|
اقتباس:
لاهنت يابو معتز ومنكم نستفيد انا خبرتي في العملات والسحب والبطاقات قليله جدا اذا سافرت اعتمد على بطاقة مدى اسحب منها كاش سحبه وحده في اليوم ويكون الكاش حق اليوم هالسنه ناوي احط مبلغ في فيزا الراجحي مسبقة الدفع واسحب منها وانا في بالي ان رسوم السحب اقل من رسوم السحب من بطاقه مدى وقد اكون غلطان ! وهل لازم تكون عندي بطاقة عملات ؟ وايش ميزتها بالضبط او ايش الفرق بينها وبين مدى ؟ ياليت تعطوني مثال واضح على شان افهم تعرفون اخوكم على قده :31: |
اقتباس:
خرعهم هالهولاندي اللي قال بيجيكم زلزال قوي في الاسبوع الاول من june |
اقتباس:
فعلاً هبوط مظلي عنيف لليرة |
اقتباس:
يا هلا بك أخوي أيو عبدالله الأمر بكل بساطة أنت الواحد ما يعتمد على حمل الكاش معاك بأستمرار خصوصاً في التسوق و المشتريات إلا في بعض الأماكن فالأغلبية مؤخراً أصبحوا مع التوجه إلى تقليل الكاش للحد الأدني ... الكاش يعتبر مخاطرة و حمله يجعل الواحد مطمع و يسهل فقدانه ... و الشئ الثاني أن الواحد بيضطر إلى السحب بشكل دائم و كل عملية سحب عليها رسوم دولية + فرق العملة (إذا أستخدمنا بطاقة مدى أو بطاقة الفيزا) يعني بطاقة مدى في حسابك البنكي بالريال السعودي و أنت تحتاج تسحب مثلاً ليرة تركية تروح لأحد مكائن الصرف التابع للبنوك التركية و تطلب بالتأكيد ليرة سحبت 5000 ليرة (البنك السعودية خصم من حسابك 950 ريال فرق العملة + 35 ريال رسوم عملية سحب نقدي دولية) نأتي هنا لتوضيح بطاقات العملات ... تصدر بطاقة عملات أو كما تسمى بطاقة السفر و تكون فيها 5 عملات ثابتة (الريال - الدولار - اليورو - الدرهم الأماراتي - الجنية الأسترليني ) أنت مسافر تركيا تدخل على حسابك و تختار أضافة عملة (القيمة 28.5 ريال مع الضريبة) و بعض البنوك يأخذون رسوم سحب محلية بعد كذا تفتح محفظة الليرة التركية و تختار أضافة رصيد لنفترض 5000 ليرة مباشرة يخصم من رصيدك المبلغ المستحق 907 ريال حسب سعر الصرف يوم العملية ... و أي مكان تشتري منه و تستخدم البطاقة على طول يخصم من رصيد الليرة و تريح رأسك من رسوم السحب الدولية و حمل الكاش بشكل عام لابد من أن يكون معاك قليل من الكاش لأن بعض المحلات الصغيرة ما يقبلون الدفع بالبطاقة ... أعتذر عن الأطالة .... و أتمنى يكون شرحي واضح |
وافي يابو معتز الله يرحم شيبانك زبدة الموضوع لابد من حمل القليل من الكاش ولابد من وجود بطاقة عملات لتفادي رسوم السحب الدولية . طيب هل يوجد في تركيا ناس مساكين يطلبون فلوس مثل اللي نشوفه في مصر ؟ والا ماعندهم ؟ |
ما قصر أبو معتز في تركيا ما تشوف شحادين كثير يعتمدون النصب أكثر من الشحادة لذا خل الرادار شغال على طول والله يحفظكم بس طلع بطاقة الراجحي سفر بلس مجانية مدى الحياة وفيها كل العملات |
تسلم يا أبو عبدالله ... نعم القليل من الكاش لابد منه و خصوصاً مثل ما ذكرت لك مثل بتحاسب تاكسي أو شريت شئ من بقالة صغيرة أو بائع متجول ... من ناحية البطاقة أشوف أن بطاقة سفر بلس مؤخراً و بعد أمكانية أضافة عملات للبطاقة مميزة في سعر الصرف هي الأقل من بين باقي البطاقات الشحاذين قلة في كل مكان و خصوصاً من مشاهدتي لهم في أسطنبول في الشوارع الرئيسية مثل شارع الأستقلال في تقسيم (جالية معينة هم الأغلبية ... نسأل الله أن يرفع عنهم البلاء) |
بالتوفيق ابو عبدالله لرحلتك الميمونة سوف تنبسط ياصديقي وتعيش جو خيالي في الشمال هل الشركة التي معكم تاخذكم من الصباح الى المساء او قت معين |
|
|
| الساعة الآن 11:58 AM |
Powered by vBulletin® Copyright ©2000 - 2025, Jelsoft Enterprises Ltd.
Search Engine Optimization by vBSEO