|
بارك الله فيج وبجهودج الطيبة أختي الغالية أم حسين ما شاء الله على الزين تستاهل ربي يحفظها ويبارك فيها أهم شي نرتاح لما يكون الوزن أقل من المسموح وأكيد عصير الليمون نفس طلبي في المطار بعد اللوعة ما أحب تأخر الطائرة يخلونا متوترين الأفضل تحجزين الكراسي عند حجز التذكرة بسعر إضافي أنا دائماً أحجز الكراسي A ، B ، C يازين الكويت عمار يا كويت عمار طابور مطار هيثرو يكسح الرجل ويكرهج السفرة بس ما نصبر عن لندن وجوها وأسواقها متابعين معاج التقرير الجميل غاليتي |
اقتباس:
|
اقتباس:
اي اول السفره الجناط خفيفة عصير الليمون مريح للاعصاب احب الموهيتو يكون اخف بس كله حلوو اي احنا حاجزين بسعر اضافي ومختارين الكراسي بس هم غيروا الحمدلله لقيت الافضل حبيبتي وعمار لدول الخليج كلها الكرم فيهم كلهم هالمرة ماكان زحمة ابد بس ركاب طيارتنا وبما ان احنا تاخرنا ننطر سيارة الغولف فكنا اخر ناس ومافي احد جدامنا بسرعه خلصنا مانصبر على لندن اشكر مرورج الرابع تشرفنا وتابعي القادم:e304: اجمل :e304: |
نتابع معاكم اليوم الاول :hnngf: وصلنا الفندق اللي تم حجزه لمدة 5 ايام عند محطة مترو * ايرلي كورت * سنة 2016 كنا حاجزين فيه وحبينا نحجزه مره ثانيه كنت كاتبه عنه في تقرير سابق هو شقق فندقيه مخدومة يعني استقبال موجود وتغيير فرش وفوط وتنظيف الشقة وتزويدكم بادوات الحمام اسم الفندق No 1 The Mansions By Mansley وهذا حجزنا https://www.arabtrvl.com/up/uploads/...734555821.jpeg بتقولون غالي صح راح تشوفون ان كل فلس حلال عليهم يستاهلونه وكاتبين 2 حمام لا شوفو معاي تفاصيل الشقة المدخل من الداخل https://www.arabtrvl.com/up/uploads/...302087889.jpeg هذا عند المدخل وحاطين تقييماتهم https://www.arabtrvl.com/up/uploads/...988342373.jpeg وصورة للزين https://www.arabtrvl.com/up/uploads/...988369029.jpeg وعلى الفكرة المدخل محد يدخل الا بالكرت او تدق الجرس يكلمونك ويسئلونك عن رقم الغرفه بعدين يفتحونه مع ان في كاميرا عند الباب بس يتأكدون عدل السلالم النمط الانجليزي https://www.arabtrvl.com/up/uploads/...988360627.jpeg https://www.arabtrvl.com/up/uploads/...988356636.jpeg والمصعد على الطراز القديم باب خارجي حديد https://www.arabtrvl.com/up/uploads/...798834714.jpeg وباب داخلي شبك سحب https://www.arabtrvl.com/up/uploads/...988352235.jpeg مثل ما قلت لكم قبل لازم تسكرونهم وراكم لما تطلعون من الاصنصير علشان لا توهقون غيركم صارت معاي بنزل والا ما يصعد لي نزلت ولقيته بالدور التحتي مفتوح الشبك https://www.arabtrvl.com/up/uploads/...988364738.jpeg الباب اللي يسار يودي للاستقبال https://www.arabtrvl.com/up/uploads/...883739810.jpeg هذا الممر يودي على غرفة الاستقبال يسارنا ويمينا غرفة مخزن ومطبخ صغير واذا كملنا سيدا تلاقون تكرمون الحمامات وغرف ادارة بعد و هذا استقبالهم قعدنا على قلبهم نبي ندخل اغراضنا 8 جناط كبيره وجنطتين صغار https://www.arabtrvl.com/up/uploads/...988332541.jpeg https://www.arabtrvl.com/up/uploads/...988337422.jpeg قعدنا قالو الشقة تتجهز بس تقدرون تحطون اغراضكم بالمخزن عندنا وتروحون وتيون او تقعدون تنطرون عادي قالو العيال وابوحسين خل نروح نتغدى ونرجع طلعنا واتجاهنا