شبكة و منتديات العرب المسافرون

شبكة و منتديات العرب المسافرون (https://www.arabtrvl.com/vb/)
-   بوابة جنوب افريقيا (https://www.arabtrvl.com/vb/f183.html)
-   -   "كيب تاون".. الأيام الستة (https://www.arabtrvl.com/vb/t53953.html)

Abo Waleed 09-09-2023 05:02 PM

اقتباس:

المشاركة الأصلية كتبت بواسطة q8ya metnaqla (المشاركة 605055)
ما شاء الله
حلو الانطباع الاول عن الديره .. والجو خيال صراحه
احب الفنادق اللي تهتهم في التفاصيل 👏🏽👏🏽
السياقه على اليمين بس اول شي متعبه بعدين اتسهل
حلو اليوم الاول وزيارة المول 👍🏽👌🏽

وقت الوصول كان منتصف اليوم، بس حبينا أول مكان نزوره منطقة الواجهة البحرية ونتعرف على المدينة مبدئيا ثم نكمل باقي تفاصيل الرحلة بالأيام اللي بعدها👌وحتى كانت السواقة مربكة بأول يوم😄

Abo Waleed 09-09-2023 05:08 PM

اقتباس:

المشاركة الأصلية كتبت بواسطة q8ya metnaqla (المشاركة 605056)
هذا الموضوع يفيدك ان شاء الله في رفع الصور

https://www.arabtrvl.com/vb/t50538.html

حجمهم وايد صغير اللي انت حاطهم

ماتوقعت الصور بتكون بالشكل هذا، حتى اللي معه دربيل ماراح يقدر يفك طلاسمها😄 بحاول أرفع الصور من جديد قبل أنزل الجزء الثاني بحول الله، والله يعطيك العافية على المعلومات الموجودة 🌹عسى بس تمشي معي لأن فيه صور جميلة ومتنوعة حرام ما تطلع بالشكل المناسب..

توبليرون 09-09-2023 07:25 PM

[SIZE="5"]ان شاءالله تطلع الصور اكبر
اذا حملت على مركز تحميل المنتدى اختار قياس اللارج افضل
راح تطلع الصوره بهذا الحجم






https://www.arabtrvl.com/up/uploads/...492008497.jpeg



او تقدر تشوف هالتقرير يوضح لك الطريقة


https://www.arabtrvl.com/vb/t50538.html




SIZE]

Abo Waleed 10-09-2023 05:02 PM

اقتباس:

المشاركة الأصلية كتبت بواسطة توبليرون (المشاركة 605093)
[SIZE="5"]ان شاءالله تطلع الصور اكبر
اذا حملت على مركز تحميل المنتدى اختار قياس اللارج افضل
راح تطلع الصوره بهذا الحجم






https://www.arabtrvl.com/up/uploads/...492008497.jpeg



او تقدر تشوف هالتقرير يوضح لك الطريقة


https://www.arabtrvl.com/vb/t50538.html




SIZE]

مشكورة خبيرتنا أم حسين🌹بإذن الله بجرب طريقة رفع الصور حسب الموضوع المرفق وإن شاء الله تمشي معي عشان أنزل باقي تفاصيل التقرير الليلة…
تحياتي

q8ya metnaqla 16-09-2023 05:14 PM

بالانتظار

توبليرون 16-09-2023 06:32 PM

اقتباس:

المشاركة الأصلية كتبت بواسطة Abo Waleed (المشاركة 605017)
أسعدني مرورك وأتمنى يكون التقرير بتفاصيله وصوره عند حسن ظن الجميع،،

بالطبع بانتظار التقرير والصور والتفاصيل ما نستغني ابدااا

Abo Waleed 17-09-2023 12:10 AM

الوصول لمطار أديس أبابا والأجواء كانت رائعة
https://www.arabtrvl.com/up/uploads/...9713983871.jpg

وهنا لحظة وصولنا كيب تاون
https://www.arabtrvl.com/up/uploads/...9720646091.jpg

بعد استلام سيارتنا وبعد خروجنا من المطار
https://www.arabtrvl.com/up/uploads/...9725519861.jpg

https://www.arabtrvl.com/up/uploads/...9733363891.jpg

https://www.arabtrvl.com/up/uploads/...9733366642.jpg

https://www.arabtrvl.com/up/uploads/...9733368773.jpg

مواقف السيارات كانت في بيدروم الفندق
https://www.arabtrvl.com/up/uploads/...9740430141.jpg

