|
متابعين معاك القصة الله يعينكم أنت والدكتورة أكيد متضايقين وحالتكم حالة والخوف أكثر لأنكم في بلد غريب لكن تتسهل ان شاء الله |
اصبحنا و اصبح الملك لله اليوم ال 12 "حجر غواياكيل" الثلاثا تاريخ 2021/12/28 بوينس دياس قعدنا على الراحه وطلعنا في ليوان الفندق نتريق https://www.arabtrvl.com/up/uploads/...9001017552.jpg شنو نسوي .. تقول الدكتوره تبين نروح نسوي مسحه قلت لا خلاص صار لنا 4 ايام واحنا نسوي خليها نشوف لي باجر .. قلت شرايج نمر على طبيب وناخذ cover letter إنا احنا حاشتنا من زمان وتوها بينت في الاختبار .. قالت صح خل ادخل اشوف طيران الامريكان ياخذونها عشان نروح نسويها قلت اوك .. جيكت ولا الامريكان ياخذون فيها .. زين تمام عيل نشوف عيادة قريبه صوبنا .. وندخل قوقل ماب و نلقى ورا المجمع في مستشفى وفي مختبر .. طلعنا و رحنا مشي لي المستشفى الجو حار ورطب بس قلنا نمشي عشان ما تكسرنا كورونا .. الدكتوره احسها تعبانه بس تقولي لا زينه انا الحين .. قلت ان شاء الله .. وصلنا المستشفى قلنا نبي دكتور .. طبعا محد يتكلم انجليزي ولا احد يفهمنا نشغل الترجمه ونسمعهم بالاسباني .. قالوا الحين مافي يبيله نص ساعه ويوصل قلنا اوك ننطر .. هذا اسم المستشفى اللي رحنا له Kennedy Clinic Hospital Samborondón https://www.arabtrvl.com/up/uploads/...9033783531.jpg قلنا نسوي مسحه دام في مختبر وسوينا المسحه على ما يوصل الدكتور .. اهني خفنا لو دخلنا على الدكتور وعرف عنا او فينا اعراض مبينه علينا خصوصا الدكتوره تعبانه الكحه فيها قويه قلنا عسى ما يحبسونا و يحجرونا في محاجرهم .. يا حسرتنا .. ها شنو نسوي ندخل ولا لا ؟؟ نفكر ونفكر ونفكر .. بالاخير قلنا ندخل ونتوكل على الله .. دخلنا الا الدكتور ما يعرف ولا كلمه وحده بالانجليزي ريال عود وبنته دكتوره اتصل عليها وقال لها ترجمي لي اهي تعرف انجليزي .. قالت له يقولون نتايج اختبار ال كوفيد بوزيتيفو .. خاااف الدكتور وقام لبس كل اللبس الوقائي .. وشرحنا لهم من متى فينا كورونا وانا تقريبا من تاريخ 12/18 احنا فينا الاعراض وتوها بينت لما سوينا المسحه والحين صار لنا 10 نبي cover letter انا احنا خلصنا فترة الحجر المقرره .. لما فهم السالفه قال اوك بس خلوني اجيك عليكم .. اشوف الاكسجين و الضغط والحراره انا والدكتوره اهني تبريدنا قلنا عسى ما يطلع فينا شي و يحبسنا .. خصوصا ان الدكتوره فيها كحه صدرها تعبان .. فحص الدكتوره اول وانا ادعي ان امورها تكون طيبه .. الحراره اوك الضغط اوك ولا يقول الاكجسين لا .. يا ساتر انا بقلبي شنو يعني وشنو بنسوي اذا الاكسجين نازل في الجسم .. ويقولها شلون جذي الاكجسين تقوله مافيني دوخه او اعراض نقص الاكسجين وتقوله قايس مره ثانيه نفس الشي الاكسجين نازل .. يا ربي شنو بيسوي فينا هالدكتور .. قال لها ريحي اهني .. الحين دوري انا محدثتكم الحراره اوك الاكسجين اوك الضغط ؟؟ اشفيه الضغط مليوووووون مرتفع ارتفاع مو طبيعي .. اخترع زيادة الدكتور شلووون وليش مرتفع اقوله لاني معصبه ومتنرفزه لازم يكون مرتفع ويقايس مره ثانيه ويقولي خلج ريلاكس قلت انا ريلاكس بس معصبه :) مات علي من الضحك يقول شلون قلت معصبه على الوضع اللي انحطيت فيه فأكيد يكون ضغطي مرتفع وبعدين عندي في تاريخ العايله ضغط اكيد حاشني معاهم .. عقب ما فحصنا قال انتي تاخذين حبوب الضغط مدة 5 ايام و رفيجتج تريح وتشرب اشياء دافيه واذا حسيتوا بدخوه على طول تعالوا .. قلنا اوك و التقرير قال بكتبه لكم و ادزه على الايميل .. قلنا اوك وشكرناه