|
صباح الخيـر .. و نكمل لكم الحدّوتـَة https://www.arabtrvl.com/up/uploads/...2039920421.png 17 يوليو : Manjanggul Cave Seongsan Llchulbong Kayak Eco Land Theme Park قبل حجز رحلتنا لجيجو جلست أشوف وضع التاكسي هناك و طلع فعلاً مو دائماً متوفر و صعب الواحد يحصله نفس سيئول :thumbdown: و تواصلت مع الفندق و سألتهم عن أسعار السيارات الخاصة و طلع السعر مرتفع جداً خاصة إننا نحتاج سيارتين من سياراتهم ! و سألت أشخاص في سيئول عن توفر التاكسي هناك في حال كانت معلوماتي غير صحيحة ، و طلع فعلاً صعب ! قررت أدور شركة مناسبة ، لقيت في Tripadvisor أشخاص يعملون لحسابهم الخاص و مسوّين جدول ليوم واحد فقط و بنضطر نتواصل مع كذا واحد عشان باقي المناطق ، فما ارتحت نفسياً لهاذي الطريقة و حسيتها تضيع وقت ! و مالقيت إلا شركة واحدة فقط و اللي كانوا واضحين تماماً ، اتفقت معهم على سائق يتحدث الإنجليزية و سيارة كبيرة للجميع طوال فترة تواجدنا في جيجو ، من المطار إلى المطار يعني .. يومياً لمدة 8 ساعات .. و كان المبلغ 3300 ريال " أشوفه جداً مناسب .. سيارة فان كبيرة + 8 ساعات يومياً " . أرسلوا لي جدول من عندهم و لكنّـي فضّلت أحذف و أضيف من عندي :59: و أرسلت لهم الأماكن اللي أبيها و رتبوها لي بحيث تكون الأماكن قريبة من بعض ، و ما يضيع علينا وقت ، لأن جيجو كبيرة جداً جداً جداً ، أكبر من سيئول بثلاث مرّات ! و ما كان متوفر سائق يتحدث الإنجليزية ! فأرسلوا لي مرشد سياحي يتحدث الإنجليزية " بدون مقابل " :(41): و الصدق كان الموضوع ما يستاهل تواجد المرشد نهائياً ، بس حليل ، ما عم يشكي من شي ! نجي ليوم السفرة .. طيارتنا كانت الساعة 7 صباحاً ، صحينا الساعة 3:30 الفجر ، ضبطنا الأغراض اللي بناخذها معنا ، و خلينا باقي الشنط في الفندق ، وصل السائق الساعة 5 الفجر ، وصلنا المطار بعد ساعة تقريباً ، و كل الأمور متيسرة الحمدلله :(60): https://www.arabtrvl.com/up/uploads/...2039923842.jpg شحنّا الشنط ، و دخلنا للصالات ننتظر الطيارة ، و أخذنا قهوة ، و حلى كان لذيذ جداً جداً :yolks00550: و من لذته قرصني قلبي و قلت أرجع أتأكد إذا حلال أو لا ؟ و طلع بخط صغير جداً عند عفطة البلاستيك إنه يحتوي على جميع ما حرّم الله :yolks00350: ! https://www.arabtrvl.com/up/uploads/...2039976764.jpg للي ودّه يشتغل أو يستكن :(90): https://www.arabtrvl.com/up/uploads/...2039941963.jpg الشيء اللذيذ الحرام أستغفر الله :( ! https://www.arabtrvl.com/up/uploads/...1204001055.jpg كانت مدة الرحلة من سيئول إلى جيجو ساعة و عشر دقائق ، و الحمدلله كانت سريعة و لطيفة . https://www.arabtrvl.com/up/uploads/...2040017986.jpg وصلنا و استقبلنا المرشد في جيجو بلوحة ترحيبية .. قبل السفرة سألوني الشركة وش حابّين نكتب في لوحة الاستقبال ! خليتهم يكتبون اسم خواتي الصغار :(141): ! https://www.arabtrvl.com/up/uploads/...2040048637.jpg https://www.arabtrvl.com/up/uploads/...1215101591.jpg https://www.arabtrvl.com/up/uploads/...2151047132.jpg https://www.arabtrvl.com/up/uploads/...2151054473.jpg https://www.arabtrvl.com/up/uploads/...2151087234.jpg الفندق حقنا كان بعيد شوي فقررنا حفاظاً على الوقت إننا نزور كم منطقة سياحية .. خاصة إننا شبعانين نوم ، و مصحصحين .. طبعاً أغلب الفنادق و المنتجعات بعيدة شوي عن المدينة ، خاصة إذا فضّلت تكون الإطلالة على مناظر طبيعة . المشوار الأول كان إلى Manjanggul Cave ، واحد من أطول كهوف الحمم البركانيّة العشرة في العالم ، عُيّن من قبل اليونسكو كموقعٍ للتراث الطبيعي في جزيرة جيجو ، سعر تذكرة الدخول للكبار 4 آلاف وون ( 12 ريال ) وَ في أغلب الأماكن السياحية في جيجو أختي الصغيرة سعر تذكرتها أرخص ( عمرها 17 سنة ) ، تذكرة المراهقين نصف سعر الكبار ! قالنا هالمعلومة المرشد السياحي .. فصورة من الجواز مهمة في حال العمر تحت الـ 18 سنة ، و كذلك للي أعمارهم تحت 21 لهم سعر أقل من الكبار . https://www.arabtrvl.com/up/uploads/...2183320431.jpg https://www.arabtrvl.com/up/uploads/...2183326422.jpg https://www.arabtrvl.com/up/uploads/...1218335793.jpg https://www.arabtrvl.com/up/uploads/...2183388314.jpg https://www.arabtrvl.com/up/uploads/...2183395245.jpg https://www.arabtrvl.com/up/uploads/...2183401756.jpg https://www.arabtrvl.com/up/uploads/...2183434817.jpg https://www.arabtrvl.com/up/uploads/...2183440738.jpg https://www.arabtrvl.com/up/uploads/...2203180095.jpg https://www.arabtrvl.com/up/uploads/...2203074181.jpg https://www.arabtrvl.com/up/uploads/...2203109042.jpg https://www.arabtrvl.com/up/uploads/...2203117153.jpg https://www.arabtrvl.com/up/uploads/...2203148974.jpg المشوار الثاني كان Seongsan Llchulbong ، عبارة عن مخروط من التوليفات البدائية يتكون من ثورات بركانية مائية على قاع البحر الضحل منذ حوالي 5 آلاف سنة .. التذكرة كانت للشخص البالغ 2000 وون ( 7 ريال ) ، تحتاج لياقة بدنية مرة ، تفرقنا حنّا و كل واحد وصل لمسافة مختلفة ، يوم عجزنا نكمله كله ، دحدرنا :D و رحنا أخذنا آيسكريم بالمندرين و نرجّع السعرات اللي حرقناهن :(148): ! https://www.arabtrvl.com/up/uploads/...2494551510.jpg https://www.arabtrvl.com/up/uploads/...2228390481.jpg https://www.arabtrvl.com/up/uploads/...2228419992.jpg https://www.arabtrvl.com/up/uploads/...2228450833.jpg https://www.arabtrvl.com/up/uploads/...2228458794.jpg https://www.arabtrvl.com/up/uploads/...2228466595.jpg https://www.arabtrvl.com/up/uploads/...2228474136.jpg https://www.arabtrvl.com/up/uploads/...2228482067.jpg https://www.arabtrvl.com/up/uploads/...2249249271.jpg https://www.arabtrvl.com/up/uploads/...2249256312.jpg https://www.arabtrvl.com/up/uploads/...2249285793.jpg https://www.arabtrvl.com/up/uploads/...2249293754.jpg محل Souvenirs :e447: https://www.arabtrvl.com/up/uploads/...1224932575.jpg https://www.arabtrvl.com/up/uploads/...2249391018.jpg https://www.arabtrvl.com/up/uploads/...2249422879.jpg صورة تسبب راحة نفسية :(34): https://www.arabtrvl.com/up/uploads/...1224935446.jpg بعدها قلنا للمرشد نبغى مطعم شعبي تقليدي و يقدم أطباق خاصة بجيجو ، و الحمدالله كان مأكولات بحرية ، و بلغهم إننا مسلمين و كثير أشياء ما نآكلها ، و ضبطونا .. طلبنا كان ( سمك سبار مشوي كامل وَ غالتشي جوريم اللي هو سمك مطهو ببطء مع صوص حار على الطريقة الكورية ) ، طبعاً بهالرحلة كل مارحنا مكان قدموا لنا نفس الأطباق لأنها أطباقهم التقليدية :essen: و الصدق ما غيرنا عشان ما نبلش بطعم شيء غريب ، اعتدنا هالطلب :D ! https://www.arabtrvl.com/up/uploads/...2359199574.jpg https://www.arabtrvl.com/up/uploads/...2359137421.jpg https://www.arabtrvl.com/up/uploads/...2359144052.jpg و انطلقنا للمشوار الثالث و كان للـ Kayak ، سعر التجديف أذكر نصف ساعة بأقل من 40 ريال ، بس فعلياً ما كنت مركزة لأني خفت على أهلي و هم راكبينها و بلشت أراقبهم :(155): بس أذكر كانت رخيصة جداً جداً . https://www.arabtrvl.com/up/uploads/...2331330481.jpg https://www.arabtrvl.com/up/uploads/...2331362822.jpg https://www.arabtrvl.com/up/uploads/...1233139613.jpg https://www.arabtrvl.com/up/uploads/...2331428454.jpg https://www.arabtrvl.com/up/uploads/...2331461285.jpg https://www.arabtrvl.com/up/uploads/...2331493456.jpg طبعاً فيه أماكن كثييييييييرة بجيجو للتجديف ، و لكن اخترنا هذا بالذات لأن القوارب شفافة + المسافة تبع تدرج الموية من القليل للعميق كبير جداً :24: يعني الموية العميقة بعييييدة ، فصعب خواتي الصغار يوصلون للمنطقة العميقة ، لأنهم ممكن يلعبون و يستهبلون و يقلبون :(38): عشان كذا ارتحنا لهذا المكان .. أما أخوي فوصل للمكان البعيد بس أخذ وقت طويل جداً . أما المشوار الأخير قبل الفندق كان Eco Land Theme Park ، يالله يالله يالله على جمال هالمكان ، رايق رايق رايق رايق ، فعلياً أحسه مظلوم :( حتى الصور الموجودة عنه غير عن الحقيقة ! المكان فيه فندق وَ فيه golf club وَ المكان اللي زرناه هو الـ theme park .. المكان كبير جداً و فيه 5 محطات كبيرة ، تنتقل لها عن طريق القطار البريطاني القديم ، تآخذ وقتك تماماً في كل محطة ، مافيه وقت محدد ! سعر الدخول للكبار كان 14000 وون ( 43 ريال ) ، و من الـ 13 سنة حتى الـ 18 سنة 12000 وون ( 37 ريال ) ، و من 3 سنوات حتـى 12 سنـة 10000 وون ( 31 ريال ) . https://www.arabtrvl.com/up/uploads/...2408077271.jpg https://www.arabtrvl.com/up/uploads/...2408109192.jpg https://www.arabtrvl.com/up/uploads/...2408140343.jpg https://www.arabtrvl.com/up/uploads/...2519918221.jpg https://www.arabtrvl.com/up/uploads/...2519961742.jpg https://www.arabtrvl.com/up/uploads/...2520017623.jpg https://www.arabtrvl.com/up/uploads/...2520058394.jpg https://www.arabtrvl.com/up/uploads/...2408171614.jpg https://www.arabtrvl.com/up/uploads/...2408206775.jpg https://www.arabtrvl.com/up/uploads/...2437595151.jpg https://www.arabtrvl.com/up/uploads/...1243762762.jpg https://www.arabtrvl.com/up/uploads/...2437657893.jpg https://www.arabtrvl.com/up/uploads/...2437690154.jpg https://www.arabtrvl.com/up/uploads/...2448268111.jpg https://www.arabtrvl.com/up/uploads/...2448301392.jpg https://www.arabtrvl.com/up/uploads/...2448334273.jpg https://www.arabtrvl.com/up/uploads/...1244840075.jpg https://www.arabtrvl.com/up/uploads/...2745524351.jpg https://www.arabtrvl.com/up/uploads/...2485774133.jpg https://www.arabtrvl.com/up/uploads/...2479446421.jpg https://www.arabtrvl.com/up/uploads/...1247947962.jpg دورة المياه و أنتم بكرامة :48: ! https://www.arabtrvl.com/up/uploads/...2479511583.jpg https://www.arabtrvl.com/up/uploads/...2479542684.jpg https://www.arabtrvl.com/up/uploads/...2472107315.jpg https://www.arabtrvl.com/up/uploads/...1247207734.jpg https://www.arabtrvl.com/up/uploads/...2472059482.jpg و هذا اللي أخذوه خواتي من محلات الـهدايا التذكارية لليوم الأول :e022: https://www.arabtrvl.com/up/uploads/...2472051481.jpg خلصنا و قررنا نروح للفندق :47: و مع كل هالمشاوير لسّى النهار ما خلص ! وصلنا الفندق و فعلياً بعيد جداً لأنه بغابة ، بس كان جمييييل .. إجراءات الدخول سريعة الحمدلله .. بلغونا إنه فيه سيارة بساعات معينة تروح للسوبر ماركت في لازم نبلغهم قبلها وقت طويل ، لأن السيارة صغيرة جداً ! كذلك عندهم جدول لدخول الغابة مع مرشد و خطر يدخل أحد لحاله .. كان حلوووووووووووو مرة ، فعلياً كل مازانت السالفة دخلناها مع المرشد ، كان شعور حلو تدخل غابة حقيقية .. كذلك فيه في اللوبي ميني بار فيه آيسكريم و سناك و قهوة ، و لكن يسكر بدري ! الفندق : 3 ليال ( من 17 يوليو - 20 يوليو / جيجو ) 5 نجوم - WE HOTEL JEJU تم الحجز عن طريق موقع بوكينق . الغرف : غرفة سوبيريور توأم مع إطلالة على البحر . غرفة سوبيريور توأم مع إطلالة على البحر لـ3 أشخاص . السعر : 4542 ريال . أسكن فيه مرة ثانية ؟ مليووووون بالمية ، يطل على غابة و بحر و جبل ، و بمنطقة مرتفعة و ضباب صبح و ليل :72: https://www.arabtrvl.com/up/uploads/...2677285631.jpg https://www.arabtrvl.com/up/uploads/...2677293272.jpg https://www.arabtrvl.com/up/uploads/...2677323723.jpg https://www.arabtrvl.com/up/uploads/...2677354594.jpg https://www.arabtrvl.com/up/uploads/...2677385965.jpg https://www.arabtrvl.com/up/uploads/...2677417376.jpg https://www.arabtrvl.com/up/uploads/...2677448267.jpg https://www.arabtrvl.com/up/uploads/...2691672161.jpg https://www.arabtrvl.com/up/uploads/...2691703842.jpg https://www.arabtrvl.com/up/uploads/...2691735663.jpg و فنجان قهوة تركي قبل نرتب الأغراض و ننام :(127): https://www.arabtrvl.com/up/uploads/...2691768914.jpg |
اقتباس:
شكراً جزيلاً :e118: أكتب بس تقارير مالية :showoff: و لكن نعيد النظر و نكتب تقارير سفر :e31d: في حال وجود مدخول مادّي من تقارير السفر :shutup: بالعكس إذا تخطّى فقرة الأكل ، معناها انتهت المشكلة ، اللغة سهالات :D يتابع كم دراما كورية و يمشّي وضعه :p حياك الله :72: |
18 يوليو : Cheonjiyeon Waterfall Jeongbang water Falls Alive Museum & Alive kart Jusangjeolli Cliff قمنا وقت صلاة الفجر ، شبعانين نوم ، تقهوينا ، و نزلنا نتمشى حول الفندق ، و رجعنا نتجهز لمَّا يجي السواق الساعة 11 .. https://www.arabtrvl.com/up/uploads/...1286940011.jpg https://www.arabtrvl.com/up/uploads/...2869431882.jpg كنّا مخططين نروح مقهى و يبيع مخبوزات خاصة فيه و لما وصلنا طلع مسكر :yolks00490: كان بجنبه مطعم بيتزا ، توهم فاتحين و فيه موظف واحد فقط ، دخلنا طلبنا .. اللي أخذ الطلب انحاس وزاد الطلب ! و طلبنا يكنسلها .. قال بيكلم المدير يجي لأن رمز الكود حق الحذف معه ! و يبيله وقت عشان يوصل ! قلنا له خلاص لا تكنسلها ، ما نبي نضيع الوقت .. تغدينا وكان لذيييذ و رخيص كالعادة و أخذنا الباقي معنا . https://www.arabtrvl.com/up/uploads/...2869462023.jpg انطلقنا لأول مشوار اللي هو Cheonjiyeon Waterfall ، سعر الدخول 2000 وون للشخص ( 6 ريال ) ، أعجبني الطريق للشلال أكثر من الشلال نفسـه ، أخذنا فيه