|
رد: رحلتي الجميله لطوكيو 2015 نتابع جولتنا في الاوت ليت اضافه مهمه اليوم خبرتني سايا انها لما حجزت الباص من موقعهم اللي خبريتكم عنه استملت التذاكر من سوبرماركت أسمه فاميلي مارت Family Mart ファミリーマート أكيد هالموضوع موضح في الموقع بس حبيت أخبركم مثل ماخبرتني سايا نرجع لتفاصيل هاليوم وصلنا الاوت ليت http://i1050.photobucket.com/albums/...pspdsbyptm.jpg http://i1050.photobucket.com/albums/...psfrga4a8v.jpg http://i1050.photobucket.com/albums/...psdptsthat.jpg نزلنا من الباص وسحبنا شنطتنا وبدأت انطلاقتنا http://i1050.photobucket.com/albums/...ps2b8hvhjn.jpg http://i1050.photobucket.com/albums/...psy6rdcguw.jpg http://i1050.photobucket.com/albums/...pspt0ebgnu.jpg http://i1050.photobucket.com/albums/...pspt0ebgnu.jpg http://i1050.photobucket.com/albums/...pspg2uezg9.jpg http://i1050.photobucket.com/albums/...pswhpxiz15.jpg http://i1050.photobucket.com/albums/...ps6udn027g.jpg http://i1050.photobucket.com/albums/...psepyw7y61.jpg http://i1050.photobucket.com/albums/...psai4w9qbc.jpg http://i1050.photobucket.com/albums/...pstzvniqji.jpg http://i1050.photobucket.com/albums/...pstzvniqji.jpg http://i1050.photobucket.com/albums/...psyo04kwv7.jpg http://i1050.photobucket.com/albums/...psa8l2tisl.jpg http://i1050.photobucket.com/albums/...psgy6fjlg0.jpg http://i1050.photobucket.com/albums/...psquvgxfaj.jpg http://i1050.photobucket.com/albums/...psj79ymr46.jpg http://i1050.photobucket.com/albums/...pscoofvexl.jpg شكلي ودرت التسوق وانشغلت بس أصورلكم http://i1050.photobucket.com/albums/...psfesig7cx.jpg http://i1050.photobucket.com/albums/...psdj0lk6vy.jpg http://i1050.photobucket.com/albums/...psi5unkhoj.jpg http://i1050.photobucket.com/albums/...psq8efynul.jpg http://i1050.photobucket.com/albums/...psomiijdrg.jpg وقفنا عند هذا والبنات اشتروا كريب منه بس ماعيبهم http://i1050.photobucket.com/albums/...psw8j4bhdq.jpg مره سألت سايا عن هاذيل اللي يحطون قناع ع حلجهم ليش يحطونه ؟ قالت عشان يحمون نفسهم من التحسس ، وايد اتيهم حساسيه من الربيع وانا منهم بس الحمدالله مايتني هاي الحساسيه هناك واعتقد انه بعضهم يحطون هاي الاقنعه اذا كانوا مرضى عشان مايعادون حد والعكس عشان ما أتيهم عدوى من حد http://i1050.photobucket.com/albums/...psfgl45idf.jpg http://i1050.photobucket.com/albums/...psmhib48yh.jpg http://i1050.photobucket.com/albums/...psuxawnqbk.jpg عقب عبرنا الجسر في القسم الثاني وهناك المحلات أكثر والجو ممطر http://i1050.photobucket.com/albums/...psbyhciiff.jpg شفت هاي اللعبه من بعيد ما أدري شو تسوي بروحها هناك http://i1050.photobucket.com/albums/...psrgsa8cul.jpg شفنا هاي حاطينها للتصوير ونحن ماصدقنا http://i1050.photobucket.com/albums/...ps7nxdiljt.jpg عاد عقب هالتعب والتلفلف يعنا ( جعنا ) وشفنا جدامنا هذا مجمع للمطاعم http://i1050.photobucket.com/albums/...psji59qb5z.jpg http://i1050.photobucket.com/albums/...psef2qlnj6.jpg عاد يوم دخلنا شفنا زحمة الاجانب سواء يابانيين ولا غيرهم