|
اقتباس:
airalo سبق جربته و ميزته للسفرات الخفافية و الواحد لحاله أو شخصين و تفعل لكل جوال شريحة أفضل أما مع الأسرة أفضل الباقة و معاها الراوتر لأن أغالب وقتنا مع بعض |
اقتباس:
جربت الموقع اتضح ان مافيه توصيل الى الدمام فقط موقعين في جدة وموقع في الرياض شكلها مافيه الا من المطار لكن اذا الامر فيه تأخير ما اعتقد الشركة والباص بينتظرون خصوصا ان الوصول 11 بالليل ربك يسهلها |
حياك الله قد سبق استلمت من المطارات وغالباً موظف معاه كيس كبير وداخله علب أول ما تعطيه رقم حجزك يتأكد ويعطيك العلبة ويفضل تسوي تعريف لواحد من الجوالات وأنت معاه التعريف مجرد تدخل على الواي فاي بجوالك وتختار اسم الشبكة اللي مكتوب بظهر المودم وتدخل الرقم السري اللي ايضاً مكتوب بظهر المودم أتوقع كثير بالطيارة والقروب مثلك فما أعتقد فيه مشكلة تستلم الجهاز بالمطار ولو تبغى بالفندق عادي .. وأميل للمطار أفضل بحيث أي ملاحظة يكون الموظف قدامك لابد تتواصل مع حسابهم العربي بتويتر لأنهم بيعطونك طريقة الاستلام بمطار طرابزون ما تدري يمكن عهدنا قديم ويحتاج تحديث بالتوفيق |
اقتباس:
لاهنت يا اخ نواف إن شاء الله تمر الامور بالتساهيل اذا تفعيل الكونكت بالطريقه هذي اجل سهله بالنسبه لي انا وام عبدالله دايم اشترك في تجوال stc لمده اسبوع وتوفي بالغرض والعيال برأيك هل لازم اخذ لهم شرائح تركيه على شان المكالمات او اكتفي بالكونكت ؟ الكونكت يعطيهم نت لكن اذا احتجنا نكلمهم ! |
حياك الله أنا اشوف أنت وأم عبدالله والأولاد كلكم تعتمدوا على المودم .. أوفر لكم غالباً حركتكم بتكون مع بعض فما تحتاجوا اتصالات كثير بينكم ولو مجموعة طلعت برا الفندق تاخذ المودم والباقين عندهم شبكة النت حقت الفندق ولو بتتصل على سواق ولا شخص تركي الواتس شغال اتصال صوتي ومرئي يعني ما تحتاج اتصال ولا رسائل sms |
لاهنت يا اخ نواف ، بالليل من بعد المغرب تنتهي الجولات السياحيه والعوده للفندق اين نذهب في الليل في طرابزون ؟ هل من اماكن مقترحه ؟ هل الوضع آمن ؟ |
أهلا أخوي أبو عبدالله في الليل ممكن تروح ميدان طرابزون مطاعم وأسواق أو أحد المولات فورم أو جواهر وإن شاء الله الوضع آمن جدًا أنا عادة مع العائلة أسكن في ميدان طرابزون وما أحتاج سيارة كله بالمشي أو أسكن في سنتر القرى مثل أيدر وأوزنجول وجنبك المطاعم والمحلات ونأخذها جولة مسائية في ربوع القرية مع حركة الناس والسياح موفق بإذن الله |
اهلا بك من حيث الأمان نعم أمان وبتلاقي العوائل الخليجية بكل مكان مهم جداً تعرف موعد الغروب غالباً سيكون موعد قدوم الليل 8 مساء والمولات تقفل تماماً عند الساعة العاشرة مساء مثل ما تفضل أخونا المسافر أقرب شيء لك الميدان ومول فورم تقريباً 10 دقائق بالسيارة من فندق راديسون أما بالنسبة لأوردو عندك مطل بوزتبه مميز تقريباً 7 دقائق مشي من فندقكم وأنصح تزوره في النهار وكذلك المساء بالتوفيق |
اقتباس:
اقتباس:
بارك الله في جهودكم ايها الخبراء لا خلا ولا عدم ، |
بالنسبة لليوم الحر وشرايكم بالخطه اللي حطيتها في بالي ؟ الافطار في الفندق صباحاً ثم التوجه الى مغارة تشال وقضاء الوقت فيها والقهوة في المقاهي اللي بجنبها وفي الظهيرة نروح نتغدى في مطعم Hurnobo restaurant cafe وبعدها العودة الى طرابزون والذهاب الى مول فوروم الى المساء والعشاء فيه اذا فيه مطعم مناسب او التوجه الى مطعم ZULUF Rest للمأكولات العربيه وبعدها العودة للفندق . |
| الساعة الآن 06:17 PM |
Powered by vBulletin® Copyright ©2000 - 2025, Jelsoft Enterprises Ltd.
Search Engine Optimization by vBSEO