ساعة و نصف ، هو يخلص بسرعة الصدق ، بس جلسنا عند الشلال نصور و نتمشى حوله .. كذلك المكان يزلّق شوي و أختي الصغيرة زلقت و جلسنا ننظف الوحل اللي في لبسها ! و طلعنا و أخذنا قهوة تهضّم وليمة الصبح :yolks0040: و البنات كذلك أخذوا souvenir . https://www.arabtrvl.com/up/uploads/...2915660381.jpg https://www.arabtrvl.com/up/uploads/...2915693372.jpg https://www.arabtrvl.com/up/uploads/...2944408411.jpg https://www.arabtrvl.com/up/uploads/...2944451512.jpg https://www.arabtrvl.com/up/uploads/...2944492833.jpg https://www.arabtrvl.com/up/uploads/...2915725163.jpg https://www.arabtrvl.com/up/uploads/...2915756224.jpg https://www.arabtrvl.com/up/uploads/...2915764345.jpg https://www.arabtrvl.com/up/uploads/...2915773536.jpg https://www.arabtrvl.com/up/uploads/...2926987241.jpg https://www.arabtrvl.com/up/uploads/...2926997012.jpg https://www.arabtrvl.com/up/uploads/...2927006713.jpg https://www.arabtrvl.com/up/uploads/...2927015564.jpg https://www.arabtrvl.com/up/uploads/...2927024025.jpg https://www.arabtrvl.com/up/uploads/...2934324332.jpg https://www.arabtrvl.com/up/uploads/...2934330663.jpg لما طلعنا لقينا أجوما تبيع مندرين أو يوسفي أو يوسف أفندي :essen: عاد كلّن يختار الاسم اللي يجوز له :(7):أكلناها في السيارة حنّا و المرشد و السواق https://www.arabtrvl.com/up/uploads/...2934316051.jpg https://www.arabtrvl.com/up/uploads/...2869494344.jpg و حركنا للمشوار الثاني اللي هو Jeongbang water Falls ، سعر الدخول كذلك 2000 وون للشخص ( 6 ريال ) ، طبعاً الواحد يستعد للسلالم اللي بينزلها و يرقاها ، و يأخذ حذره لأنها تزلّق بعد و طوييييلة .. الشلال اللي هنا أقوى و أحلى صراحة من الأول ، بس حبيت مكان التمشـي حق Cheonjiyeon Waterfall :e201: https://www.arabtrvl.com/up/uploads/...2956993331.jpg https://www.arabtrvl.com/up/uploads/...2957024282.jpg https://www.arabtrvl.com/up/uploads/...2964086511.jpg https://www.arabtrvl.com/up/uploads/...1295705873.jpg https://www.arabtrvl.com/up/uploads/...2957089744.jpg المشوار الثالث كان Alive Museum & Alive kart ، دخلنا و قصينا تذكرة لهم كلهم .. و كان دخول المتحف بـ 12000 وون للشخص ( 35 ريال ) ، أما سيارات السباق أرخص بس نسيت كم ! رحنا للسيارات قبل المتحف عشان ما تمطر و تتأجل .. دخلونا لحالنا ، لأنهم يدخلون كل 6 لحال .. قالوا لا تتسابقون عشان خطر تصدمون بعض بس تسابقنا بأدب و هم ما يدرون :e132: و لكل شخص 8 لفَّات و المكان وسييع ( آخر مرة ركبتها في الرياض 6 لفات بـ 150 ريال :yolks00350: ) الجو عليل جداً :e049: https://www.arabtrvl.com/up/uploads/...3003425621.jpg https://www.arabtrvl.com/up/uploads/...3003434292.jpg https://www.arabtrvl.com/up/uploads/...3003442863.jpg و مرينا على محل الـ Souvenirs . https://www.arabtrvl.com/up/uploads/...3003450444.jpg https://www.arabtrvl.com/up/uploads/...3003455975.jpg خلصنا و انتقلنا للمتحف ، المتحف مرة حلـو و غريب و ممتع :yolks00730: عبارة عن متحف فيه مجسمات و لوح ثلاثية الأبعاد و خدع بصرية ، ذكرني بـ The Ripley's Believe It Or Not Museum :rolleyes: مختلف عنه بس ذكرني فيه ! انبسطنا فيه بشكل مو طبيعي .. و يتجهز الواحد إنه بيجلس يصور لوقت طويل ، و الحلو إنه محددين للشخص وين يوقف عند اللوحة أو المجسم و محددين للي يلتقط الصورة وين يوقف عشان تكون الصورة 3D و واضحة .. مرة حلو فكرة إنك تكون جزء من اللوحة :yolks00570: ضابطـة مرة ، و أتوقع جلسنا في المتحف 3 ساعات ، لأن كل أحد يبي يصور و يالله نضبط الصورة ، فأخذنا وقت ! https://www.arabtrvl.com/up/uploads/...3033333621.jpg https://www.arabtrvl.com/up/uploads/...3033341192.jpg https://www.arabtrvl.com/up/uploads/...3033347843.jpg https://www.arabtrvl.com/up/uploads/...3033354664.jpg https://www.arabtrvl.com/up/uploads/...3033362445.jpg https://www.arabtrvl.com/up/uploads/...3033370026.jpg https://www.arabtrvl.com/up/uploads/...3047772481.jpg https://www.arabtrvl.com/up/uploads/...3047780612.jpg https://www.arabtrvl.com/up/uploads/...3047789263.jpg https://www.arabtrvl.com/up/uploads/...3047797524.jpg https://www.arabtrvl.com/up/uploads/...3047809016.jpg و أخذنا مشروبات من EDIYA COFFEE و حرّكنا للمشوار اللي بعده .. أحس إني نوعاً ما ظلمت المكان بهالصور ! بسبب إن الصور ماراح تكون واضحة إلا لمّا يكون فيها أشخاص ، و بعد بعض اللوح صعبة تنحط ، تعتبر صور خادشة .. عشان كذا صورت صور بسيطة لتوضيح الفكرة فقط :(155): و إلا فعلاً المكان من أفضل 3 أماكن في جيجو .. ممتع :(95): https://www.arabtrvl.com/up/uploads/...3047804785.jpg للمشوار الرابع اللي هو Jusangjeolli Cliff ، أعتبرها من أجمل و أرهب المناظر اللي شافتها عيني ! خطير خطير ! تمنيت كل العالم يشوفونه صدق ! مختلف عن المناظر الطبيعية في العادة ! المكان كبير و يأخذ وقت .. و أساساً اللي بيجلس يتفرج على المنظر ما راح يحس بالوقت أبداً ! كل ما أرجع أشوف الصور و أتذكر المكان أنبسط .. المنظر كان غير مألوف للعين ! شيء مو طبيعي أبداً أبداً أبداً ! و الدخول لها بـ 2000 وون للشخص الواحد ( 6 ريال ) ، و أختي الصغيرة 1000 وون ( 3 ريال ) . طبعاً فيه فيديو يوضح جمال المكان ، و لكن أتعلم أرفعه و أجيكم :D https://www.arabtrvl.com/up/uploads/...3112793571.jpg https://www.arabtrvl.com/up/uploads/...3112798292.jpg https://www.arabtrvl.com/up/uploads/...3112802983.jpg https://www.arabtrvl.com/up/uploads/...3112807524.jpg https://www.arabtrvl.com/up/uploads/...3128926211.jpg https://www.arabtrvl.com/up/uploads/...3128932062.jpg https://www.arabtrvl.com/up/uploads/...3128936763.jpg https://www.arabtrvl.com/up/uploads/...3128941524.jpg و خلصنا مشاوير اليوم الثاني في جيجو و قلنا للسواق يمر على السوبر ماركت نأخذ مخبوزات و حلويات و موية ، و بعدها توجهنا للفندق ، و اتفقنا معه على الوقت اللي يجينا فيه باليوم الثاني :surrender: سبحان الله النهار عندهم طويل جداً ! نطوّل حنّا في المكان اللي نزوره و ناخذ راحتنا و على شوي شوي .. و نصور و نسولف و نتقهوى .. يعني نحلل المكان مرة ! و مع ذلك نرجع للفندق و النهار ما قضى ! و أحيناً نصير ما خلصنا الـ 8 ساعات مع السواق ! بس نصير تعبنا و قررنا نرجع ! فيه بركة في الوقت ، و النهار طويل ! https://www.arabtrvl.com/up/uploads/...1314471742.jpg https://www.arabtrvl.com/up/uploads/...3144709761.jpg |