الورود كانت في استقبالنا في الفندق لحظة الوصول
https://www.arabtrvl.com/up/uploads/...9747434921.jpg


اليوم الثاني
يوم جديد، غيم ومطر خفيف، أجواء مذهلة، الله يا حلو منظر حي "بو كاب" من بلكونة الغرفة وألوان البيوت،
https://www.arabtrvl.com/up/uploads/...9763408971.jpg

https://www.arabtrvl.com/up/uploads/...9763411382.jpg

الجبل حلو شكله مع الضباب البديع، 🌧️نهاية الجبل ما نقدر نشوفه من الضباب، ✌️اليوم بنروح لزيارتين حسب اتفاقنا، الأول كان "شاطئ البطريق"، والثاني كان "حديقة النعام"، وبنقضي باقي اليوم نتمشى في كيب تاون وضواحيها، حبينا جولات السيارة مع أجواءهم وطبيعتهم الخضراء،

https://www.arabtrvl.com/up/uploads/...9770863721.jpg

https://www.arabtrvl.com/up/uploads/...9770866352.jpg

شفنا بضواحي المدينة بيوت قديمة بمنطقة كبيرة بضواحي كيب تاون واضح منطقة فقراء، نزلنا نفطر وللأمانة كل شيء حلو بالفندق إلا فطوره الله يديم النعمة ويحفظها يا رب من الزوال، ما كانت الخيارات كثيرة عندهم، مع إن العوائل الخليجية موجودة بكثرة بالفندق إلا أنه ما فيه أطباق تناسبهم،

https://www.arabtrvl.com/up/uploads/...9779306961.jpg

وبحكم سفرات سابقة في كل سفرة أحب أخذ معي معلبات بسيطة قبل أسافر احتياط، لأني سبق وجربت فطور بعض الفنادق في دول زرتها وما جاز لي، ما كان فيه عندهم بحياة ريجنسي إلا الأومليت، وباقي الأطباق مو مناسبة، القاعة اللي فيها الفطور بالفندق كانت متوسطة الحجم تميل للصغر بدون إطلالات، لكنها مرتبة، خدمتهم جيدة، بعد الفطور ربطنا الأحزمة 🚖وتوجهنا لخليج البطاريق، حبينا نصبح عليهم مع الأجواء الحلوة، كانت المنطقة واسعة، المواقف متوفرة ومجانية، نزلنا وقصينا تذاكر الدخول، ولا حظنا ما فيه ناس واجد أول ما دخلنا، كان قدامنا اثنين أوروبيين شباب، وعائلة إماراتية بس، وما شفنا ولا بطريق، ولا واحد تلفتنا ندور عليهم والله ما فيه، وكان في بداية الشاطئ حصى كبير وطوله يمكن من مترين لثلاثة حصى أملس، في اللحظة هذي قررت المدام تضحي فيني، 👩🏻‍✈️قالت تسلق الحصى اللي على الشاطئ وتشوف دورهم، قلت بس الحصى ضخم، وما فيه شيء أمسكه عشان اتسلق، قالت أقول يالله، قلت طيب ترى برد، المشكلة لو طحت على أطرافي في هالبرودة بتكون الطيحة ترى كايدة، قالت تسلق بس لا يضيع الوقت، قلت يالله أجرب، بصراحة انصدمت فيني ما توقعت بتسلق بسرعة ورشاقة، حتى هي انبهرت من مهارتي، 👀المهم بعد ما طلعت تلفت ما فيه بطريق، بس أشوف من الجهة الثانية ناس كثير متجمعين على حاجة مرتفعة وخشبية، ومدري وش قاعدين يشوفون، وأنا نظري متوسط والنظارة مو معي، قلت شكل البطريق في الجهة الثانية، لأن العالم كلها هناك، هنا ما فيه أحد، ونزلت ورحنا للجهة الثانية، هو كان فيه أصلا أول ما تدخل جهتين تروح سيده، أو يسار تطلع درج وتنزل مع الجهة الثانية، إحنا رحنا مع الجهة الخطأ يعني سيده عشان بس أتسلق الحصى، المهم رجعنا للجهة الثانية وطلعنا الدرج، ولما طلعنا فوق كانت المنطقة مليانة ناس، ووناسة، وقروبات، وبدينا نشوف البطاريق من بين الأشجار تطلع واحد ورى الثاني، وكل ما نزلنا أكثر للشاطئ زاد الهواء والبرد، وكثروا الناس والبطاريق، كان المكان صراحة جميل، 👋منظر البطاريق، وحركاتهم عجيبة سبحان الله،

