|
رد: ياعيون الكون غضي بالنظر ،، اتركينا اثنين عين تحكي لعين (تقرير تايلند) انا رحت لقريه الأعناق الطويله حرام والله يكسرون الخاطر احسهم مزنووووووطين اي جمال هذا اللي يحبسون فيه رقبه المرأه بحلقات حديد وعلى فكره حتى للقدم يحطون :(7): وعنهم مشغولات يدويه حلوة يعرضونها واغلبهم مسلمين حسب ما بلغنا قائد الرحلة يومها حلوة للزيارة مرة بس متابعتك ،،،،،،، |
رد: ياعيون الكون غضي بالنظر ،، اتركينا اثنين عين تحكي لعين (تقرير تايلند) اقتباس:
صحيح قرية الاعناق الطويلة هم اللي يحطون حلق في ارقابهم الين تصير طويلة .. ما ادري من لاعب عليهم وقايل ان هالشي حلو ! حياك اخوي طارق اقتباس:
تسلم وابشر باللي يسرك اقتباس:
اقتباس:
اقتباس:
مشكور اقتباس:
الله يعافيك وحقين الارقاب من شفت صورهم في بروشور الرحلات ما اعجبوني اشكالهم بايخه :(157): اقتباس:
ملعوب عليهم يابنت الحلال واعجبتهم الشله انها تجيب لهم سياح ودخل مادي ، اما جمال فما اظن :(59): مشكورين والجزء القادم عن بوكيت استعدوا |
رد: ياعيون الكون غضي بالنظر ،، اتركينا اثنين عين تحكي لعين (تقرير تايلند) عدنا .. وصلنا لموعد السفر من شانق ماي الى بوكيت بعد ان قضينا فيها 4 ليالي كانت موفقه ولله الحمد ... بوكيت وصلنا بحمد لله وقوته الى جزيرة بوكيت بعد رحلة طويلة بعض الشيئ حدود الساعتين .. لبعد المسافة بين شانق ماي في الشمال وبوكيت في الجنوب .. جزيرة بوكيت تعد من افضل الجزر في العالم لنظافة شواطئها وصفاء مياهها وكان لها نصيب الأسد من عدد ايام الرحلة 6 ايام تقريباً وفضلت اقسمها لقسمين .. قسم عبارة عن ليلتين في منتجع موفنبيك في شاطئ الكارون وقسم 4 ليالي في فندق الهولدي إن في شاطى الباتونق الغرض من التقسيم ان المدة طويلة ومنطقة الباتونق على ما سمعت عنها انها مليانه سياح وصجه ولجه شوي فقلت اخلي يومين للاسترخاء والباقي اروح للباتونق .. طلعنا من المطار وتوجهنا بالتاكسي لفندق الهولدي إن مقر اقامتنا ... مدخل الفندق جميل .. وشكل اللوبي مميز .. استقبلونا الجماعة استقبال جميل كعادتهم وعطيناهم فوشرات الحجز وقالوا حظكم زين .. قلنا الحمد لله بس وش السالفه ؟؟ قالوا غرفتكم غير جاهزة الحين لذلك راح نعطيكم غرفة افضل من حجزكم واكبر .. قالوا انتظروا شوي الين تجهز الغرفه وودونا للكوفي وقالوا اطلبوا على حسابنا واخذنا قهوه وانتظرنا الى ان جهزت الغرفة ... طبعاً حجزي كان بسعر 410 ريال لليلة مع افطار الفندق موقعه ممتاز يعني تطلع وتلقى البحر قدامك ومن الجهة الثانيه تلقى الشارع الموازي للشاطى كله محلات ومطاعم عربية ومكاتب سياحية وكل شي .. لما دخلنا الغرفة صراحة ما توقعناها بهالفخامة والجمال .. وحمامها تكرمون غرفة لحاله ومعها بلكونه كبيرة مطلة على المسبح .. وهذي صور الغرفة وهذا الحمام (تكرمون) وهذي البلكونه مع اطلالتها على المسبح ارتحنا شوي ورتبنا اغراضنا وقلنا نطلع شوي نستكشف المكان ومنها نحجز برنامج مسائي عشان نستغل باقي اليوم ونحجز حق الايام الجايه رحلات .. البرنامج المسائي بكل تأكيد بيكون الذهاب لعرض الفنتازيا (FantaSea) الغني عن التعريف واللي راح اتكلم عنه ان شاء الله .. رحت اللوبي ابشوف سعر الفنتازيا واقارنها بالسعر خارج الفندق واللي دايم ما يكون ارخص .. وطلع سعرها موحد من الشركة نفسها واخذتها بدون عشاء عروض فقط مع التوصيل ذهاب وعودة ومقاعد ذهبية بـ 1650 بات للشخص تقريباً 182 ريال تقريباً . بالنسبة للمقاعد الذهبية هذي يكون موقعها ممتاز وفي وسط مسرح العرض .. وراح اتكلم عنها بتفصيل اذا جاء