صحيح كلامك , الاسبوع الماضي كنت مع اختي في مركز التاشيرات الموحد في جدة

اختي رفضوا التامين الصحي من قبل شركة سلامه وغير كذا طولت في الإجراءات

بينما انا طلعت الفرنسية والأمور عال العال رغم وجود زحمه

استفسار اخر
بحكم اني اول مرة اقدم على النمساوية وخوفتوني بانهم متشددين

بالموقع مكتوب تعبئة النموذج ثم طباعتة
بينما الملف اللي موجود بالرابط الرسمي لايقبل التعبئة اونلاين

هل لو طبعته وعبيتة يدوي بيرفضونة المركز

للمعلومية وقت موعدي لايحتمل اعادة الطلب بحكم ان معي اسبوعين فقط قبل السفرة


السؤال بطريقة اخرى لكاتب الموضوع هل قدمت النموذج معبأ بالكمبيوتر والا يدوي
واذا بالكمبيوتر كيف لاني ماقبل معي

اجراءاتهم معقده ويدققون بكل شي.. تخيلو يدخلون على حجزك في Booking ويتاكدون انك ما الغيته 😂 وكشف الحساب لازم عليه الختم.. مع ان البنوك صارت تحط باركود ويعتبر اضمن واكثر مصداقيه من الختم لكن مصرين على هذي الخطوة!!

نصيحة للي يبي يطلع من عندهم فيزا .. هذي الاشياء ضرورية
- كشف الحساب اصل صادر من البنك وعليه ختم ومبلغ كافي للسفرة (مايقبلون كشف الحساب الي من مواقع البنوك).
- حجوزات لفنادق الرحلة .. ولاتلغي حجوزاتك لين تصدر الفيزا لانهم بيدخلون ويتاكدون انها غير ملغية من رمز التسجيل الموجود في تاكيد الحجز
- تعريف حديث من جهة عملك.. (عطيتهم تعريف تاريخه قبل شهر ونص ورفضوه)
- حجوزات مؤكدة للطيران .
اذا كانت رحلة العودة من دولة اخرى او الفنادق في دولة اخرى لازم تثبت لهم وسيلة التنقل مثلا تحجز سيارة من اي موقع تاجير سيارات وترفقه لهم.
- التامين الطبي، ارفقت لهم شهادة تأمين الطبي صادرة من شركة التامين الي متعاقدين معها عملي حاليا ومكتوب في الشهادة انه يشمل التغطيه خارج المملكة .. ورفضوه ليه ما ادري!! واضطريت اطلع تامين سفر خاص بالرحلة..

انا طلعت الشنغن سابقا من سويسرا .. كانت اسهل بكثير وخلال 4 ايام طلعت..لكن النمسا ماقد مر علي مثل هذا التعقيد وتاخير في الاجراءات..

يقبلون التعبئة اليدوية...
واذا حاب تعبي الكتروني فيه مواقع تحمل ملف pdf وتقدر من خلالها تكتب عليه.. ما يحضرني صراحة اسم الموقع لكن لو تبحث بتحصل كثير..

وبالنسبة لموعدك قبل اسبوعين وضعك حساس . عشان كذا تاكد زين ان اوراقك كلها مكتملة،

انا قالي موظف انهم اذا ارسلو الجوازات للسفارة يحطون على الملف تاريخ سفرتك عشان ما تتاخر على رحلتك الفيزا..

الف شكر يالغالي

عندي ملاحظة على موضوع كشف الحساب , اعتقد كلهم يطلبون كشف حساب مختوم وليس من موقع البنك
وكذلك وسيلة النقل سبق للسفارة الاسبانية رفضو يستلمون اوراقي لاني ماجبت حجز السيارة من مدريد لماربيا


سؤال اخير اخوي


وش نوع التامين اللي سويتة وهل سويتة بنفس المركز


لاني افكر اقدم تأمين فيزا المجاني بس ابي اتاكد ان فيه بلان بي لو رفضوة اسوي تأمين بالمركز وهل اسعار الشركات بالمركز نفس اسعارها برا

تأمين الفيزا لدى النمسا غير مقبول انا كان موعدي قبل اربع ايام
وسألتهم قالوا تأمين الفيزا مانقبله

سويت عند الدرع العربي 4 اشخاص لمدة شهر 351ريال
وقبلوه

طريقة الكتابه على ملف الابليكشن ادخل قوقل واكتب تحويل ملف pdf الى word
وبعدين حمله وتلقى فوق تمكين التحرير اضغط عليه ويفتح لك
وعبي البيانات

وترى عادي انا عبيته بالكمبيوتر وباقي اشياء ماعبيتها الموظفه كملتها بالقلم

يعني يقبلون اليدوي

طيب سؤال ليش الكل مجمع على تأمين الدرع العربي
هل السفارة او المركز يطلبة
التعاونية عندهم الان عرض على تأمين السفر 36 ريال

هل فيه شرط معين
بالنسبة لكوفيد19 حتى الدرع العربي ماهو مذكور يعني تغطيتة زي اي تامين ثاني

اانا قدمت على تامين التعاونية الخاص بشنغن وماقالو شي..

على فكرة سعر تامين التعاونية مو ب 36 ريال.. سجل بياناتك وبتنصدم ان الرقم اضعاف المكتوب..

من التعاونية انا خمس اشخاص 339ريال