https://www.arabtrvl.com/up/uploads/...9794457041.jpg

https://www.arabtrvl.com/up/uploads/...9794460212.jpg

https://www.arabtrvl.com/up/uploads/...9794463073.jpg

https://www.arabtrvl.com/up/uploads/...9794465624.jpg

جلسنا تقريبا ساعة بالمكان، بصراحة منظر البحر والأجواء تحفزك تطول أكثر، بس قلنا نبي نروح مكان ثاني، بس قبل دخلنا متجر يبيع تذكار وخذينا منه للذكرى، وتوثيق لرحلتنا للمدينة حاجة نحرص عليها لكل مدينة نزورها من سنوات، بعد كذا قلنا بنروح لحديقة النعام نشوفها، وإحنا طالعين من شاطئ البطاريق ونتفرج على المكان والبيوت ومنظر الشارع سبحان الله طاقة إيجابية، سعادة وانشراح صدر الله يديمها علينا وعليكم يارب، خاصة مع الصباح وسيارتك معك أحلى شيء،

https://www.arabtrvl.com/up/uploads/...9812848241.jpg

https://www.arabtrvl.com/up/uploads/...9812850832.jpg

قلنا الحين حديقة النعام، والميزة إن المسافات بين المزارات تكون في العادة بعيدة يعني من 40 دقيقة إلى ساعة تعطيك فرصة تتمشى أكثر، وتتفرج على المدينة وضواحيها وتجلس بأي مكان يعجبك وتصور فيه، وكنا نوقف على الطريق عند أي مكان حلو يعجبنا ويا كثرها بكيب تاون، المنطقة اللي فيها حديقة النعام رائعة، تشوف طبيعة خضراء على مد النظر، يعني ما فيه بنيان أو بيوت، كأنك تشوف حدائق الشاي اللي بدول آسيا، وصلنا وبرضوا المواقف مجانية، وكانت بكل مكان مجانية إلا المولات حسب ملاحظتي، المهم الناس اللي بالحديقة كانوا كلهم من الربع عوائل خليجية الله يحفظهم، نزلنا قصينا التذاكر، الحديقة ما كانت كبيرة بالشكل اللي توقعناه، المدام انبسطت كثير على البطاريق، وجاء الحين دور النعام عاد، أول ما خذيت التذاكر سألت وين أروح المدخل وينه وجهوني بس، 💪أشرت  الموظفة على باب كان مغلق، المهم فتحت الباب أنا والمدام إلا واحد قاعد يتكلم وواضح أنه يشرح للمجموعة أو بمعنى أدق القروب اللي معه، وقال لي لحظات انتظر، قلت لزوجتي هذا مرافق أو بالأصح مرشد، وإنا مو محتاجين أحد يشرح، بنتفرج على الحديقة ونصور ونمشي، انتظرنا تقريبا عشر دقائق، كلمت واحد من الموظفين قلت أقدر أدخل لأني مو محتاج أحد يشرح، أو بالأصح بالنسبة لنا ما نبي أحد يقدم نبذة تاريخية عن النعام، وإنجازاتهم مع احترامي للنعام طبعا، قال تقدر بس ما أنصحك، دخلنا وشفنا نعام أشكال وألوان، كبار وصغار، وبيض نعام حق الشكشوكة للي يبي يجرب، بس منظرهم عجيب النعام تبارك الله أحسن الخالقين، والمدام تضايقت لما شافت الناس تركب على ظهر النعام رحمتها وطفشتني وهي تردد حرام ليش يسون كذا، 😪قلت لها النعام قوي، وفيه ميزة قوة الظهر، ولو يبي يسبقنا وهو شايل له ثلاثة أوادم وإنا بسيارتنا يقدر يسبقنا فكينا بس، 🫤بعد تقريبا ساعة من التنقلات داخل الحديقة، والاستمتاع بمنظر النعام والناس سعيدة داخل الحديقة،