وقتها .. طلعنا نستكشف المكان ومرينا الشاطئ ( الباتونق) .. طبعاً نظامه العاب بحرية واكشنه وعالم زي النمل بعكس شاطئ الكارون اللي فيه هدوء واسترخاء وخالي من الالعاب البحرية .. لقطات من الشاطئ بعدها اخذت لفة في الشارع الخلفي للفندق وماشاء الله كل شي تبيه موجود ومتوفر واخذت فكره عن بعض المطاعم العربية الموجودة وعن المحلات بشكل عام .. المهم فيه مكتب سياحة وسفر في نفس هالشارع اسمه (سارة) سمعت عنه من واحد من الشباب وقالي ان صاحبه شخص اماراتي فقلت نروح نحجز منه بحكم انه عربي ومنا وفينا وناخذ راحتنا في الكلام .. لقيت المكتب ودخلت عنده وما قصر الرجال قعد يشرح لي عن الرحلات ودردشت معه شوي وحجزت من عنده على ثلاث رحلات اللي هي : - رحلة الى جزيرة جيمس بوند - رحلة الى الرافتينق - رحلة الى جزيرة بي بي ايلاند شاملة السيارة من والى الفندق مع وجبة غداء وعصيرات وفواكه وماء وشاي وقهوة واتفقنا على اوقات الرحلات ومتى تجي السيارة وغيرها .. وراح اتكلم عن كل رحلة بالتفصيل ان شاء الله .. وبالنسبة للمكتب للامانه زيه زي غيره يعني ماشفت فيه فرق الا انه اخ عربي بس .. وهذي صورة للمكتب طلعت بعدها من عنده ورحت اشتري بعض الاغراض واللي انصح الجميع بها في رحلات بوكيت ... وهي: • كريم واقي من الشمس للوجه وللجسم لانه في يوم واحد بيقلب جسمك اسمر وممكن تحس بحرق وحرارة في جلدك • كاب او أي شي تغطي به رأسك من حرارة الشمس لانك بتتعرض للشمس وقت طويل في القوارب • ملابس بحر من شورتات سباحة وبنطلونات برمودا وفوطة وشبشب • نظارة شمسية • كاميرا تصور تحت الماء (اذا امكن) لان فيه غوص وممكن تفيدك في الامكان اللي تتعرض فيه للماء غصب عنك .. ومثل هالنوع من الكميرات يصلح تحت الماء وللتصوير العادي بعد .. بعد ما رتبت نفسي للرحلات رجعنا للفندق للاستعداد للفنتازيا واللي يبدأ الساعة 9 مساءً عروض الفنتازيا (FantaSea Show) هي عبارة عن مدينة ترفيهية فيها مسرح للعروض ومحلات لبيع الاشياء التذكارية ومطعم كبير .. واللي يهمنا هي العروض .. هي عبارة عن عروض في مسرح مغلق وكبير .. وتحكي قصة التراث التايلندي على مر العصور وتعتمد العروض على الليزر والاصوات واستخدام الحيوانات في التمثيل مثل الفيلة والنمر والماعز والدجاج وغيرها .. وبصراحة عروض ممتعة جداً يعني فيها اتقان عجيب من قبل الانسان والحيوان والاخراج عالمي .. استمتعنا فيها وراح الوقت في غمضة عين .. تبدأ الساعة 9 مساءً ومدة العرض تقريباً ساعة وربع .. هذي بعض الصور لمكان قص التذاكر وللمكان قبل الدخول للعروض .. للاسف ان الكاميرا بجميع اشكالها ممنوع دخلوها للعرض ’ ويستلمون منك أي كميرا سواء فيديو او ثابت ويعطونك رقم واذا طلعت من العرض تستلم كميرتك .. حتى الاكل والشرب ممنوع تدخل به .. وتنظيمهم مميز في الدخول والخروج واستلام الكميرات .. بعد ما انتهى العرض طلعنا نتمشى شوي في المكان وشرينا بعض الاشياء التذكارية ولقينا الباصات تنتظرنا برا وكل شي منظم وكل شخص يتجه للباص اللي جاء معه ويشيكون على الاسماء والفنادق قبل لا تركب يعني شغل نظيف .. ورجعنا للفندق بعد قضاء ليلة ممتعة مع عروض الفنتازيا اللي انصح بزيارتها لاي شخص يجي جزيرة بوكيت .. من بكره راح تبدأ اولى الرحلات البحرية وهي رحله الى جزيرة جيمس بوند |
