|
رد: رحلتي الجميله لطوكيو 2015 بارك الله فيك وفي صحتك مميزتنا الغالية هداوه ما شاء الله دليل شامل عن اليابان ويستحق التثبيت و 5 نجوم أنتظر بشوق الانتهاء من التقرير لأضمه إلى جديد السياحة وجزاك الله خير ونفع بك المسلمين وحفظك الله ورعاك وأسعدك بالدارين |
رد: رحلتي الجميله لطوكيو 2015 مانقدر نقول لك ياستـ هداوه إلا تفننتي وابدعتي وكنتي رائعه بالفعل من فتره وانا انتظر تنزلين تقريرك وماشاء الله كم هائل من المعلومات انا احترت في قرأتها وفهمها يبيلي ادون من الحين جميع المعلومات >>شكلي بغير الوجهه لجنوب افريقيا مو احسن ههههههههه انا بعد مستغرب زي القحطاني لمن تقولي الصرف في اليابان عادي زي اوروبا وعندنا وانا اسمع ان اليابان اغلى بلد في العالم سنتابع بقية التقرير وبعدها نقرر والحقيقة انك تميزتي وابدعتي في كتابة مقدمة التقرير وكما قال كتكات ضربة جباره على هذه البوابة يعطيك العافية ام عيسى ومتابعين معاك للاخر |
رد: رحلتي الجميله لطوكيو 2015 ماشاء الله تبارك الله تقرير متكامل ويغني عن البحث .. ننتظر اكتماله ان شاء الله واهم شي الصور .. توصي فيها وياليت تعطينا مقارنه بسيطة بين اليابان وكوريا |
رد: رحلتي الجميله لطوكيو 2015 اقتباس:
من عيوني اليوم ان شاءالله :(35): شويه تدلعت عليكم وشويه خذيت اجازه في الويك اند بس الحين خلاص ياوقت الجد اقتباس:
اقتباس:
الله يسعدج يالغاليه ومشكوره ع كلامج الجميل ودعائج الأجمل ولج بالمثل اقتباس:
ياهلا والله بفارسنا منورني الحمدالله ما تأخرت عليكم وايد وان شاءالله تشوف اللي يسرك عيل شكلي بنزلك تقرير جنوب أفريقيا اللي خاس عندي عشان أخليك تحتار :(34): أشكركم جميعا ع تشجيعكم لي :(141): ان شاءالله من خلال التقرير بتاخذون فكره أوضح المشكله ما أدري اذا بتذكر الاسعار بحاول الله يعافيك واسعديتني بطلتك اقتباس:
اقتباس:
ياهلا فيك أخوي ويامرحبا وفالك طيب ان شاءالله بتشوف الكثير من الصور بالنسبه للمقارنه انا كتبتها في اول جزء بس الظاهر ما انتبهت لها :(48): |
رد: رحلتي الجميله لطوكيو 2015 معلومات مهمه قبل الدخول في تفاصيل رحلتنا أولا : سفرنا بروحنا أنا والبنات بدون بوعيسى هاي التفصيله الصغيره لازم تعرفونها عشان تعيشون معانا الرحله وانتوا فاهمين تفاصيلها الله يسلمكم كان بوعيسى عنده مؤتمر في فيتنام وكان بيخلص قبل سفرنا لليابان بيوم فرتبناها انه أنا وبناتي نطلع بروحنا ع اليابان وبوعيسى يطلع من فيتنام ع اليابان في نفس اليوم ونلتقي في اليابان فلم هندي ههههههههههه وفعلا تم مثل ماضبطناها وفي العوده كنا مع بعض ثانيا : مرشدتنا السياحيه وكيف تعرفنا عليها أعرفكم ع مرشدتنا اليابانيه واسمها سايا http://i1050.photobucket.com/albums/...pse099bq1n.jpg وهذا أيميلها للي يبا مرشد سياحي في اليابان abcn4107@yahoo.co.jp قصة تعرفنا ع سايا سايا انسانه عاديه وهي موظفه وعمرها ما اشتغلت مرشده سياحيه ولكن اشتغلت قبل فتره مظيفه ع طيران الامارات لمدة 3 سنوات وعندها فكره عنا كخلجيين وهاي المعلومه لما