|
الهدية تعتبر شي جميل ومفرح للمتلقي حتى لو كانت صغيرة لكنها متعبة ومحيرة للمسافر |
اذكر في سفرتي لمريكا كلفتني الشحن للشنط حقت الهدايا اضعاف قيمة المشتريات |
الان الحمد لله طلب اون لاين من اي دولة وتصلك لبابك فخفت طلبات الهدايا |
الله يسلمك من الشر يا اخوي ابو غسان الله يحفظك والجميع يارب .. |
عندي تعقيب ع موضوع الهدية مًوضوع جميل خاصة انه طرح في منتدى يخص السفر :e112: رحلات السفر في الإجازات، سواء كانت إلى الوطن الأم أو سياحة، تتطلب ميزانية خاصة بمصاريف الرحلة، من ضمنها الهدايا التي تأخذ في الغالب الحصة الأكبر من المصاريف. وانا نفس كلام الجميع وعن نفسي مثل ابو معتز موضوع التخصيص اصبح عنوان لنا .. البعض يكتفي بهدايا بسيطة ترمز إلى البلد الذي يزورونه أو يقيمون فيه، والبعض العكس تكون باهضة الثمن فتكون الهدايا بهدف التباهي مع الأسف مشكلتنا المبالغة فقط الاجانب بصفه عامة يشترون بطاقات تذكارية لأقاربهم شي مهم بعد نغفل عنه شراء الهدايا يأخذ الكثير من الوقت الذي يفترض أن يخصص للاستمتاع بالسياحة، ثقافة التباهي بالهدايا سببت «ارهاق مالي» للشخص، خصوصاً بعد عودته من السفر. وبعد سهولة استخدام بطاقات الائتمان شجعت البعض على زيادة مصروفات السفر، جعل البعض عنده صعوبة الالتزام بسداد الدفعات الشهرية للبطاقات ... |
صحيح أم معتز التسوق للهدايا يأخذ وقت ومال الواحد عنده شنطة محدودة ويضطر يشتري شنطة إضافية الأفضل تطنيش موضوع الهدايا واستغلال الوقت بالاستمتاع في المعالم :58: |
اقتباس:
المشكله ان شراء الهدايا ليست للتباهي لو كانت للتباهي مثلاً وانا عارف ان زوجتي او احد ابنائي يبغى يشتري هديه بس على شان ( شوفوني سافرت ) لي الحق ك ATM متنقل اني ارفض وبشده لكن الامر يقولون الهدايا للوالده الله يحفظها ولوالدتك انت يالزوج الله يحفظها على شان ماتزعل اذا عرفت !! وهدية لفلانه مسكينه عاطله ونبي نفرحها وهديه لاختك لانها راعية مشاكل ( تسكيته ) ونمضي على ذا الحال وتلاقي نفسك اشتريت للحاره كلها والحواري المجاوره ! وبالنهايه اذا ضغطت عليهم بعدم ضياع الدراهم ع الفاضي قالوا طيب بشتري لي انا ملابس خاصه فيني ممكن ؟ * مدري ليش الحريم اذا شافوا السوق ينهبلون وتضيع علومهم والشيطان مبسوط على المشاكل وهو اللي يدف لها عربية المول :e311: |
ههههههههه أبو عبدالله التسوق مشكلة عامة فينا وفيهم :10: بالنسبة لي اعتبره من فعاليات السفر برأيك الشيطان لاعب علي برضه :32: |
ماشاءالله عليك يا أخوي أبو غسان «الاعتراف بالحق فضيلة»:7: |
الحقيقة يا أم معتز أن التسوق عندي أفضل من زيارة بعض المعالم عشان كذا البس طقم وطقم ثاني احتياط بالشنطة وأرجع بملابس جزم وان أمكن عطور جديدة حتى معجون الأسنان والشامبو والصابون اشتريه من هناك تجربة جديدة في كل شيء ما أخذ معي الا الضروري جداً |
| الساعة الآن 02:16 PM |
Powered by vBulletin® Copyright ©2000 - 2025, Jelsoft Enterprises Ltd.
Search Engine Optimization by vBSEO