رد: ياعيون الكون غضي بالنظر ،، اتركينا اثنين عين تحكي لعين (تقرير تايلند) جزيرة جيمس بوند James Bond Island اسمها المحلي (Koh Tapu) وسميت بجزيرة جيمس بوند لان الممثل البريطاني ( Roger Moore ) صور فيها فيلم "The Man with the Golden Gun" عام 1974م فاشتهرت بهالاسم .. سعر الرحلة للشخص : 1700 بات (189ريال) انطلقنا صباحاً لرحلة جيمس بوند .. اخذنا الميني باص مع بعض السياح لموقع التجمع في الميناء ومنه تنطلق السفن للرحلات السياحية .. وصلنا واستقبلونا ووجهونا للمركب اللي بتكون عليه الرحلة وجلسنا ننتظر الين اكتمل العدد وفي هالفترة متاح لك الشاي والقهوة والماء والعصيرات .. بعدها بدا يتكلم المسؤول عن الرحلة ويشرح لنا خطة السير ويورينا على الخريطة وين بنروح وعطانا كل التعليمات عن الرحلة وانطلقنا على بركة الله والاجواء مشمسه شوي مع بعض الغيم وهذي صورة للسفينة من الداخل طبعاً ما يعيب الرحلات البحرية من وجهة نظري هي طول المسافة يعني لو تحسب الرحلة كاملة يمكن اكثر من نصفها في الطريق للجزر روحه ورجعه ... صحيح المناظر حلوة لكن يحس الواحد بالملل شوي .. خاصة ان الجو مشمس بشكل عام واوقات الرحلات في عز النهار .. المهم واحنا في الطريق مرينا ببعض الجزر الصغيرة إلى ان وصلنا للمحطة الأولى وهي عبارة عن جزيرة فيها كهوف وراح نركب القوارب المطاطية لدخول الكهوف والوصول لمنطقة في وسط الجزيرة طبعاً كل قارب فيه شخص يقوده ويقدم بعض المعلومات عن الجزيرة وراكبين فقط لانه صغير وطويل عشان يساعده في دخول الكهوف .. توقفت السفينة وبدوا العمال ينزلون القوارب المطاطية وركبنا باتجاه الكهوف وهذا تبع الشركة قاعد يصور الناس عشان اذا رجعنا من الرحلة يعرضون علينا الصور مطبوعه وبالبرواز للبيع ولك الخيار في الشراء .. قعدنا نتجول في المكان صراحة طبيعة رائعة يعني جبال صخريه اشكالها غريبة وكلها اشجار وبعدها توجهنا للكهوف .. وبلغونا ننزل باجسامنا لتحت لان الالمكان ضيق وفيه ممرات السقف قريب جداً بعهدها طلع المكان ظلااام واعطونا تريك مع كل قارب عشان نشوف الطريق ونشوف التكوينات الصخرية العجيبة .. ومرينا بأحجار كرستاليه تطلع انعكاسات حلوة مع الاضاءة ... بعدها طلعنا لمكان بين الجبال وتوجهنا لمكان ثاني والمكان مليان سياح من رحلات ثانية وصاير المكان كلها زحمه بالقوارب المطاطية بس كان الجو حلو بين الجميع والكل مبتسم بعدها رجعنا للسفينة وتوجهنا لجزيرة جيمس بوند وصلنا لجزيرة جيمس بوند وصراحه المكان زحمة زحمة بالسياح يعني الواحد ما ياخذ راحته في التصوير او التمشي .. اول ما وصلنا للمكان لقينا هالسوق الصغير يبيعون فيه اشياء يدويه وشغلات كثيرة وفيه حجر كبير منقص من الجبل شكله غريب بس ما قدرت اصوره زين من زحمة السياح وهذي صخرة جيمس بوند اللي قفز نها في الفيلم :(37): .. جلسنا في المكان يمكن 30 – 40 دقيقة وبعدها مشينا من المكان توجهنا لجزيرة ثانية وراح يكون فيها دخول في الكهوف بالقوارب المطاطية .. هذي صورة العمال نزلوا القوارب من السفينة مشينا لاول كهف وطلع ضيق مره وزحمه عنده والحمد لله عدينا هالمنطقة الضيقة بس فيها متعه ومغامره ووصلنا لمنطقة وسيعه بين الجبال بعهدها طلعنا من المكان وشوفوا الزحمه في المكان ههههه وهذي صورة السواق حقنا الله يذكره بالخير .. من مواليد هالجزر اللي سكانها مسلمين يعيشون على الصيد والسياحة عدها قدموا لنا الغداء في السفينه عباره عن بوفيه بسيط فيه رز ودجاج وسمك وفاكهة ومشروبات وبعد الغداء شربنا الشاي والقهوة الى ان وصلنا للمحطة الاخيرة وهي جزيرة راح نتوقف فيها للسباحة والاسترخاء تمشينا شوي في الجزيرة .. فيها كشك صغير ودورات مياه (تكرمون) تدخلها بفلوس يعني تدفع 20 بات ويعطونك مناديل وتدخل .. لكن من جوا رايحه وطي يعني تتحسف انك دخلتها لكن ربك يعين ههههه