ومشينا الحمدلله .. نزلنا المختبر نشوف النتيجه و لا نفسها قلنا خلاص ناخذ تقرير الدكتور ونطير عليه الى ميامي قلت اوك .. رحنا الخطوط في المطار عشان نسألهم عن التقرير قالوا لازم تروحون مكتب الامريكان في المجمع الفلاني .. طبعا دخول المطار لازم يكون عندكم حجز اللي ماعنده ما يدخل بس احنا قلنا للشرطي بنحجز من داخل ودخلنا .. رحنا المجمع اللي فيه خطوط الامريكان Policentro Mall و نوريهم التقرير ونقولهم بنطير عليه مو راضين تخيلوا ونطلع لهم القانون الامريكي شنو قال عن هالتقارير وهم مو راضين يمكن قعدنا عندهم ساعه واحنا نحاول فيهم يمين و يسار مو راضين الا يبونا نقعد 15 يوم حجر وبعدين نطلع مع ان القانون حاطينه في موقع الامريكان و الصحه الامريكية واهم معاندين معانا .. خلاص اهني مافي ايدنا حيله كل شي سويناه قلنا نأجل تاريخ حجزنا الى 1/6 على ما نرد نسوي مسحات .. كلمت سفرياتي غير الحجز الى تاريخ 1/6 شكلنا مطولين مع النتيجه .. رجعنا المجمع اللي صوبنا Village Plaza نزلنا الجمعية نشتري اكل ودخلنا الصيدلية نشتري مستلزمات كورونا .. https://www.arabtrvl.com/up/uploads/...8951636454.jpg ودخلنا الفندق عقب يوم حافل طلبنا روم سيرفس عشا تاكو ربيان عشانا لذيذ بعد هذا :) https://www.arabtrvl.com/up/uploads/...8951631471.jpg وكلمت امي وقلت نفس الجذبة ونمت .. وقالت حق اختي انتوا خاشين عني شي... انا ادري أبرار فيها شي .. |
اصبحنا و اصبح الملك لله اليوم ال 13 "حجر غواياكيل" الاربعا تاريخ 2021/12/29 بوينس دياس قعدنا على الراحه ماعندنا شي نسويه اليوم حتى مسحه قلنا ما نبي نسوي .. تريقنا بالغرفه و عقب طلعنا نتمشى في المول يمنا .. خذينا من صبواي حق العشا و ردينا الفندق نقعد على الاسكله ونتحسر على عمرنا ونقول جان الحين احنا في هالمكان الفلاني و طرنا من هالمنطقه .. لو الكراسي تنطق ووالله بينطقون ان هالثنتين كسروا خاطرنا :) https://www.arabtrvl.com/up/uploads/...8951637775.jpg المطار جدامنا ومو قادرين نطيييييييييييييييييير https://www.arabtrvl.com/up/uploads/...8951639456.jpg كلمني ابوي وقال قلت حق امج عنج .. ابوي عالغدا في الكويت بلغ امي واخوي ان فيني كورونا .. امي بجت وقالت انا كنت حاسه وادري في شي خاشينه عني الحين شلونها ومن متى فيها ؟؟ انا ماكنت مصدقه سالفة الطاقم .. ومنو معاها .. اختي تهديها وتقول لها اهي زينه ومافيها شي اللي معاها اشوي كحه وصدرها .. وتتصل علي فيديو تبي اتأكد ما قدرت تكلمني دقيقتين على بعضهم وسكرت الخط و ادز لها صوري اني الحمدلله بخير بس مو قادره اتصدق .. تقول ابليس لعب فيني لعب في الافكار شنو يسون بروحهم لو تعبوا منو يشوفهم يمكن احد يأذيهم تقول لعب ابليس فيني عدل .. انا والله ان اللي رفع ضعطي التفكير فيهم لاني احاتيهم امي وابوي ادري بشنو يفكرون وشلون يحاتون فالضغط من الصوبين مرتفع .. خالي يتصل ويقول اكيد مافيج شي وامورج زينه .. قلت اي خالي الحمدلله امورنا طيبه .. تعشينا انا والدكتوره وكملنا سيف العرب ونمنا .. وانتهى يومنا على امل باجر يتغير حالنا .. |