يمين تلاقون شارعنا كله مطاعم ومحلات وبقاله وسوبر ماركت مارك سبنسر للاغذيه والمحطه وبوتس كل شي يمنا https://www.arabtrvl.com/up/uploads/...883779211.jpeg https://www.arabtrvl.com/up/uploads/...883822712.jpeg محل مارك سبنسر للاطعمة كل شي فيه جاهز بس طبخ خفيف وهالمحل عجبني الزرع على المطعم او بار بكل مكان لهم يتميزون بديكور الورد هذا https://www.arabtrvl.com/up/uploads/...883869713.jpeg https://www.arabtrvl.com/up/uploads/...883920914.jpeg مطعمنا جارهم وهو كيلوبترا مطعم مصري بس متنوع الاطباق https://www.arabtrvl.com/up/uploads/...883967515.jpeg https://www.arabtrvl.com/up/uploads/...884007716.jpeg https://www.arabtrvl.com/up/uploads/...884096418.jpeg طلبنا وقعدت اصور لكم المكان واللي يخدمنا شاب عراقي خدوم https://www.arabtrvl.com/up/uploads/...884141519.jpeg https://www.arabtrvl.com/up/uploads/...884185120.jpeg وصل اول طلب سفن اب لي او شبيه للسفن طبعا انا حاشتني الكرونا قبل السفرة باسبوعين وصرت بس ابي شي بارد خفيف سفن او موهيتو ليمون https://www.arabtrvl.com/up/uploads/...803166771.jpeg وطلبات ربعي للمشروبات https://www.arabtrvl.com/up/uploads/...803167272.jpeg ورق عنب وحمص https://www.arabtrvl.com/up/uploads/...031676643.jpeg لزانيا لي https://www.arabtrvl.com/up/uploads/...803168144.jpeg https://www.arabtrvl.com/up/uploads/...031685725.jpeg وطبق اصابع الفيش لحسين https://www.arabtrvl.com/up/uploads/...031690346.jpeg وسندويشات شاورما دجاج طلبات البقيه https://www.arabtrvl.com/up/uploads/...803169467.jpeg https://www.arabtrvl.com/up/uploads/...031698338.jpeg https://www.arabtrvl.com/up/uploads/...031703439.jpeg وسلطة ضيافة https://www.arabtrvl.com/up/uploads/...317079910.jpeg زيونه وعماتها راحو ماكدونالد تغدو فيه وهو في نفس الشارع الحمدلله الاكل حلو وكميته كافيه والسعر مادري عنه لان ابوحسين يحاسب عند الكاشير واحنا بعدنا ما خلصنا بعد الغدا رجعنا الفندق ولقيناهم بعدهم ما خلصت الشقه طلبنا الواي فاي وعطونا هالكرت https://www.arabtrvl.com/up/uploads/...317124911.jpeg يتبع ....🏩🏩🏩 |
ونتابع تفاصيل الشقة :hnngf: البنات راحو يشترون خطوط تلفون وباص وحسين قال بروح حق نادي تشيلسي سمع الشاب العراقي قاله 10 دقايق مشي ودلاه الطريج واصلا كلهم قامو يفتحون خريطة غوغل ويمشون عليها وبوحسين قال بروح اتمشى على ما تجهز الشقة ظليت انا وزيونه عند الريسبشن ..وشوي قال الشقة جاهزة وياخذنا فوق للشقة ونزل صعد لي الجناط كلها وهذه شقتنا 3 H https://www.arabtrvl.com/up/uploads/...317167612.jpeg وانا على ما اييب الجناط قعدت اصور لكم ممر تقريبا نفس ممر الريسبشن في غرف يمين يسار وندخل اول غرفة او نقول صالة براحة كبيره وفيها تلفزيون كبير https://www.arabtrvl.com/up/uploads/...317208413.jpeg https://www.arabtrvl.com/up/uploads/...317250914.jpeg شفتوو الوسع وحجم الغرفه فيها هالخزانه فتحتها والا كتب قصص نفس الشقة السابقة كان في قصص بعد https://www.arabtrvl.com/up/uploads/...317293415.jpeg https://www.arabtrvl.com/up/uploads/...317379517.jpeg