عرفناها قبل لانتعرف عليها ريحتني وايد تعرفت عليها بطريق الصدفه وهي صدفه عجيبه غريبه بس سبحان الله الله أراد انه يسهلها علينا والحمدالله الله يسلمكم أنا كنت أبحث عن معلومات في كل مكان ومن بينهم كان الانستغرام ومره شفت حساب واحد ياباني اسمه شين كاتب في بروفايله بالعربي انا تاكيدا ياباني واحب الامارات العربيه ودول الخليج كثيرا عاد انا يوم شفته كاتب بالعربي قلت هذا ياباني أكيد يعرف عربي فدخلت اشوف الصور اللي منزلنها سألته أسئله بالعربي فرد عليه وقاللي أكتبيلي بالانجليزي ترجمت سؤالي بالانجليزي عقب عطاني رقمه اليابني وقاللي أتواصل وياه ع الواتس اب هنيه طلبت من بنتي تتواصل وياه لأنها تجيد الانجليزي افضل عني وخبرته اني بتواصل وياه عن طريق بنتي والريال مول ماقصر ويانا وجاوب ع كل سؤال أباه وكنت أحسه يبا يخدمنا ومره من المرات سألته اذا يعرف حد ممكن يكون مرشدنا السياحي في اليابان ووقتها كنت المح عليه بس مابغيت أسأله مباشره وتفاجأت انه قاللي انه بيبحثلي وبيخبرني وعقب عرفت من سايا انه رجل أعمال وعنده خير وانا كنت ناويه اشغله مرشد ههههههههههههه المهم هو عطانا ايميل سايا وقال تراسلوا معاها وفعلا من بدينا نتكلم وياها ع الرسائل ما احتجنا نسأل شين عقبها طبعا التواصل كان مع سايا بالايميل عن طريق بوعيسى واتفقنا ع المبلغ بحيث انه اذا تكون ويانا طول اليوم بيكون سعرها 10 الاف ين و2000 ين لمواصلاتها لأنها تسكن خارج طوكيو وتبعد عنا ساعه بس اذا كانت معانا نص يوم بيكون 5000 ين مع 2000 مواصلاتها بالاضافه الى أي مكان بنزوره وفيه رسوم نحن ندفعه عنها مع رسوم المواصلات بشكل عام يعني سايا طلعت بنتي الثالثه اللي يالسه أصرف عليها هههههههههههههه بس الصراحه متنا عليها فديتها وحبيناها من قلب ودايما تقوللي انتي حنونه مثل ماما عاد هي عمرها 27 وماأصلح أكون امها ولكن كنت أشعر اني امها الروحيه واعتني فيها شرات ما اعتني في بناتي فاللي بياخذها كمرشده سياحيه له يتحمل عليها هاي وصاتي لكم نحن اتفقنا معاها انه تكون معانا 4 أيام من الرحله كلها والسبب عشان تكلفه زياده علينا وعشان بعض الاماكن مانحتاج فيها مرشد مثل مدن الالعاب والاسواق ولأنه هاي زيارتنا الأولى لليابان فحسينا انه نحتاج مساعده وهي سهلت علينا وايد امور ، واختصرت علينا وايد وقت لو زرت اليابان مره ثانيه مابنحتاج مرشد سياحي لأنه خلاص استوت اليابان لعبتنا بس شو صار وياشين اللي له الفضل في تعرفنا ع سايا أول شي خذيتله هديه رمزيه من الامارات ع مساعدته لنا ثانيا طلبت منه انه نتعرف عليه ونقابله في اليابان ولكن اعتذر انه الوقت اللي بنكون نحن فيه في اليابان كان هو بيكون هنيه عندنا في الامارات صدفه غريبه وظل فتره في الامارات ولما رجعنا من اليابان كان بعده موجود عندنا وعزمناه ع العشا ولكن لظروفه وظروفنا ماتلاقينا برنامجنا السياحي قبل السفر قررت أرتب برنامج يومي عشان ما اتشتت هناك واللي ساعدني في ترتيب برنامجي مرشدتي سايا كنت أرتب البرنامج واطرشه لها بالايميل وهي تضبطلي