http://www.sfari.com/forums/images/smilies/075.gif لقيت الشباب التايلنديين اللي معنا في القوارب يلعبون لعبة تايلنديه عباره عن كوره من الخشب يتناقلونها بينهم بالرجل بدون ما تطيح على الارض ودخلت معهم اطقطق شوي وانواع الضحك :(47): وفي النهاية صارت رجلي حمراء هع هع ما ادري كيف يلعبون بها !! بعدها انتهى الوقت المحدد وركبنا السفينة ورجعنا بعد رحلة ممتعة ومنوعة ومرهقه في نفس الوقت لانها من الصبح إلى المغرب وراح اتوقف هنا والجزء القادم ان شاء الله عن رحلة الرافتنق في جبال بوكيت ومافيها من مغامرات وتجارب الى اللقاء |
رد: ياعيون الكون غضي بالنظر ،، اتركينا اثنين عين تحكي لعين (تقرير تايلند) هلعتني على هالرحلة مامريتوا على جزيرة المسلمين كوه بانيي مفروض من ضمن الرحلة البحرية بعد أسبوع طلع لكوه بانيي |
رد: ياعيون الكون غضي بالنظر ،، اتركينا اثنين عين تحكي لعين (تقرير تايلند) بصراحة الفندق روعة وسعره مناسب جدا يعيك العافيه اخوي فهد |
رد: ياعيون الكون غضي بالنظر ،، اتركينا اثنين عين تحكي لعين (تقرير تايلند) اقتباس:
يا هلا فيك مرينا مرور سريع على مكان قالوا ان سكانه مسلمين وعايشين على الصيد وصراحة ما ادري هل هي نفس اللي ذكرت او لا . |
رد: ياعيون الكون غضي بالنظر ،، اتركينا اثنين عين تحكي لعين (تقرير تايلند) اقتباس:
الله يعافيك .. والفندق رائع وموقعه مميز وسعره فيه .. |
رد: ياعيون الكون غضي بالنظر ،، اتركينا اثنين عين تحكي لعين (تقرير تايلند) اجمل شي عجبني في بوكيت رحلة الرافتنغ والانشطة اللي فيها في انتظار انطباعك عنها تحياتي |
رد: ياعيون الكون غضي بالنظر ،، اتركينا اثنين عين تحكي لعين (تقرير تايلند) احس ان االلي ما يحب البحر بيمل واسعارهم اعجبتني 6 ايام هل هي مناسبه |
رد: ياعيون الكون غضي بالنظر ،، اتركينا اثنين عين تحكي لعين (تقرير تايلند) أهلا بالمبدع والمميز دااائما ( فهد ) اجتمعت الطبيعة والجمال مع يد تجيد صيده بزوايا واحترافية .. أظهرت لنا صورة راااااائعة عن البلد بكل مافيه .. لم تجعل لنا أي تساؤل .. بارك الله بجهدك .. الهوليدي إن جدا مميز ( أعجبني الفندق كثيرا ) ومتحمس للموفنبيك .. جولاتهم وفعالياتهم فعلا مميزة وممتعة وتغطي يومك بالراحة .. وأسعارهم رخيصة .. أعجبني تخطيطك من البداية .. دائما أساس النجاح التخطيط المبكر .. تقرير يعطيك رسماً لسفرٍ تايلندٍ 5 ستارز .. يبقى بس تجديد الجواز �� استمر .. أنت من المبدعين الذين يشبعون الذائقة تماماً .. |
رد: ياعيون الكون غضي بالنظر ،، اتركينا اثنين عين تحكي لعين (تقرير تايلند) اقتباس:
رحلة الرافتنق كانت كلام ثاني .. ان شاء الله راح اغطيها ضمن التقرير مشكور اخوي على التعليق |
رد: ياعيون الكون غضي بالنظر ،، اتركينا اثنين عين تحكي لعين (تقرير تايلند) اقتباس:
اما الاسعار آآآه يا ناس :(47): رخص التراب بالمقارنة لاسعارنا في الخليج و6 ايام مناسبة جداً |
رد: ياعيون الكون غضي بالنظر ،، اتركينا اثنين عين تحكي لعين (تقرير تايلند) اقتباس:
صرحة ما ادري كيف يقدر الواحد يرد عليك .. ما شاء الله اسلوب ولباقه وتميز :(125): بخصوص الموفنبيك راح افرد له مساحة من التقرير شاملة لكل مرافقه بمشيئة الله وصدقت كل شي حلو في تايلند الا تجديد الجواز :(155): مشكور يا غالي ولا تحرمنا من تواصلك . |
رد: ياعيون الكون غضي بالنظر ،، اتركينا اثنين عين تحكي لعين (تقرير تايلند) الصور رووووووووعه يازين رحلة جيمس بوند زينااااااااه لازم كل سفرة نروح لها لكن عند هالقارب وما انزل لو تنقلب الدنيا :(2): والعيال وابوهم يضحكون علي ويحاولون يقنعوني لكن لا والف لاااااااااااااااااا ما انزل روحوا حافظكم ربي وانا اطالعكم من بعيد اخاف من الماي واحس انه القارب بينفش واغرق :(38): :(3): |
