|
الشكر لك انت وللاخوان اخي ابو معتز .. شرف لي خدمة الاخوان .. |
اقتباس:
ماشاء الله تبارك الرحمن كفيت ووفيت يا ابو عبدالله الكويتي بالنسبة للأيام والله حاولت ازيد عدد الأيام واللي اقدر عليه تقريباً حول 13 يوم كحد اقصى بحكم اجازتي ان شاء الله ارتبها صح من ناحية الميزانية وخاصة اني رايح ابي استمتع بالاجواء والمناظر هناك. بالنسبة للسكن الاغلب نصحني بما فيهم انت بالسكن في البيوت ارخص بالسعر وجودة ونظافة وبرضوا تعامل اهل البلد طيبين وامينين .. بـ اتعمق اكثر ان شاء الله في بعض الاماكن السياحية المشهورة هناك عشان ارسم خط سير واضح واعرف وين اروح ووين اجي من اول ما اطب البلد وخاصة اني ناوي في شهر 9 لابد اتحرك و اضبط اموري من بدري. نقطة مهمة اعجبتني جداً منك الا وهي تقسيم المصروف بين المسافرين اعتقد انها مهمة جداً استفسار بسيط ولو اني كثرت عليك ولكن منكم نستفيد وان شاء الله نفيد من بعدكم - هل احتاج للفيزا هناك ام كاش او الاثنين سوا ..؟ انشهد انك ماقصرت ويعطيك العافية على الإفادة ابيض وجه لاهنت |
اقتباس:
وانا اؤكد لك ان خيار السكن في البيوت افضل واشرح واوفر لك .. واذا قررت على خير وسلامه علمني وانا ازودك ببعض المعلومات عن البيوت هناك.. ،، الكاش غالبا مطلوب هناك.. ايضا هناك اماكن كثيره تستقبل البطاقات البنكيه بانواعها ولكن تذكر دائما ان يكون لدى بنكك علم بأنك مسافر فواجب البنوك اذا تابع عمليات سحب خارج البلاد سيقوم بوقف البطاقه فوراً.. |
ماشاء الله تبارك الرحمن تقرير جميل ولطيف |
اقتباس:
يامرحبا يا ابو عبدالله الكويتي انشهد انك وافي .. ماشاء الله تبارك الرحمن على روحك الطيبة وتعاونك اللي ماهو مستغرب منك ولا من الجميع ان شاء الله اني مقرر على خير بإذن الله على شهر 9 ميلادي .. اي بعد 3 شهور الرحلة راح تكون لشخصين فقط وبعد استفسارات وكم مشوره قررت على 12 يوم وبرضوا على اجازتي راح اتواصل معك على السكن في الايام القريبة ان شاء الله طبعاً قررت اسوي الفيز من بدري لكن الربع ما انصحوا الان لان مدتها 3 شهور ولا راح استفيد بحكم السفره في شهر 9. بالنسبة للتذاكر ولو انك تنبه كثير عنها والله بحثت كثير والاسعار متفواته ولايوجد دايركت من مطار الدمام الى ان اغلبها ترانزيت اما للرياض او ابو ظبي او تركيا والى الان اشوف الارخص والاقصر انتظار في الترانزيت لان وجدت الارخص الا وهو طيران ويز ولكن الانتظار يكون طويل جداً. وان شاء الله ماطول في الحجز خلال هالايام بمشيئة الله ارجع استفسر اكثر بما ان الاستفسارات تجر بعضها وتنبه على شغالات ممتازه - هل الصرف او تحويل العملة يكون من البلد اللي انا فيه او من البوسنة .. وش الافضل ..؟ - هل اصرف يورو او عملتهم اللي يتعاملون فيها هناك لان اخذت لي فره في مواضيعك عن البوسنة قريت ان فيه تعامل با الـ يورو ! وان شاء الله اذا فيه اي استفسار ثاني راح ارجع لك .. منت مقصر جعل عمرك طويل والله استفدت كثير تحياتي |
ما هي مقترحاتكم بالسكن في بيهاتش |
اقتباس:
فالك التوفيق وشوف الافضل بالنسبه للطيران واحجز عليه .. النصيحه حتى لو زدت المبلغ لكن عليك باقل واقصر فترة انتظار للترانزيت السفره لازم تكون ايجابيه من بدايتها وحتى نهايتها.. بما ان العدد سيصبح شخصين فالخطه بالتأكيد ستتغير والميزانيه اكيد تتغير باذن الله ساحصي لك كامل المبلغ اللي بيكفيك واعلمك .. بالنسبه للعمله عليك بصرف اليورو في المملكه واخذ اليورو معك وتحويله الى عملتهم مارك بوسني عملتهم غير متوفره بالخليج وفقك الله |
اقتباس:
ماهو نوع السكن اللي تبي شقق فنادق بيوت ؟ والاهم كم شخص ؟ |
يعطيك العافيه سفرة ممتعه امتعتنا بالمشاركة فيها ونصايح مميزه نستفيد منها شكراا لك |
اقتباس:
صحيح وهذا اللي انا ابحث عنه الان الاقصر وقت في الترانزيت بإذن الله تكون السفره ايجابية .. للأمانه متشوق للسفره من بعد ما اخذت فره على بعض مواضيع البوسنة الله يكتب اجرك ويجزاك خير في انتظار ترتيبك بالنسبة للتحويل ان شاء الله قبل السفر بكم يوم احول لليورو يعطيك الف عافية |
| الساعة الآن 02:28 PM |
Powered by vBulletin® Copyright ©2000 - 2025, Jelsoft Enterprises Ltd.
Search Engine Optimization by vBSEO