https://www.arabtrvl.com/up/uploads/...8982446091.jpg

https://www.arabtrvl.com/up/uploads/...9824463422.jpg

قررنا نطلع نتقهوى بمكان حلو ويازين الكابتشينو عندهم، مع زخات المطر الخفيفة 💧اللي من الصباح شغالة، توقف وترجع تمطر، وكل الأماكن الرومانسية حقت الروقان والريلاكس في كيب تاون عند المدام تختار كل يوم مكان أو اثنين نطلع نجلس فيها،

https://www.arabtrvl.com/up/uploads/...4898353561.jpg

https://www.arabtrvl.com/up/uploads/...9835359432.jpg

https://www.arabtrvl.com/up/uploads/...9835362163.jpg

https://www.arabtrvl.com/up/uploads/...9835364864.jpg

https://www.arabtrvl.com/up/uploads/...9835367435.jpg

https://www.arabtrvl.com/up/uploads/...9835369856.jpg

https://www.arabtrvl.com/up/uploads/...9835372147.jpg



دائما مقاهي بإطلالات حلوة بضواحي المدينة، بس للأسف ما احتفظ بأسمائها، وبعد كذا قررنا وإحنا راجعين نتعشى في مطعم الأسماك المشهور "أوشن باسكت"، كان المطعم زحمة كثير، وسمعته جيدة، جلسنا نتفرج ع المنيو، طلبنا صحن أسماك فيه أنواع كثيرة، وطلبنا معه سلمون، ومن وجهة نظري المطعم كان جيد، بس توقعته حسب كلام بعض الأخوة الكرام أفضل من كذا بكثير، يعني مقارنة بمطاعم بحرية جربتها في دول ثانية اعتبره أقل منهم، ولكن طبعا الناس أذواق، اللي يعجبني ممكن ما يعجب غيري، ولكنه في العموم كان جيد، وأسعاره معقولة، ويستحق الزيارة بعد، مع انتهاء وجبة العشاء، توجهنا للفندق وبانتظار يوم جديد.

Abo Waleed 17-09-2023 12:25 AM

https://www.arabtrvl.com/up/uploads/...8988300691.jpg

https://www.arabtrvl.com/up/uploads/...9883009712.jpg


هذا الحصى اللي تسلقته في شاطئ البطاريق

https://www.arabtrvl.com/up/uploads/...9892609371.jpg

https://www.arabtrvl.com/up/uploads/...4899405741.jpg



اليوم الثالث
ثالث يوم كان غريب وعجيب

https://www.arabtrvl.com/up/uploads/...9900360491.jpg


قررنا نروح فعاليات كثيرة نشطب على أكبر عدد ممكن من المزارات، بس كنا غير محظوظين، قلنا بنروح اليوم لثلاث فعاليات، "الزحليقة"، "جبل الطاولة"، و"حديقة الأسود"، وإذا ساعدنا الوقت نروح لمول "كانال ووك"، بعد الفطور توكلنا على الله واليوم الثالث مثل اليومين الماضيين سحاب مع أمطار بس كل يوم يكون المطر أخف، والغيوم أقل بشكل تدريجي 🌩️بس كان فيه سحاب ومطر خفيف، مع نسمة هواء جميلة،

https://www.arabtrvl.com/up/uploads/...9905327331.jpg

حبينا نروح أول حاجة للزحليقة، فيه لفة، وثلاث، ويمكن خمس نسيت، اخترنا ثلاث لفات لكل واحد، المكان كان يعج بالعوائل الخليجية بس يعني ما كان فيه أجانب إلا بالنهاية جت عائلة أوروبية، قصينا التذاكر، وكانت أسعار كل المزارات في كيب تاون متوسطة بالنسبة لي، الزحليقة سبق جربناها قبل سنوات في انترلاكن، وأذكر ما كانت متعبة، بس لما جربت اللي في كيب تاون بصراحة كانت متعبة، 🌝رجلي وظهري تصلبوا بعد أول لفة، بس بيني وبينكم كانت الدعسة حقتها حلوة، أنا بالأول وخليت المدام وراي، وأول ما جت الفرصة حاولت أغلق الطبلون عشان تشوف المعزبة كمية المهارات، 🤙بصراحة اللعبة ممتعة، تتقمصون شخصيات "بيتر، وهايدي"، ولو دقائق بس،

