|
رد: رحلتي الجميله لطوكيو 2015 اقتباس:
مساك الله بالنور الصراحه أول مره أسمع عنه والله أنا شراتك ما أعرف شو السبب وشو الضرر وحاولت أعرف منهم بس يقولولي ممنوع وع فكره هاي أول مره حد يقولي ممنوع وانا متحنيه اقتباس:
سمعت عن كافيه وادي الامان بس مادورته لأانه كنا شبعانين اتفاجأت بكلامك ، الصراحه نحن ماسألنا ماخطر في بالنا هالشي وقلنا مطعم سي فود خلاص هذا مسموح ، والمفروض كونه مسلم انه ينبهنا الله يسامحه في ذمته ع العموم الاكل كان لذيذ هههههههههه الله يعافيك وانا سعيده بمتابعتك ومشاركاتك المفيده شكرا :(125): اقتباس:
الله يعافيج قلبووو المنطقه وااااايد جميله ووايد استانسنا فيها |
رد: رحلتي الجميله لطوكيو 2015 جولتنا الثانيه في اليوم 3 معلومات جمعتها عن هاي المنطقه حي روبونغي لا ينام فهو مليء بالملاهي الليلية والمطاعم الراقية تفاصيل هاليوم يتشكل مثلث وروبونغي الفني من المركز الوطني للفنون ومتحف موري ومتحف الفن الحديث، في حين يتميز مجمعي التسوق وتناول الطعام روبونغي هليز وطوكيو ميدتاون الحديثين بأجواء خاصة. منطقة روبونجي مغطاة ومناسب زيارتها في الاوقات اللي الجو فيه ممناسب اوقات العمل : 10:00 to 23:00 10:00 to 25:00 Friday and Saturday, فيه السكاي ديك هو السطح ممكن رؤية طوكيو من فوق واذا كان الديسك مسكر ممكن نسير الطابق 52 ونتفرج ع طوكيو وفي نفس المول فيه مطعم هندي اسمه مطعم ديا وفيه بعض الوجبات حلال كان هذا خط سيرنا من Tokyo Dome City：東京ドームシティ محطة طوكيو دوم (Suidobashi Station：水道橋駅) الى Hibiya Station日比谷駅 أعتقد عشان نسير نحطة هايبيا لازم ننزل في هاي المحطه ونبدل هنيه وعقب ناخذ خط هايبيا اللي يودينا لمحطة روبنجي هيل - Mita Line bound for Shiroganetakawa 都営三田線白金高輪行き Hibiya Station 日比谷駅 to Roppongi Station 六本木駅 وصلنا منطقة روبنجي هيل ودخلنا في مكان شرات مول كبير وفي ساحته مجسم عنكبوت كبير وفي هالمكان متحف ومحلات ومطاعم تمشينا شوي وتصورنا وتمللنا بصراحه وتندمنا انه طلعنا من طوكيو دوم حسينا هاذيج المنطقه أشرح وأحلى وهاي ماحبيناها وايد الحين نشوف الصور مع بعض مخطط لروبنجي هيلز http://i1050.photobucket.com/albums/...psm3peqlxz.jpg من طلعنا من المحطه ومشينا شوي الا نشوف المبنى اللي مكتوب عليه روبنجي هيلز http://i1050.photobucket.com/albums/...ps6mamv197.jpg دخلنا وشفنا هالمجسم جدامنا عاد سوينا حركات استهبال وصورنا لين شبعنا http://i1050.photobucket.com/albums/...psuqtj97ka.jpg ماكان عندنا رغبه ندخل متاحف دخلنا وتفرجنا شويه ع المحلات الموجوده يطل علينا برج طوكيو بس ماحسيته قريب انه نسير نمشي لين عنده ماتمشينا وايد صوب المحلات بس شويه ع السريع وماحبينا ننزل نشوف المطاعم لأنه بعدنا شبعانين والاهم انه حاجزين بنتعشى في مطعم الننجا حصلنا ستاربكس ويلسنا فيه شبكنا ع النت وكل واحد انشغل بفونه لين ايي الوقت المناسب ونسير صوب المطعم وانتهت جولتنا هاي واللي ماحبيناها وايد |
رد: رحلتي الجميله لطوكيو 2015 يعطيكي العافية أم عيسى أجزاء حلوه و الصور أحلى و مطعم السي فووود عذاااب،،، شكله الكحول بعد محلي الطعم:yolks00250: منتظرين نشوف الجدر الياباني الجديد و أكلاتك كل عام و انتم بخير و رمضان مبارك انا جالسة أقاوم نفسي عشان ما ادخل موضوعك الجديد (ما لذ و طاب)،،، رمضان هذا قررت أخليه عباده و ريجيم:yolks00260: |
