن ضروري تحطينها بالخطة
الله يحفظ الوالده كلامها صحيح لندن غير عن باقي دول اوروبا
والله يا روان الوضع عادي في لندن ومايدرون عن الكورونا :14:

الايمان

17-01-2022 11:16 AM

اقتباس:

المشاركة الأصلية كتبت بواسطة Abu Muataz (المشاركة 561151)

اي والله يا ابو معتز لها سحر عجيب

الايمان

17-01-2022 11:17 AM

اقتباس:

المشاركة الأصلية كتبت بواسطة ameera (المشاركة 561155)

في الانتظااار

ان شاءالله يا الغالية :e032:

الايمان

17-01-2022 11:23 AM

اقتباس:

المشاركة الأصلية كتبت بواسطة أم احمد (المشاركة 561160)

هذا اللي يميز اوروبا وامريكا عن الدول العربية وجود خدمات نظيفه ومطاعم وكافيهات عالية الجودة ومناظر طبيعيه وشلالات
طول الطريق
هذه بحد ذاتها تشجع على السفر بالسيارة مع ان المسافات وايد بعيدة لكن مانحس في بعدها

الايمان

17-01-2022 11:27 AM

اقتباس:

المشاركة الأصلية كتبت بواسطة أم احمد (المشاركة 561225)

الحمدلله على سلامتكم عدت بسلام وخير والله عواصفهم تخوف كهرباء إنقطعت وشجر طاح قفل الطرق

اللهم لك الحمد عدت العاصفة على خير
تجربة ماراح تنسي :31:

الايمان

18-01-2022 10:59 AM

الايمان

18-01-2022 11:48 AM

Abu Sultan1111

18-01-2022 01:44 PM

رائعة لندن غنية عن التعريف ، ما شاء الله تسوقون فيها السيارة .
أما هذا المطعم هل مبلغ الحجز يخصم من الفاتورة أو لأ ؟ ما سبق حجزت مطعم إلا للفطور في رمضان أما خارج البلد ما حجزت ولا مره .

فاتورتكم ٢٢٠ باوند مع كل هذي الأصناف معقول جدا في لندن ، أذكر أغلى فاتورة مطعم دفعتها كانت في سان ماركو في البندقية تجاوزت ٥٠٠ يورو والأصناف أقل من اللي طلبتوه . مع أنه دايم الغداء أو العشاء بين ٨٠ و ٢٠٠ يورو لكن ما أدري ليش هذاك المطعم ما كان موضح الأسعار في القائمة "أكثر من ما يستحق" . وبعدها دخلنا قوتشي يبعد أمتار قليلة عن المطعم وأخذت المدام شنطة بمبلغ وقدره ثم اكتمل الخازوق لما قلت لأختي خوذي لك شنطة وجاء الجواب بالإيجاب :32:

q8ya metnaqla

18-01-2022 04:07 PM

اقتباس:

المشاركة الأصلية كتبت بواسطة Salemd11 (المشاركة 561351)

رائعة لندن غنية عن التعريف ، ما شاء الله تسوقون فيها السيارة .
أما هذا المطعم هل مبلغ الحجز يخصم من الفاتورة أو لأ ؟ ما سبق حجزت مطعم إلا للفطور في رمضان أما خارج البلد ما حجزت ولا مره .

فاتورتكم 220 باوند مع كل هذي الأصناف معقول جدا في لندن ، أذكر أغلى فاتورة مطعم دفعتها كانت في سان ماركو في البندقية تجاوزت 500 يورو والأصناف أقل من اللي طلبتوه . مع أنه دايم الغداء أو العشاء بين 80 و 200 يورو لكن ما أدري ليش هذاك المطعم ما كان موضح الأسعار في القائمة "أكثر من ما يستحق" . وبعدها دخلنا قوتشي يبعد أمتار قليلة عن المطعم وأخذت المدام شنطة بمبلغ وقدره ثم اكتمل الخازوق لما قلت لأختي خوذي لك شنطة وجاء الجواب بالإيجاب :32:

ههههههههههه عليهم بالعافيه ومعوض خير

q8ya metnaqla

18-01-2022 04:08 PM

عليكم بالعافيه امون القهاوي و العشا اللذيذ
ريجنت بارك اتهبل احبها اكثر من الهايد بارك
بس على طاري العشا صاحبنا شلون وافق يتعشا فيه خبري يدور العيوش 😂🤭

توبليرون

18-01-2022 06:26 PM

ماشاءالله جولات جميلة واجواء تمشي بالجو الحلو احلى ذكريات بعدين ندور هالجوو
المطعم الاول على كشخته مو حلو اكله حسافه
بريت المنقذ اللذيذ
بالعافية يارب
خوش عشا ماشاءالله باين لذيذ عليكم بالعافية يارب
شوقتينا حق لندن وجمالها
مستمتعين جداا

الايمان

19-01-2022 11:14 AM

الايمان

19-01-2022 11:20 AM

Abu Sultan1111

19-01-2022 11:25 AM

لندن في الليل جميلة والكباين مناسبه جدا للعائلات تستاهل الحجز.