رد: ياعيون الكون غضي بالنظر ،، اتركينا اثنين عين تحكي لعين (تقرير تايلند) جزء رائع ماشاء الله صور روعة متااابع وياااك يالغالي شكرا لك |
رد: ياعيون الكون غضي بالنظر ،، اتركينا اثنين عين تحكي لعين (تقرير تايلند) اقتباس:
اقتباس:
حياك يالغالي وشاكر لك متابعتك |
رد: ياعيون الكون غضي بالنظر ،، اتركينا اثنين عين تحكي لعين (تقرير تايلند) نكمل معكم تقريرنا عن جزيرة بوكيت الرائعة الرافتنق (Whitewater Rafting) الرافتنق عبارة عن ركوب الزوارق المطاطية داخل النهر وبصراحة مغامرة ممتعة جداً وراح اتكلم عنها ان شاء الله بتفصيل اكبر في هذه الرحلة سعر الرحلة للشخص : 1900 بات = 211 ريال تقريباً شاملة ركوب الفيلة والجواميس والدراجات النارية وركوب الرافتنق (5كيلو) مع المواصلات من والى الفندق انطلقنا في الصباح الباكر وبالتحديد عند الساعة 8 صباحاً .. اخذنا الميني باص الى مكان التجمع وطلعنا في باص كبير مع مجموعة من السياح الى الرافتنق وبصراحه موقعه بعيد جداً لانه يقع في شمال جزيرة بوكيت وبالتحديد في منطقة الجبال .. توكلنا على الله وقطعنا الطريق في اكثر من ساعة وفي هالوقت المرشدة السياحية تعطينا معلومات عن الرحلة والاماكن اللي راح نجيها ,, وصلنا لاول محطة وهي عبارة عن منتجع فيه بعض الفعاليات البسيطة .. بدينا بركوب الفيلة .. تاخذك في جولة بين الاشجار بعد جولة الفيلة رحنا لمضمار الدبابات .. تاخذ لفتين بالدباب بعدها ركوب عربة خشبية تجرها الجواميس بعدها رحنا لمكان عروض الفيلة .. يعني تسوي حركات استعراضية ومساج لبعض الجمهور هذا شاب كويتي خربها وتطوع ياخذ مساج من بين الجمهور هههه يا رب يشوف صورته في هالتقرير وبعد عروض الفيلة طلعنا من المكان ورجعنا للباص عشان ياخذنا للمحطة التالية .. لكن قبل الانتقال حبيت اوضع ان الفقرة الاولى من الرحلة عادية جداً ووقتها قصير فاذا بالامكان الغاءها من البرنامج والابقاء على الرافتنق فقط يكون افضل واوفر من وجهة نظري .. انتقلنا للمحطة الثانية وهي الرافتنق .. توقف بنا الباص ووزعونا على سيارات عشان ننتقل لمكان الرافتنق لانه في مكان مرتفع وصعب الباص يوصل له .. وركبنا في صندوق السيارة والسواق حاط رجله ويمشي بسرعة بس الطريق حلو وبين الغابات وصلنا لمكان الرافتنق وهو عبارة عن نهر مليان احجار كبيرة مسوين فيه سد يحبسون المويه ويجهزون الزوارق المطاطية وكل زورق يركب فيه 4 اشخاص بالاضافه لشخصين يقودونه ويوجهون الركاب للتجديف بعد ما تجهز الزوارق يفتحون السد وتدفعك المويه في النهر وتواجه احجار تسوي لك مطبات وطوله 5 كيلو صراحة تروح في غمضة عين من متعة التجربة طبعاً يعطونك وسائل سلامه مثل الخوذة وسترة النجاة ويوفرون لك صناديق تحط فيها اغراضك وتاخذ المفتاح معك اول ما وصلنا للمكان شربنا بعض الشاي والقهوة والمرطبات في الاستراحة وعطونا بعض التعليمات عن الركوب وطريقة التجديف وشرحوا لنا الوضع بشكل عام .. بدوا العمال ينزلون الزوارق على جال النهر ويتأكدون من سلامتها بعدين وزعونا كل 4 في زورق وركبنا وعطونا مجاديف وتجلس على طرف الزورق وتدخل رجلك في الحبال الموجودة اسفل الزورق عشان تثبت .. ويفتحون السد وتنطلق الزوارق .. يمكن في حدود الثلاثين زورق او اكثر وهذا اللي عطى التجربة متعة وحماس ونمشي بسرعة وكل حجر يصادفنا او نزله يكون فيها اهتزاز وقفز