|
رد: ياعيون الكون غضي بالنظر ،، اتركينا اثنين عين تحكي لعين (تقرير تايلند) نكمل معكم التقرير في اليوم ما قبل الاخير من بوكيت كانت رحلتنا البحرية إلى جزيرة بي بي ايلاند جزيرة بي بي ايلاند Phi Phi Island رحلة البي بي ايلاند ممكن تختار احد نوعين عند الحجز.. اما بالبوت السريع او بالسفينة الكبيرة البوت السريع ميزته سرعة الوصول للجزر وبامكان البوت الاقتراب من المناطق الجبلية في الجزر بعكس السفينة الكبيرة اللي توقف بعيد شوي السفينة ميزتها مافيه ااهتزازات ومريحه بعكس البوت اللي يهتز مع الامواج .. وبعد وسع السفينة وراحتها تعطيها ميزة انا طبعاً اخذت البوت السريع لان بطىء السفن يجيب الملل في الرحلات واخذت من ضمن الحجز عدة السنوركل للغطس (سنوركل زعانف وقصبة ونظارة) والتذكرة شاملة وجبة غداء مع الماء والمرطبات والفواكه والمواصلات من والى الفندق من 8 صباحاً الى 5 مساءً وقيمة التذكرة : 1900 بات = 211 ريال تقريباً في الساعة الثامنة صباحاً مرنا الميني باص واخذنا من الفندق لمكان التجمع عند احد الشواطئ http://www.arabtrvl.com/up/uploads/a...3674475611.jpg اجتمعنا في كوفي وبدت تعطينا المسئولة عن الرحلة التعليمات والأماكن اللي راح نزورها وبعدها عرضوا عدة الغطس للي يبي يستاجر منهم وقيمتها 200 بات .. طبعاً انا دافعها من ضمن التذكرة لذلك اخذتها بدون دفع أي مبلغ وركبنا البوت ورتبونا بحيث يكون البوت متوازن من ناحية الوزن في كل جهة وانطلقنا على بركة الله .. الرحلة غالبيتها خليجيين يعني اللغة العربية هي اللي سادت الرحلة http://www.sfari.com/forums/images/smilies/038.gif http://www.sfari.com/forums/images/smilies/73_as.gif http://www.sfari.com/forums/images/smilies/aa_em.gif http://www.arabtrvl.com/up/uploads/a...3674475632.jpg وبعد تقريباً 30 دقيقة وصلنا للمحطة الأولى وهي عبارة عن منطقة بين الجزر مياهها صافيه وبامكانك تشوف السمك وكل شي داخل الماء http://www.arabtrvl.com/up/uploads/a...3674475683.jpg وفي المكان كهف كان مسكون من قبل الصيادين وفيه بقايا آثار السكان http://www.arabtrvl.com/up/uploads/a...3367447574.jpg تجولنا في المكان وكان رائع واكثر شي شدنا هي صفاء مياه البحر في هالمنطقة http://www.arabtrvl.com/up/uploads/a...3674475735.jpg http://www.arabtrvl.com/up/uploads/a...3674475756.jpg http://www.arabtrvl.com/up/uploads/a...3674475777.jpg بعدها انتقلنا لجزيرة ثانية فيها شواطى رائعة ومناسبة للسباحة ... وصلنا للشاطئ ولقيناه مليان سياح .... وهو نفس الشاطئ اللي صور فيه الممثل الامريكي ليوناردو دي كابريو فيلمه الشهير (The Beach) يتميز الشاطئ بصفاء مياهه ومناسب للسباحة http://www.arabtrvl.com/up/uploads/a...3367447588.jpg http://www.arabtrvl.com/up/uploads/a...3674475829.jpg http://www.arabtrvl.com/up/uploads/a...6744758410.jpg http://www.arabtrvl.com/up/uploads/a...3674818921.jpg سبحنا في الشاطئ واستمتعنا بالمكان لولا حرارة الشمس .. بعدها انتقلنا للمحطة الثالثة وهي للغطس ووصلنا للمكان .. مياه صافية ويتميز بوجود الحياة البحرية في الاسفل من نباتات واسماك واشكال غريبة ما تمنيت الا ان معي كميرا تصور تحت الماء عشان انقل لكم المناظر .. وصلنا المكان واعطونا عدة الغطس وبدينا نجهز انفسنا ونلبس واعطونا تنبيهات وتوجيهات للمكان ... والوقت راح يكون نصف ساعة او اكثر شوي العدة هي (سنوركل زعانف وقصبة ونظارة وسترة نجاه *حسب الرغبه) طبعاً اللي ما يبي يغطس يجلس في البوت يتفرج بسمك يا رحيم :fish: http://www.arabtrvl.com/up/uploads/a...3674818972.jpg تقريبا عمق الماء حوالي 4 او 5 امتار تقريباً لكن من