سبق اني تكلمت عن اليومين الأولى والآن بتكلم عن اليوم الثالث في القاهرة
عادة حتى لما نصحى من النوم الصباح نبقى بالفندق وتبدأ مشاويرنا بعد الساعة 12 وهالمرة بدينا يومنا بالأهرامات،كان مشوار متعب جدا بسبب المتواجدين هناك :20:
تتفق مع شخص وتتفاجأ انك مع شخص ثاني ويطالب بمبلغ غير اللي دفعته،،!
الأهرامات كانت تجربة ممتعة لكن ما أعتقد انها بتتكرر مستقبلا.
طلعنا من الأهرام الساعة 3 وكانت وجهتنا لمطعم أبوعمار،مطعم حلو ومرتب وأسعاره معقولة جدا.
بعد الغدا توجهنا للفندق (نوفوتيل البرج) وطلعنا بعد صلاة العشاء لمول العرب للمرة الثانية خلال يومين.
طبعا مول يعني مشي كثير وتعب وفلوووس تندفع كثير :e023:
حضرنا فيلم بس ما اذكر وش كان اسم الفيلم..بعدها توجهنا لمطعم فرحات بميدان لبنان بحدود الساعة 12 ورجعنا للفندق بحدود الساعة 1 تقريبا.

اليوم الرابع
بدينا يومنا الساعة 12 الظهر وكانت وجهتنا الأولى حديقة الأزهر :e303:
جلسنا فيها حدود الـ4 ساعات ولا حسينا بالوقت..مكان جميل وواسع ومرتب ومريح.
طبعا تغدينا بمطعم القلعة بالحديقة،مكان حلو واطلالة ممتازة وأسعار معقولة نوعا ما.
الحديقة كانت من أجمل الأماكن اللي زرتها بمصر وانصح وبقوة اي احد مازار الحديقة انه يروح لها،وعلى مسؤوليتي.
بعد الحديقة كانت وجهتنا لشارع طلعت الحرب بحدود الساعة 5 ،تمشينا بالمحلات بعدها توجهنا لوسط البلد ولفيناها لف :20:
وسط البلد مكان ماتحس فيه لا بالوقت ولا بنفسك ولا باللي حولك.
رجعنا للفندق من وسط البلد مشي،الجو كان رووووعة ويساعد على المشي (رحلتنا من 15 فبراير لـ3 مارس) والجو خلال هالفترة كان شي عجيب.
بعد اللف والدوران كان لابد من الدش..ثم الوجهة الى مركب بلو نايل من الساعة 9 الى 11.30
مطعم المركب حلو واطلالته حاجة محصلتش لكن أسعاره مبالغ فيها حبتين.
بعد المركب رحنا نتمشى بالحي ورجعنا على الساعة 12.30
انتهى يومنا