للزورق لكن الحمد لله بدون ما نطيح لان الوضع جيد والمكان ماهو بذيك الوعوره والطريق كله متعه وضحك وصراخ .... وفي نص النهر فيه استراحه مائية وسيعه ننتظر في القوارب لمدة 5 دقايق وبعدها نكمل الانطلاق وكل ناس يرشون المويه على الزورق اللي جنبهم بالمجاديف ههههه والكل يضحك ويمزح مع الثاني والطريق كله مطبات ومطافش الى ان وصلنا للنهاية وهذااجمل مافي الرحلة لان فيه متعة وتجربة جديدة ... ومن الاستحاله التصوير في هالمكان لانك تنزل رابص مويه وكل اهتزازات فما قدرت اصور التجربة في وقتها .. تمنيت معي كاميرا قو برو كان قدرت اوثق المغامرة لكن خيره ان شاء الله بعد ما انتهينا من الرافتنق اخذونا بالسيارات لنفس المحطة اللي حطينا فيها اغراضنا ولما وصلنا لقينا وجبة الغداء مجهزه عباره عن بوفيه مفتوح تغدينا وشربنا الشاي وريحنا وبعدها خذونا لشلال داخل الغابة للسباحة وبعد السباحه رجعونا بالسيارات للمحطة اللي فيها الباص وبكذا انتهت رحلة الرافتنق الممتعة ورجعنا للفندق قبل المغرب بقليل منهكين من الرحلة .. لذلك انصح اللي يروح فوكيت ومعه عدد ايام كثيرة يخلي يوم رحلة ويوم راحة لان الرحلات فيها ارهاق .. حتى اذا رجعت اخر النهار تصير تعبان ولا تقدر تلف بالليل وتتمشى من التعب .. |
رد: ياعيون الكون غضي بالنظر ،، اتركينا اثنين عين تحكي لعين (تقرير تايلند) حاب اركز في هالجزء على منتجع موفنبيك واعطيه مساحة من التقرير منتجع موفنبيك (Movenpick ) ذو 5 نجوم يقع منتجع موفنبيك على شاطئ الكارون ويبعد عن المطار 45 إلى 50 دقيقة تقريباً .. وهو عبارة عن منتجع ضخم فيه فندق على نظام الغرف وفلل واكواخ معها مسابح خاصة .. والمنتجع يحتوي على مسابح وصالة لممارسة الرياضة من اجهزة حديد ولياقة وغيرها وصالة للبلياردو وتنس الطاولة وقسم خاص بالمساج بجميع أنواعه ومطاعم وكوفي شوب يقدم جميع أنواع القهوة وموفرين فيه أجهزة كمبيوتر وانترنت بالمجان ومن الخلف تطلع من المنتجع تدخل على طول لشاطئ الكارون .. يعني ما يحتاج تطلع منه ابد .. لذلك خليته للاسترخاء والهدوء المنتجع له مدخل خاص وحرس .. والأمن في كل مكان من المنتجع لكبر مساحته .. سعر الليلة فيه بـ 480 ريال شاملة الافطار .. طبعاً انا ماخذ اقل مواصفات يعني غرفة عادية لا اطلاله ولا غيره .. بس معها بلكونه .. وراح افصل فيه شوي بحكم اني جلست فيه يومين الفندق بشكل عام جميل ومريح والغرفة متوفر فيها كل شي .. وسعره برخص التراب اذا قارناه بمنتجعات الخبر او جدة ولافيه وجه مقارنة :(59): وهذي بعض الصور للفندق والمنتجع بشكل عام .. وهذي البلكونة وهذي ممرات الغرف والاماكن المطله عليها وهذا اللوبي وهذي جلسات على شكل اقفاص وهذا واحد من المسابح وفيه ملعب كرة مائية صغير وهذي صور للمنتجع وبعض مرافقه مسطحات خضراء واشجار وهذي لوحات ارشادية في المنتجع وهذي الاكواخ اللي فيها مسابح خاصة بس احجامها صغيرة اذا حبيت تروح للبحر فأول ما تطلع من المنتجع من البوابة الخلفية تقطع الشارع وتحصل شاطئ الكارون يعني على بعد خطوات من المنتجع ... صراحة شاطى نطيف وحلو وهادي جداً ومناسب للاسترخاء يعني مافيه العاب مائيه من دبابات بحرية وبرشوت وغيرها وممتاز للراحة والتمتع بالطبيعة والاسترخاء .. وهذي بعض الصور له وهذي لحظة غروب على الشاطئ وهذا واحد من المطاعم في المنتجع .. وحياكم الله على بيتزا سي فود http://www.sfari.com/forums/images/icons/grins.gif الحمد لله على النعمة ولكن مشكلة شرق آسيا الاكل .. بجد ملينا من السي فود والخضار .. حتى الدجاج واللحم ما نقدر