|
رد: تركيا الشتوية عليكم بالعافيه ربعكم الاتراك شكله ريوقهم شيييي والله عاد يوعانه توني قاعده :200: لووول اي والله ام الفال هاذي شكلها نفسها الي تلعوزنه بالمنتدى .. :(7): المول الي رحتوه فيه مطل العجيب هاذا فلوريا مو فورم اسطنبول حسافه لو داشين اكوريوم وو الامازون احسن من فلم التركي مو فاهمه منه شي لووول وو حتى التمشيه تحت بالحديقه فلوريا عجيييبه .. ان شاء الله مره اليايه :fish: في نفس المكان الي يوكم الام وو عيالها اذكر يت حتى حق امي وو نفس الكلام قالت احنا نايمين بالحديقه وو قالت حق امي عطيني جاكيتج الي لابسته يومها كان صج برد وو امي استغربت بس قالتلها تعالي وياي وو شرتلهم لحافات وو جاكيتات من تكسيم ،، :(125): الله يفرج عنهم وو يعينهم يارب وو على اهل الشام يارب .. :(114): |
رد: تركيا الشتوية اوما عاد بكرة آخر جزء :( حسااااااااااااااافة واضيعتآآآآآآهـ هههههههه ما شاء الله يوم رهيب .. أهم شيء الفليم كان ممتع لدرجة النوم خخخخخخخ النوم أحلى من أفلام هوليود وبوليود كلها الله يعطيك العافية وفي إنتظار التقرير الآخير :( |
رد: تركيا الشتوية وي طافني التقرير بعد لندن :yolks00210: ما اشتركت فيه... الغلطة مني. اهم شي اني تابعته للاخير:(34): لندن كانت تسوق :yolks00220: وتركيا كانت اكل :essen: التقرير بصراحة روعة مع تفاصيله :201: قلبي تعور بالاكلات :yolks00470: http://www.arabtrvl.com/up/uploads/a...7079726826.jpg شو لزيزة بخصوص مدينة الالعاب ما كانه غريب انه الالعاب مسكرة! |
رد: تركيا الشتوية راجعة لردودكم ماخذه اجازه .... |
رد: تركيا الشتوية اقتباس:
Sent From Samsung Galaxy S6 |
رد: تركيا الشتوية اقتباس:
هلا باولغا .......... لا لا مو ريوقهم هذا مطعم قريب يم محلهم وفندقنا القديم ام الفال استغفر الله مادري اشلون يصدقونهم الحمدلله على نعمة العقل اهااا انا اقول هذا اهو بس مو حافظة الأسم تخربط ما احب الاكواريوم وايد دامنا شفنا اكواريومات لندن واتلانتس بس اي الظاهر اهي نفسها الله يعينهم تسلمين على المرور الحلوووو مثلج |
رد: تركيا الشتوية اقتباس:
خخخخخخخخخخ الفيلم سجلته ونمت ههههههههه قبل واحنا اطفال اذا نمنا جدام التلفزيون وخاصة بالسهرة يقولون لنا الصبح سجلتوا الفيلم يعني نسختوه فيديو خخخ وفي أحلى من النوم ويعافييك ربي |
رد: تركيا الشتوية اقتباس:
التقرير موجود متى ما حبيت تدش دش حياك الله اي والله سفرة لندن اسوقة وتسوق وتركيا تمشي وبلع اي والله لذيذ الأكل التركي بس تتعب من أكل اللحوم اي والله الأاعاب اغلبها مسكرة صبانة ان شاء الله نروح لها مرة ثانية علشان المطل الحلووو والسوق |
رد: تركيا الشتوية اقتباس:
شكراااا رديت لكم |
رد: تركيا الشتوية السلام عليكم منتدى العرب المسافرون - تركيا :iukiu: يوم الاثنين 2015 / 1 / 19 اخر يوم بالسفرة قعدنا مبجر انا ودانة وبدلنا واخذنا تاكسي من عند الفندق لمطعم حمدي اخوي موصيني بقلاوة الفستق منهم ورحنا بعد ما واحد من السواق وصى سايق انه يودينا يعني مو كل السواق شينين لا في طيبين وايد وبعد اتفاقنا بالسعر رحنا معاه ووصلنا لقينا المطعم توه فاتح ويشتغل بالبقلاوة قال لنا انطروني ثلث ساعة ونجهز لكم عند المسجد وهذا الميناء طلعنا نتمشى انا ودانة وقلنا خل نتريق على ما يجهزون المكان فيه سوق لمحلات الأجبان والزيتون والمخللات واصحاب المحلات مشغولين بتنظيف محلاتهم علشان يفتحونها للبيع اللي يغسل واللي يجهز البضاعة وجذيه ومالقينا مطعم الكل مشغول لقيت بياع سندويشات وسميط بعربانة السميط بس ما حبينا بغينا نودع تركيا بالبرك ودخلنا هالمحل للاحجار الكريمة شرينا جم قلب بسلسلته عجبتنا الأحجار وقعدنا نصور ورجعنا طلعنا اشترينا الاحجار من هالمحل وبعد ما تشرينا زيتون واحجار رحنا نتريق قلنا بنقعد بحمدي نفسه والا يقول للحين ما جهزنا والمطعم اللي يقدم ريوق طلع أشر لنا عليه تابع لهم محل صغير وطلبنا ريوق ووصل شكله بيجيب لي بيبسي:yolks00250: شوفو المخللالات لو عندنا بالخليج صوروهم وقالووو ليش وما ليش :yolks00450: خلصنا ريوقنا ورحنا حق البقلاوة وشفناها جاهزة وطلبنا وبعد طلبنا نحلي بقنا تذواقة :yolks00740: لذيذة وهي حارة ....