ما شاء الله .. لا قوة إلا بالله بالفعل أبدعتي في ذكر التفاصيل التى تهم السائح الراغب في زيارة كوريا هذه هي نوعية التقارير المفيدة .. "ترتيب و تنسيق يستحق الأشادة" واصلي نثر الأبداع فنحن مستمتعون بما نشاهد و نقرأ :e505::e505: |
الله الله عليك وعلى هالاماكن صدقاً ابدعتي ف التصوير وجهتي العدسه ف الاماكن الصحيحه ماشاءالله دخلت معك جو وخاصه انو هذي هي الاجواء الي احب اسافر لها تكون مريحه وشامله وعائلية ايضاً .. كنت سبق قرأت عنها :58: ولكن انتي يا RAYYANAH الان عيشتيني معك ماشاءالله التقرير خيال ويسعد القلب فيه تفاصيل مهمه وضحت لي عن هذه الجمهورية. اكملي ونحن معكِ متابعين ومستفيدين 📖✍ 💓 |
تقرير مفيد ومعلومات قيمة نحن بانتظارها كوريا الجنوبية الوجهة القادمة لي ولكن ما زلت أبحث عن بعض التفاصيل برامج القيادة والخرائط kakao map و naver map ، هل يمكن إستخدامها وإضافة الإحداثيات بها هل لديكم خلفية عن برامج القيادة الأخرى مثل Sygic و Garmin هل تعمل بشكل جيد هناك أخطط لجولة في ربوع كوريا الجنوبية أزور فيها معظم المقاطعات حاليا تم تخفيف بعض الإشتراطات وإلغاء فحص PCR |
العــودة إلى سيئـول https://www.arabtrvl.com/up/uploads/...9317015021.png 20 يوليو : Shinsegae Premium Outlets Paju قمنا و الشمس لسّى ما طلعت و الجو يجنن .. ضباب ! :(3): سوينا التشيك آوت ، و لقينا سيارة ثانية مختلفة عن اللي دائماً و سواق مختلف ، جلس يسولف معنا .. يقول كنت اشتغل في السعودية من زمان في بناء و حفر الطُرق مع أحد الشركات ، و جلس يسولف ، حليل مرة :(125): https://www.arabtrvl.com/up/uploads/...9317017742.jpg وصلنا المطار و كان كل شيء سهل و ميسر الحمدلله .. و هالمرة نمنا كلنا في الطيارة و لا حسينا بشيء ! وصلنا و توجهنا للفندق ، كان المطار الداخلي بعيد ، فكملنا نوم في السيارة ! :(158): وصلنا الفندق و كان وقت التشيك إن كان الساعة 3 العصر ، و قبل كذا تدفع مبلغ قيمته 300 ريال للدخول للغرف قبل الوقت ، قلنا بنزّل الشنط و نخلص الإجراءات يصير بس يبقى الدخول ! حجزنا عبارة عن حجزين منفصلين بس كلهم بإسمي .. ثلاث غرف ، بس الحجز الأول غرفتين ، و الحجز الثاني غرفة .. فتلخبطت الموظفة مرة ! و مع سوء اللغة اللي عندهم ما قدرت تستوعب و أخذنا وقت نناظر بعض بصمت :yolks00420: و هي مو مستوعبة اللفة ! عطيناها رقم الحجز و ما مشى الوضع ، الزبدة يالله يالله فهمت ! و اعتذرت لنا و انحرجت ، و كاعتذار منها عن الحوسة اللي صارت دخلتنا الغرف على طول :rolleyes: الفندق : 8 ليال ( من 20 يوليو - 28 يوليو / سيئول ) LOTTE City Hotel Myeongdong 4 نجوم - LOTTE City Hotel Myeongdong تم الحجز عن طريق موقع بوكينق . الغرف : 2 غرفة سوبيريور توأم . 1 غرفة سوبيريور توأم عائلية . السعر : 8994 ريال . أسكن فيه مرة ثانية ؟ أحس لا ، الغرف كئيبه شوي و ضيقة و مستهلكة ، لما أروح عند أمي أصلي فوق السرير من صغر المساحة :D الغرفة مستطيلة .. بس الحق ينقال موقعه كان حلو ، بس مو أحلى من موقع الأول أبداً ، و لو بنروح إن شاء الله مرة ثانية راح نجرب فنادق جديدة .. و بالنسبة لي أهم شيء تكون في منطقة ميونق دونق . https://www.arabtrvl.com/up/uploads/...9317046663.jpg https://www.arabtrvl.com/up/uploads/...9317075994.jpg فيه مدخلين للفندق ، واحد على حارة و الثاني على الشارع . https://www.arabtrvl.com/up/uploads/...9317107465.jpg https://www.arabtrvl.com/up/uploads/...9317140736.jpg رحنا و ارتحنا شوي بس كنا جوعانين و ما فيه طاقة نطلع و النوم حالف ما يتركنا هاليوم :yolks00680: ، قالت أختي الصغيرة إنها شافت مطعم في اللوبي حلال .. اسمه زعفران ، غير عن زعفراننا طبعاً ، بس قررنا نتغدى فيه ، حلو الحمدلله . و حنّا في جيجو كلمتني موظفة من الشركة اللي نظموا رحلتنا في جيجو ، اسمها الكوري صعب و اسمها اللي تتواصل فيه مع العرب مديحة :yolks00360: و قالت ودّي أستقبلكم في الفندق أنا و باقي الموظفين إذا ممكن ! و فعلاً جو و سلمنا عليهم السلام و كان سلام نظر :D بحكم إن الكوريين ما يصافحون بعض أو يحضنون بعض :(148): ! ما دريت إلا قالت لي " لا يا حبيبتي هذا مو سلام ! تعااالي :D " و الوضع قلب خمخمة :yolks00490: ! جو 3 موظفات و 3 موظفين ، يجننوووووووون و لطيفين جداً و كانوا متحمسين و هم يسولفون ! و كلهم لهم أسماء عربية :(41): .. أشوف اللي سووه شيء جميل جداً ، و تسويق للشركة .. و كلمة حق لما اتفقت معهم عشان جيجو دخلوني قروب فيه 4 موظفين ( مديحة وحدة منهم ) عشان لو بغيت شيء و أنا في جيجو أو عندي ملاحظات على السواق ، لكن حتى في سيئول لما نحتاج نسأل عن أي شيء كانوا يتجاوبون بسرعة و ساعدوني كذا مرة والله .. بدون مقابل و بنفس حلوة ! حتى يتطمنون علينا بين فترة و فترة ! صدقاً حتى وصولنا للرياض ! .. عيبهم ارتفاع سعرهم نوعاً ما ! :yolks00520: بعدها راح أخوي و خواتي يتمشون و يجيبون الشنط اللي في الفندق الأول ، و مرّوا على مقهى HOLLYS .. https://www.arabtrvl.com/up/uploads/...9856249511.jpg https://www.arabtrvl.com/up/uploads/...9856257242.jpg و أمي راحت للآوت لت .. تقريباً يبعد ساعة .. طلبنا لها آوبر و أخذت شنطة كبيرة عشان ما تبلَش بالعفش .. قلت لها صوري لي المكان و كذا ، قالت أبشري :D و صورت لي صورة وحدة جزاها الله خير للآوت لت :D .. و صورة لشنطة السيارة حقت آوبر معلق فيها سمكة ( يعتقد إنها تحميه ) :59: ، و نشبنا لها تآكل شيء عشان ما تتعب و صورت لنا عشان نصدقها :p و صورت لنا الأشياء اللي أخذتها لنا من المخبز :yolks00570: https://www.arabtrvl.com/up/uploads/...9516857992.jpg https://www.arabtrvl.com/up/uploads/...9516888493.jpg https://www.arabtrvl.com/up/uploads/...9516891434.jpg https://www.arabtrvl.com/up/uploads/...9516895135.jpg في سيئول كثييير أسواق آوت لت و لكن من التجربة الأولى لنا في 2018 ما استفدنا إلا من هذا فقط :e31d: فقررت إنها تروح له هو فقط :rolleyes: و أنا نزلت أتعرف على المكان الجديد و الدواعيس الحلوة :e447: و اكتشفت إنه فيه ممشى يخترقه نهر قريب جداً من عندنا :yolks00520: ، رحت أخذت من باسكن روبنز و رجعت أقعد فيه :yolks00360: https://www.arabtrvl.com/up/uploads/...9585907644.jpg https://www.arabtrvl.com/up/uploads/...9516826561.jpg https://www.arabtrvl.com/up/uploads/...1955449851.jpg https://www.arabtrvl.com/up/uploads/...9585884391.jpg https://www.arabtrvl.com/up/uploads/...9585892312.jpg https://www.arabtrvl.com/up/uploads/...9585900053.jpg رجعوا متأخر كلهم و سهرنا و كلّمنا أخواني اللي في الرياض :( و جلسوا يسولفون لنا عن الصلخ و الحرارة اللي عندهم :D و بعدها تعشينا و رتبنا أغراضنا و نمنا . 