|
تأشيرة هولندا السلام عليكم أنا سمعت أناي اقدر استخرج فيزة هولندا من الخبر هل هذا صحيح |
السلام عليكم عندي عدة استفسارات بخصوص تعبئة الابلكيشن سؤال رقم 10اللي مكتوب فيه ((في حال المتقدم اقل من 18 سنه اكتب اسم العائله والاسم الأول والعنوان ))بالنسبه للأطفال اكتب فيه شيء أو اخليه فاضي بحكم انهم مسافرين مع ابوهم وامهم؟والسؤال حق اسماء الفنادق وعناوينها كان آخر سؤال في الصفحه الثانيه والمساحه ضيقه فاضطريت اني اكمل الكتابه تحت الخط في اسفل الورقه في المسافه الفاضيه عادي او فيه اشكاليه ؟؟ أدري بتقولون اكتفوا باسم اول فندق بس سويناها قبل كذا في تأشيره سابقه وطلبوا نرجع نكتبها كلها وبالنسبه للسؤال حق تاريخ التبصيم ؟ اي تاريخ اكتب لأني يوم شفت الشنغن فيه كذا تاريخ؟ اكتب تاريخ صدور التأشيره او اكتب التاريخ حق الموعد اللي رحنا بصمنا فيه ؟ |
اقتباس:
و عليكم السلام الله يحييك بيننا نعم صحيح عن طريق المكتب الموحد عندكم بالصفحة الاولى من هذا الموضوع الطلبات و النماذج و عناوين المكتب بالخبر |
اقتباس:
و عليكم السلام فيه موضوع مشروح فيه تعبئة النموذج http://www.arabtrvl.com/vb/t5977.html لو لازالت الاسئلة قائمة بعد الاطلاع على الموضوع حطي اسئلتك هناك |
السلام عليكم .. عندي استفسارات اذا تكرمتم تعهد ايطاليا كيف طريقة تعبيته هل يحتاج توقيع فقط ؟ والاطفال من يوقع عنهم؟ وهل لازم نسخه تعهد لكل ابليكيشن ؟ تصوير الجواز هل الصفحه الاولى فقط او اربع صفحات ؟ بخصوص حجوزات الطيران والفنادق هل ارفقها لكل فرد من العائله او اكتفي بجمعها في ملف واحد؟ يعني مثلا اطبع الطيران 5 نسخ والفنادق 5 نسخ ؟ |
اقتباس:
و عليكم السلام الله يحييك بيننا التعهد هو عبارة عن قائمة بالطلبات كل طلبه ترفقيه تحطي صح قدامه تم يكتب التاريخ تحت مع توقيعك و نعم كل ابليكشن لها تعهد الاطفال اللي اقل من 18 سنة يوقع عنهم الام و الاب معاً على النموذج المطلوب صور صفحة البيانات بالجواز نعم لكل الافراد و اعتبري كل واحد يقدم لوحده و جهزي له ملف لحاله |
أخوي اذا تكرمت سؤال بالنسبة للسفارة الاسبانيه الوالد متقاعد (معلم متقاعد) وهم يطلبون بطاقة العمل وش الحل ؟ 🙄 وشكرا |
اقتباس:
قدموا خطاب تعريف من مصلحة التقاعد و قولوا لهم مافيه بطاقة للمتقاعدين بالمناسبة هو طلب غريب من السفارة يعني لو رحت و عملت بطاقة عند اي محل و قدمتها لهم راح يعرفون الفرق ؟؟؟؟؟ لو طلبوا الهوية الوطنية زي غيرهم نقول مقبول |
الله اعلم وربك يسهل. موعدنا الاثنين ان شالله ونشوف وش بيصير معاهم ونقولكم باذن الله شكرا لردك |
اقتباس:
الله يوفقكم و بلغونا بالمستجدات |
يعطيك العافيه اخوي .. طيب حتى كشف الحساب ارفقه مع كل ملف ؟؟ |
معليش سؤال عالسريع تعهد اسبانيا وش نكتب فيه الاسم والتوقيع؟ وعند كل طلب نحط صح؟ طيب اذا ما توفر هالطلب زي السجل التجاري وكذا نحط خطأ؟ أفتوني مأجورين :8: |
اقتباس:
كشف الحساب تكفي نسخة واحدة فقط |
اقتباس:
نعم صحيح التعهد زي التشيك ليست تحطين صح يعني ارفقتيه وليس اختياري مدري ايش دخل السجل التجاري بالموضوع اي شي مذكور في القائمة يجب ارفاقه |
مو التجاري معليش لخبطت، لكن الفقره الرابعه مافهمتها صح اعتقد انها تخص العاملين في القطاع الخاص؟ |