والصورة اصور حق اخوي واقول له اي نوع تبي .....ما رد علي واشتريت البقلاوة العادية بالفستق مو الخضرة لذيذة قاعد يجهز اللي طلبناه بعد ما عطانا نتذوق طبعا المكان كبير وبقلاوتهم حلووة لذيذو وخفيفة أكيد اخذت لي بعد رجعنا الفندق بعد ما اخذتا تاكسي وقال لنا واحد بسعر وواحد ثاني بسعر قلت له لا شنو الحين الطريج أقصر بس تعبر الجسر ونوصل تقسيم والا واحد قال لي تعالي معاي بكثر ما تعطيني قلت له 20 قال براحتج يلا وذيلاك يبون ب35 المهم هذا طلع ولد حلال وودانا ب20 وذيلاك يسبون فيه وهو ساكت .....يعني بهاليوم أثنين عطونا فكرة ان مو كل السواقين طماعين :(95): حبيت طيبتهم وهذا من الطريج وهذا الفندق ووصلنا وربعنا نووووم وقعدناهم وانا حطيت مشترواتي بالجناط وسكرت الجناط وخلاص وهذا من لوبي الفندق واحنا ننتظر التشيك اوت وهالمكان شفته بالأخير ودي اروح فوق واشوفه ههههه بس مالي خلق اصعد وبعد ما نزلنا الجناط وحطيناهم بالمخزن عندهم عطونا رقم وعددهم وطلعنا لشارع الأستقلال هني عند الفندق قعدنا نشرب عصير على ما يخلصون البنات فوق انا ودانة نشرب عصير الجرسون ولد عمره 15 يمكن ياب العصير وهو يتكتت منه قلت له ليش جذيه استحى مسكين وقام يضحك تقول دانة يمه احرجتيه قلت لها خليه يتعلم لا وما يعرف يمسح الطاولة مسكين المنيوو شوفو العصير اشلون متكتت وشوفو شنوو عندي خلصوو التشيك اوت ورحنا باتجاه الميدان وهذه حديقة تقسيم شوفو السحاب ولبقلاوة فاروق اوغلوو بناخذ هدايا عجبت بوحسون وخذينا منهم جم كيلووو وغلفهم لنا بكرتون مع باقي مشترواتنا من المربى والحلقوم وأرسل الكرتون للفندق باسمنا طلعنا من فاروق ورحنا جمعية ,,سوبر ماركت ,, يبيع القشطة القيمر الطازج واخذنا منها بعد كذا شغلة ما صورتها لهيت بالتشري بعدها رحنا نتمشى تمشية وداعية انا وفرفر وتشرينا كريمات ومكياج حقها وانا بس كريم ايد بعد ماعندي مكان بالجنطة احط شي وصلنا السوق الصغير طبقات :yolks00750: المهم شوفووووووووو شنوووو عند ماكدونالد يودعوني ههههههه ويحروني ما شريته لأنه وقت غدا ورجعنا حق ربعنا لقيناهم ببهلوان علشان نتغدى طلباتهم من الأكل التركي ونودعه بعد عندهم بقلاوة بعد وعندهم بعد طابق فوق وهذا الدرج مبين هني بالصورة بسم الله الرحمن الرحيم وطلبنا وصل وما ننسى نودع .... وشوربة العدس اللذيذة ولازم اللبن وصورة لي بعد الشبع .....ودانة شابكة على النت مجانا أغلب مطاعمهم يوفرون النت مجانا بس تطلبه من الجرسون يعطيك اياه وبعد الغدا الطيب رحنا نحلي ونتقهوى عند حافظ مصطفى .....والشاي ما نخليه ....وقعدتنا بره علشان نتطمش على الرايح والياي ووصلت طلباتنا كل شوي ايي ياهل او شاب يطر ....ويوخرهم الجرسون مثل ما ذكرت عنقودة كل المطاعم جذيع يوخرونخم عنك بس حرام يكسرون الخاطر احنا عطيناهم وراحوا والكنافة وصلللللللللت ورجعنا الفندق بعدها ونحط اغراضنا بالجنطة حالة الطقس بهذه الشاشة تكرمون حمام الأستقبال غرف الأجتماعات اللي حطو فيها جناطنا هذه المجسمات موجودة باللوبي ....هل هي تمثل الاشخاص في تيتانك وقت حدوث الحادث .....الله يعلم :iukiu: تابعونا بالطريج الى المطار الجزء الياي |
| الساعة الآن 05:22 AM |
Powered by vBulletin® Copyright ©2000 - 2024, Jelsoft Enterprises Ltd.
Search Engine Optimization by vBSEO