|
هلا وهليكم السلام جزاكم الله خير الجزاء كلكم بدون استثناء انا الان كنت ارتب الطيران الوحيد المباشر ويزوالله ماقد جربت بس دورت الخطوط الثانيه في ترانزيت ومدة التوقف متفاوته وانا بصراحه كنت ابغى مباشر عشان الاولاد لكن الاسعار حتاخذ أغلب الميزانيه عشان كذا قررت طيران ويز والله يستر ويسهلها بس استفسار كيف اذا الغيت الرحله ياخذون الضعف يعني اذا انا اللي ألغيت ولا صار الغاء منهم ممكن توضيح اكثر هو عيبهم من غير أمتعه وانا اضيف الحزمه اللي أبغاها ومافي وجبات والوصول في اوقات متأخره بس السعر طلع معقول مع اضافة اقصى حد من الامتعه اهم نقطه انه مباشر والله يسهلها اليوم الاول والاخيراصلا ماحسبتهم من ضمن جدول الرحله انا بصراحه فكرت بمكتب يحجز كل شي بعدين كنسلت الفكره وقلت احنا أولى بالمبلغ وانا احجز كل شيء بس خايفه اصادف عقبات فحروح ان شاء الله مكتب ويز اللي عندنا واحجز عن طريقه مو عن طريق الاون لاين اعطوني خبراتكم بهذا الخصوص والله يسخر لكل واحد تفاعل وأدلى باقتراحه كل خير بالدنيا والاخره أعجز بالفعل عن شكركم كلكم بدون استثناء وبخصوص مدة البقاء ممكن تصير ١٤ بدون الوصول والمغادره بس حاليا احط اقل الخيارات |
انا بروح نفسج ميلان وجنيف الحين اللي بميلان يقولون الاجواء قاعده تنخفض الحرارة واحسن شي خلي رحلتج ميلان وشمالها وجنيف وشامونيه اذا حابه الغي روما واللي قريبه تحتها |
اقتباس:
|
اقتباس:
السلام عليكم و رحمة الله و بركاته .. الأخت أم يزن 82 ... من ردك بدأ لنا أن لديك قناعة شبه تامة بأن طيران Wizz أفضل و مناسب لكم كميزانية و طيران مباشر لذا نقول توكلي على الله و أحجزي و ليكن لديك المروانة الكافية لتقبل أي تغيرات لاسمح الله و أن تسير رحلتكم بدون منغصات و تستمتعون في الرحلة ... و خصوصاً جزئية الطيران بالتوفيق أن شاء الله |
الله يسهل لي ولك السفر وتكون سفره ممتعه على كافة الأصعده بخصوص الطيران بالفعل حاليا هو القرار بنسبة ٩٥ بالميه والله يسهل الخير المبزانيه تفرق معانا جدا لان عددنا ٦ طيب اكنسل روما وايش عشان جوهم انا حطيت روما ليله كزياره للعاصمه بس اذا مو مهمه وحتكون حاره اكنسلها ايش مدن الشمال الايطالي اللي ماذكرتها وأشكركم واعتذر عن الاطاله عندي اطفال صغار وعندي اعمار ١٥ و١٦ بعني ابغى اوازن بين الطبيعه لي أنا وأبوهم وبين المولات والكافيهات للكبار والملاهي والحدائق للصغار |
اقتباس:
رأيي قد يكون من الأفضل أستبعاد روما من المخطط طالما وصولكم و عودتكم ستكون من ميلانو و بمكن أستبدال الأيام المخصصة إلى روما بالذهاب إلى أنسبورك Innsbruck في النمسا فهي تبعد عن Bolzano حوالي ساعة و 40 دقيقة المنطقة طبيعتها و جوها جميل ... طبعاً بما أنكم ستمضون أيام من رحلتكم في فيرونا و منطقة ريفا دال جاردا من أجل الملاهي بعدها تتوجهون إلى Bolzano و منها إلى Innsbruck هنا رابط ملاهي Gardaland |
