|
رد: رحلتي الجميله لطوكيو 2015 يا سلام عليج يا ام عيسى هههههههههه حليلك يا شين لو قلتيله من قبل جان رتب عمره الريال هههههههه سايا اكيد تعرف شوية عربي من العرب اللى شافتهم في الطيارة طبعا ما طلعن الصور الحين ... لكن بشوفهم في البيت مب مشكلة ام عيسى ما كنتي خايفة من السفر بروحج ويا البنات و الا الموضوع عادي |
رد: رحلتي الجميله لطوكيو 2015 اقتباس:
هههههههههههههههههههههههههههههه هي تقول تبا تتعلم عشانا ، تبا تفهم رمستنا يوم كنا هناك ونرمس بعض ، تقول انتوا ترمسون بسرعه شو تقولون ؟ لو محد استقبلنا كنا أكيد بناخذ تكسي ، وتكاسيهم نااار غاليه وايد والصراحه ما أدري اذا من مطار هانيدا فيه باصات أو محطة قطار قريبه اقتباس:
هذا مستد حتى يوم عزمناه وحددناله اليوم اللي يناسبنا اعتذر وقال انا مشغول وحتى الهديه ماشكرني عليها شكله استرزاها هههههههههههههه لاماكانت تعرف ولاكلمه الظاهر كانت تسير ع الرحلات المتجه لليابان وهاذيل أكثرهم يابانبه وأجانب والعرب قليلين لا الحمدالله عديت حاجز الخوف من سنوات طويله ، وعادي أقدر أسافر بروحي وبدون أي حد دامنه عندج لغه وخبره فالامر يكون عادي وخصوصا اذا البلد تعرفينها وآمنه بس تصدقين عمري ماحلمت بالسفر بروحي أحب يكون معاي لو مرافق واحد |
رد: رحلتي الجميله لطوكيو 2015 بعد الثراااااء المعلوماتي عن اليابان .. بدأت الراااائعة ( أم عيسى ) بنَظْم يومياتها ماركة ( هداوة ) .. بداية جميلة لأول أيامك اليابانية .. الفندق جدا أنيق ويكفي تقييمك الإيجابي له .. الجدول ماشاء الله مميز ومتنوع .. ننتظر هل تم تطبيقه تماما .. خلال تجربتك .. هل المرشدة ذات أهمية .. إذا درس الشخص اليابان جيدا قبل السفر .. بانتظارك أم عيسى .. لك من التقدير أجلّه .. |
رد: رحلتي الجميله لطوكيو 2015 مساكم الله بالخير وين الجماعه أشوفكم اختفيتوا اقتباس:
ياهلا فيك أخوي كتكات ع فكره لك هديه من اليابان كتكات عمرك ماكلت منه أصناف وايد متنوعه ومنها الحلو ومنها اللي يلوع بالجبد بحطه لك في الاجزاء اليايه بالنسبه للمرشده يعتمد ع الشخص اذا فهيم وعنده خبره وعنده لغه ممكن مايحتاج مرشد بس نحن رغم كل مقومات الفهامه اللي فينا الا اني حسيت اني محتاجتلها حق كم يوم لعدة اسباب أولها انه بنختصر الوقت وبنزور أماكن أكثر ، لأنه لو بروحنا أكيد بنضيع وبنخبص وبياخذ وقت منا ثاني شي وايد أماكن ماكنت أعرف محطاتها ثالث شي وهذا مهم بالنسبه لي اني كنت خايفه من موضوع الاندرجراوند ولكن من تجربتنا حسيته شرات لندن يعني سهل ومتعودين نحن عليه بس يكفي تعرف المحطه المطلوبه وبعد هناك في المحطات الموظفين يساعدونك راوهم المحطه اللي تباها وهم يجهونك ع أي لاين واذا فيه تبديل بس الصراحه المرشده وايد ساعدتني الايام اللي ما تكون فيه معانا تكون مخبرتني أي محطه اسير ووين أنزل واذا فيه تبديل وحتى كانت تحجزلنا الباص لبعض الاماكن يعني هيه ماخلتني أدور وأحتار وأسأل كانت مجهزتلي كل شي رغم انه ممطلوب منها الا ترتب الايام اللي بنكون معاها وهالشي وايد نفعني ووفر علينا جهد ووقت |
رد: رحلتي الجميله لطوكيو 2015 اهلييين اقول هداوي.. دام الجماعه اختفوا..كملي التقرير على الخاص |
رد: رحلتي الجميله لطوكيو 2015 ما شاء الله إيش فيه من معلومات ههههه والله أشياء كثيرة و مهمة جدا الله يعطيك العافية |
رد: رحلتي الجميله لطوكيو 2015 ما قصرتي علي الشرح والتفاصيل يعني رجل اعمال ويساعد الناس ويرد ين تلقاها فيه هالوطنيه قرأت من قبل أن فيه لهم موقع أعتقد كثير يعرضون خدماتهم وبمقابل بسيط صحيح الفكره تغيرت عن قبل من غلاء الاسعار في اليابان الله يسخر لعباده الأخيار متابعين معاك |