https://www.arabtrvl.com/up/uploads/...9913242821.jpg

https://www.arabtrvl.com/up/uploads/...9913245552.jpg

https://www.arabtrvl.com/up/uploads/...9913247863.jpg


بعد اللفة الأولى قلت للمدام أنا تعبت والله، شوي أريح وبعدين نأخذ اللفة الثانية، وقلت ياليت خذيت وحدة بس كانت بتكفي، كانت "الزحليقة" شوي زحمة، يعني توقف بالطابور خمس دقائق إلى عشر تقريبا عشان يجيك الدور، بعد ما خلصنا جلسنا بالمكان نتفرج على اللعبة والناس اللي تفرفر، بعدها قررنا المكان الثاني اللي بنروح له "جبل الطاولة"، وبالفعل توجهنا له، لكن لما وصلنا بلغونا إن التليفريك تحت الصيانة، يعني تشوف المطل من منتصف الجبل تقريبا، وبلغونا إنه ما راح يفتح إلا بعد أسبوع تقريبا يعني بعد رجوعنا، 😥تمنينا نطلع ولكن ما يندرى وين الخيرة، لما شفنا المطل البديع على المدينة قلنا بعد كذا بنروح نتقهوى بمكان حلو، ونتمشى بضواحي المدينة، لما وقفت السيارة ونزلنا لمقهى في حديقة فندق كان خارج المدينة تقريبا وكانت المواقف فاضية، بس بعد ما رجعنا لقيت راعي سيارة موقف قريب مرة من بابي سيارتنا ويالله قدرت أركب، وضرب بابي في سيارته، وبعد ما شغلت السيارة وربطنا الأحزمة كان المزار الثالث اللي بنروح له هو "حديقة الأسود"، 💪بس يبدوا إن الأسد قرر يجينا وإنا بالسيارة 🥺 مستعجل يشوفنا أكثر من نشوفه،

فجأة هجم الأسد
https://www.arabtrvl.com/up/uploads/...9925162191.jpg

👌 بعد لحظات من ركوبنا السيارة وتونا رابطين أحزمة الأمان، إلا فجأة واحد يضرب في دريشة السيارة ضرب عنيف، طلع الأسد بدري، 😂 فتحت باب السيارة إلا يهاوش يقول ضربت سيارتي ببابك، وشف بويت سيارتي انقشعت شوي، المهم أنا نزلت واعتذرت قلت إنت موقف قريب وما عطيتني فرصة أركب واعتذرت له ثانية وثالثة وهو مصر يهاوش، هنا المدام فقدت أعصابها وهي داخل السيارة وانطلقت، بس حقيقة ما حبيت الموقف قلت يابنت الحلال فكينا منه، بنشب معه وبتخرب سفرتنا كلها عشانه كيفه، وختمت المدام النقاش بعد ما ركبت وركب هو سيارته بكلمة "جعله المرض روعني"، 😁 بعد الأكشن اللي صار قلنا على خطتنا بنروح "حديقة الأسود"، والمدام كانت تكتب كل عنوان من وصولنا كيب تاون كنا نروح له عن طريق "قوقل ماب" والجوال معها تحدد مسارات الطريق وأنا أسوق، الغريبة إنه بعد وصولنا للعنوان ودخولنا للحديقة تفاجأنا بوجود قرود كثير، التفت على المدام قلت إنتي متأكدة إن هذي حديقة الأسود، اللي أشوفه قرود أشكال وألوان، كبار وصغار، قالت إيه العنوان مطلع نفس المكان هذا بس يمكن الأسود بآخر الحديقة، قلت لا تضيعين علينا اليوم ترى ما استفدنا منه وقدامنا وقت قصير، جبل الطاولة وما طلعناه، ثم تهاوشنا مع الأشقر، والحين دخلنا حديقة ما نبيها، قالت متأكدة، قلت يالله نروح نهاية الحديقة ما لقيت أحد أسأله، ومشينا مالقينا ولا أسد، قلت خل بس نطلع الهوشة ضربت إعداداتك 😂

