|
ص11 ياسلام على فندق المامونية عجبني شكله صج فخم بخصوص المطاعم مالخبطتوا بين عصير الليمون والحامض كنا نقولهم نبي عصير ليمون يجيبون لنا عصير برتقال عقب اكتشفنا ان البرتقال في بعض المناطق اسمه ليمون والليمون اسمه حامض هههه بخصوص الي زاد السعر عليكم زين سويتوا ان طلعتوا يعني هو قايل حق الاجنبي 500 وربحان منه اكيد وقايل لكم 1000 كم يبي يربح منكم، بعضهم سبحان الله من ويوههم مب مريحين بس في فاس طحنا على ناس اياويد الصراحة عطونا اسعار زينة وبضاعتهم حلوة بس ماعلمني ان الجلابية الي شريتها لازم ماغسلها في الغسالة حسافة من رجعنا قطر ابي البسها مرة ثانية الا صارت قصييرة وصغرت :( بعض الخلق ماينغسل الغسيل العادي رغم جمال التغطية الا ان مانبهرت بمراكش حقيقة يمكن على الواقع غير مادري حسيت ان المناطق الشمالية اجمل طنجة وتطوان |
اقتباس:
اي والله قلناا ندلع عمرنا :) اي على طول ما تعطلنا و ما حددوا وقت متى الطيارة الثانية ..الله يسلمج اتنورينا يا ام حسين.. مشكووورة على التشجيع والكلام الطيب ما عليج زود نتعلم منج:e32c: |
اقتباس:
والمتابعة ما عليك زوود ههههههههه احلى لقب وان شاء الله اكون قده وانقل لكم الصورة عدل اللهم آمين 🤲🏽 نورتني يا بن قوت |
ص13 : حلو الدخول الى مدينة فاس وفعلا شي ملاحظ في المغرب كل ماتجهنا شمال زادت الخضرة والطبيعة اجمل الفندق فخم ومرتب توفقتوا فيه .. حلوة فاس وايد تراثية ولازم الي يروحها يكون محب للتاريخ.. احنا دخلنا المدينة القديمة بدون مرشد خبصنا ودرنا فيها وخذنا راحتنا والحمدلله ماتعرضنا لشيء مما يحذرون منه لكن مب معناة هالشي ان مافي خطر احنا الله حفظنا واكيد الحيطة والحذر واجب الواحد يحذر ويحصن نفسه بالاذكار ويتوكل على الله ولن يصيبنا الا ماكتب الله لنا السوق القديم صج متاهة ندور ندور ونرجع نفس المكان ماعرفنا نطلع الا بمساعدة الناس هههه زرنا فيها واحد كان يشتغل في قطر مسكين طيب اكرمنا في بيتهم وعطانا هدايا تعامل الناس في هالمدينة بشكل عام كان ممتاز معانا واستمتعنا فيها وفي السوالف مع اهلها |
اقتباس:
دقايق وتفاجئنا انهم يايين فوق لين عندنا يطبلون ويغنون عندنا ان شلون صورناهم ولا استفادوا منا هههه ماتفوت عليهم هالامور |
ص15 الكبتشينو يسمونها قهوة نص نص يعني نص حليب نص قهوة و القهوة السادة قهوة كحله :14: شلون حسيتي المشي مع القروب هل فعلا التحذيرات في محلها احس سهل يضايقونكم هذيلن الي يعرضون خدماتهم اذا جافوكم جماعة عكس لو الواحد يمشي بروحه او مع اثنين ثلاث بيقولهم مابي وخلاص |
الرائعة رحالتنا المبدعة السلام عليكم ورحمة الله وبركاته أسعد الله أوقاتك بكل خير وسعادة وسرور كلمة حق تُقال بإن التقرير يعتبر خالداً في الذاكرة ، راسخاً في العين جولات متنوعة ، مواقف متعددة ، مشاعر مختلطة وأحاسيس تقاوم رغبة سبر الأغوار واكتشاف المزيد. في أغلب الصور وكلما رأيتها تنفستُ بصمت وخشيت أن يقتلني الحنين لأن بعض التفاصيل في الصور تجعلك تعيش اللحظة، تشعر بوجودك بين ثنايا المدينة وبين طرقاتها. الأسلوب الجميل هذا هو حجر أساس بل هو مقياس لكل مبدع ولكل من يرغب في توضيح وتفصيل السفر إلى المغرب. دمتِ سالمة غانمة شامخة لأهلك ومحبيك ، واسمحي لي أن " اقتبس" من بعض صورك لأضعها في سطح مكتبي . حفظك الله |
اقتباس:
الهايك عجيب بس القروب تعب ما قدر يكمل اكثر فنانين بصناعة الفخار الله يعافيك منورني بوصلوح 🌷 |
اقتباس:
هههههه أتصدق ما انتبهت على موضوع العصير توني اعرف لما انت قلت اي بالضبط ربحان من الأجنبي وبيربح زيادة من ورانا الله يسامحه واهو الخسران لان كنا بنقول حق القروب عن شغلة بس لما شفناه جذي خليناه ومشينا عنه ما شاءٍ حظكم وانتوا اكيد تستاهلون .. احنا في فاس للأسف ما تسوقنا .. تسوقنا في طنجه اكثر .. وي حسافة عيل يبيلك زيارة ثانية 😂😂 صح انا بعد قلت المناطق الشمالية احلى |
زيارة البيت الامازيقي وايد حلو وخصوصا اللي قاعده تخبز اتوقع ريحة الخبز الفريش روعه |
| الساعة الآن 12:16 PM |
Powered by vBulletin® Copyright ©2000 - 2025, Jelsoft Enterprises Ltd.
Search Engine Optimization by vBSEO