https://www.arabtrvl.com/up/uploads/...031742118.jpeg الزين تبي قصة اطفال لقيت لها قصة صغيره عطيتها بس شافت اول صفحة وردتها تقول * نت فور ماي إيج * https://www.arabtrvl.com/up/uploads/...317463219.jpeg وهذه خزانه ثانيه بنفس الغرفة الجرارات كلها فاضيه علشان تستخدمونها https://www.arabtrvl.com/up/uploads/...317337316.jpeg https://www.arabtrvl.com/up/uploads/...115832862.jpeg شايفين الوسع صج شقة عائلية بس تدرون يمكن بس اقل من ساعه خلال الفتره اللي قعدناها هني قعدنا بهالصاله لان الجو ما يسمح كل غرف النوم فيها مراوح بس هذه الصاله وغرفة الطعام مافيهم وعلة هالغرفه ان الشبابيك ما تنفتح الا فتحة صغيره تنسيم بس ما تنفع بالصيف الحار الغرفة الثانية غرفة الطعام والوسع واضح https://www.arabtrvl.com/up/uploads/...317507120.jpeg https://www.arabtrvl.com/up/uploads/...811582991.jpeg https://www.arabtrvl.com/up/uploads/...115837243.jpeg https://www.arabtrvl.com/up/uploads/...115841424.jpeg https://www.arabtrvl.com/up/uploads/...115845795.jpeg طاولة 8 كراسي وبعد فيها مكتب وخزانه لتستخدمونهم https://www.arabtrvl.com/up/uploads/...115849726.jpeg https://www.arabtrvl.com/up/uploads/...115854017.jpeg https://www.arabtrvl.com/up/uploads/...115858228.jpeg شفتو الوسع هذه قعدنا فيها وايد بس نفتح الشباك يدخل علينا البراد ونطلع مقابلهم غرفة فيها سريرين وحمام وفي باب يدخلكم لغرفة فيها سرير بونفر https://www.arabtrvl.com/up/uploads/...115862189.jpeg الوان ورق الجدران هاديه ومريحة للعين هذه الغرفة فيها بعد ميز تواليت وكبت ميز التواليت والمروحة https://www.arabtrvl.com/up/uploads/...158664910.jpeg https://www.arabtrvl.com/up/uploads/...158707411.jpeg الكبت شوفو طرازه القديم وايد حبيت الاثاث https://www.arabtrvl.com/up/uploads/...158792813.jpeg وهذه الغرفة الصغيرة ام سرير واحد لها بابين واحد بظهري يطلع على غرفة البنات والثاني يطلع على ممر المطبخ اللي باين بالصورة وفيها ميز تواليت وخزانه مادري ليش ما صورتهم مطلهم على حديقة صغيره تابعه للفندق https://www.arabtrvl.com/up/uploads/...237863054.jpeg نرجع نشوف حمامهم فيه بانيو وفي شاور بوكس https://www.arabtrvl.com/up/uploads/...816530222.jpeg https://www.arabtrvl.com/up/uploads/...281653063.jpeg https://www.arabtrvl.com/up/uploads/...165309894.jpeg واسع بعد وفيه شاور بوكس وبانيو ونطلع من غرفة البنات https://www.arabtrvl.com/up/uploads/...158752512.jpeg الممر ونشوف باب الشقة وعلى اليسار الصاله وغرفة الاكل واليمين غرفة البنات وراي اخر الممر نلاقي غرفة بعد فيها سريرين وخزانه وميز تواليت الخزانات بالشقه كلها طراز قديم ما صورتهم هني بس اكيد بيطلعون صورهم بالاجزاء اليايه https://www.arabtrvl.com/up/uploads/...165313615.jpeg https://www.arabtrvl.com/up/uploads/...165317786.jpeg هذا الرف ما احبه ههههه رقع راسي رقعه للحين مكانها اذا چسته يعورني كله بسببي بشيل الشاحن من الايفون وأنا قايمه والا اوف انرقع راسي حسيت بدوار بس اشوه ماكو شي نكمل الغرفه https://www.arabtrvl.com/up/uploads/...165322057.jpeg