http://i1050.photobucket.com/albums/...psch8vyaqe.jpg حجزلنا طاوله وسرنا دفعات الصراحه الاكل ماكان يشجع وما عرفت شو أطلب فشفت محل أكل ياباني ويبيع نودل وراويتهم البطاقه ، فلما قراها اقترح عليه نودل بالخضار http://i1050.photobucket.com/albums/...psxinisfbc.jpg كأنها ديدان وطلبت تامبورا وهي عباره عن ربيان مقلي في خلطة شرات الكنتاكي أكيد كثير منكم يعرفها http://i1050.photobucket.com/albums/...psfuvex1ek.jpg ومن مطعم ثاني طلبت أكله وايد قريت عنها وشفت صورها واشتهيت آكلها وأسمها Takoyaki وهي عباره عن كرات محشيه بالاخطبوط وتقدم مع صوص أو بدونها http://i1050.photobucket.com/albums/...psuas2uj3u.jpg البنات ماطلبوا ماعيبهم الموجود وتهبشوا ويانا وهاي الطلبات اللي أنا طلبتها لي ولبوعيسى رأيي في أكلهم النودل كان أتعس من التعيس مافيه لذه وفيه طعم غريب ولاعت جبدنا وماكملناه والتمبورا كلها زيت وتغفي ع الجبد وكورات الاخطبوط اللي العالم ذبحتنا عليه مافيها لذه ولا طعم ومحد منا كملها عاد نحن مافكرنا شوي نفتح الخريطه اللي ميودينها في ايدنا من دخلنا ونشوف شو المطاعم المتوفره فيه http://www.travelzad.com/vb/images/smilies/41jg.gif عفانا ساعات جيه يتجمد تفكيرنا عن التفكير المهم عقب ماتذوقنا الاكل الملغ قلنا بنغير الطعم واشترينا أيس كريم http://i1050.photobucket.com/albums/...pshjilhd9l.jpg عقب ماطلعت من المطعم تنحت البنات ساروا يتسوقون وانا وبوعيسى خذينا لفه شوي وعقب قلت خلاص ما ابا اتسوق من يينا ونحن نلف في المحلات ولكن ماحصلت شي عيبني صح هو كبير وفيه ماركات معروفه بس ماعجبتني بضاعته وهذا كان راي البنات بعد وما أبا أحكم عليه يمكن في وقتنا ماكانت البضاعه مناسبه لاذواقنا وعموما الأذواق تختلف بس أنا ما أتذكر اني اشتريت شي أنا وبوعيسى رجعنا من صوب محطة الباصات وكانت المفاجأه شفنا كوفي فوشون جدامنا عدال موقف الباصات يعني أول مادخلنا فوشون هو اللي معلمتنه بالاخضر http://i1050.photobucket.com/albums/...pshd1dx2tw.jpg يوم دخلنا شفنا أصناف من المخبوزات والساندويشات اللي تشهي اتصلنا في البنات وخبرناهم اذا خلصوا ايونا في هالمكان وانه عقبها بنروح عاد سامحوني نسيت أصور المحل بس صورت بعض طلباتنا http://i1050.photobucket.com/albums/...psqoeqxlan.jpg عاد شوفوا التناحه اللي فينا نحن قررنا نرجع طوكيو ولكن موعد الباص الساعه 7 ووقتها كانت الساعه يمكن 2 بدال مانسير ونشيك ع الباص اذا بنحصل مكان فيه يلسنا في الكوفي ورحرحنا فيه وعقب سرنا نشوف الباص اللي بيرجعنا ما أدري منو خبرنا انه نسير مكتب المعلومات وهو اللي عليه حرف i http://i1050.photobucket.com/albums/...pseyagiy6a.jpg سرنا وكلمناهم وقالوا الباص الياي بيكون فل ولكن فيه باص ثاني بيطلع الساعه 4 ولكن بتضطرون تدفعون مره ثانيه واللي دفعتوه قبل بتقدرون تسترجعونه وقالت لازم تتصلون من التيلفون العمومي وتحجزون قلنالها وين هالتلفون ، قالت موجود هنيه قلنالها بس نحن مانعرف انتي ساعدينا الحرمه ماقصرت ورتبتلنا الحجز والحمدالله تمت كل الامور في صالحنا أول شي مابندفع شي واعتبروا المبلغ اللي دفعناه قبل مقبول ثاني شي انه بترجع بدري من الاوت ليت ومابنضطر نيلس هالساعات كلها والشي الثالث والاحلى انه هالباص بينزلنا في محطة طوكيو الرئيسيه وبهاي الطريقه بتكون عندنا فرصه نشوفها ونعوض عن رحلة أمس لما كنسلناها رجعنا الكوفي وتنحنا فيه لين يا موعد الباصhttp://www.travelzad.com/vb/images/smilies/).gif وانطلقنا ع خير انتظروني في محطة طوكيو الرئيسيه |