اقتباس:
اذا السؤال عن شي بالتعهد الرجاء نسخ الفقرة و الصاقها ثم السؤال عنها لكي يكون السؤال واضح |
عفو اخوي ولكن مكتوب في تعهد ايطاليا بانه يجب ارفاق حجوزات القطار اذا كنت تنوي التنقل بين دول الشنغن !! هل هذا الزامي ؟؟ وسؤال آخر .. صفحة التعهد الاولى واضحه ولكن الثانيه هل يجب تعبئة شي آخر غير التوقيع ؟؟ |
اقتباس:
نعم الزامي ارفاق وسيلة التنقل داخل منطقة الشنغن اذا كانت العودة من دولة ثانية اما اذا كانت من ايطاليا قدموا حجوزات ايطاليا كأن رحلتكم فقط ايطاليا الثانية توضيح للانظمة و التوقيع فقط من المتقدم |
السلام عليكم ... اخي هل يغني كشف الحساب عن البطاقه الائتمانيه لايطاليا ؟؟ |
اقتباس:
وعليكم السلام نعم كل واحد يغني عن الثاني |
عندي سؤال، يمديني أتابع معاملة الفيزا من موقعهم؟ يعني وين وصلت؟ وشكرا جزيلا |
اقتباس:
لا ما تقدرين فقط على الرسايل اللي توصلك عموماً هي ما تطول الايام هذي |
اخوي آخر فرصه لقيت رابط يبين حالة طلب التأشيره من موقعهم Spain Visa Information - Saudi Arabia - Track Your Application حطيت رقم الطلب وتاريخ الميلاد وطلعت لي الحاله انها وصلت جدة من الخميس الماضي وجاهزه وفجأه اكتشفت انهم راسلين الرسايل تبع طلبات التاشيره كلها ع جوال امي ووصلتها الرسايل من الخميس الماضي، ومامتي ما انتبهت :8: عموما اذا استلمناها بعلمكم ان شاء الله بس عادي كذا متأخرين؟ لان محد فاضي ينزل جدة هالاسبوع |
مشكور على الجهود وجزاك الله خير |
اقتباس:
بالصفحة الاولى من هذا الموضوع موجود رابط متابعة الطلب لكل السفارات خدمة تتبع حالة الطلب TRACK YOUR APPLICATION بس الرسايل هي الاهم نعم عادي جداً تستلموها متى ما تحبون |
شكرا جزيلا :e303: |
السلام عليكم بالنسبه لسؤال رقم 10 في استمارة الشنغن اذا كان المتقدم دون 18 سنه اكتب اسم العائله والاسم الاول اولادي(اكتب فيه شيء او اخليه فاضي بحكم ان اولادي بيسافرون معاناوالاسم المقصود فيه اسم ولي الامر او اسم المتقدم)؟؟؟ والسؤال حق المكان والتاريخ انا برا الرياض ايش اكتب بالضبط اكتب الرياض وتاريخ التقديم أو اكتب المدينه اللي انا ساكن فيها |
اقتباس:
و عليكم السلام مستقبلاً الافضل وضع السؤال بنفس موضوع الشرح http://www.arabtrvl.com/vb/t5977.html سؤال 10 : طبعا لكل واحد نموذج حتى الاولاد و اللي منهم اقل من 18 تكتبون في هذي الخانة اسم ولي امر المتقدم و عنوانه ووووو اما المكان والتاريخ : يكتب مكان التقديم اي الرياض حسب حالتك |
السلام عليكم أخوي الله يعافيك احنا عددنا 6 بالغين و3 أطفال اكبرهم عمره عشر سنوات طبعا كل الاطفال مضافين بجواز الأم اخذت موعد للبالغين بس بدون الأطفال .. هل يلزمني أخذ موعد للأطفال ؟ علما بأني حاولت أخذ للاطفال موعد بس الموقع يرفض الطلب أيضا هل أعبي لكل طفل أستمارة خاصة أم تكفي حقت الأم ؟ انا سويت الموعد بس ما قدرت أطبعة .. و حاولت أني ارجعله عن طريق الموقع ماقدرت .. أيش اسوي ؟؟ وهل يلزم اننا نروح كلنا في يوم الموعد عشان البصمة ولا البصمة لها موعد مختلف ؟؟ جزاك الله خير |
اقتباس:
