شبكة و منتديات العرب المسافرون

شبكة و منتديات العرب المسافرون (https://www.arabtrvl.com/vb/)
-   بوابة امريكا (https://www.arabtrvl.com/vb/f168.html)
-   -   وصلنا امريكا قبل قليل (https://www.arabtrvl.com/vb/t50381.html)

حوآء قطر 28-08-2022 10:47 AM

عندي استفسار بسيط لو تكرمت اخوي اذا الواحد ساكن في اورلاندو وحاب يسافر الى سموكي ماونتن شنهي افضل منطقة يتوقف فيها للراحة لمدة يوم بين المكانين؟ الله يكتب لي سفرة لامريكا ان شاءالله لان ماسبق سافرت لها وحابه استفيد واخذ فكرة من المعلومات الي تقدمونها في المنتدى، اذا الله كتب لي وسافرت لها اول مكان هي اورلاندو عشان ديزني، بعدين افكر عن المدن الي حولها ممكن الواحد يسافر لها وتكون حلوه وفيها اماكن سياحية، لان منا من يحب الالعاب ومنا من يحب الطبيعة.
اكون شاكرة لكم اجابتكم وخبراتكم الله يسعدكم دنيا وآخرة (اذا الله كتب لي هذي السفرة ممكن تكون اول واخر سفرة لي لامريكا)

ابوسلمان 28-08-2022 08:50 PM

اقتباس:

المشاركة الأصلية كتبت بواسطة حوآء قطر (المشاركة 580532)
عندي استفسار بسيط لو تكرمت اخوي اذا الواحد ساكن في اورلاندو وحاب يسافر الى سموكي ماونتن شنهي افضل منطقة يتوقف فيها للراحة لمدة يوم بين المكانين؟ الله يكتب لي سفرة لامريكا ان شاءالله لان ماسبق سافرت لها وحابه استفيد واخذ فكرة من المعلومات الي تقدمونها في المنتدى، اذا الله كتب لي وسافرت لها اول مكان هي اورلاندو عشان ديزني، بعدين افكر عن المدن الي حولها ممكن الواحد يسافر لها وتكون حلوه وفيها اماكن سياحية، لان منا من يحب الالعاب ومنا من يحب الطبيعة.
اكون شاكرة لكم اجابتكم وخبراتكم الله يسعدكم دنيا وآخرة (اذا الله كتب لي هذي السفرة ممكن تكون اول واخر سفرة لي لامريكا)

حياك الله اخت حواء بالنسبه للمسافه من اورلاندو الى سموكي تقريباً 1000 كيلو ولها طريقين واحد اللي رحنا معه عن طريق اتلانتا (ولاية جورجيا) والاخر رجعنا معه عن طريق ولايتي نورث وساوث كارولينا مروراً ب(ديتونا بيتش) هذا اولاً علشان بس تعرفون المسافه والطريق المؤدي ،،،
بالنسبه للراحه في وسط الطريق ف يعتمد على رغبتكم مثلاً انا في الذهاب ريحت بعد 700 كيلو وفي العوده ماريحت مشيتها كلها مره وحده ،،
طيب نرجع للسؤال وين ممكن ترتاح فيه ! بالنسبه لامريكا الخيارات كثيره والله احنا ما نحدد مكان محدد اشوف مثلاً كم ممكن امشي او بعد كم ساعه ممكن اريح وابحث بقوقل عن علامة فندق واشوف تقيمه اذا فوق 4.5 من 5 ومن عدد كثير انسخ اسمه واحطه ب بوكنق واحجزه او احفظه واذا وصلت عنده احجزه وانا في المواقف يعني الخيارات كثير ولكن مافيه مكان محدد لازم اني ما اتعداه او لازم انام فيه يعني الشغله وليدة اللحظه وامريكا خياراتها كثير لكن الاختيار هو الاهم اتمنى اني وصلت الفكره واعتذر عن الاطاله بس علشان تتضح الصوره