رد: رحلتي الجميله لطوكيو 2015 ماشاء الله تبارك الله ام عيسى ابداع والله هذا تقرير ودليل سياحي بنفس الوقت يفيد الكثير من الناس بالرغم من قله المعلومات السياحيه عن اليابان وتقاريرها وهذا يزيد التقرير قوه وقوه اصلا في ان ام عيسى صاحبه التقرير المميز فندقكم في طوكيو شكلله فخم وروعه وراقي جدا احييكم عليه متابعينج عن قرب واصلي ابداعج تحياتي |
رد: رحلتي الجميله لطوكيو 2015 اقتباس:
ههههههههههههههههههههههههههههه فكره حلوه الظاهر جيه بسوي وبعطيج معلومات وبخبرج قصص هم مابيعرفونها :harhar1: اقتباس:
اقتباس:
الله يعافيك وينك مختفي مسجلتنك غياب اقتباس:
اقتباس:
وينك طولت الغيبه :(33): ما اعتبرها وطنيه كثر ما أعتبرها حبا فينا هيه الحمدالله تسخرت وتسهلت لنا اقتباس:
اقتباس:
وأخيرا طليتوا عليه :(35): عانيت من الوحده :yolks00430: شكرا ع كل الكلام الجميل اللي أسعدني :(141): بالنسبه للفندق صح هو حلو وموقعه ممتاز بس الفندق الثاني أحلى وأحلى تابعوني وبتعرفون عنه :(94): |
رد: رحلتي الجميله لطوكيو 2015 اليوم الاول في طوكيو قمنا متأخرين من النوم صباح الخير طوكيو http://i1050.photobucket.com/albums/...psqx0ryk3h.jpg http://i1050.photobucket.com/albums/...psi27whm5j.jpg http://i1050.photobucket.com/albums/...ps2f0gohap.jpg وجهزت الريوق http://www.travelzad.com/vb/images/smilies/0005.gif طبعا انا يايبه انواع من الخبز اللبناني والخبز الايراني حق أول يومين وعندي نيه أسوي مرقوقه بالاضافه الى عدة الريوق من الاجبان والعسل الطبيعي والزيتونات والزعتر والجام وكل لوازم الريوق ومانسينا أنواع الشاي والنسكافيه تايبه من أيام كوريا ، هاي المره مستعده عدل http://i1050.photobucket.com/albums/...ps3oamacxm.jpg لأنه بوعيسى كان واصل قبلنا أمس فهو كان يايب من السوبرماركت فواكهه وماي وخفايف http://i1050.photobucket.com/albums/...pskuhwxsbp.jpg عقب ماتريقنا طلعت مع بوعيسى نتمشى في الفريج هههههه يعني حوالين الفندق وخليت البنات يتجهزون ع راحتهم كان موعدنا مع سايا مرشدتنا الساعه 2 الظهر أول ماطلنا شفنا شجرة الساكورا http://i1050.photobucket.com/albums/...psnrhuka61.jpg وكان عدالنا بقاله صغيره فاملي مارت http://i1050.photobucket.com/albums/...psampfymlx.jpg http://i1050.photobucket.com/albums/...psq0obhe45.jpg دخلت اتفحصها واشوف شو ممكن نشتري منها والصراحه مافيها الكثير من اللي نحتاجه http://i1050.photobucket.com/albums/...ps1dxqjucz.jpg عقب مامشينا مسافه شفت جدامنا جسر ينزلكم ع الجهه الثانيه ماركبناه وسرنا صوب اليمين وشفت هالشارع ومصفوفه اشجار الساكورا من الطرفين http://i1050.photobucket.com/albums/...psi0fltkp2.jpg بس هالشارع شويه صعده وكان ودي استكشفه بس مابغيت أستهلك طاقتي ورجعنا من صوب فندقنا ومشينا في الاتجاه المعاكس يعني المره الاولى من طلعنا من الفندق لفينا صوب اليمين الحين ردينا صوب اليسار ومشينا مسافه وشفت كوفي حلو حق الريوق بس ماجربناه http://i1050.photobucket.com/albums/...psoga7udjx.jpg وكملنا سيده بس ماشفت شي يذكر ماعدا سوبرماركت شويه كبير وهو سفن الفن http://i1050.photobucket.com/albums/...ps2gvstfge.jpg مادخلناه لضيق الوقت http://i1050.photobucket.com/albums/...pssccmbzil.jpg ومقابلنه جسر ماقدرنا نعبر ونمشي في هاذيج الجهه لأنه بنتأخر ع موعدنا مع سايا http://i1050.photobucket.com/albums/...ps7uzpqm2m.jpg عقب ماخلصنا جولتنا أنا وبوعيسى رجعنا الفندق أول مادخلنا اللوبي الا نشوف سايا ويالبنات في استقبالنا أنا تفاجأت فيها اني شفتها حلوه وانيقه وصغيره وهي بعد تفاجأت فينا وقالت لبوعيسى انته محظوظ انه معاك 3 حلوات بسم الله علينا بعد ماتعرفنا ع بعض وسلمنا ع بعض قلتلها اول شي أبا أسير محل دزني اللي في شيبويا عشان نبا نحجز التذاكر من الحين خذت موقع محل دزني من الفندق وانطلقنا لمانطلع من