اصبحنا و اصبح الملك لله اليوم ال 14 "حجر غواياكيل" الخميس تاريخ 2021/12/30 بوينس دياس المفروض اكون في نيويورك مع اختي الحمدلله على كل حال .. قعدنا على الراحه وقلنا بنسوي مسحه اليوم مع ان متوقعين النتيجه بس قلنا نسوي يمكن الله و رحمته علينا اتغير النتيجه .. وقلنا بنسوي عند تقريبا 3 مختبرات راحت فيها خشومنا :) رحنا المختبر الاول سوينا انتجن وقالت 24 ساعه تطلع النتيجه وهم قلنا بنشوف وضع المختبر اذا قدرنا نكلم اللي تسوي المسحه تسويها على الخفيف ما تكون قويه وان ترحمنا في النتيجه وتكون نيغتيف .. رحنا المختبر الثاني ولا بس موظفة وحده ترا الترجمان شغال معانا محد يتكلم انجليزي .. قلنا لها قصتنا من اول شي ومتى حاشتنا الاعراض مثل ما قلنا حق الدكتور قالت انا بسويلكم و بخليكم انتوا تشوفون النتيجه في وقتها جدامكم قلنا اوك قالت عقب ساعتين تعالوا طبعا انتجن .. رحنا المختبر الثالث والاخير دخلنا ولقينا موظف واحد قاعد وقلنا له بالضبط نفس المختبر الثاني تخيلوا قب وشب علينا صراخ وزف يعني انتوا بتخلوني اغش وازور النتيجه واطلع على القانون انا والدكتوره خفنا قلت امشي نطلع لا ينادي علينا الشرطة ما تسوى علينا .. والله ونطلع منه ونقعد صوب برغر كنغ ننطر الساعتين تمر و احنا كلش مو مهتمين لها اصلا قلت حق الدكتوره ما اتوقع بنكون نيغتيف شكلنا بنكمل لي 1/6 اهني قالت حتى انا نفس توقعج .. خلاص فقدنا الامل بالنتايح .. اهني خلصت الساعتين قمنا من الكافيه ردينا المختبر الثاني جان تقولنا لحظة انا قالت لحظة جان تحوشني افكار سوده لايكون هذي بعد مبلغه علينا الشرطة وتبيهم ياخذونا لانها قالت لحظة ودخلت داخل وتلفونها دق قلت دكتوره رحنا فيها شكلها مبلغه علينا :) تقولي لا أبرار لا تقولين جذي عيل ليش دخلت داخل وتكلم بالتلفون والله نشف دمنا خلاص ما فينا حيييل .. عقب 5 دقايق ردت جان تقول تعالوا شوفوا رحنا نشوووف ولا النتيجه شنووو ؟؟؟ نيغتيفووووووووووووووووووووووووو نيغتيفووووووووووووووووووووو وااااااااي صرخنا في المختبر عندها ولمينا بعض ونبجييييييي ونسجد سجدة شكر و اهي طالعنا وتضحك .. تقول اشفيكم ليش تبجون قلنا تعبنا واحنا كل يوم نسوي مسحه نبيها تضبط ما ضبطت و لان نبي نرجع حق اهالينا ناطرينا .. مسكينه باركت لنا واكرمناها وقلنا لها هذي عشان البشاره اللي بشرتينا فيها .. وانا بلحظتها سويت مسحه ثانيه بي سي ار حق ردت الكويت لان انتجن بس ادخل فيها امريكا .. الله يافرحتنا في هاليوم ما شالتنا ريولنا من الوناسه بنطيييير .. والله ناخذ تاكسي ونطير على المول نغير حجز الدكتوره قالت متى نخلية قلت اذا في الليلة نطير الليلة قالت اوك ونشوف الخطوط وقالت في ليلة 31 الفير تروحون المطار قلنا اوك واكلم سفرياتي ونغير الحجز الى 12/31 اطير من غواياكيل الى ميامي .. واكلم ابوي واقوله يبا طلعت النتيجة نيغتيف الحمدلله ويطير من الفرحه و يبشر امي واخواني.. ونرجع صوب منطقتنا وندخل المووول ونتغدا في ايهوب . ابرد على قلبي عقب الاسبوع الناري اللي مر علي https://www.arabtrvl.com/up/uploads/...8951633162.jpg https://www.arabtrvl.com/up/uploads/...8951634793.jpg ونرجع الفندق نسوي ليت جيك اوت و نجهز اغراضنا و واحد من اللي يشتغلون في الفندق يهبل وايد خدوم ويعرف عن الاسلام كان يقول حق مطعم الفندق شنو ناكل وشنو ما ناكله وطلب لنا التاكسي حق الليله يوصلنا المطار .. ووصلنا التاكسي الساعه 11 معلومه غواياكيل بالليل ما عندهم اشارات مرور الكل يمشي من غير ما يوقف لدواعي الامن لان لو وقفت ممكن يفتحون الباب عليكم وتأذون بجريمة قتل او سرقه او اي جريمه .. وتوكلنا على الله الى المطار مع ادعيه تسهيل الامور ووصلنا مطار غواياكيل اللي كنا بس نشوفه الايام اللي طافت .. دخلنا المطار واحنا ندعي انهم مايردون مثل ما سوو مع البنات اللي كانوا معانا من جم يوم .. الحلو الطيران الامريكي اذا سويت اونلاين جيك ان افضل لان يعطيكم التأكيد على بوردنغ المغادرة وهذا