لو سمحتو انا افكر الاقامه بميلان والذهاب الى حاطه ٥ ليالي اذا زادت مدتنا ١٤ يوم بدون الوصول والمغادره واذا مدتنا ١١ يوم حطيت ٣ ليالي وهذي الاماكن كومو والرجوع لميلان لوقانو والرجوع لميلان قاردا والرجوع لميلان ايش كمان نقدر نروحه في الشمال الايطالي لليلتين اضافيه اذا زادت مدتنا والرجوع لفندق ميلان قررت اكنسل روما وفلورانس( يعني نقصت ٣ ليالي( بس ابغى ازور فينيسيا نجرب القوارب وابغى برج بيزا من فلورانس يمدي ليله ولا اكنسله مو مهم جنيف وانترلاكن موجودين من ضمن خطتي الى الان بس حطيت جنيف ليله وانترلاكن ٣ سويت جدولين مبدئيا واحد ل ١٤ يوم دون الوصول والمغادره يعني ١٦ وواحد ١١ يوم دون الوصول والمغادره يعني ١٣ ومشكورين الله يجبر خواطركم بهذا اليوم الفضيل وييسرسفرتنا على خير |
أخ ابو معتز جزاك الله خير الجزاء ما انتبهت لردك كيف انتقل ال بولزانو وايش الفعاليات اللي فيها يعني اقدر اروحلها وارجع لميلانو بنفس اليوم ولا لا |
اقتباس:
اقتباس:
أختي أم يزن .. ما ودي يكون جدولكم فيه تنقل كثير لأنه متعب بصراحة لأن بقائكم في ميلان و الذهاب و العودة لها مشقة لأن بعض الوجهات المسافة توصل إلى ساعتين رايح و مثلها في العودة مثال ذلك جاردا الملاهي أما كومو و لوغانو و بيلاجيو قريبة كلها حول 30-40 دقيقة من ميلان من رأيي أنكم بعد قضاء كم يوم في ميلان تنتقلون إلى فيرونا المسافة ساعتين و تسكنون فيها يومين يوم تخصصونه لملاهي جاردا و اليوم التالي فينيسيا تروحون لها من الصباح توقفون السيارة في المواقف و تأخذون التاكسي النهري و ينزلكم في أحد المحطات و تتجلون في مدينة البندقية و ترجعون إلى فيرونا بالنسبة لــ بولزانو من فيرونا ساعة و نص و ممكن تدخلين على البحث و تشوفين إلى تستأهل العنوة أو تستفيدون من أيامها في مكان أخر لأن حسب كلامك في الخطة جنيف وانترلاكن ولو أني أرى أستبعادهم لأن بتحتاجون 6 ساعات للوصول لو خليتوها بعد فيرونا ,,, المشكلة ما فيه فعاليات قريبة من ميلانو.. القريب يحتاج أكثر من ساعتين إذا تبون جنيف و انترلاكن أستبعدوا فيرونا و جاردا و البندقية و بولزانو و خلو الرحلة بعد ميلانو تطلعون جنيف و منها إلى أنترلاكن و بعدها ترجعون ميلانو |
يا أختي الموضوع الأهم من التنقلات ، هو أنكم مضطرين عالإجازة الصيفية وباقي عليها أقل من شهر تنتهي في 20-8-2023 والميزانية محدودة تقريباً ( ما اشتريتو التذاكر ولا حجزتو السيارة ) وهذي أهم نقطتين لازم تنجزوها الأن أولا : تأكدي من سعر السيارة أتوقع غالية جداً بسبب عددكم وقرب موعد السفر بعدها تأكدي من رحلات الطيران وأسعارها فالأخير والأسهل تحديد المناطق و حجز الفنادق .. |
| الساعة الآن 11:57 AM |
Powered by vBulletin® Copyright ©2000 - 2025, Jelsoft Enterprises Ltd.
Search Engine Optimization by vBSEO