21 يوليو : namdaemun market Starfield Coex Mall راحت أمي و أختي الصغيرة لـ namdaemun market :yolks00630: و أنا و الباقين رحنا لأكثر محل مشهور عندهم يبيع البينغ سو :e33a: عنده فروع كثيرة و مبدعيـن فيه مرة :(34): ! مليون شكل ! أخذنا اللي بالتيراميسو ( الكمية اللي يقدمونها المطاعم و المقاهي كبيرة مرة مرة ، و يستغربون إننا نآكل مع بعض ، و أحياناً يبقى و يجون يسألون إذا الطبق فيه مشكلة أو لا :(158): ) . https://www.arabtrvl.com/up/uploads/...9753421461.jpg و بعدها رجعنا للفندق و أمي كذلك لأننا بنروح لـ Starfield Coex Mall .. طلبنا سيارتين آوبر و حركنا للمول ، بعيد طبعاً ! لما وصلنا تفرقنا في هالمول عشان كل أحد يتقضى براحته و لأن كل شخص يحب شيء معين .. بالإضافة التقضّي مع أمي مُهلك مُبكي غير مُحتمل :yolks00770: ! لما تشوف أي قطعة أحسها تجلس تتناقش معها و تشوف إذا حبتها أو لا :rolleyes: ! و تقلبها يمين و يسار ، من بعيد و من قريب ! وقتها أنصهر و أصيح من جوّا بس لا أستطيع أن أنطق ببنت شفه لأنها أمي :yolks00710: ! فـمن زمااان متفقين أنا و هي اتفاق :D تتفرج وتنقّي و تصور اللي تبيه و تأخذ راحتها تماماً و أنا أنتظرها في أي مقهى و لما تخلص أروح أجمعهم و أحاسب:(41): ! و أختي الصغيرة لا تهون بس تخلص بسرعة :D أما أختي الثانية و أنا نحب نتمشى و نتقهوى و نتفرج على الرايح و الجاي و نتطمش على الخلق و نتعرف على العالم و نفصفص المكان فصفصة و إذا أحد كلمنا نروح له في حال بيأخذ رأينا بشيء و إذا شفنا شيء حلو بالطريق أخذناه :(60): .. مبسوطين أنا و هي ! أما أخوي مسكين يتنقل بين الجميع و معاه شنطة للأغراض :(22): ! https://www.arabtrvl.com/up/uploads/...9794300341.jpg https://www.arabtrvl.com/up/uploads/...9794308422.jpg https://www.arabtrvl.com/up/uploads/...9794339843.jpg https://www.arabtrvl.com/up/uploads/...9794348824.jpg https://www.arabtrvl.com/up/uploads/...9794381965.jpg https://www.arabtrvl.com/up/uploads/...9794391066.jpg قهوة بين الأشواط :D https://www.arabtrvl.com/up/uploads/...1979445558.jpg https://www.arabtrvl.com/up/uploads/...9794422957.jpg و أنا و أختي نتمشى لقينا P. F. Chang's ، قلنا نشوف المنيو في حال متوفرة أطباق seafood ؛ عشان نكلم أهلي نتعشى فيه .. دخلنا شيكنا على المنيو و انتبهت أختي إن اللحوم تبعهم مستوردة من أمريكا ، سألناهم و جاء المدير و أكد على هالشيء ! لمّا خلصوا أهلي رجعنا كلنا و تعشينا غداعشاء ، طلبنا كان 2 داينميت شريمب و 2 منغوليان بيف و 1 نودلز خضار و الأسعار نصف أسعارنا والله ! طبعاً الصورة الفقيرة من تصوير أمي حياتي :cool: ( الصورة فيها كل شيء إلا العشاء :D ) https://www.arabtrvl.com/up/uploads/...9794459339.jpg طلبنا آوبر و رجعنا للفندق و جلسنا نتفرج على الأغراض و طلعت أمي شارية فستان مرتين :yolks0040: واحد أنا حاسبت عنه و الثاني أخوي حاسب عنه ، فقررت أمي إننا نطقم لا رجعنا للرياض :(88): :53: |
22 يوليو : Namsan Seoul Tower Myeong Dong Market قمنا الصباح و جلسنا نتقهوى أنا و أمي قهوة تركي و حقيقةً هالفقرة من أمتع الأشياء لنا الصباح :(1): .. أما الباقيين نزلوا يتقهوون برَّا :showoff: قالوا لنا فيه محل ظريف ننزل نفطر فيه ، فطور خفيف .. نزلنا أنا و أمي له و كان يبيع خبز bagel بخمس أو ستة نكهات ، و يومياً عندهم نكهة مختلفة جديدة ، اسمه 4B .. يسوونها لك ساندوتش في حال تبيها ساندوتش أو بتاخذها سادة .. و فيه ثلاجة فيها كريمة تشيز حالية بنكهات مختلفة إذا تبي تدهنها مع bagel .. المخبز مُقابل الكوفي .. طلبنا كابتشينو لأنهم موفرين حليب " لاكتوز فري " ، كانت القهوة لذيييذاة والـ bagel ألذ .. أمي خافت ما يعجبها و ذاقته معي و طلبت واحد لها .. و أخواني أخذوا آيس دريب و قالوا لذيذة :(34): .. https://www.arabtrvl.com/up/uploads/...9951767651.jpg https://www.arabtrvl.com/up/uploads/...9951807463.jpg https://www.arabtrvl.com/up/uploads/...9951841064.jpg قررنا نروح لبرج نامسان ، و لكن هالمرة قررنا نروح له بالتلفريك لأن المؤمن لا يلدغ من جحر مرتين :D ! السفرة اللي قبل قلت لأخواني خلّونا نرقى للبرج مشي :showoff: جو حلو و خضرة و وجه حسن وَ راح نستمتع :(148): و اقتنعوا ! صراحةً ما كنت أدري عن المسافة و ما كنت أدري إنها طَلعـة مرتفعة جداً جداً ! أحسب الموضوع ظريف :(47): فأخذنا تقريباً ساعة و نصف و حنّا نرقى هالدحديرة ! و ما أسمع غير هواش من أخواني و صراحة معهم حق لأني قايلة لهم ازهلوها بهالمشوار ، لا تبحثون عن شيء ، كله علي :surrender: .. الدحديرة توجع الظهر مرة :D و الحمدلله أمي ما راحت معنا و إلا كان تعذّبت نفسياً :o .. و العالم اللي تمشي فيه رياضين فقط ! و ما فيه و لا سائح مَـر ! و لما خلصنا من الزيارة للبرج ، بلشنا بالرجعة لأنها من نفس المكان :(49): ! و ما قلت لهم إن طريق الرجعة نفسه :(148): خليتها مفاجأة لهم :(41): .. الصدق كانت سريعة و طيران :D ! و اليوم اللي بعده ما قدرنا نتحرك أبد و جابت لنا أمي كريمات للعضلات :rolleyes: ! عشان كذا قررنا هالمرة تلفريك :yolks00570: . كانت محطة التلفريك تبعد عن الفندق ثلاثين دقيقة ، قريبة جداً لفندقنا القديم ، أقل من 10 دقايق . و حنا ماشيـن لها لقينا محل قهوة تبيه أختي ، دخلت هي و أخوي له ، و بياخذون المشروب تيك آواي .. قلنا نسبقهم ، و الطريق كان يقطع ميونق دونق ماركت ، و نمشي و نمشي و نمشي و الوضع طبيعي ، إلين قابلتنا دحديرة :D ! مبخوتين بالدحديرات ! كانت محطة التلفريك في الأحياء بين بيوتهم ، بس هي مرة مرتفعة ، الدحديرة كل مالها و تصير تقصف الظهر :(158): بس المدة كانت قليلة في الدحديرة ، أبو 10 دقايق بس .. خفت على ظهر أمي و سألتها إذا تعبت و تبي آوبر بس عيّت و الحمدالله الوضع مشى لأننا جلسنا نتفرج على بيوتهم و نصورها و ندخل المحلات اللي في الحارة .. بس يوم شفت الدحديرة كلمت أخوي و أختي و قلت لهم يآخذون آوبر لأن أخوي عنده مشاكل في الركبة و خفت توجعه زيادة .. https://www.arabtrvl.com/up/uploads/...2018926761.jpg https://www.arabtrvl.com/up/uploads/...0172165911.jpg https://www.arabtrvl.com/up/uploads/...0172290892.jpg https://www.arabtrvl.com/up/uploads/...0201697252.jpg وصلنا .. وصلنا :e303: https://www.arabtrvl.com/up/uploads/...2020170553.jpg https://www.arabtrvl.com/up/uploads/...0241801061.jpg لما وصلنا أخذنا التذكرة للشخص رايح جاي بـ 13000 وون ( 36 ريال ) ، و فيه تذكرة للروحة فقط بـ 11000 وون ( 30 ريال ) .. و كذلك فيه طريقة للدخول عن طريق الـ shuttle bus بـ 2000 وون ( 7 ريال ) .. ركبنا التلفريك :(6): و هذا المدخل اللي خليتهم يرقونه أول مرة و مدري وين نهايته :yolks00490: https://www.arabtrvl.com/up/uploads/...0312096591.jpg https://www.arabtrvl.com/up/uploads/...0172539694.jpg شرينا أقفال عشان كلن يكتب اللي يبي بـ 9000 وون ( 25 ريال ) وَ يجي معها قلم عريض