رد: رحلتي الجميله لطوكيو 2015 ما أعجبك الأوت لوت أم عيسي تدش سوق ولا يعجبها زين تعاملهم يوم قبلوه الله يتم من نعمه يوم قلتي كأنها ديدان تذكرت صور مطاعم الصين |
رد: رحلتي الجميله لطوكيو 2015 والله شكل النودلز يخوف .. وصدقتي كأنها ديدان ههههههههههههههه Takoyaki وهي عباره عن كرات محشيه بالاخطبوط وتقدم مع صوص أو بدونها وكيف كان طعم الإخطبوط!!!!!!!!!!!!!!!!!!!!!!!!! الله يعطيك العافية |
رد: رحلتي الجميله لطوكيو 2015 الشعب الياباني انصدمت فيه ,,, كنت اتحراهم شرات يرانهم ( الكوريين ) يعني يوم تسألينهم ما يفهمون عليج ... اظن اكلهم ماصخ ما فيه ملح .. اسواقهم على حسب ذوق الشخص يمكن في اشياء حلوة وتنشرى بس يمكن انتي كنتي تعبانة لانه المدة اللى سرتوها وااايد قصيرة و الزحمة في بعض الاماكن تعكر المزاج لانه نحن مب متعودين عليها ... و ماشي اي مقارنة بين اسواقهم و اسواق تايلاند حتى ... ع العموم نتريا التكملة عشان انشوف محطة القطار الرئيسية ... |
رد: رحلتي الجميله لطوكيو 2015 اقتباس:
انا وايد ذوقي صعب واتعب في السوق مب أي شي يعجبني عشان جيه لاتحكمون عليه من رآيي وجربوه اقتباس:
الصراحه النودل كان شكلها يشهي لأني من عشاق المعكرونه لكن طلع مب حلو طعمه :(56): الاخطبوط كان عادي بس العجينه هي اللي ماعجبتني ، ورجعت جربته مره ثانيه عقب بتعرفون ليش الله يعافيك يارب اقتباس:
بالعكس اليابانيين أخلاقهم وايد أحسن من الكوريين ووايد منهم يعرف انجليزي هم يعتمدون في أكلهم ع الصوصات الجانبيه وعشان جيه يطلع ماصخ بس عموما أكلهم مايناسبنا بالنسبه للتسوق كلامج صح 100 % انه التسوق يختلف ع حسب ذوق الشخص شوفي من زمان كانت لي تجربه في أوت ليت بيستر فليج أول مره زرته ماعجبني وماتشريت الا شي بسيط ورديت وانا أنتقده والمره الثانيه لما زرته مع بناتي أتشريت منه وايد لدرجة خلص الوقت ونحن ماخلصنا وسرناله مره ثانيه عقب كم يوم هل التعب له دور ؟ هل المزاج له دور ؟ هل الاوت ليت اوقات يكون عادي واوقات يكون حلو حسب اختياراتنا وحاجتنا وذوقنا ؟ عشان جيه اقولكم أوت ليت جوتنبا اللي في اليابان كبير وفيه كثير من الماركات العالميه وممكن يناسب البعض وحلو انكم تجربونه وانسوا رآيي فيه واذا حد جربه يعطينا رأيه فيه :(37): |
رد: رحلتي الجميله لطوكيو 2015 أهلا أم عيسى .. جزء ( السكاي تري ) فيه معلومات رائعة .. وأيضا واضح التعب والإنهاك من كلامك .. بالنسبة لي شخصيا ( ما أحب الزحمة نهائيا ) أستغرب من البعض الذي يربط الحياة بالمكان المزدحم الآوت ليت .. أشوفه من خلال الصور مرتب .. بس كبضاعة أنتِ أدرى .. الأكل في شرق آسيا متعب جدا .. شكرا للجهد الوااااضح في ثنايا تقريرك ... ربي يعافيك .. |
رد: رحلتي الجميله لطوكيو 2015 اقتباس:
ياهلا ومرحبا هيه والله كنا منهكين وبالذات أنا يايين من رحله طويله من الامارات وثاني يوم من اوله لين آخره ونحن ماريحنا من مكان لمكان بالاضافه لاختلاف التوقيت ، بعدها ساعتنا البيلوجيه ماتضبطت ويانا طبعا لما تكون الزحمه بهاي الطريقه فهي مقرفه ومتعبه الاوت ليت أفضل تزورونه وتجربونه بنفسكم بس أسواقهم العاديه ماعجبتني لما أقارنها بأسواق بانكوك بالنسبه للاكل اليابان أرحم من كوريا وبتيك العلوم عقب :(37): الله يعافيك يارب |