الايمان

19-01-2022 11:32 AM

Abu Muataz

19-01-2022 11:51 AM

سبحان الله مهما يكون الخلاف على جمال لندن تظل هي الأجمل و الأفضل
جداً مريحة للنفس و الأجمل في زيارتها أنك ما تكون مرتبط بجدول محدد
أي مكان تروح له تستمتع ولو كررت زيارته أيضاً ستستمتع

أما ساعة بيغ بن لو مسوين ساعة جديدة كان أحسن لهم
:32::32::32::32:

زرنا لندن أنا و أم معتز عام 2018 و الله نفس المنظر ما تغيير

https://www.arabtrvl.com/up/uploads/...7878666362.jpg

الايمان

19-01-2022 12:36 PM

اقتباس:

المشاركة الأصلية كتبت بواسطة أم احمد (المشاركة 561229)

والله استغرب من الناس اللي تشتري هذه الموديلات :14:
خبز النان المحشي بالجبن اكيد الذ واحلى
الله يعافيج يارب
يا سلام عجبني لقب موسوعة لندن
نورتي التقرير :e030:

الايمان

19-01-2022 12:49 PM

اقتباس:

المشاركة الأصلية كتبت بواسطة Salemd11 (المشاركة 561351)

الحمدلله أخواني وزوجي وانا كلنا نسوق في لندن اول شي تحس بالرهبه لان السواقه بالمقلوب لكن بعدين خلاص تتعود
اي مبلغ الحجز تم خصمة من الفاتوره
الحجز ضروري لهذا النوع من المطاعم
وايد 500 يورو ليش ماشيكت على الفاتورة يمكن فيها خطأ
عليهم بالعافيه جناط القوتشي يستاهلون كل خير وانت الله يعوض ان شاءالله على كسر الميزانية :29:

q8ya metnaqla

19-01-2022 01:52 PM

المول قريب من محطة فيكتوريا في مطعم قعدته واكله حلو تريقت فيه من جم سنه
زين سويتوا تمشيتوا صوب جسر برج لندن احب هالمنطقه اكشاك ومطاعم عالنهر 👍🏽👍🏽

q8ya metnaqla

19-01-2022 01:54 PM

عليكم بالعافيه العشا المصري
اول مره اسمع فيه مطعم الباشا

توبليرون

20-01-2022 10:01 PM

الأجور رود الحلو فيه المطاعم اللي تناسبنا حييل
باول اول مره اعرف انه بالاجور رود عليكم بالعافية

خووش سوق هذا اللي بالطريج تغيير عن الاكسفورد والويستفيلد
ساعات تروحين الدواعيس في محلات اتينن

ياحلو لندن آي قاعدة تشوقينا على لندن وشوارعها وسوالفها الحلوة
لندن آي بالاضاءة اتهبل والصور رووعه امون تسلم الأيادي
الاكشاك والفقاعات اتونس الظاهر حق الكريسماس وراس السنة
اجواء جميله ربي يسعدج نقلتيها لنا
حلوو المطعم بالعافيه العشا تقييمج للمطعم
مستمتعين يا عسل

توبليرون

20-01-2022 10:05 PM

الساعة للحين ما خلصت اكيد التأخير بسبب الكرونا
سفرتنا ب 2019 اذكر صورناها سناب وكان في افكت يبين شكلها الجديد
هذا اهو من تصويرنا

https://youtu.be/OavBppNQRmo

Um safi

22-01-2022 09:08 PM

ما شاء الله تبارك ربي .. تقرير جداً رائع أستمتعت بقراءته

تكرماً عندي سؤال :: اخطط لسفر إلى لندن شهر 5 أو 6

ما هي نصايحكم لي ؟!

علماً آنه أول مرة أسافر لها ..

السفر لشخصين وطفل عمر 3 سنوات ؟

متابعتكم من سلطنة عُمان 💚

الايمان

23-01-2022 10:03 AM

اقتباس:

المشاركة الأصلية كتبت بواسطة Um safi (المشاركة 561561)

هلاوالله والله اختي
مثل ماشفتي بالتقرير انا توني راجعه من لندن الوضع جدا ممتاز وعايشين حياتهم المهم تكونون ماخذين الجرعتين من التطعيم
بالنسبة لاسعار الpcr تختلف من مكان الى مكان بالصيدليات وايد غاليه الاقضل تحجزينها عن طريق الموقع
ان شاءالله راح اخط لج الموقع

الساعة الآن 02:46 AM

صفحة 3 من 5

عرض 40 مشاركات من هذا الموضوع لكل صفحة