للكتابة ، و دوّرنا أقفالنا القديمة و ما لقيناها :(123): ! أخذنا قهوة و آيسكريم ، و بعدها جلسنا نتمشى و نصور و نتفرج على سيئول من البرج ، الجو كان مش طبيعي ! وبعدها قررنا نتغدى ، أخذنا شريمب و سمك و بطاطا نوعين ، الكمية كانت راهية جداً جداً ! و بقى منّـه كثير ! و الحساب كان رخيص بالنسبة للكمية . https://www.arabtrvl.com/up/uploads/...2026218921.jpg https://www.arabtrvl.com/up/uploads/...0403277636.jpg https://www.arabtrvl.com/up/uploads/...2027108141.jpg https://www.arabtrvl.com/up/uploads/...2027111712.jpg https://www.arabtrvl.com/up/uploads/...2017259285.jpg https://www.arabtrvl.com/up/uploads/...0172635386.jpg https://www.arabtrvl.com/up/uploads/...0360582141.jpg https://www.arabtrvl.com/up/uploads/...0360618522.jpg https://www.arabtrvl.com/up/uploads/...2036065373.jpg https://www.arabtrvl.com/up/uploads/...0360688034.jpg https://www.arabtrvl.com/up/uploads/...0378725611.jpg https://www.arabtrvl.com/up/uploads/...0378798494.jpg https://www.arabtrvl.com/up/uploads/...0378788323.jpg https://www.arabtrvl.com/up/uploads/...0403236681.jpg https://www.arabtrvl.com/up/uploads/...0403244882.jpg https://www.arabtrvl.com/up/uploads/...2040325343.jpg https://www.arabtrvl.com/up/uploads/...2040326164.jpg https://www.arabtrvl.com/up/uploads/...0403269735.jpg شبكة العنكبوت منتشرة على الأقفال القديمة :D https://www.arabtrvl.com/up/uploads/...0378756192.jpg صورة من داخل البرج :34: https://www.arabtrvl.com/up/uploads/...0172414873.jpg جلسنا ننتظر الغروب ، و يوم ظلمت الدنيا نزلنا مرة ثانية بالتلفريك ، و رجعنا مشي للفندق ، و مرينا من Myeong Dong Market و قعدنا نتمشى و نتقضى و تقريباً نمرّه بشكل يومي هالمكان .. https://www.arabtrvl.com/up/uploads/...0415719763.jpg https://www.arabtrvl.com/up/uploads/...0415689712.jpg https://www.arabtrvl.com/up/uploads/...0415682741.jpg https://www.arabtrvl.com/up/uploads/...0201721875.jpg https://www.arabtrvl.com/up/uploads/...0201714254.jpg كرسي كيوت لقيته بالحارة:1: https://www.arabtrvl.com/up/uploads/...2020168941.jpg و رجعنا للفندق بعد ما سكروا العالم و تعشيت أنا و أمي حلا و آيسكريم :essen: و الباقين ماكدونالدز . https://www.arabtrvl.com/up/uploads/...0349991511.jpg 23 يوليو : قررنا هاليوم إن كل شخص يروح للي يبي و يجيب اللي يبي ما يأجله لآخر الأيام عشان ما يصير ضغط بترتيب الشنط ، و كذلك الوالدة تبغى تجيب هدايا لباقي الأسرة :yolks00220: فـانطلقت أختي الصغيرة و أمي في طريج و أنا و أختي و أخوي في طريج ! راحوا لهوانداي مول .. و السوق الشعبي نامدايمون يبون لبس كوري تقليدي للحفيدة الجديدة :yolks00360: .. بس قبلها مروا على 4B تبع البيقل . https://www.arabtrvl.com/up/uploads/...0760637361.jpg حركنا حنا و أختي كانت تبغى محل آيسكريم بينغ سو قبل نتقضى :(94): لقينا طلبها اللي تبيه في رابع فرع لهالمحل ! دائماً sold out ، و بعدها رحنا blue bottle ، نبغى حبوب قهوة لأخواني و عائلاتهم الصغيرة :(149): https://www.arabtrvl.com/up/uploads/...0690303461.jpg https://www.arabtrvl.com/up/uploads/...0810695441.jpg https://www.arabtrvl.com/up/uploads/...0741007564.jpg https://www.arabtrvl.com/up/uploads/...0690459496.jpg https://www.arabtrvl.com/up/uploads/...0740998113.jpg هذا الفرع اللي لقينا فيه اللي تبيه ، و كان أساساً على الطريق https://www.arabtrvl.com/up/uploads/...0690429095.jpg https://www.arabtrvl.com/up/uploads/...0690397194.jpg https://www.arabtrvl.com/up/uploads/...2069036723.jpg https://www.arabtrvl.com/up/uploads/...0690335132.jpg https://www.arabtrvl.com/up/uploads/...0740990822.jpg بعدها توجهنا Myeong Dong Market لأن أختي تبي محل Fila هناك و تبغى تشتري من عندهم ، و لا أحكيلكم عن فرق السعر المرعب في جميع الماركات ، أرخص من عندنا بمليون مرة :2: الغالي عندهم فقط ماركاتهم الكورية ، و لا أعتبرها غالية و لكن بالنسبة للماركات العالمية تعتبر غالية ! .. و كذلك أختي تبي تتقضى للجامعة مرة وحدة ، ميونق دونق ماركت كلها محلات ميكب و منتجات بشرة ( طبية و غير طبية ) ، و محلات زي ZARA و H&M و ماركاتهم الكورية العالمية بس الرخيصة . مرينا ماكدونالدز أخذنا المعتاد للجميع و رجعنا للفندق ، و جلسنا نتفرج على الأغراض اللي كلن جايبها ، تعشينا و نمنا :34: . |
24 يوليو : Common Ground اليوم قررنا نروح لمجموعة محلات اسمها Common Ground .. قمنا زي العادة تقهوينا أنا و أمي في الفندق :(3): و الباقيين راحوا يفطرون برّا .. بعد ما خلصنا طلبنا آوبر ، و حطينا اللوكيشن و أول مرة أنا اللي أتقدعن و أعطي أهلي الوكيشن :yolks00550: ! و كانت آخر مرة :D ! طلع في اللوكيشن إنه يبعد 45 دقيقة .. لما وصلنا نزلنا في حي فيه بيوت ! و محلات بسيطة على الشارع ، نفس اللي بالدراما :yolks00570: ! دخل أخوي محل و سألهم ، و ورّاهم المكان و طلع منطقة مختلفة تماماً .. في الضفة الأخرى من العالم :yolks00520: ! و طلع فقط يبعد عن فندقنا ربع ساعة بالسيارة ! و لعل الأجوما اللي بالمحل بلشت فينا مرة .. و تحاول تفهمنا إن المكان خطأ :(155): و فهمناها إننا فهمنا ، و رجعت لنا مرة ثانية و قالت أطلب لكم تاكسي ؟! .. تشكرنا و قلنا طالبين .. و راحت و رجعت و كتبت لنا اسم المكان في ورقة عشان نعطيها السواق في حال ما فهم :(2): ! قالت أمي خوذوا رقمها و كلموها بشروها إذا وصلنا :yolks00550: و كلمناها و الله بعد ما جلسنا ساعة نحفظ الجملة اللي نقولها لها بالكوري ، و انبسطت يا قلبي هي :shutup: ! المهم وصلنا و كانت المنطقة في الحقيقة كبر عيني ! بالأنترنت طالعة كبيرااااااااااه ! طلع فيها محلات بسيطة و أغلبها رياضية ، و أكشاك في الوسط ، و فود ترك ، و مطاعم ، المنطقة حلوووووة و مهم الواحد يشوفها ، صغيرة بس مختلفة ، و غريب إن المحلات على شكل حاويات ! تنفع الواحد يسوي فيها جلسة تصوير الصدق :detective2: .. https://www.arabtrvl.com/up/uploads/...0860120881.jpg https://www.arabtrvl.com/up/uploads/...0876562195.jpg https://www.arabtrvl.com/up/uploads/...2086015362.jpg https://www.arabtrvl.com/up/uploads/...0860215814.jpg https://www.arabtrvl.com/up/uploads/...0860223685.jpg https://www.arabtrvl.com/up/uploads/...0876530151.jpg https://www.arabtrvl.com/up/uploads/...0876554044.jpg فيها مخبز من ألذ ماذقت في حياتي ! بعد ما تقهوينا فيه ، أخذنا كيك برتقال و فستق من عندهم ، نتقهوى عليها في الصباحات القادمة :62: https://www.arabtrvl.com/up/uploads/...5208765463.jpg