رد: رحلتي الجميله لطوكيو 2015 بالعافية عليكم شكل المطعم من ربع قوم تشيليز و فرايديز محل Loft و ليس مول له فرع في بانكوك في سيام ديسكفري عنده من الخراوشين اللى نحبها خخخخخخ منطقة الدوم تنصحين فيها ... و هل كل شي فيها يعطيج العافية يا ام عيسى |
رد: رحلتي الجميله لطوكيو 2015 يعني ما تنصحين بزياره الجزء الثاني هذا عسي المطعم كان اختياره رائع ومعوض عن رحلات اليوم |
رد: رحلتي الجميله لطوكيو 2015 اقتباس:
وانتي بالف خير وصحه وسلامه كان لذيذ :(56): الجزء الياي بخبركم عن مغامراتي وياه لاتقاومين أدخلي الاكل اللي فيه مخصوص حق اللي يبون يسون رجيم :(155): اقتباس:
الله يعافيج لاماحسيت من ربعهم ، هاذيل غير تحسبته مول لأنصح فيها وبقوه اقتباس:
لا ما انصح بريبونجي هيلز اليوم بتيك العلوم |
رد: رحلتي الجميله لطوكيو 2015 نتابع جولتنا الأخيره في اليوم 3 عقب ماخلصنا من روبنجي هيلز سرنا المحطه متجهين لمطعم اسمه الننجا http://i1050.photobucket.com/albums/...psqenqetla.jpg قبل خلوني أخبركم عنه قبل لا أسافر اليابان تعرفت ع ناس كانوا سايرين اليابان وقالولي لاتفوتين مطعم الننجا وعن طريق الانستغرام واحد وصاني اسير هالمطعم بدون مايشرحولي عنه شي وانا قلت لازم أزوره وأشوف شو هالمطعم الفلته وهالمطعم ماتقدرون تزورونه الا بالحجز حسب ماسمعت كلمت سايا وقلتلها احجزيه لنا في هاليوم وحددنا الوقت وهاي المعلومات اللي قدرت أطلعها عنه مطعم الننيجا NINJA kASAKA Ninja Dinner Theater in Tokyo DINING THEATER-NINJA is a theatrical restaurant where guests can enjoy a live Ninja show as well as aesthetic food and drinks. The Ninja show combines magical images utilizing projection mappingamazing acrobatic dancing and dynamic wire- stunt battleaction. . Ninja appear and visit guests during the meal right at their table. Guests can also take photos of the ninja's performances. المكتوب شي واللي شفناه شي ثاني ما أدري هل نحن ماعجبناهم وماكان لهم بارض علينا أوهم خرطي ودعايه ع الفاضي تفاصيل هاليوم طلعنا من محطتنا اللي روبنجي هيلز الى المحطه اللي بتنزلنا عند مطعم الننجا من .. Roppongi Station (六本木駅) to Kasumigaseki Station (霞ヶ関駅) - Hibiya Line bound for Kitakoshigaya (東京メトロ日比谷線北越谷行き) وصلنا المحطه المطلوبه ونزلنا في اتجاه المخرج تعجبني ثلاجاتهم تحصلون وايد حركات فيها ، مثل هاي ثلاجة فواكهه http://i1050.photobucket.com/albums/...psehl5cmqm.jpg وفي منها عصائر ومنها عصير جرين تي ودوم سايا تشرب منه وجربته مره تحملته وهو بارد وشربته بس من فتر طلع مر ومب حلو http://i1050.photobucket.com/albums/...pswqftemnv.jpg عقب مانزلنا ومشينا في الشارع شفت هالمحل واعتقد هو معروف بالاجهزه الاكترونيه http://i1050.photobucket.com/albums/...psfmzk9siq.jpg شفنا محل تركي في ويهنا وياليت دخلناه http://i1050.photobucket.com/albums/...psthoba1fe.jpg وصلنا المطعم http://i1050.photobucket.com/albums/...pscl4foboi.jpg وكان هذا في استقبالنا المطعم ديكوراته سودا من برع وتخيلوا بعد من داخل http://i1050.photobucket.com/albums/...psofrgyzrq.jpg قال أصبروا ويانا واحد متلثم ودخلونا المطعم وكانت صدمتنا الاولى فيه المكان شبه مظلم ، ممرات ضيقه وسودا والصراحه في لحظه كنت بغير رآي وبقولهم أبا أطلع من المطعم وياليت قررت هالقرار مشينا في الدهاليز وأحس عيالي مب عاجبنهم الوضع وعقب وقفونا