اللي صار لان خذينا التأكيد اونلاين طفنا بسهاله .. عكس اللي مو مسوين شغلهم اونلاين تأذوا اشوي .. دخلنا وصلنا كاونتر الجمارك اللي قاعد 3 مرات يسألني محطتج الاخيرة وين واقوله ميامي مو راضي يختم ويخلصني ما ابي اقوله الكويت اخاف يقولي وين بي سي ار من جذي اصريت على ميامي .. عقب ختم وطوفني .. الله اهني خلاص تنفسنا الصعداء على قولتهم وحسينا ان كان علينا هم ونزااااح الحمدلله .. و صورة لكم المطار صغير وسوق حره بسيط https://www.arabtrvl.com/up/uploads/...9596378871.jpg https://www.arabtrvl.com/up/uploads/...9596380682.jpg https://www.arabtrvl.com/up/uploads/...9596382333.jpg https://www.arabtrvl.com/up/uploads/...9596384064.jpg طلع الازرق https://www.arabtrvl.com/up/uploads/...1959638585.jpg https://www.arabtrvl.com/up/uploads/...1959638746.jpg https://www.arabtrvl.com/up/uploads/...9596389197.jpg https://www.arabtrvl.com/up/uploads/...9596390918.jpg وصعدنا الطياره وقلبي طاير من الفرحه https://www.arabtrvl.com/up/uploads/...9596392599.jpg https://www.arabtrvl.com/up/uploads/...5963941710.jpg https://www.arabtrvl.com/up/uploads/...5963957311.jpg https://www.arabtrvl.com/up/uploads/...5963973612.jpg https://www.arabtrvl.com/up/uploads/...5963989813.jpg https://www.arabtrvl.com/up/uploads/...5964005214.jpg https://www.arabtrvl.com/up/uploads/...5964020515.jpg ومن فوق جبال الانديز وغابات الامازون ودعنا غواياكيل و الاكوادور بحلوها ومرها .. ذكريات ما تنسي ابد في هالدوله .. https://www.arabtrvl.com/up/uploads/...5964035416.jpg الى اللقاء يا اكوادور ولنا رجعه و زيارة مره ثانية لكن متى الله اعلم ان شاء الله تكون في اقرب وقت ممكن .. دوله جميلة جميييلة تستحق الزيارة .. https://www.arabtrvl.com/up/uploads/...9669239951.png |
اصبحنا و اصبح الملك لله اليوم ال 15 مغادرة الاكوادور اليمعه تاريخ 2021/12/31 قود مورنينغ وصلنا ميامي عقب طيران دايركت 4 ساعات ونص .. https://www.arabtrvl.com/up/uploads/...5964050817.jpg https://www.arabtrvl.com/up/uploads/...5964064618.jpg نزلنا الله يا الزحمه زحمه مو طبيعية في مطار ميامي.. ودعت الدكتوره اهي عندها طيران داخلي الى لوس انجلوس و انا وراي ترانزيت مدته 12 ساعه في ميامي وبعدها اطير على الاماراتية الى الكويت .. المفروض على التركية تذكرتي بس ما في التركية الا بتاريخ 1/3 ..خليتها على الاماراتية .. كاونتر مطار ميامي ما سأل عن اي شي و لا خذوا مني شي بس قالي جم يوم بتقعدين قلت الليلة اطير انصدم يقول لييييش قعدي نيويير اهني قلت ماعليه مره ثانية .. الحين مالي خلقكم :) وبس قالي ولكم ومن غير ختم على الجواز استغربت من هالنقطه.. طلعت من المطار ولا يوزعون هالجهاز مجانا تيست في البيت و خلال 15 دقيقه تبين النتيجه خذيته و خليته حق الكويت .. https://www.arabtrvl.com/up/uploads/...9932149451.jpg والحين انطر نتيجة بي سي ار من مختبر امس صاحبتنا عشان اطير باليل ..