و عليكم السلام نعم لكل واحد موعد عشان كل موعد تدفعين عليه رسوم مدري على أي سفارة مقدمين بس الغالبية يطلب جواز مستقل لكل مسافر لو تبغون تجربون حطي رقم بعد جواز الام 1،2،3،4 بالتسلسل و راح يقبل معاك يعني لو جواز الام A12345 الطفل الاول يكون A123451 نعم لكل متقدم استماره حتى لو كان طفل. اذا انتوا 6 لازم 6 استمارات . اذا مادفعت اعملي موعد جديد مثل ماذكرت لك فوق شوفي الموضوع هذا فيه نفس الفكرة مع انه لسويسرا http://www.arabtrvl.com/vb/t9795.html نعم تبصموا بنفس يوم الموعد و يأخذون لكم صور بالجهاز خليكم مستعدين |
السلام عليكم اخوي نموذج المانيا مترجم باللغه العربيه هل يقبل ؟؟ والا لازم فقط بالانجليزيه انا سالت بعض الاشخاص وقالو لي عادة يرفض المترجم ولازم نموذج بالانجليزيه |
اقتباس:
و عليكم السلام الله يحييك بيننا الافضل لالمانيا هذا النموذج و هو مشروح بالكامل http://www.arabtrvl.com/vb/t9210.html النموذج المعرب مقبول و هو بالمرفقات عندنا بس التعبئة لابد تكون بالانقليزي |
:72: |
السلام عليكم بالنسبه لتأشيرة السويد ضروري نعبي معلومات العائله اللي في ابلكيشن لوحدها |
اقتباس:
نعم مطلوبة من السفارة |
شكراً الله يجزاك خير أرسلت بواسطة iPhone بإستخدام Tapatalk |
السلام عليكم ورحمة الله وبركاته اشكرك اخي الكريم على ماتقدمه جزاك الله خير الجزاء لدي استفسار عن التعهد ر55و54 للالمانية عند تحميله من موقعهم اليوم مختلف بعض الشئ عن الموجود في الموضوع مكتوب انه تعهد 54(2)و53 فهل هو جديد لاني قرات لبعض الاخوان انه رفضو تعهده واعطوه غيره لتوقيع |
اقتباس:
و عليكم السلام الله يحييك بيننا كلامك صحيح قاموا بتغيير نسخة التعهدين و فيها تغييرات طفيفة قمت برفع النماذج الجديدة شكراً لك |
السلام عليكم ورحمة الله وبركاته الله يعطيكم العافية الموضوع ثري بكثير من التجارب والمعلومات. سبق لي اصدار تأشيرات شنقن من الفرنسية داخل السعودية و من الاسبانيةفي بريطانيا خلال فترة ابتعاثي هناك. الاصدار الأخير كان في ٢٠١٢ من الفرنسية في جدة وتم التبصيم. حالياً لدي بعض الاستفسارات.. ١- الجوازات تنتهي في أبريل ٢٠١٨ ( أقل من سنتين ) هل هذا يعني أن الفيزا لن تصدر لمدة سنتين فأكثر؟ ٢- أنا حالياً غير موظف ولكن عندي شركة وأنا مديرها فمن الممكن أعمل ورقة تعريف لنفسي وأوقعها أنا وأصدقها. هل في ذلك مشكلة؟ ٣- لايمكنني ارفاق كشف حساب لعدم توفر مبالغ كافية في الحساب ولكن يوجد لدي بطاقة ائتمانية، فهل هذا يعتبر بديل مناسب دائٌماً؟ ٤- في السابق عندما كنت موظف أرفقت تأمين طبي من بوبا ولكن حاليا لايوجد لدي تأمين طبي فمالحل؟ هل يوجد مكاتب تعمل تأمين للسفر بمبلغ زهيد؟ وماهي تجاربكم في هذا الجانب؟ ٥- زوجتي موظفة حكومية هل أفضل تكون هي العائل للرحلة والمتكفل بالمصاريف أو لابد أن يكون الزوج المسؤول بحسب القنصليات؟ هذا مالدي الآن ىسأعود لاحقاً بحزمة استفسارات أخرى. تحياتي. |
اقتباس:
و عليكم السلام الله يحييك يا غالي ياليت تقرأ التجارب بالبوابة فيه حالات شبيهة لحالتك ممكن تستفيد من تجاربهم |
| الساعة الآن 02:02 AM |
Powered by vBulletin® Copyright ©2000 - 2025, Jelsoft Enterprises Ltd.
Search Engine Optimization by vBSEO