في منطقه وفيها مثل جسر وقبل لانعبر سوولنا حركات استهبال عبرنا ودخلونا غرفه خاصه اللي فيها طاولتنا أعوذ بالله من المكان يكتم ع القلب http://i1050.photobucket.com/albums/...pste5nemjz.jpg يلسنا ونحن مب عاجبنا الوضع حتى ماصورنا وايد ولما يلسنا يانا واحد ملثم وعطانا المنيو ولما خبرناه انه نبا الوجبات اللي بدون كحول ولاخنزير http://i1050.photobucket.com/albums/...psqeooxsbh.jpg تفاجأنا انه الاختيارات جدا قليله الصراحه قلنا بنطلب أي شي بس نطلع من هنيه وسايا استأذنت عشان بيفوتها القطار وهي تأخرت رخصناها بعد ماطلبنا من المنيو وكانت هاي طلباتنا http://i1050.photobucket.com/albums/...psjzqdrlyq.jpg http://i1050.photobucket.com/albums/...psrdu6tqxj.jpg http://i1050.photobucket.com/albums/...psoocles9w.jpg http://i1050.photobucket.com/albums/...pskmu9bx2g.jpg http://i1050.photobucket.com/albums/...psvlif3be2.jpg http://i1050.photobucket.com/albums/...ps2qtbwpwl.jpg http://i1050.photobucket.com/albums/...ps3qyvelcu.jpg http://i1050.photobucket.com/albums/...psplbaufex.jpg http://i1050.photobucket.com/albums/...psjdmw9ctc.jpg سوالنا حركات غبيه بالسيف حق هاي السلطه http://i1050.photobucket.com/albums/...ps1gvtxj0e.jpg وطلع دخان منها عاد ضحكنا يوم يينا بناكلها شفناها شويه ونحن نتحسب الجره متروسه سلطه http://i1050.photobucket.com/albums/...psrtcx4no7.jpg رأيي في الاكل اتعس أكل كلته في هاي السفره رأيي في المطعم أتعس مطعم دخلته ومايستاهل العنوه انتهت جولاتنا في هاليوم واجمل مكان استانسنا فيه كان الدوم وهو حلو من كل النواحي اما باقي الاماكن ماكانت هاك الزود تابعوني في اليوم الرابع اليوم الرائع من بدايته لين نهايته |
رد: رحلتي الجميله لطوكيو 2015 مطعم النينجا كنت بجربة بس ما حصلت لي الفرصة ولكن هل الأكل ما عبجكم لأن الأكل ياباني ؟ وشلون كانت قيمة الأكل ؟ وبالنسبة للعروض إلي ذاكرينها اهم قصدهم الحركات إلي قاعدين يسوونها والبخار والنار إلي يطلع من الأكل (حسب الطبق) والديكورات :yolks00380: ويعطيج العافية أختـي على التقرير وإن شاء الله كان اختياركم للمطاعم أفضل في باقي أيام الرحلة |
رد: رحلتي الجميله لطوكيو 2015 اقتباس:
يمكن أنا ماوضحت الفكره عدل بالنسبه للاكل مب بس ماعجبنا انما الاختيارات كانت جدا محدوده لنا لأنه أغلب اكلهم فيه خمور الناس اللي اقترحوا علينا أكل ونصحونا فيه كانوا مسيحين وأكيد عادي عندهم ياكلون أكل فيه خمور وعشان جيه يمكن أطباقهم كانت حلوه بالنسبه لنا نحن فلاختيارات المتوفره كانت تعيسه والاكل مب لذيذ والسلطه كانت يعني وشويه طبعا مثل هاي المطاعم تكون غاليه نوعا ما وفي نظري ماكان يستاهل وديكورات المطعم كانت مب حلوه وتسد النفس وكئيبه واغلبها اسود في أسود بالنسبه للعروض أصلا ماكانت في عروض مجرد حركتين سواهم وكلهم سخيفات وبايخات وكأننا يهال جدامهم في نظري حتى عروضهم بايحه مب بالمستوى المطلوب طبعا هذا رآيي ورأي اسرتي وممكن انتوا تجربونه ويعجبكم الله يعافيك وانا مبسوطه ع اسئلتك لأنك خليتني أوضحلكم أكثر |
رد: رحلتي الجميله لطوكيو 2015 واضح انك مره قافله الأخلاق معاك من هالرد سوالنا حركات غبيه بالسيف حق هاي السلطه |
| الساعة الآن 11:56 AM |
Powered by vBulletin® Copyright ©2000 - 2025, Jelsoft Enterprises Ltd.
Search Engine Optimization by vBSEO