المشكله بيوصل على ايميل الدكتوره ايميلي مو شغال وانطرها تدز اللي النسخه بالواتس اب .. طلعت خذيت شتل شيراتون المطار حاجزه فيه ليله لا سمح الله النتيجه تطلع عكس الا عندي مكان انام فيه وعقب اروح ديتونا عند رفيج ابوي .. وهذا الشيراتون https://www.arabtrvl.com/up/uploads/...9932151632.jpg https://www.arabtrvl.com/up/uploads/...9932153233.jpg https://www.arabtrvl.com/up/uploads/...9932154824.jpg https://www.arabtrvl.com/up/uploads/...9932155815.jpg دقت الدكتوره جان تقول أبرار وصل البي سي ار .. قلت بشري اسكتت قلت خلاص بعد عرفت بوزيتيفوو يالله اشوه اني في امريكا مو مشكله .. جان تقول لااا نيغتيفووووووو .. واااااااو واخيرا الحمدلله .. وتوصلني نسخه على الواتس اب واخيرا نيغتيفووووو ونكمل تصوير الغرفه https://www.arabtrvl.com/up/uploads/...9932157366.jpg https://www.arabtrvl.com/up/uploads/...9932158967.jpg https://www.arabtrvl.com/up/uploads/...9932160558.jpg https://www.arabtrvl.com/up/uploads/...9932161639.jpg https://www.arabtrvl.com/up/uploads/...9321627310.jpg https://www.arabtrvl.com/up/uploads/...9321642511.jpg https://www.arabtrvl.com/up/uploads/...9321657812.jpg الفندق تعيس لكن اهو افضل الموجودين صوب المطار .. النظافه نص ونص الاثاث مستهلك الخدمه بطيئه .. نمت لي نومه حلوه عقب النيغتيفوووو لي قبل الاقلاع ... |
والى البوابه دخول الطياره الى الكويت https://www.arabtrvl.com/up/uploads/...1538274831.jpg https://www.arabtrvl.com/up/uploads/...1538276772.jpg https://www.arabtrvl.com/up/uploads/...1538278283.jpg https://www.arabtrvl.com/up/uploads/...1538279924.jpg ووصلت الكويت بالسلااااااااامه كولولولووووووووووووش 2022/1/3 https://www.arabtrvl.com/up/uploads/...1538281525.jpg خلصت من الكاونتر و ابوي حبيبي ناطرني برا ما قدرت اسلم عليه خفت تكون فيني بقايا كورنا .. المفروض اسوي حجر 3 ايام وعقبها اسوي مسحه .. اختكم وصلت وعلى طول راحت سوت مسحه ولا تطلع النتيجه بوزيتيف لااااااااا بعد ما خلصنا :) و تطبيق شلونك يحطوني في الحجر 10 ايام .. لااااااااا توني خالصه من حجر وتردوني في حجر .. والله وانحجر في البيت و ما اشوف امي ولا اخواني .. كله الغلط مني ليش سويت حزة وصولي لازم انطر 3 ايام بس والله خوفي على بيتنا .. وبديت الحجر مع تطبيق شلونك https://www.arabtrvl.com/up/uploads/...1538282926.png الحين حسيت بالحجر الصجي انحكرة عدل عكس لما كنت في الاكوادور اهني ما اعتب باب الغرفه اللي محجوره فيها .. https://www.arabtrvl.com/up/uploads/...1538285967.png اكل المحجووورين وينج يا غواياكيييل https://www.arabtrvl.com/up/uploads/...1538289438.jpg قضيت الحجر بكتاب غابريل عن حياته و كولمبيا خلصته تقريبا بأسبوع .. واسوي تيست منزلي بالجهاز الامريكي https://www.arabtrvl.com/up/uploads/...1538291079.png وادزها في قروب بيتنا اقولهم خلاص اطلع قالوا لا قعدي مكانج كملي الحجر .. هااا يوم كنت في الاكوادور ناطرين ردتي ولا رديت لا قعدي بالحجر .. عايله قاسية :) ونستمر في الحجر https://www.arabtrvl.com/up/uploads/...5382942610.png وينك يا ربيان غواياكيل https://www.arabtrvl.com/up/uploads/...5382984111.jpg الحمدلله على سلامتي غدا شري و طلعت من الحجر ... https://www.arabtrvl.com/up/uploads/...5383000812.png سامحوني على اي قصور او غلط بدر مني وسامحوني على الاطاله .. اتمنى هالتقارير تفيدكم لو بالشي البسيط .. واهني اقولكم انتهت قصتي ومغامراتي الحلوه في اعالي جبال الانديز وغابات الامازون الاكوادور وفي هالرحله العجيبه بين كولومبيا و الاكوادور على امل ان القاكم في دول يديده بتقارير يايه .. شكرا على متابعتكم و تشجيعكم .. |