ناكله لان ذبحه ماهو على الطريقة الاسلامية ماعدا المطاعم العربية والاسلامية واشتقنا لكبسات الرز والطبخات الحلوة في بلدنا لكن الحمد لله على كل حال .. http://www.sfari.com/forums/images/smilies/praying.gif نرجع للمنتجع وكيفية قضاء الوقت فيه .. ... عندك صالة الحديد واللياقة وعندك صالة البلياردو وتنس الطاولة وممكن قضاء الوقت بالسباحة او الانترنت المجاني الموجود في الكوفي شوب .. وهذي لقطة وداع لشاطئ الكارون على أمل العودة في يوم ما :(40): وبكذا انتهى هذا الجزء وان شاء الله نكمل معكم في الجزء القادم رحلة الى جزر بي بي ايلاند وتجربة الغطس تحت الماء.. شكراً على المتابعة |
رد: ياعيون الكون غضي بالنظر ،، اتركينا اثنين عين تحكي لعين (تقرير تايلند) يا سلام جزء مليء بالإثارة الرافتينج رائع جداً ،،،، برأيك مسموح الاطفال ؟؟ الفندق رائع جداً ،،، السعر رخيص جداً بالمقارنة مع فنادقنا صور الغروب مذهلة وصور الشاطئ ابداع لا متناهي تسلم ايدك مستمتعين ومتابعين |
رد: ياعيون الكون غضي بالنظر ،، اتركينا اثنين عين تحكي لعين (تقرير تايلند) الله يدييم الرخص يا اخي خليك من الخبر وجده اديس ابابا السيراتون لا يقل سعره عن 250 $ اسيا فنادقها رخيصه حتي الفعاليات اشوفها رخيصه مره يعني ممكن تكون مكلفه علي العوائل اللي معاهم أطفال فقط ذكرني ان فتحنا قسم للفنادق في بابه تايلند نسوي نسخه من تقريرك عن موفنبيك شكرا لك |
رد: ياعيون الكون غضي بالنظر ،، اتركينا اثنين عين تحكي لعين (تقرير تايلند) والله استمتعت بتقريرك اخوي فهد ورحلتكم مرتبة بشكل رائع جدا واسعار الفنادق جدا مقبولة زي ما قال اخونا فيصل الله يعطيك الف عافية على ها التقرير الرائع |
رد: ياعيون الكون غضي بالنظر ،، اتركينا اثنين عين تحكي لعين (تقرير تايلند) جزء جميل جدا ( فهد ) الرافتينق .. نشاط ترفيهي أعتبره الأميز في شرق آسيا .. جربته في جزيرة ( بالي ) ١٤ كيلو .. بس بدون فعاليات فقط وقت للسباحة ووجبة غداء .. والسعر ١٢٠ ريال للشخص .. منتجع الموفنبيك .. فاااااخر خصوصا ملحقاته و توابعه .. فقط الغرفة حسيت الفندق الأول أجمل كغرفة .. طبعا أنا حكمت من الصور .. أنت فقط من يقيّم التقيم الصحيح .. لحظات الغروب .. لمساتك كمصور مبدع ظهرت بقووووة ( كانت صور للتأمل ) بانتظارك الجزيرة التي ذكرت .. |
رد: ياعيون الكون غضي بالنظر ،، اتركينا اثنين عين تحكي لعين (تقرير تايلند) جزء رائع متااابع وياااك يالغالي يعطيك العافية فهد |
رد: ياعيون الكون غضي بالنظر ،، اتركينا اثنين عين تحكي لعين (تقرير تايلند) الرافتنغ والشلال السري من اجمل ذكرياتي عن بوكيت كان يوجد سكاي فوكس بجانب الرافتنغ هل جربته؟ صور الفندق والشاطئ جميلة جدا سلمت يداك |
رد: ياعيون الكون غضي بالنظر ،، اتركينا اثنين عين تحكي لعين (تقرير تايلند) اقتباس:
اقتباس:
الرافتنق صراحة ماشفت اطفال وبيني وبينك صعب عليهم لان الوضع كله نزول وطلوع وانت يالراكب ماسك في الحلقات حقات الزورق يعني شوي صعب عالاطفال .. حتى الرحلات البحرية ما تنفع للاطفال لان فيها انشطة متعبة وتحتاج اجسام قوية .. ممكن الرحلات البحرية للعوائل اللي معها اطفال تكون بشكل رحلة خاصة بدون الدخول في القروبات عشان الواحد ياخذ راحته مع اطفاله ويسوي الانشطة اللي تناسبه . الفنادق كلها رخيصة مقارنه بفاندقنا وكلها بافطار وخدمات جميلة .. اما الغروب لا تسأل .. خليك على الشاطئ لحظات الغروب وشوف المناظر .. سبحان اللي عطاهم الطبيعة .. اسعدني مرورك :(114): اقتباس:
اقتباس:
شاكرمشكور فيصل اقتباس:
اقتباس:
الله يعافيك وتشرفني متابعتك للتقرير اقتباس:
اقتباس:
الرافتينق مثل ما ذكرت من امتع الفعاليات .. وبالنسبة للفندق صدقت غرفة الهولدي ان اجمل من موفنبيك والسبب انهم رقوا لنا الغرفة لمستوى اعلى من الحجز لعدم جاهزية الغرفة اما غرفة موفنبيك فكانت اقل مستوى ومع ذلك اعتبرها رائعة مقارنة باللي عندنا :(155): وصور الغروب ملهمة وحالمة وما يتذوقها الا شخص ذوقه راقي مثلك :(39): شاكر لك ردك اللطيف .. اقتباس:
اقتباس:
|
رد: ياعيون الكون غضي بالنظر ،، اتركينا اثنين عين تحكي لعين (تقرير تايلند) اقتباس:
معليش اخوي ممكن توضح لنا ايش سكاي فوكس ؟ |
رد: ياعيون الكون غضي بالنظر ،، اتركينا اثنين عين تحكي لعين (تقرير تايلند) 1 مرفق |
رد: ياعيون الكون غضي بالنظر ،، اتركينا اثنين عين تحكي لعين (تقرير تايلند) في الأصل يكون التنقل بين الاشجار لكن اللي بجانب الرافتنغ يكون فقط من أعلى الجبل إلى اسفله |
رد: ياعيون الكون غضي بالنظر ،، اتركينا اثنين عين تحكي لعين (تقرير تايلند) روعه يا فهد بس ما قلت شهر كم كانت سفرتك اووه اثرت المواجع يا فهد ذكرتني بايام تايلند الجميله |
رد: ياعيون الكون غضي بالنظر ،، اتركينا اثنين عين تحكي لعين (تقرير تايلند) اقتباس:
مشكور حبيبنا عالتوضيح .. وما كانت من ضمن برنامج الرافتنق |
رد: ياعيون الكون غضي بالنظر ،، اتركينا اثنين عين تحكي لعين (تقرير تايلند) اقتباس:
|
رد: ياعيون الكون غضي بالنظر ،، اتركينا اثنين عين تحكي لعين (تقرير تايلند) منتجع بوكيت خرااااااااااافي ..... يعطيك العافية..... متابع تقريرك الرائع |
رد: ياعيون الكون غضي بالنظر ،، اتركينا اثنين عين تحكي لعين (تقرير تايلند) إبدااااااااع ما شاء الله بصراحة تايلند لابد لها من زيارة والله يستر من السجن ولا الغرامة مقدور عليها هههههههههههههههههههههه ما شاء الله أجواء خنفشارية آليمة صور الشواطئ كلها رووعة http://www.arabtrvl.com/up/uploads/a...3191719552.jpg الله يعطيك العافية |
رد: ياعيون الكون غضي بالنظر ،، اتركينا اثنين عين تحكي لعين (تقرير تايلند) اقتباس:
الله يعافيك |
رد: ياعيون الكون غضي بالنظر ،، اتركينا اثنين عين تحكي لعين (تقرير تايلند) اقتباس:
ههههههههههههههه ما عليك محد ساجنك :(92): حياك يابعدي |
رد: ياعيون الكون غضي بالنظر ،، اتركينا اثنين عين تحكي لعين (تقرير تايلند) اختياراتك للفنادق جميله عجبني الموفنبيك وايد حلوووووووووو بالنسبة للرافتنق هل المدام جربته معك ؟؟ والا الحريم مايقدرون لخوض هذه التجربه الصعبه؟ بانتظار صور الغطس ورحلة البي بي ايلاند اتذكر البي بي ايلاند هالرحلة كانت بالقارب البطئ والطريق طوووووووويل دخنا من الشمس والبحر :(5): بس حلوة الرحلة |
رد: ياعيون الكون غضي بالنظر ،، اتركينا اثنين عين تحكي لعين (تقرير تايلند) اقتباس:
بالنسبة للفنادق الحمد لله توفقنا فيها .. والرافتنق اكيد معي المدام :(47): تجربة حلوة ولافيها صعوبه .. انبسطنا وضحكنا وكانت تجربة ممتعة رحلة البي بي ايلاند في الطريق ان شاء الله .. تريونا على قولة حبايبنا الاماراتيين :(37): |
رد: ياعيون الكون غضي بالنظر ،، اتركينا اثنين عين تحكي لعين (تقرير تايلند) وصبرنا بدأ ينفذ :(36): بانتظارك عسى المانع خير يارب،،،،،،، |
رد: ياعيون الكون غضي بالنظر ،، اتركينا اثنين عين تحكي لعين (تقرير تايلند) نكمل التقرير على بركة الله |
| الساعة الآن 05:53 PM |
Powered by vBulletin® Copyright ©2000 - 2025, Jelsoft Enterprises Ltd.
Search Engine Optimization by vBSEO