https://www.arabtrvl.com/up/uploads/...165326358.jpeg نطلع من الغرفه هذه دريشه تطل على الحوش للعمارة ويمها كبت فيه مكنسه واوتي وطاولة الاوتي https://www.arabtrvl.com/up/uploads/...165330799.jpeg https://www.arabtrvl.com/up/uploads/...413697281.jpeg وهذا الحمام الثاني بعد فيه بانيو وشاور بوكس https://www.arabtrvl.com/up/uploads/...653345310.jpeg https://www.arabtrvl.com/up/uploads/...653388911.jpeg https://www.arabtrvl.com/up/uploads/...653431512.jpeg وهذه ماركة الشامبو وتوابعه اللي يحطونها لنا https://www.arabtrvl.com/up/uploads/...653675418.jpeg https://www.arabtrvl.com/up/uploads/...653635317.jpeg وبعد الحمام نروح المطبخ https://www.arabtrvl.com/up/uploads/...165298441.jpeg وهني ضاق خلقي قلت للريال وهو يصعد الجناط تعال احنا طالبين 7 سراير وهني بس 5 وين الباجي چان يقول تعالي معاي وياخذني المطبخ ويطلعني من باب المطبخ الثاني والا غرفة وحمامها وهذه الغرفة https://www.arabtrvl.com/up/uploads/...653475813.jpeg وهذا حمامها اعذروني اخر شي الصور صارت فيه رجة من التعب ههههه https://www.arabtrvl.com/up/uploads/...653515414.jpeg https://www.arabtrvl.com/up/uploads/...653556315.jpeg نرجع المطبخ وهذا الباب اللي يدخل على الجناح الصغير وهو ممر فيه الحمام ويسار غرفة النوم https://www.arabtrvl.com/up/uploads/...653596816.jpeg وهذا المطبخ فيه كل الاجهزه غسالة ونشافه وغسالة مواعين وفرن وچولة ومكرويف وثلاجة وفريزر https://www.arabtrvl.com/up/uploads/...653717519.jpeg https://www.arabtrvl.com/up/uploads/...653759120.jpeg https://www.arabtrvl.com/up/uploads/...281990232.jpeg وحاطين لنا بوكس شاي وقهوة انواع وايد وبطلين ماي كبار بالثلاجة مع ان ماي الحنفيه عندهم صالح للشرب https://www.arabtrvl.com/up/uploads/...199017941.jpeg https://www.arabtrvl.com/up/uploads/...199027113.jpeg https://www.arabtrvl.com/up/uploads/...199031424.jpeg https://www.arabtrvl.com/up/uploads/...199035635.jpeg خلصت تصوير الشقه المهم قعدت اريح وانطر حسين وزوجته ...بخيرهم الغرفة الثانيه او اللي ورا المطبخ يبون لان الاولى خلاص حق البنات وزيونتي معاهم وحسين اختارو اللي ورا المطبخ وقعدنا انا وزيونه نريح وطبعا الزين شبكت انترنت تكلم اهلها بالايباد وتلعب مع اخوها روبلكس يتبع ...:56::56::56: |
ما شاء الله الشقه وايد راهيه وحلوه ونظيفه والاحلى على الطراز الفيكتوري |
شلون اكل مطعم كيليو بترا ؟ تقييمج؟ |
ياسلااام الصور تقولي قومي حجزي على اول طياره الاكسفورد تشيلسي كل شي حلووو بس اقوى شي الوافل احلى وافل مر علي هذا عوااافي 👌🏽👌🏽👌🏽 ما شاء الله مبينه زحمتنا 😂😂😂 |
توفقتوا بالشقة واسعة وتقييمها عالي الموقع ممتاز بعيد عن الزحمة بس بالمترو كل شي قريب ما شاء الله الزين كبرت وصارت تقول NOT FOR MY AGE :32: الله يحفظها لكم اليوم الأول حلو بس أحسه تعب عليكم مشاوير كثيرة على أول يوم بس يمكن فرحة لندن ياكثر الخليجيين في مطاعم هارودز اللي بالداخل بعضها بالحجز متابعين :e306: |
| الساعة الآن 04:04 AM |
Powered by vBulletin® Copyright ©2000 - 2024, Jelsoft Enterprises Ltd.
Search Engine Optimization by vBSEO