الحمد لله على السلامة الحجر عند أهلك أقسى من الحجر بـ غواكيل بس ما قصروا صحن رايح وصحن جاي :32: نهاية الرحلة احباط بس ذكرى ما تنسونها في الاكوادور باين عليهم طيبين وتعاملهم زين مع السياح بس لو اللي بالمختبر بلغ عنكم وخلاكم تقضون كم يوم بالسجن :32: الأنظمة ما هي سهلة في امريكا اللاتينية عموماً لذا الحذر واجب خلال التواجد فيها والواحد ما يلومهم من كثر الجرائم عندهم :59: استمتعنا بتفاصيل الرحلة المثيرة حلوها ومرها عشنا معك والدكتورة أيام صعبة خلال الحجر لكن نظل مبهورين من طيبة سكان الاكوادور وطبيعتهم الجميلة البلد أفضل مما توقعنا كثير هذي فائدة التقارير السياحية تجلي الغموض حول الدول تغيرت الفكرة حول كولومبيا والاكوادور والسبب تقاريرك الجميلة أبرار شكراً لك شكراً لك تقديرنا لما تقدمين من مادة فريدة وتقارير مميزة تستاهلين 5 نجوم :e306: |
اقتباس:
حدهااااااا ههههههههههه حاولنا نيقتيفوووووو وقلنا نعطيكم زياده ما رضوووا اييي والله هذا اللي ضيق خلقي وايد وخلاني اعصب شلون يخلونا ويمشون في هالديره اييييي شفت شلووون ههههههههه اتهقى جذي حرتي على الفندق 🤣🤣🤣 اي هذي قرية مرينا عليها واحنا بالطريج إلى غواياكيل اوووووف والله ما مر علي جذي ربيان بحياتي 🤣🤣🤣🤣🤣 قعدت بس من غير نفس |
اقتباس:
والله عيني ما ذاقت النوم …. والله حسيت راسي بينفجر من الافكار والقصص 😰 ايي بوغسان بالضبط و صراحه لما شفت تعاملهم بالمطار خفت مع صاحبنا وغير جذي كنت شايفه أفلام وثائقية عن سجون عاد تعال شوف التخيلات 🥹🤣 اوووووف صدقت والله 🤣🤣🤣🤣🤣🤣🤣🤣واااي الربيان لذيذ لا تتهمه |
اقتباس:
وايد تضايقنا .. هذا اللي خلانا نفكر وايد دوله غريبه علينا اي الحمدلله تسهلت وصارت ذكرى |
وايد حلو فندقكم الاخير وشوقتينا على الربيان ابو الطبقة السوده :17: |
واااااااي ابرار عورتي قلبي ذكرتيني لما كنا نحاتيج الله حفظكم والحمدلله ان كانت معاي وحده من البنات ما انحجرتي بروحج لو انا مكانكم ازور النتيجة واسافر مستحيل اقعد انا من مؤيدين التزوير وخصوصا بره الديره :17::17::17: الحمدلله الله حفظكم وماتعبتكم الكورونا والحجر كان خفيف محد درا عنكم تطلعون وتردون بره الفندق |
استغرب شلون تفكرين ترجعين الاكوادور مره ثانية بعد هالسالفه اتوقع انتي والبنت اللي معاج كونتوا صداقة قوية خلال فترة المرض والحجر الحمدلله على سلامتكم استمتعنا بالتقرير واااااااااااايد شفنا الديره بتصويرك وكتاباتج شكرا على التقرير الرائع الممتع :e303::e303::e303: |
:14::14::14::14::14: ابرار الجزء الاخير عجييييب قاعده بالمكتب اقراء واضحك :25: طريقة سردك لقصتك مع كرونا وايد حلوه ايامها كنا نتواصل معاج ونحاتيج ، الحين صارت ذكرى الحمدلله عدت على خير اما العائلة القاسية :25::14: |
عجيبببه للذكرى هالاكوادور ماراح تنسينها وبتقصينها ان شاءالله للاجيال القادمة وزمن الكرونا الحمدلله انكم تطلعون هناك وهذاك اللي يصارخ ما رحمكم المهم عدت مسكينة امج اللي خاشين عليها لو من اول شي قايلين لها وتكلمينها كل يوم اهون عليها الحمدلله على سلامة الوصول للكويت وعاد حجرنا يضيق الخلق انا اكلمج ومحجورة بداري مابي اطلع اعاديهم ورانا سفرة الحمدلله على السلامة والافراج من الحجر شكراا للتقرير الممتع والغير مألوف لدير ما فكرنا فيها تستاهلين الخمس نجوم |
اقتباس:
هههههههههه شفت شلون اي والله ضبطوني في الاكل اوووف جم يوم الدكتوره تقولي ابرار ليش ما طلعنا واستانسنا فيها وقت الحجر قلت لان قاعدين نحاتي كل وحده الف فكره في راسها من جذي مالنا نفس بالطلعه اي والله ما الومهم بس الحمدلله اهما بعد مرتاحين الحين لان نسبة الجريمه وايد اقل بس بعد الحذر واجب والله احنا بعد ما توقعناهم جذي البلد وطبيعتها وايد حلوه صج ما تخيلت هالطبيعه فيها عدل تعطينا فكره ومعرفه عن الدول الله يسلمك .. الحمدلله هذا اللي ابيه اوصل لكم تغير الفكر عن هاالدول بشكل غير عن اللي نعرفه وماخذينه عنهم وخصوصا اللاتينيه دول تستحق الزيارة العفوووو ما سويت شي هذا حق المنتدى علينا 💐 كلك ذوووق تستاهل الطيب بوغسان شكرا عالتقيم والتثبيت 🙏🏽💐 |
اقتباس:
واااي الربيان كان عجييييب .. لو اعرف شنو اسويه لكم |
اقتباس:
اي والله ما انسى شلون تحاتوني وتسألون عني ❤😘الله يخليكم لي يا السفيرات ❤❤ ايي الحمدلله 🙏🏽🙏🏽 هههههههه والله امون لو كنت في اوروبا او امريكا عادي بس الاكوادور لاا ماحسيت في مجال ايي الحمدلله الله لطف فينا 🙏🏽🙏🏽 |
اقتباس:
اي والله صرنا رفيجات ولما الحين متواصلين الله يسلمج ❤ الحمدلله ويا حظي انج استانستي فيه 🙏🏽💐 |
اقتباس:
اي والله يا زينكم من رفجه ❤ذكرى حلوه صراحه الحمدلله هههههه شفتي ما يبوني اطلع منوره التقرير 💐 |
اقتباس:
اي الحمدلله ما انحكرنا ابد والله خفت يبلغ علينا لاا ادري الوسواس بيلعب فيها زيادة من جذي تأخرنا نقولها الله يسلمج ايي بالدار بروحي ومن غير تلفزيون بعد تخيلي الحمدلله على سلامتج 🙏🏽❤ الحمدلله العفووو انتوا شكرا على المتابعه وتشجيعكم بالتعليقات الحلوه تستاهلين الطيب 🙏🏽 |
لابارك الله في وقتها حكرة وخوف من كل شي و إشاعات كل شي شين طلع في زمن كرونا تم الإرسال من SM-N960F باستخدام Tapatalk |
دايم الاكشن مايجي الا على نهاية السفرة .. :24: بس والله شغلكم مزبوط جهزتم البوزيتيف على طول المفروض بعدها مايردك الا المطار اغلب اللي مسافرين معهم شهادات فحص مزورة ومااذكر شفت احد يشيك على الكود اللي بالفحص ... واذا كان لابد مع الكود كان شفتم لكم واحد "بتاع كلو" إكوادوري يزبطكم :13: تقرير جميل يعطيك العافيه عليه راح يكون مرجع مهم للي ناوي يسافر الإكوادور التفاصيل والصور والتنسيق وترتيب الاحداث كلها رائعه |
ماشاءالله اخت ابرار على الرحلة المغامرة في كل شي احيك على مغامرتك واكتشاف أماكن لم نتخيل ان نزورها ممتع التقرير تم الإرسال من SM-N960F باستخدام Tapatalk |
اقتباس:
بس الحمدلله عدت وصارت ذكرى |
اقتباس:
هههههه اي جهزنا كل شي بس خفت لمًا تذكرت معاملتهم اول ما وصلنا المطار و حتى بعد من المسافرين معانا رجعوهم يعدون الاختبار .. قلت اشوه اني ما رحت في مزوره ،، 🤣🤣🤣🤣دورنا بتاع كلو بس مالقينا للاسف 🤣🤣🤣 الله يعافيك الحمدلله هذا اهم شي تسلم من ذوقك 🙏🏽 |
اقتباس:
شكرا على تواجدك وتشجيعك يا بن قوت هذا من ذوقك يا اخوي وان شاء الله نشوفك انت مغامر بسفرات وزيارات حلوه 🙏🏽 |
تسجيل حضور ولي عوده باين عليه تقرير خطير :e116: |
أثاري فيه سالفة و كورونا و حجر في الأكوادور “أنشغلت و أنقطعت عن التقرير ما كملته إلا اليوم” بس الحمد لله عدت سهالات .. و الله أقرا أقتراحات التزوير و قبل أكمل علشان أعرف أقول عساهم ما يسونها !!! لأن هالديار ما تتوقع وش يصير فيك عندهم و سالفة الأصابة بكورونا خصوصاً عندما تم تخفيف القيود كانت و الله هاجس كبير و خوف من الأصابة و لخبطة الجدول و الترتيب |