https://www.arabtrvl.com/up/uploads/...0860186213.jpg جلسنا ندور في المكان ، و نحلل المرمطة اللي تمرمطناها عشان نوصله .. و بعدها قررنا نتغدى و صار فيه انقسام كالعادة ! أنا أبي قهوة ، وأختي تبي بيتزا من الفود ترك ، و أخوي و أختي الصغيرة يبون مطعم إيطالي كان موجود في الدور الثاني .. أما الأم في عالم آخر ، عالم التسوق :yolks00770: ! و قالت لأخوي يجيبون لها تيك آواي . صح كان فيه مطعم بالدور الثاني لعائلة فلبينية مسلمة ، المطعم حلال بس كلّن مقرر وش يبي :e33f: وَ صح بعد ترى أغلب المطاعم الإيطالية في الأماكن السياحية المعروفة اللي متعودين على المسلمين لمّا نطلب منهم يقولون لنا راح يتأخر الطلب شوي لأننا سالقين المكرونة مسبقاً بمرق دجاج ، فراح نسوي لكم جديدة بماء عادي ، هالموقف تكرر علينا بمطعم في الآوت لت بـ 2018 ، و في فرايديز في سوق لوتّي مول كذلك بـ 2018 ، و هالمرة بعد :e32a: https://www.arabtrvl.com/up/uploads/...0876538772.jpg رجعنا للفندق ، و نزلنا نتمشى ، لأن المكان اللي حول الفندق كله أماكن حلوة و ماغطيناه كله :50: و كل شوي نكتشف شيء جديد :e32c: 25 يوليو : Petite France ( ما رحنا لها هالمرّة ، فقط بـ 2018 ، أضفتها عشان يكون عندكم خلفية عنها لأنها بنفس المقاطعة ) The Garden Of Morning Calm nami island قمنا الصباح و رحنا كلنا لمحل 4B حق البـ bagel و أفطرنا ، و لما جاء وقت الانطلاق لوجهتنا لهاليوم أخذنا من عندهم قهوة و مرينا ماركت بجانب الفندق و أخذنا منه تشوكليت و حركنا لحديقة الصباح الهادئ و جزيرة نامي .. الحديقة تبعد عن سيئول بساعة و نصف وَ الجزيرة تبعد عن الحديقة بنصف ساعة .. كلهم موجودين في نفس المقاطعة ، مقاطعة غيونج جي :(101): https://www.arabtrvl.com/up/uploads/...1119993631.jpg أخذنا تاكسي كبير لمدة 9 ساعات في هالمشوارين من نفس الشركة اللي أخذناها في جيجو بـ 1200 ريال ! غالية شوي صح .. صح ! و لكن المشوار رايح جاي قرابة الأربع ساعات ( في حال كان الطريق فاضي ) ، و صعبة نحصّل تاكسي في المنطقة هناك عند الحديقة عشان يودينا لجزيرة نامي ! أما عند الجزيرة ممكن فيه مواصلات و لكن الحديقة لا ! و كذا كذا مو بعيد عن سعر سيارتين من آوبر لما حسبتها و كذلك الآوبر ما راح ينتظرنا لما نخلص ، فاشتريت راحتنا ! :(95): و اللي يبي يروح إن شاء الله يضيف القرية الفرنسية للخطة و بنفس السعر بتكون ، أهم شيء الإتفاق على الساعات .. أول شيء وصلنا الحديقة و ما قدر زرناها قبل ، و سعر التذكرة للكبار 11000 وون ( 30 ريال ) وَ الصغار بـ 7500 وون ( 21 ريال ) و كذلك الشباب لهم سعر أقل من الكبار .. وَ كانت من أجمل الأشياء الطبيعية اللي زرتها في سيئول و الصدق أحلى من hallim park اللي بجيجو :(60): تحتوي الحديقة على 5000 نوع من النبات .. اسُتخدِمت هذه الحديقة كموقع لتصوير عددٍ من المسلسلات التلفزيونيّة الكوريّة .. ذكرتني جداً بسويسرا .. جميلة جميلة جميلة ! و تأخذ وقت صراحة كبيرة كبيرة ! بس فتنة والله ! فعلاً خلاّبــة ما شاء الله ! https://www.arabtrvl.com/up/uploads/...1168947091.jpg https://www.arabtrvl.com/up/uploads/...1168978942.jpg https://www.arabtrvl.com/up/uploads/...1169011673.jpg https://www.arabtrvl.com/up/uploads/...1169045474.jpg https://www.arabtrvl.com/up/uploads/...1169080445.jpg https://www.arabtrvl.com/up/uploads/...1183078751.jpg https://www.arabtrvl.com/up/uploads/...1189906032.jpg https://www.arabtrvl.com/up/uploads/...1183114342.jpg https://www.arabtrvl.com/up/uploads/...1183146623.jpg https://www.arabtrvl.com/up/uploads/...1183180924.jpg https://www.arabtrvl.com/up/uploads/...1224346622.jpg https://www.arabtrvl.com/up/uploads/...1224304111.jpg https://www.arabtrvl.com/up/uploads/...1189873161.jpg https://www.arabtrvl.com/up/uploads/...1189936813.jpg https://www.arabtrvl.com/up/uploads/...1245703821.jpg https://www.arabtrvl.com/up/uploads/...1245738872.jpg https://www.arabtrvl.com/up/uploads/...1245771613.jpg https://www.arabtrvl.com/up/uploads/...1245804874.jpg https://www.arabtrvl.com/up/uploads/...1279321331.jpg https://www.arabtrvl.com/up/uploads/...1279354792.jpg https://www.arabtrvl.com/up/uploads/...1279390043.jpg https://www.arabtrvl.com/up/uploads/...1279423684.jpg https://www.arabtrvl.com/up/uploads/...1289904281.jpg https://www.arabtrvl.com/up/uploads/...1289945362.jpg https://www.arabtrvl.com/up/uploads/...1289994733.jpg https://www.arabtrvl.com/up/uploads/...1290042714.jpg https://www.arabtrvl.com/up/uploads/...1303242471.jpg https://www.arabtrvl.com/up/uploads/...1303274792.jpg https://www.arabtrvl.com/up/uploads/...1303309933.jpg https://www.arabtrvl.com/up/uploads/...1303343134.jpg https://www.arabtrvl.com/up/uploads/...1314672731.jpg بعد ما خلصنا خواتي قالوا إنهم جوعانين :37::37: و ما كان فيه غير كشك يبيع كورن دوق ! يكون النصف العلوي جبنة و النصف الآخر هوت دوق .. أكلوا اللي فوق و خلّوا اللي تحت ، و أكلوا آيسكريم و شبعوا الحمدلله :D https://www.arabtrvl.com/up/uploads/...1314682392.jpg https://www.arabtrvl.com/up/uploads/...1314691263.jpg بعدها توجهنا لجزيرة نامي و بالطريق شفت فندق غريب ، جازلي والله ، الخطة القادمة لازم نسكن فيه إن شاء الله .. https://www.arabtrvl.com/up/uploads/...1360053851.jpg المهم وصلنا و رحنا بنحجز الـ Zip-wire، و قالوا لنا أقرب وقت الساعة 4 ، يعني انتظار ساعة ! تذكرة الـ Zip-wire كانت بـ 1500 ريال للجميع و شاملة دخول الجزيرة .. و تذكرة الدخول للجزيرة عن طريق العبارة رايح جاي بـ 16000 وون ( 45 ريال ) وَ تذاكر الصغار و الشباب أرخص بعد .. رحنا للمقهى اللي جنبه لما يجي وقت دخولنا .. أخذت كرواسون حالي و أمي آيسكريم ، و الباقين قهوة و تمشينا في الشوارع اللي قريبة للجزيرة ، و فيه بالمنطقة مطاعم كورية حلال ، جربناها بـ 2018 بس ما استسغنى الأكل الحمدلله :dunno: .. و كذلك داخل جزيرة نامي فيه تقريباً 3 مطاعم حلال .. لما جاء الوقت ، رجعنا .. طبعاً ممنوع منعاً باتاً التصوير في الـ Zip-wire .. ( الوزن المسموح فيه من 35 كيلو - 120 كيلو / الطول السموح فيه من 140 سم - 200 سم ) https://www.arabtrvl.com/up/uploads/...1541223272.jpg https://www.arabtrvl.com/up/uploads/...1589722546.jpg https://www.arabtrvl.com/up/uploads/...2140720463.jpg https://www.arabtrvl.com/up/uploads/...1360086312.jpg أول مرة جينا بـ 2018 كان فيه كاميرا تحت تلتقط لك صورة و تأخذها في حال كنت تبغاها ، هالسنة ماكووو ! انتظرنا بعد ما نزلنا كلا و رحنا تمشينا، و كانت السناجب