|
|
اقتباس:
... الورده لحالها سالفه :1: ههههههههههههه هههههههههههههه |
مدري وش سالفه الموضوع لكن كأنه حق سوالف :14: مساءكم خير ...حصلت على خمس ايام من العمل / جلست مع نفسي وقررت اني لازم اسافر افصل لي خمس ايام .. استشرت قيادة اركان الاسره فابدت عزمها على زيارة امها وعائلتها .. فعلمت حينها انني سأخوض السفر القصير وحيدا .. فحمدت الله وشكرته واثنيت عليه ثم قال لي ضميري رح لمصر .. خمس ايام .. تصارع فيها اصحاب التكاسي وتركب فيها مركب فيه عجوز ترقص بعيد ميلاد ميرفت فقلت لا .. مصر مليت منها رايح لها كم مره يعني مافيها اثاره .. مافيها ( هولة ) جاتني فكره اني اروح نيودلهي .. اسبوع فاستبعدت الفكره وتعوذت من الشيطان .. فقلت اوكي .. امنا بالله وش رايك يبولجين تروح تبوك وهكالديار رحله داخليه لمناطق ماسبق وجيتها ومن التقارير وصور الاصحاب انها جميله واعددت العده وكلمت بعض الاصدقاء والناس ( بالشتاء ) تكون جاهزيتهم عاليه .. ولكن في اخر لحظه ماادري وش جاني ما ارتحت .. واتاني هاجس قديم كنت اسويه ببعض الفترات القصيره وهو ( العزله في مكه ) 4 ليالي لوحدك .. في مكه المكرمة .. تنفصل فيها عن العالم وحيدا ..( وسط وجوه الغرباء ) << قلبها ادب الاخ :14: / حسبتها وقلبتها وعقدت العزم على مكه المكرمه وصولي الميمون الخميس مساء الى الاثنين ان شاء الله / رحت شريت احرام واخرجت الشواحن المجيده واعددت العده وناديت شنطتي فاتت تتقافز كالغزال ( مثل هايدي في ارياف سويسرا ) .. قلت لها بنسافر ففتحت سحاباتها طربا .. وبدت ارقامها تتحرك مكونه 707 :14: / للأمانه التأمل في الناس في الحرم شي جميل جدا .. .. والاحاديث العابره مع الناس فرصه للتعرف على الثقافات على مختلف تنوعها .. / فمن اراد زيارة سموي .. فانا هناك في مكه من الخميس للاثنين تلقوني عند باب برج التوحيد معي ورده من ورود اخر فرصه .. والعلامه الاخرى اني انا وشنطتي محرمين .. :24: ردائها الابيض زادها وقارا .. |
قرار جميل وبالفعل اللف بالساحة بعد صلاة المغرب جميل جدا بعد صلاة العشاء تروح تأخذ لك عشاء من مطعم حراء في أبراج مكة ثم تحلي من ايسكريم العاصمة قدام أبراج الصفوة والفطور من مادو تحت فندق كونراد وتقهوى عند ستاربكس قريب منه ولا تنس تأخذ معك الوردة عشان ما نضيعك :34: |
كل عام والجميع بألف خير وان شاء الله 2024 تزورون مدن جديدة المميز أن كل شوي نسمع بالغاء نظام التأشيرة عن بلد جديد ودي أزور روسيا لكن اندونيسيا وحشتني بلحيل لذا أتوقع هي أول بلد أزورها آخر سفرة لي كانت الى أمريكا 2019 بعد كورونا فقدت شغف السفر :e419::e01d::e419: |
| الساعة الآن 01:59 AM |
Powered by vBulletin® Copyright ©2000 - 2025, Jelsoft Enterprises Ltd.
Search Engine Optimization by vBSEO