ماشاء الله ياستـ ابرار زرتي كثير من بلدان العالم وعقبال ماتختمي كل الدول الجميلة ربي يحفظك ويقويك اعتذر ع قلة المتابعة الفترة الماضية الدنيا مشغلتنا الله لا يشغلنا تقرير مميز ورائع وكالعادة مع كويتية متنقلة (ابرار) لا جديد في الابداع وجمال التقارير والبلدان اللي تزوريها نحتار معاك ونستمتع كذلك بما نقرأ ونشاهد لسى في اول صفحة من التقرير ولي عودة لا كمال ماتبقى بداية سيئة في المطار ههههههه بس زين عدت ومارجعوا احد يعطيك العافيه مراقبتنا لا خلا ولا عدم على جمال وروعة ماتقدمينه من متعة للمتابع والمسافر العربي وخاصة الخليجي منك نستفيد الكثير من المعلومات ورحلاتك المميزه تحياتي لك يابطله ذكرتني بسماء الكويت سائحه كويتية ماشاءالله ماخلت بلد مازارته تسافر وحيدة ولبلدان غريبه وبعيدة |
ما شاء الله عليج سفرات متميزه وشي خيال بلد جديد بالنسبة لي واكثر اثاره طابع الخاص للبلد وشكل البلد امان عكس المتوقع او يمكن اتوا في قروب وتروحون اماكن معينه مافي احتكاك مع الشعب و المفاجاء الاخرى الاجواء و المناخ حسبته الجو حار لكن حتى وهذا نصب الاستقلال Monumento a la Independencia وصلت الى هذه الصفحة من التقرير اشوف الاجواء ممتازه وتقرير خيال ما شاء الله ولي عوده ومتابعه للبقيه من التقرير بالنسبة الى الموز المشوي اول مره اعرف ان الموز يشوونه انا ناكله فرش او مع الحلويات و الهنود يسوونه مقلي بس مشوي ماسمعت يبيله تجربه وقت التخييم :29: |
اقتباس:
ان شاء الله يكون قد المستوى اللي تطمح له 🙏🏽 |
اقتباس:
الله يعطيك العافيه 🙏🏽 ايي الحمدلله .. والله كنا بنسويها اخر ساعتين خفنا وخصوصا هالدول صعب التعامل معاهم . اي والله صاج .. اوووف اتعفس عليك الجدول كله .. نورت وشرفتني يا اخوي 🙏🏽 |
[QUOTE=بن قوت;566143][CENTER]ومن غير ابرار تبحر بنا في صقاع المعمورة تجربة فريدة لشباب خليجي ممتازة فعلا اللياقة مطلوبة للبلدان الجبلية واهل الهايكنق مستمتعين بالمعلومات الممتازة تشكرين على المقدمة الرهيبة عن بلد قلما نسمع عنة معك بكل جوارحي للستمتاع بهذي الرحلة [FONT=Comic Sans MS]تحياتي لك[ |
ماشاء الله عليك تقرير مفصل ابداع بما تعنيه الكلمه تغطيه عالميه الى الامام |
اقتباس:
معذور يا اخوي 🙏🏽 تسلم على كلامك الطيب والتشجيع الحلو هذا من ذوقك يا اخوي وبعض ما عندكم 💐 الحمدلله اني اقدر اخليكم تستمتعون وتستفيدون من التقارير .. اخذ راحتك في قرائته.. اي والله موقف المطار كان بايخ بس الحمدلله عدت على خير 🤲🏽 الله يعافيك ويسلمك على هالكلام شهاده وسام على صدري 🙏🏽💐 ما شاء الله عليها الله يحفظها وان شاء الله اوصل مثل اللي وصلت له 🙏🏽 مشكوووور على هالكلام الطيب وهذا اقل شي اقدمه للمنتدى .. |
اقتباس:
الحمدلله لازم الواحد يطلع عن المألوف ويشوف ويتعرف على بلدان العالم .. واايد امان والله كنت اشوف اجانب عوايل بروحهم من غير قروبات و حتى بنات من امريكا واوروبا ويقولون نستانس نزور هالدول من فرنسا وايد صادفناهم.. نروح اماكن سياحيه و نتعرف على الشعب وايد مسالم وفقير على قد حالهم ويستانسون لما يشوفون غرب زايرينهم .. الجو وااايد حلو و باارد انا بعد توقعته ربيعي اتشرفني متابعتك والله حتى انا من شفتهم يشونه استغربت 😁 اي يبيله مع الكشتات نورت التقرير بوعبدالله |
اقتباس:
الله يقدرني وامتعكم في تقارير اكثر حول العالم 🙏🏽 |
ماشاء الله .. جداً استمتعت بقراءة التقرير والصور عن بلد تقريباً مجهول سياحياً .. الشلال الي مشيتوا 50 دقيقة لين وصلتوا له كان عندكم خبر إن يبي له مشي؟ نفس الشي المرتفع الي صارت في حالة وفاة قبلكم بيوم، كنتوا عارفين عن صعوبة المكان؟ وبشكل عام بلد زي الإكوادور هل من الأفضل تكون الزيارة بجروب سياحي؟ |
| الساعة الآن 03:22 PM |
Powered by vBulletin® Copyright ©2000 - 2025, Jelsoft Enterprises Ltd.
Search Engine Optimization by vBSEO