رد: رحلتي الجميله لطوكيو 2015 نتابع الجوله الاخيره من اليوم الثاني محطة طوكيو الرئيسيه تعد المحطة معلم سياحي مهم عند زيارة طوكيو لمكانتها التاريخية و المعمارية المحطة ضخمة كأنها مطار محطة مهمة جدا وبها قطارات الشينكاسن أي يستعملها اليابانيون القادمون من أنحاء اليابان تفاصيل هذا اليوم فتتواجد بها محلات خاصة. وخصوصا منطقة في المحطة اسمها شارع الشخصيات بها محلات كل الشخصيات الكرتونية الشهيرة وصلنا الباص لين محطة طوكيو الرئيسيه والمحطه كبيره ما أدري اذا فيها أكثر من اللي شفناه ولا بس هذا لانه ونحن نمشي استوت الساعه 8 او 8 ونص نسيت الوقت بالضبط وكان هاك الوقت بيسكرون المحطه كبيره وفيها وايد محلات وسوبرماركت ومطاعم وكوفيهات حلو تمرون عليها وتتفرجون تعالوا نشوف الصور http://i1050.photobucket.com/albums/...psspp2bgfc.jpg محلاتهم حلوه حق الصغار وتزغلل عيونهم http://i1050.photobucket.com/albums/...ps0x6ni5be.jpg في هالممر الطويل بتشوفون المحلات ع الجانبين http://i1050.photobucket.com/albums/...psqeynmv4f.jpg كالعاده انا وبوعيسى في صوب والبنات في صوب ونتواصل بيننا في الموبايلات ماخبرتكم لما رجعت طلعت فاتورة مكالماتي اللي اجريتها في اليابان بـ 700 درهم هاي بس فاتورتي وغير فواتيرهم ما أاعرف كم بالضبط بس أكيد الاجمالي تعدى 1500 درهم يعني لو خلينا التيلفونات اللي أجرهم بوعيسى جان أحسن نكمل جولتنا بين المحلات http://i1050.photobucket.com/albums/...psvpr5esqh.jpg http://i1050.photobucket.com/albums/...pszd7uksev.jpg http://i1050.photobucket.com/albums/...psu4ytkqjw.jpg http://i1050.photobucket.com/albums/...pshg72f3yn.jpg http://i1050.photobucket.com/albums/...psjah52zhn.jpg http://i1050.photobucket.com/albums/...psy6jyqbsp.jpg http://i1050.photobucket.com/albums/...psqirmjpqn.jpg عقب بوعيسى سار يلس في كوفي وانا كملت تمشي بروحي http://i1050.photobucket.com/albums/...psmtugonzj.jpg حصلت محل يبيع فواكه بس فاكهته جوده وغاليه وايد http://i1050.photobucket.com/albums/...psapzbi0nu.jpg http://i1050.photobucket.com/albums/...ps4mlsmvg0.jpg http://i1050.photobucket.com/albums/...ps3tpkuow0.jpg حصلت محل يبيع أنواع من البطاطس ، قلت بشتري وبجربها http://i1050.photobucket.com/albums/...psl1z6dbta.jpg http://i1050.photobucket.com/albums/...pso1m8txsx.jpg http://i1050.photobucket.com/albums/...psr0n8hcwl.jpg من هالانواع أنا أخترت اللي في العلبه الخضراء ، والصراحه كان لذيذ http://i1050.photobucket.com/albums/...psbbtavkgo.jpg شليت البطاطس وسرت عند بوعيسى ، ويلست وياه وجان اتيني الموظفه معصبه وقالت ممنوع تآكلين في الكوفي قلتلها سوري وعقب قالتلي لازم تطلبين أي شي بما انج يالسه في الكوفي قلتلها أنا ما أبا شي وزوجي طالب قالت لازم تطلبين ، قلتلها اوكي هاتيلي جرين تي ع العموم انا ماتضايقت منها يمكن هذا قانونهم ولازم نحترمه بس انا من تحت لتحت أخش ايديه في العلبه واسحب بطاط واخشه في حلجي وايد أحترم القوانين عقب قلت لبوعيسى بسير أسأل اذا عندهم سوبرماركت كنت أبا أشتري خضرا مثل بطاط وطماط وغيره لزوم الطبخ مخي في الطبخ سالت وحصلت سوبرماركت