ماشاء الله
الله يوفقكم وييسر أموركم بالنسبة للأوقات الصراحة مافيه وقت معين أنا دخلت مره الساعة ٢ الليل وحصلت موعد في سبتمبر ودخلت بعدها بيوم الساعه ٨ الصباح وحصلت في اوقست وكان مناسب لي وبعدها مابديت أحدث لكن كنت أشيك على مواعيد الرياض بس لايوجد مواعيد

العفو إستفدنا منكم ومن الأعضاء من قبل مشكورين
وأرجو الإفادة للأعضاء وتيسير الأمور لنا ولهم

تقدر تعدل عدد 2 مره فقط بعدها لازم تلغي الحجز وتقدم من جديد

مرحبا جميعا
الى الآن لايظهرلي مواعيد في الرياض كل يوم ادخل بعد 12 وفي الصباح

هل احد حصل موعد يفيدنا

شكرا

صباح الخير

احد يبشرني هل فيه مواعيد بالرياض ؟

Dan1989
والله انا مثلك ما زالت ابحث عن موعد دون نتيجة المشكلة عدد مرات الدخول في اليوم محدودة
واذا دخلت تطلع لي رسالة لا يوجد مواعيد متاحة بالرياض

الي عرفته قبل امس من مكتب سياحه بالرياض ان مواعيد الرياض مقفله لها شهر ونص ومايدرون متى يفتح

الرياض مازال غير متوفر
جدة لقيت 10 و11 اوجست اذا يناسبك ادخل بسرعة قبل تروح انا ماقدر على جدة

مرحبا بالجميع
اليوم كانت مقابلتي في قنصلية جدة وأنقل لكم تجربتي

الموعد لي ولزوجتي ولبنتي الحضور أنا وزوجتي
الموعد كان ٨ وربع أنا وقفت السيارة ٨ و١٠قايق حطيت ساعتي وجوالي بالسيارة
فقط كان معي الأوراق ومفتاح السيارة مشينا تقريبا ٣ دقايق للقنصلية وكان فيه أمن دبلماسي ونسألهم وكانو بشوشين جزاهم الله خير وقواهم
وصلت للقنصلية وقدامي طابور وقفنا في الطابور تقريبا ١٠ دقائق قبل دخول القنصلية والطابور لتسجيل الموعد وترتيب الأوراق بعد التسجيل دخلنا للقنصلية أول شي كان تفتيش أخذو مفتاح السيارة وعطوني رقم وهنا شفت بالأرفف جوالات وشناط كبيرة ياخذونهم من المراجعين ويعطونهم أرقام،
دخلنا للقنصلية وأخذنا رقم وجلسنا في الإنتظار وفيه تقريبا ١٠ كونترات أو أكثر وكان فيه شخص يبيع مويه وقهوه لكن مامعنا فلوس ماتوقعنا :7: خلو معكم كاش للي يحتاج
ويةجد برادة موية مجانية.
جا رقمنا تقريبا في أقل من عشر دقائق وكان شاب عربي سمح أخذ أوراق الأبلكيشن وسألنا عن سبب السفر ومكان الميلاد وأخذ بصماتنا فقط وقال استريحو وينادون عليكم بنفس الرقم وهذا كان أول ٥ او ٦ كاونترات نفس الطريق يسجلون الأبلكيشن والبصمات
ثم جلسنا تقريبا أقل من ١٠ دقايق وجا رقمنا مره ثانية في أحد الكونترات الباقية وكانت إمرأة أمريكية بشوشة طابقة جواز زوجتي لأنها كانت بالنقاب وأخذ بصمات اليد اليسرا لنا
سألتنا عن سبب الزيارة وقلنا سياحة ووين سافرنا الفترة الماضية وقلنا لها وقالت اول ذا فيزا اس ابروف.

ووبس :63:
ملاحظة:
أحد الكونترات طلبت مترجم وكان الشاب إلي استقبلنا في أول كاونتر يترجم لهم اذا فيه مشكلة مع وحتى هم كانو سمحين ويحاولون يتكلمون عربي ويوضحون والله ييسر الباقي يوفق الجميع ويكتب الخير.

تحديث
تم طلب تعبئة نموذج Ds 5535 لي أنا فقط

الله ييسر