الدعنونة ملياااااانة ، لطيفة لطيييفة :(34): ! https://www.arabtrvl.com/up/uploads/...1589713135.jpg https://www.arabtrvl.com/up/uploads/...1461266731.jpg https://www.arabtrvl.com/up/uploads/...1461335323.jpg https://www.arabtrvl.com/up/uploads/...1461302252.jpg https://www.arabtrvl.com/up/uploads/...1479664681.jpg https://www.arabtrvl.com/up/uploads/...1479808372.jpg https://www.arabtrvl.com/up/uploads/...1479947723.jpg https://www.arabtrvl.com/up/uploads/...5214800894.jpg https://www.arabtrvl.com/up/uploads/...1492541611.jpg https://www.arabtrvl.com/up/uploads/...1492675712.jpg https://www.arabtrvl.com/up/uploads/...1576488012.jpg https://www.arabtrvl.com/up/uploads/...1492717943.jpg https://www.arabtrvl.com/up/uploads/...1492759844.jpg https://www.arabtrvl.com/up/uploads/...1500558971.jpg استأجرنا سكوتر كهربائي و سيكل عادي لمدة ساعة لخواتي بـ 5000 وون ( 14 ريال ) و لازم بطاقة الأحوال و تستلمونها بعد ما ترجعونهم .. أما أمي و أخوي أخذوا سيكل ثنائي معلق في السماء :D سيكل مرتفع يمشي على سكة حديد ، مرعب في البداية يقولون و لكن مجرد ما مشوا انبسطوا و عبارة عن دورة واحدة فقط ، و طويلة لأن السكة طويلة .. و التذكرة كانت بـ 8000 وون ( 22 ريال ) . https://www.arabtrvl.com/up/uploads/...1500601662.jpg https://www.arabtrvl.com/up/uploads/...1407235644.jpg https://www.arabtrvl.com/up/uploads/...1407196532.jpg https://www.arabtrvl.com/up/uploads/...1407164691.jpg https://www.arabtrvl.com/up/uploads/...1435321811.jpg خلصنا و رحنا صلينا في المصلى اللي حاطينه .. مرتب مرة .. و دورات المياه فيها شطّاف :(35): .. الصدق ما تأزمنا حنّا لأننا ماخذين 3 شطّافات من السنيدي :D :yolks00520: https://www.arabtrvl.com/up/uploads/...1461367294.jpg https://www.arabtrvl.com/up/uploads/...1512880891.jpg https://www.arabtrvl.com/up/uploads/...1512911942.jpg https://www.arabtrvl.com/up/uploads/...1512945013.jpg كنت مخططة على المطعم الإيطالي ، و لكن مع الأسف كل المطاعم مسكرة ، ما أعرف ليش ! طبعاً فيه مطعم حلال ، و مطاعم كثيرة ، و مقاهي كثيرة ، و لكن مغلقة كلها ! و بعد ما خلصنا قررنا نطلع و توجهنا للعبّارة .. في طريق الخروج لقيت أجوما تبيع خبز قرع مطبوخ على البخار و محشي فاصوليا حمراء بـ 1000 وون ( 3 ريال ) ، مدري ليش نفسي سوّلت لي آخذه :(49): ! لا آكل فاصوليا حمراء و لا هو وقت القرع صراحـة :(57): ! حاولت ألزّم على اللي معي يذوقونه بس ماش عجزوا ! أكلت الأطراف ، و لقيت سنجوب صغير و عطيته إياه و كان له نصيب الأسد من هالخبزة :rolleyes: قلبي السنجاب والله أحسه كان يجاملني يوم كمّلها :D ! https://www.arabtrvl.com/up/uploads/...1541190621.jpg https://www.arabtrvl.com/up/uploads/...1541260154.jpg https://www.arabtrvl.com/up/uploads/...1541256193.jpg https://www.arabtrvl.com/up/uploads/...1576483661.jpg https://www.arabtrvl.com/up/uploads/...1589688792.jpg https://www.arabtrvl.com/up/uploads/...1589704724.jpg https://www.arabtrvl.com/up/uploads/...1576492683.jpg https://www.arabtrvl.com/up/uploads/...1576496884.jpg https://www.arabtrvl.com/up/uploads/...1589680611.jpg فيه كثير أنشطة في الجزيرة غير الـ Zip-wire وَ الـدراجات و القطار .. فيه Motorboat وَ Motorboat وَ Water sports & pedal وَ أشياء أخرى ، و كلها أرخص من الـ Zip-wire . رجعنا و قررنا نخلي السواق ينزلنا في مطعم أردني حلال اسمه البيداء .. من أكثر المطاعم المعروفة هناك و أقدمهم ، طلبنا مشروبات و الأكل كان مسخن و كباب الظاهر و الصدق نسيت وش طلبنا ! بس السعر رخيص بالنسبة لمطعم عربي حلال .. حول الـ 300 ريال .. تعشينا و رجعنا ، و يالله يالله حصلنا آوبر ، لأن المنطقة بعييييدة و غير سياحية .. الآوبر حقنا بني آدم طبيعي .. حق أخوي شكله كان مقرقع شوي ! وقف بمكان خطأ و لما راح له انهار السواق و بدأ يصرخ و يقول " التاكسي الكوري ما ينتظر :mad: ! طلّع أخوي الجوال و بدأ يترجم له إنك إنت يا متخلف غلطان و واقف بمكان خطأ ! قام هذاك يلج لج و هو يسوق و قام يصبّخ ! و كذلك أخوي قام يلج عليه و يصبخ ( قابل الصراخ بالصراخ تسلم :D ) و فعلاً توحّش السواق و هجد ! اتصل أخوي على الشرطة من خلال تطبيق آوبر و حط سبيكر عشان يسمع السواق .. و قالوا له ما نقدر نتدخل إلا إذا كان فيه اعتداء بس راح نحرك الدوريات داير مدارك :(22): .. خاف السواق ! و بدأ يغني فجأة ، و يسأله من وين أنت و هو مبتسم ! و أخوي ما يرد عليه و مكمل مع الشرطة في جهة ، و يهاوشه في جهة ثانية :harhar1: ! و تواصل أخوي بوقتها مع إدارة آوبر ، و رجعوا له قيمة المشوار و حطوا له مبلغ زيادة في حسابه نفس قيمة المشوار وَ شالوا السواق من البرنامج وَ الشرطة حررت للسواق مخالفة لترهيب السيّاح و مدري وش سوو فيه بعد :yolks0050: ! و اعتذروا الشرطة من أخوي لتصرف السواق .. رجع أخوي و سوّاله قهوة دريب و قطرها على روقان و روّق :D ، و قالنا السالفة من بكرة عشان أمي ما تنهبل :(148): .. قلنا لأخوي المفروض نزلت و خلاص ! قال قهرني ، و بنقهر لو ما أخذت حقي ! يقول لو معي وحدة منكم كان نزلت من السيارة و اشتكيت عادي و انتهى الموضوع و طلبت سيارة ثانية ! حنّا سكتنا و ما ناقشناه ، لأن أخوي هادي جداً و ما شاء الله تبارك الله عليه طولة بال تقتلنا حنّا ! فعارفين إذا رد هالمرة أكيد إنه السواق منرفزه و متعدّي حدوده و قاهره ! فـيستاهل السواق .. و يصير يأدبـه لباقي السيّاح مستقبلاً :D . و اللحين بنزل صور للقرية الفرنسية بشكل سريع و مبسط .. بدايةً القرية أفتتحت عام 2008 ، عبارة عن قرية فرنسية و الشخصية الكرتونية للقرية هي شخصية الأمير الصغير ( هي رواية صغيرة للكاتب الفرنسي أنطوان دو سانت إكزوبيري ) .. فيها فندق ، و كذلك فيه عروض حيّة على المسرح .. رسوم الدخول للأطفال 9900 وون كوري ( 38 ريال ) و الكبار 18900 (71 ريال ) . https://www.arabtrvl.com/up/uploads/...1667802395.jpg https://www.arabtrvl.com/up/uploads/...1667798454.jpg https://www.arabtrvl.com/up/uploads/...1667678341.jpg https://www.arabtrvl.com/up/uploads/...1667711432.jpg https://www.arabtrvl.com/up/uploads/...1692997791.jpg https://www.arabtrvl.com/up/uploads/...1693027134.jpg https://www.arabtrvl.com/up/uploads/...1693147155.jpg و الله يا كميّة صور حطيتها لكم ربي يعيينكم :D بس تحسفتبهم و حطيت لكم منهن شوي :yolks00750: و شكل ما باقي لنا إلا شـوي من غير شر :(88): |
| الساعة الآن 07:56 AM |
Powered by vBulletin® Copyright ©2000 - 2025, Jelsoft Enterprises Ltd.
Search Engine Optimization by vBSEO