|
المخيمات شكلها تحفه ... تستاهل اللي يسكن فيها . صور الجبال جميلة جدا ، عندهم طبيعة خلابه . احب نوع السكن اللي اخذتوه لأنه يخليك تشوفي صح كيف عايشين أهل البلد ، الفنادق لا تعطي هذا الإنطباع "التنويع في السكن ضروري" بعطيك مثال على هذا فيه فرق بين شكل البيوت الريفية في النمسا عن البيوت في سويسرا وألمانيا ، يعرفها اللي غير في السكن الريفي كثير . أما الشنطة ... إما تكون الخطوط التركية كريمة جدا أو أني اخطيت بنوع الماركه . ننتظر باقي التقرير ... |
ماشاءالله المكان جميل مرره وعجبني الطراز السكني يشجع ع الاسترخاء والراحه والبعد عن الصخب وتغير حلو دائما ف الاماكن يعطي اجابية بتوفيق يارب |
الحمدلله على السلامه ورحلة سعيدة تم قراءة كم جزء من التقرير الرائع وجاري تكملة المتبقي لفت نظري تقسيم التنوع الطبقي حسب المادة بالنسبة لنقص الاوكسجين دائماً يحصل معاي في المرتفعات واعاني منه جداً حصل معاي في جينتغ هايلاند على اخر يومين في الرحله الحمدلله وحصل معاي في نيوراليا صداع عنيف + دوخه وكان باقي على نهاية الرحله 4 ايام وماخفيكم اني ماستمتعت لكن الحمدلله على كل حال |
افااااا بدأ التقرير وأنا انتظره على نار طيب دزي لنا مسج ما دريت الا قبل شوي وأخذت الاحزاء مرة وحدة :e419: تقرير من بدايته مشوق ويبدو أن اللي رتب الرحلة خبير ما شاء الله من التنوع في المزارات واختلاف نوع السكن :e303: التنوع في الطبيعة شئ خيالي في البلد حتى الحشرة اللي واقفة على الجدار مختلفة أعجبتني بريتشارا بنوعية السكن وشوارع القرية والمطل واضح أن البلد متنوع في كل شئ حتى شهر ما يكفيه زين تعرفتي على كولومبيانا من بدري :18: بس وين القهوة الكولومبية ما لها طاري الكاكاو أخذ الجو :e045: |
اقتباس:
اقتباس:
كل شي اسباني مافي انجليزي واشتغلي على ترجمة قوقل:) لا طعمه مالح وايد حلو الفيلا خيال بعد شوفيها بالنهار المطل كان قصه والله تسرحين في ابداع الخالق اي امون الغلط من تربتنا لهم كل شي يبونه يقولون لهم حاضر اكيد راح يملون .. الحمدلله والله يديمها علينا ان شاء الله |
اقتباس:
هذا اشويه من اللي عندك يا اخوي الحمدلله بينت جزء بسيط من الكنز الجميل في هالدوله.. اي عاشق للسفر احس لاوم يكون عنده حب المغامره والشغف لان لو ماعنده هالاثنين مل راح يحاول يطلع برا الصندوق.. بالضبط هذا اللي دايما اقوله خصوصا دول امريكا الجنوبية تحتاج القروب |
اقتباس:
الطبيعه تاخذ القلب والله الواحد ما وده يرمش يضيع عليه ثانيه سبحان من صورها.. عدل سالم هذا اللي يحسيناه خصوصا معانا صاحبة الفيلا في الصور كانت طالعه وغير مرورونا على الفريج وترحيبهم لنا.. ههه التركية دافعين من بيزاتنا في حجز البزنس بلاش لازم يدلعونا يايكم ان شاء الله |
اقتباس:
اي والله صدقتي .. اجمعين يا رب |
اقتباس:
نورتنا والله كلنا استغربنا من التقسيم وضاق خلقنا عليهم .. بس تعايشوا معاه وتقبلوه .. ااااه يا المرتفعات العبت فيها انا ما صار معاي الا مره وحده في شامونية .. وهالمره والسفره هذي .. بصراحه ما كنت اعرف شي عن المرتفعات وانها جذي اتسوي في الجسم من تعب ونقص اوكسجين.. صج يضيق الخلق وما يخليك تكمل وناستك ويومك.. الحمدلله |
اقتباس:
اي والله منظم الرحله خبير وشاطر في امريكا الجنوبيه اي هذا الحلو في رحلاته التنوع .. اي والله بوغسان ما ابالغ في طبيعتها واللي شفتها تنوع خيالي .. ههههههه اي وسبحان الله يتغير لونها الى البني لما توقف على الباب.. اخ على بيراتشارا عجيبه ومريحه .. اي والله شهر اقل شي اذا تبي تشوفها عدل.. ههههه اي الحمدلله :) قالي القايد عنه وعن طبق بحري بس لذيذ كل ما ابي اصوره انسى واكون ماكلته في الاجزاء اليايه راح تشوفونه.. القهوه بالطريج وين الكاكاو ما يقايش القهوه عندهم.. |
| الساعة الآن 06:27 PM |
Powered by vBulletin® Copyright ©2000 - 2025, Jelsoft Enterprises Ltd.
Search Engine Optimization by vBSEO