كبير أول مادخلت شفت يبيعون ثوم مدخن غريب http://i1050.photobucket.com/albums/...ps9nhema61.jpg تم الموظف يشرحلي كيف يتم عمل هالثوم وعقب تذوقت وحده http://i1050.photobucket.com/albums/...ps04rodrrw.jpg هاي السودا اللي كليتها يوم تشيلون القشره تشوفون الثوم لونه أسود http://i1050.photobucket.com/albums/...psbwarelll.jpg شفت الفواكه مغريه واشتريت شويه http://i1050.photobucket.com/albums/...ps9chugdvy.jpg الغريبه اني ماحصلت خضار ولما سالته قاللي مخلص ماشي طماط ولا بطاط ولاجزر ولا أي نوع من الخضار عجيب والله هالسوبرماركت وسبق دورت في البقلات اللي عدال فندقنا مثل فملي مارت وسفن الفن وبعد ماعندهم ليش هاذيل ماياكلون خضار ولا الشو http://i1050.photobucket.com/albums/...pstodp279j.jpg عقب رجعت عند بوعيسى ولقيت البنات يالسين يتشرون من محل معروف في اليابان وله فروع عندنا في الامارات ، أسمه محل يوكو موكو للأسف ماصورت المحل بس يبت صور لمنتجاته من النت http://i1050.photobucket.com/albums/...psf85pohic.jpg http://i1050.photobucket.com/albums/...psnli0u1li.jpg http://i1050.photobucket.com/albums/...psxpak7xma.jpg منتجاته لذيذه لكن الغريبه انه أرخص عنا بوايد يعني عندنا الدبل الموقف اللي صارلي البنات اشتروا منه وانا أشتريت من العلب الكبيره المشكله علبتين واشتريت أشياء صغيره وكانوا بيسكرون والمحلات كلها بدأت تسكر طلعنا وشليت الاشياء الصغيره ونسيت العلب الكبيره بعد مادفعت قيمتهم وتخيلوا ماعرفت اني نسيتهم الا عقب كم يوم وطبعا الفتوره عقيتها خبرت سايا وطلبت منها تمر عليهم وتسالهم عن العلب وانا تقريبا فاقده الأمل اني أحصلهم وهذا الكلام يمكن عقب 5 أيام وفعلا سارت سايا وسالتهم عن العلب والمفاجأه انهم ميودينهم لنا وقالوا انه نحن روحنا بسرعه وما انتبهوا انه نسيناهم الا بعد ماروحنا ورجعلولي العلبتين بخبركم الحين عن أهم موضوع في هاي السفره انتوا تعرفون اني ماخذه درس من سفرة كوريا يوم سافرت وماشليت جدري الكهربائي ولما سرت اليابان شليت جدري وشليت كل المؤونه اللازمه ولما رجعنا من هاي الرحله بدري شوي قررت أطبخلهم عشاء وأسوي معكرونه وبدأت مرحلة العذاب الجدر مثل ماأنتوا عارفين الفولت فيه 220 -240 واليابان 100-110 في البدايه حطيت الجدر وحطيت فيه ماي وشغلته واترييت أكثر من ساعه ابا يغلي الماي ومب راضي عقب جربت المحول اللي يبته ويحول لكهرباء من 220 الى 100 ولكن ركبته بالغلط فأحترق وطلعت ريحه منه زين مانقع وسويت مصيبه في الفندق باءت كل محاولاتي بالفشل وفي الأخير لما يأست قررت أشتري جدر كهربائي من عندهم وأنا سويت نودل وتعشيناه بخبركم عقب شو صارلي يوم اشتريت الجدر الكهربائي الياباني وكيف فجيت طلاسمه وانتهى هذا اليوم ونتلقى في مشاركاتكم وفي جولات اليوم الثالث طوكيو دوم ، وروبنجي هيل ، ومطعم الننجا |
رد: رحلتي الجميله لطوكيو 2015 لازم تطبخين ....... الحمدلله ما صارات مشاكل المحطه للدرجه ذي كبيره وتأخذ وقت بالتمشي فيها |
رد: رحلتي الجميله لطوكيو 2015 ههههه عسى بس ما أشتغل الإنذار حق الحريق في الفندق والله التسوق جميييييييل والفواكه شكله رهيب ما شاء الله الله يعطيك العافية |
| الساعة الآن 01:42 AM |
Powered by vBulletin® Copyright ©2000 - 2025, Jelsoft Enterprises Ltd.
Search Engine Optimization by vBSEO