فندقنا ونمشي في جهة اليمين بعد مسافه بسيطه نركب الجسر ونعبر للجهه الثانيه واللي فيها الحياه شيبويا وهي منطقه تعج بالحياه وفيها تقاطع شيبويا الشهير وفيها الكثير من المطاعم والكوفيهات ومن هالكافيهات ستاربكس اللي يطل ع تقاطع شيبويا ومنه تقدرون تصورون هالتقاطع من فوق وكافيه كي كي ولا لا وغيرهم وفيها مولات مثل مول 109 وغيرهم والكثير من المحلات من بينها محل دزني ومحل ون بيس بالاضافه الى وجود محطة شيبويا فيها محطة القطارات جي آر http://i1050.photobucket.com/albums/...ps82fnby9q.jpg ومحطة الميترو http://i1050.photobucket.com/albums/...ps11za63i3.jpg هذا محل للكريمات وهو محل فرنسي ومعروف وله فروع حول العالم لكن المميز في طوكيو واللي ماشفته في أي مكان انه فوقه كوفي ومطعم تابع له والجميل انه يطل ع تقاطع شيبويا http://i1050.photobucket.com/albums/...psuudrmzvp.jpg http://i1050.photobucket.com/albums/...psathzymcf.jpg في هاي العماره ستاربكس وهو مطل ع تقاطع شيبويا http://i1050.photobucket.com/albums/...pscnswgv1u.jpg شوفوا الناس كيف واقفه تنتظر تولع الاشاره الحمراء وهنيه عاد المنظر الرهيب خصوصا وقت الزحمه تشوفون الناس تقطع الشوارع من عدة جهات ويامحلات شكلهم اذا يطيح مطر تلقون أغلبهم بالمظلات الصراحه منظر مابتشوفونه الا في طوكيو http://i1050.photobucket.com/albums/...psm6ok0t5k.jpg https://www.youtube.com/watch?v=nFP_zik2vEU بتشوفون وايد ناس تلبس كمامات ومنظرهم متعودين عليه مره سألت سايا قلتلها ليش هاذيل يلبسون كمامات ، قالت انه فيه ناس عندها حساسيه من الجو وخصوصا في الربيع وسمعت بعد مره انه فيه ناس اذا فيها زكام أو رشح تلبسه عشان مايعادون حد واعتقد ممكن ناس تلبسه عشان ماتيها عدوه من حد http://i1050.photobucket.com/albums/...psf2uh3zei.jpg وهذا مول 109 http://i1050.photobucket.com/albums/...psng5wn2ms.jpg http://i1050.photobucket.com/albums/...pshcg6alem.jpg محلات معروفه مثل زارا http://i1050.photobucket.com/albums/...psqomx3npp.jpg http://i1050.photobucket.com/albums/...pssdsobgk6.jpg طبعا المنطقه كبيره وبعطيكم صور اضافيه عنها في اجزاء قادمه الحين وصلنا محل دزني ستور http://i1050.photobucket.com/albums/...psmuhxybkr.jpg http://i1050.photobucket.com/albums/...pstelgdwft.jpg المحل يتكون من ثلاث طوابق وماشاءالله كان متروس http://i1050.photobucket.com/albums/...ps0h3lzjd6.jpg http://i1050.photobucket.com/albums/...pseaotdsdz.jpg http://i1050.photobucket.com/albums/...psjr0rsq3x.jpg http://i1050.photobucket.com/albums/...ps0iv36gcj.jpg والمشكله انه الكاونتر اللي نقطع منه التذاكر كان في الدور الثالث وماحصلنا جدامنا غير هذا الدري ( السلم ) http://i1050.photobucket.com/albums/...psiortdipb.jpg ماصدقنا انه وصلنا ، انقطع نفسنا ، مول ماشي لياقه نحن بعدنا ماتفسحنا تونا نقول بسم الله وريولنا تكسرت الله يعينا ع اللي ياي حجزنا التذاكر حق يومين ، يوم 8 حجزنا تذاكر دزني سي سعر التذكره للكبير = 4200 ين ويوم 10 حجزنا حق دزني لاند سعر التذكره = 4200 ين عقب ماخلصنا ع طول طلعنا من المحل ماكان في نيتنا نتشرى تونا واصلين وغير جيه حاطين في بالنا نشتري من مدن الالعاب طلعنا من دزني ستور http://i1050.photobucket.com/albums/...psqzdlu1qv.jpg وع طول اتجهنا للمحطه نشتري بطاقة الميترو ونبدأ انطلاقتنا الاولى لأول وجهه سياحيه تابعوني .. وشاركوني بتعليقاتكم وآرائكم ولا http://www.travelzad.com/vb/images/smilies/img_570.png |
| الساعة الآن 10:32 AM |
Powered by vBulletin® Copyright ©2000 - 2025, Jelsoft Enterprises Ltd.
Search Engine Optimization by vBSEO