الاماكن القريبه عدال بعض وتعطيني بعض الاقتراحات لبعض الاماكن وبعض الرحلات قامت بحجزمسبق لها بدون دفع والدفع هناك في وقتها بعطيكم البرنامج اللي سويته ويصلح لمدة 11 يوم تاريخ 3 يوم الجمعه اليوم الأول يوم الوصول من المطار وشراء بطاقة الفون من محل Softbank Shop وشراء بطاقة القطار Suica تاريخ 4 يوم السبت اليوم الثاني بتكون معانا سايا الخروج من الساعه 2 الظهر الذهاب أولا لمنطقة شيبويا وشراء تذاكر مدن العاب لمحل دزني التذاكر ، بعدها Tokyo Imperial Palace القصر الملكي Tokyo Main Station محطة طوكيو الرئيسيه Sakura Cruise كروز بحري Skytree برج سكاي تري تاريخ 5 يوم الاحد اليوم الثالث التسوق في الاوت ليت عنوانهم 1312 Fukasawa Gotemba-Shi,Shizuoka,japan 412-0023 بالباص من شينجكو الى جوتمبا أوت لت (Shinjuku to Gotemba outlet) 8：50 المغادره صباحا → 10：25 الوصول ومن الاوت ليت لين وشينجكو (Gotemba outlet to Shinjuku) 19：00 المغادره مساء → 20：45 والعوده لشينجكو * Advanced purchase of a reserved ticket is necessary to take a bus. سعر تذكرة الباص للشخص ذهاب وعوده (\2,880 per person for round trip) سايا حجزت لنا الباص تاريخ 6 يوم الاثنين اليوم الرابع وبتكون معانا سايا جوله في طوكيو صباحا 10:00 Asakusa Tokyo Dome Suidobashi طوكيو دوم Roppongi Hills روبنجي هيلز العشاء في .. مطعم الننيجا NINJA kASAKA Ninja Dinner Theater in Tokyo تاريخ 7 يوم الثلاثاء اليوم الخامس حديقة كوجاني العامة فيها الكثير من أشجار الساكورا نزول في محطة قطار : MUSASHI-KOGANEI ثم ركوب الحافلة Seibu bus و النزول في محطة Koganei-koen Nishi-guch بعدها التسوق في منطقة Ginza تاريخ 8 يوم الاربعاء اليوم السادس دزني طوكيو تاريخ 9 يوم الخميس اليوم السابع الانتقال للسكن في منطقة اوديبا واستكشاف المنطقه Odaiba اليوم 10 يوم الجمعه اليوم الثامن مدينة العاب دزني سي اليوم 11 يوم السبت اليوم التاسع مع سايا جبل فوجي اليوم 12 اليوم العاشر الأحد وبتكون معانا سايا رحلة يوكوهاما اليوم الاخير 13 يوم الحادي عشر السفينه المائيه حديقة إنوكاشيرا تقع بالنصف بين حي ميتاكا وفيها بحيره وتجديف في قوارب البط حديقة في شينجوكو لمشاهدة الساكور ا هل نفذنا البرنامج بتفاصيله ؟ هذا اللي بتعرفونه وبتعيشونه ويايي من خلال تفاصيل رحلاتنا اليوميه تابعوني في يوم الوصول الى طوكيو... |
رد: رحلتي الجميله لطوكيو 2015 وعقب عرفت من سايا انه رجل أعمال وعنده خير وانا كنت ناويه اشغله مرشد ههههههههههههه هههههههههههههه.... ياحلو سوالفك يام عيسي زين اللي لمحتي له.. تخيلي لو قايله نبيك مرشد لنا:(41): حبيت سايا.. بس ما اتوقع حد بيدلعها مثلك:(39): وااااصلي متابعينك |
رد: رحلتي الجميله لطوكيو 2015 والله مرشدتكم مزيونه ياهدهد من جميلات اليابان الحمدالله كل الامور تسهلت لكم في اليابان من اللي في الانستقرام ومع هاذي كلنا حماس نشوف الجزء الجاي :) |
رد: رحلتي الجميله لطوكيو 2015 مسالورد عليكم جميعا اقتباس:
نحن مادلعناها بس الا خربناها بنااتي ايلسون يعلمونا أشياء غلط مثل جب وكلمات مثل جحيه وانا أعصب عليهم واقولها يعلمونج اشياء غلط قالت عادي بالعكس فن ، مبسوطه ومندمجه وياهم ساعات يوم نتعب من السوالف والضحك نخليها ويابوعيسى تمشي وياه هذاك ياخذها في مناقشات جاده ههههههههههههه تقول في حياتي ماضحكت كثر ماضحكت معاكم اليوم تخبرني انها يالسه تتعلم العربي اليوم فيه جزء يديد :(35): اقتباس:
هيه الصراحه هي حلوه قبل ما أسافر كنت أحاتي كيف بيكون شكلها ، وكله أتخيلها كبيره ومب حلوه وشفناها مزيونه حتى هي شكلها كانت تتخيلنا غير وبالذات أنا لأنه يوم شافتني طرطت عينها وتمت تمدح فيني وفي بناتي ونحن تشققنا من والوناسه |
رد: رحلتي الجميله لطوكيو 2015 يوم المغادره والوصول الى طوكيو غادرنا بلادنا الحبيبه ربي حفظها وسلمها يارب وصلنا متأخرين بالليل وخلصنا الاجراءات بكل سهوله واستقبلتنا سيارتين وحده تابعه لطيران الامارات والثانيه تابعه للسفاره بوعيسى مطرشنها لنا وقاللي تعالي في سيارة السفاره وهو كان واصل قبلنا وكان ينتظرنا في الفندق عاد اللي يضحك ونحن طالعين لقيت لافتتين مكتوب عليها اسمي عرفت انه الاولي مال طيران الامارات سرتله وحييته وقلتله انا طويلت العمر هداوه ههههه وقلتله انتظر شوي واسير عند الثاني وحييته وقلتله ممكن تعتذرلنا من سايق طيران الامارات وتخبره انه نحن بنسير وياك ماقصر وحليله كلمه واستسمحلنا منه وسرنا ركبنا وياه السياره كانت فان كبيره طبعا هو عارف الفندق لأنه موصل بوعيسى قبلنا ، بوعيسى كان واصل العصر ونحن وصلنا عنده ع الساعه 1 بالليل تقريبا طبعا كنا منهكين من التعب وطاف هاليوم علينا وثاني يوم كان حافل فندقنا اسمه سيروليان تاور طوكيو Cerulean Tower Tokyu Hotel عنوانهم 150-8512, Tokyo, Shibuya-ku, Sakuragaokacho 26-1, Japan حجزنا كان من تاريخ 3 / 4 الى 9 / 4 مدة 6 أيام حجزنا عباره عن غرفتين وحده أم سريرين ووحده كينج ومطلات ع المدينه وكانوا عدال بعض ماحصلنا بينهم باب السعر 12,407 درهم للغرفتين بدون افطار رأيي في الفندق الفندق ممتاز من حيث النظافه والخدمه والموقع وكل شي الصراحه ماعندي أي ملاحظه سلبيه عليه وهو في منطقة شيبويا يبعد مسافة دقائق عن السنتر ومحطة شيبويا وكل الحياه وخلف فندقنا فيه مطاعم ومنهم مطعم تركي للاسف ماعرفت عنه الا آخر يوم وعداله بقالة وكوفي الحين بعطيكم صور الفندق بعض الصور خذيتهم من النت سامحوني عاد الغرفه مكركبه شوي الصراحه نسيت أصور تابعوني في أولى صولاتنا وجولاتنا في طوكيو الجميله |
رد: رحلتي الجميله لطوكيو 2015 ههههههههههه.. ماتنلام يوم تتعلم عربي ... من الدلع والوناسه اللي شافتها شكلها ناويه تحترف المهنه ماشاء الله يام عيسى .. من قدك سيارتين باستقبالك:(95): والله تستاهلين .. كم عندنا من هداوي:yolks00260: واااصلي متابعينك |
| الساعة الآن 01:33 AM |
Powered by vBulletin® Copyright ©2000 - 2025, Jelsoft Enterprises Ltd.
Search Engine Optimization by vBSEO