https://www.arabtrvl.com/up/uploads/...9937296981.jpg

ودخلتينا عند القرود وإنا نبي الأسود، لو أمدانا على حديقة الأسود زين لأنها تسكر الساعة 5 العصر، سألت اللي عند التيكت قالت هذي حديقة القرود، الأسود بعيدة، دخلنا العنوان قبل نبي نتأكد منه عشان نتفرغ لباقي الفعاليات الأيام الثلاثة الباقية ووصلنا للحديقة، الغريب ما كان فيها أحد، أول ما وصلنا قالت البنت ترى قدامكم بس نص ساعة، قلنا ما يخالف نأخذ جولة ونشوف الأصناف الموجودة ونطلع، قالت أهم شيء لا تقرب لأن الأسد ترى لو قربت يهجم، قلت ما عليك أول ما يشوفني بينحاش، كانت الحديقة جميلة، بس ما لحقنا على فقرة الأكل حقتهم مع المدربين، شفنا الأسود واللبوات، وكان فيه نوع أبيض من الأسود واللبوات بنهاية الحديقة، جلسنا لحد ما طلعونا، سألت واحد من اللي يشتغلون قلت ليش المنطقة هذي فيها ذكرين ما يتضاربون قال لا هذولي إخوان،

https://www.arabtrvl.com/up/uploads/...9925165112.jpg

https://www.arabtrvl.com/up/uploads/...9925167643.jpg

المهم بعد كذا قلنا بنروح مول "كانال ووك"، فيه سباق سيارات جربناها في سنغافورة وكانت حلوة، المول كان بعيد كثير عن الحديقة أذكر، وحتى مدخله ما كان واضح بالنسبة لي، خذيت لفة طويلة عشان أقدر أوصل مواقفه، لما دخلنا المول كان كبير كثير، مو مثل فكتوريا أكبر بكثير، ولاحظت إن العوائل الخليجية في المساء تتواجد بالمولات، يعني اليومين اللي راحت بمول فكتوريا، واليوم هنا، يمكن برودة الجو كان لها دور، أو لأن المزارات في النهار بس وإحنا الخليجيين متعودين على السهر، أول ما وصلنا جلسنا بمقهى، بعد كذا تمشينا بالسوق، وتعشينا بكنتاكي، ثم بدينا نسأل عن مكان سباق السيارات، الغريبة محد عرف حتى اللي يشتغلون بالمول، إلا واحد حارس أمن قال لازم تطلعون من المول وتطلعون مع الدرج وبتكون مقابلتكم، وبالفعل حصلناها، خذينا ربع ساعة تفحيط، وأحسن شيء ما كان فيه أحد في وقتنا كان قبلنا فيه مجموعة محترفين، قبل تركب لازم طبعا تلبس لبس معين لسلامتك، وتحط اغراضك برى ما تكون معك بالسيارة، بعد انتهاء سباق الفورملا1 قررنا نرجع الفندق استعداد لليوم الرابع، بس قلت أول ما وصلت الفندق للحبيب أبو بكر أبي تحجز لي بكره بمطعم "جولد" قرينا عن المطعم والعروض الإفريقية اللي فيه وحبينا نتعرف على ثقافتهم ونشوف طقوسهم ورقصاتهم عن قرب، وحجز لي الله يسعده على الساعة 7.30 مساء، مدة العرض ساعتين، وبكذا ختمنا اليوم الجميل.

آخـــرفـــرصـــة 17-09-2023 12:26 AM

جزء جميل ومع الصور صار أجمل
أعجبتني الرشاقة في التسلق وشكلها بتقضي عليك
:32:
شاطئ البطاريق جميل ومزار سياحي رائع

برضه النعام مخلوق غريب بالنسبة لنا
لكن قدرته على التحمل عجيبة
بس ما أعجبتني شكشوكة بيض النعام ولا لحمه

كيب تاون فيها كافيهات عد واغلط
كل واحد أحسن من الثاني
أما اوشن باسكيت يعتبر فاست فود عندهم
زي البيك عندنا بالضبط
اتفق معك ماهو قد كذا

متابعين ومستمتعين
:e032:

Abo Waleed 17-09-2023 12:29 AM

اقتباس:

المشاركة الأصلية كتبت بواسطة q8ya metnaqla (المشاركة 605443)
بالانتظار


اعتذر منكم كثير أول مرة أشارك وكانت طريقة رقع الصور مربكة بالنسبة لي وخذت وقت وكنت برفع التقرير مساء الإثنين بس جت سفرة الثلاثاء الماضي للبحرين ومارجعت إلا مساء السبت، كل التحية والتقدير لكم ودعمكم🌹🌹🌹🌹🌹🌹


الساعة الآن 06:11 AM

Powered by vBulletin® Copyright ©2000 - 2025, Jelsoft Enterprises Ltd.
Search Engine Optimization by vBSEO