حوآء قطر 29-08-2022 07:24 AM

[جزاك الله خير استاذنا الكريم على الردود المفيدة والله يسهل دربكم وترجعون لدياركم سالمين

ابوسلمان 29-08-2022 10:21 PM

Residence Inn by Marriott Miami Airport
مساء الخير للجميع اخر ليله قبل السفر سكنت في هذا الفندق بجوار مطار ميامي اخذت شقة غرفتين وصاله فيها صوفه ومطبخ متكامل ودورتين مياه (اكرمكم الله)وجميل جداً جداً بسعر 330 دولار الليله فأحببت اضيف هذه المعلومه للاستفاده

Fly.sky 30-09-2022 02:24 PM

الحمد لله على السلامه و شكراً على المعلومات المفيده

توبليرون 30-09-2022 10:14 PM

الحمدلله على السلامة
استمتعنا بتقريرك والمعلومات المفيدة استفدنا منها جميعا

الشعباوي 05-02-2023 02:26 PM

اقتباس:

المشاركة الأصلية كتبت بواسطة ابوسلمان (المشاركة 579987)
اكتب لكم الان من المقعد للعوده الى ارض الوطن بعد اجازة بدأتها معك من اول يوم الى اخر يوم ،،، اللهم لك الحمد والشكر قضينا تقريباً 50 يوم كأنها لمحة بصر ،، بلد غريب له عشق غريب لايفهمه الا من جرب تجربتي وحس بهذا الشعور ،، بلد يبهرني بالنظام حتى في قواعد المرور وعلامة قف اللي دبلت كبدي 😂😂بلد تلبس شورت او تلبس ماركه عادي لايقدم ولن يؤخر شي فيمن يقدم لك الخدمه ،، بلد لاتعترف بتغير سعر المينيو لاجل انك خليجي ،، بأختصار شديد امريكا حالة ذهنيه غريبه لايعشقها الا من يعشق النظام ولا يكرهها الا من يحب الشو والاستعراض لانها باختصار ماعندها تفرقه او بالاصح قد يكون في بعض الاماكن التي لاتعني السائح بشكل عام ،،، استودعكم الله واتمنى اني كنت ضيف خفيف الظل وتحياتي للجميع :63:

حي الله بو سلمان .. اتأسف اني ما كنت وياك لحظة بلحظة في سفرتك الامريكية

ولكن وصلت متأخر و استمتعت جدآ بتفصيلاتك و ملاحظات الجميلة لكل شي


انا داش اعلق على جملة جذبتني في كلامك عن امريكا (( بلد غريب له عشق غريب .. و .. بلد يبهرني ..))

امريكا تستطيع ان تكتفي بها عن العالم كله بالسفر .. حتى لما ذكرت جمال امريكا في خطوطها

ومسافتها و محطات البترول والاستراحات التي بها في الخطوط الخارجية ( نفس شعورك تمامآ )


زرت امريكا مرتين سابقآ .. وان شاء الله هذه السنة الى امريكا بعد غياب طويل نوعا ما ..

الله يسعدك و ينور دربك اخوي بو سلمان .. و نلتقي في سفرة و متعة امريكيه اخرى بالنسبة لك

Neptune 10-02-2023 12:43 AM

الحمد لله
 
الحمد لله على سلامتكم ، اتمنالكم رحلة ممتعة وامنة :e50c:

ابوسلمان 16-02-2023 06:39 PM

الله يسلمكم من كل شر واشكر لكم جميعا دعواتكم وباذن الله الجايات اكثر

خالدة_خالد 04-03-2023 11:50 AM

شكرا على مشاركة تجربتك اخي بوسلمان وذلك لتعم الفائدة
:e306:


الساعة الآن 08:08 AM

Powered by vBulletin® Copyright ©2000 - 2025, Jelsoft Enterprises Ltd.
Search Engine Optimization by vBSEO