صفاء الماء تشوف كل شي تحت من مخلوقات بحرية غريبة والاسماك تلعب قدامك وحواليك .. http://www.arabtrvl.com/up/uploads/a...3674818993.jpg http://www.arabtrvl.com/up/uploads/a...3674819024.jpg بعدها انتقلنا لآخر محطة وهي عبارة عن جزيرة شواطئها نظيفة ومناسبة للسباحة وفيها فنادق ومحلات ومطاعم .. http://www.arabtrvl.com/up/uploads/a...3674819055.jpg http://www.arabtrvl.com/up/uploads/a...3674819076.jpg http://www.arabtrvl.com/up/uploads/a...3367481917.jpg طبعاً مقرر اننا نتناول فيها الغداء ونجلس فيها لاكثر من ساعة .. صراحه لقينا زحمة سياح من كل شكل ولون .. اول ما وصلنا وجهنا لمطعم ووزعونا على الطاولات وقدموا لنا الغداء عبارة عن رز وسمك وبعض المأكولات المنوعه تغدينا وشربنا الشاي وبعدها اخذنا جوله في المكان http://www.arabtrvl.com/up/uploads/a...3674819128.jpg http://www.arabtrvl.com/up/uploads/a...3674819149.jpg وفيها كراسي مضللة تستخدمها بالايجار الكرسي بـ 100 بات جلسنا نسترخي ونستمتع المكان http://www.arabtrvl.com/up/uploads/a...6748191610.jpg http://www.arabtrvl.com/up/uploads/a...3675705781.jpg http://www.arabtrvl.com/up/uploads/a...3675705832.jpg وبعدها انتهى الوقت المحدد وتجمعنا وركبنا البوت ورجعنا للفندق بعد رحلة ممتعة وفيها كثير من التجارب الحلوة مثل الغطس والتمتع بالسواحل والشواطئ اللي قليل نشوف مثلها من ناحية النظافة والصفاء .. وبعد ما رجعنا رتبنا انفسنا للسفر بكره لبانكوك |
رد: ياعيون الكون غضي بالنظر ،، اتركينا اثنين عين تحكي لعين (تقرير تايلند) بانكوك تم الاستعداد للسفر الى بانكوك لقضاء آخر 3 ايام من الرحلة واللي اتفقنا على انها بتكون للتسوق فقط لعدة اسباب ... اول شي الوقت قليل ولا يكفي للتمشي والتسوق وثاني شي احنا متشبعين من الرحلات السياحية وآخر شي رخص اسعار الملابس في بانكوك يعني لازم نستغل اسواق بانكوك للتسوق منها قدر المستطاع اقلعنا من فوكيت الظهر متوجهين الى بانكوك ووصلنا ولله الحمد واخذنا تاكسي من المكتب خارج المطار وكانت وجهتنا الى فندق بايوك سكاي والطريق زحمة وشوارع بانكوك بشكل عام فيها زحمة سير بعكس المدن الثانية http://www.arabtrvl.com/up/uploads/a...3675705853.jpg http://www.arabtrvl.com/up/uploads/a...3675705884.jpg فندق بايوك سكاي (Baiyoke Sky ) فئة 4 نجوم الفندق يقع في برج عالي ( THAILAND'S TALLEST TOWER ) يوجد فيه محلات تجارية وفندق ومطاعم من ضمنها مطعم يعتبر الاعلى في تايلند ويقع في الدور 78 واللي راح يكون فيه الافطار اللي من ضمن حجزنا بالنسبة للفندق اعتبره عادي جداً من ناحية الاثاث والخدمة وموقع الرسبشن يختلف عن باقي الفنادق اللي تكون في المدخل الارضي .. هذا لازم تطلع له بالمصعد واذا جيت تطلع للغرفة تروح لمصعد ثاني .. وصايره المصاعد زحمة اللي طالع واللي نازل يعني الموضوع مزعج في الدخول والخروج .. لكن مايميز الفندق من وجهة نظري هو موقعه المييز لانه في وسط بانكوك وكل المشاوير اللي نروحها بالتاكسي تكون قريبة ولا تكلفنا شي يعني اغلب مشوايرنا اقل من 10 ريال سعودي ... ويميزه بعد الاطلالة الحلوة على مدينة بانكوك سعر الليلة 350 ريال شاملة الإفطار وهذي بعض صور الفندق http://www.arabtrvl.com/up/uploads/a...3367570595.jpg http://www.arabtrvl.com/up/uploads/a...3675705936.jpg http://www.arabtrvl.com/up/uploads/a...3675705957.jpg http://www.arabtrvl.com/up/uploads/a...3675706019.jpg http://www.arabtrvl.com/up/uploads/a...6757060310.jpg وهذي اطلالة نهارية وليلية من نافذة الغرفة http://www.arabtrvl.com/up/uploads/a...3676400831.jpg http://www.arabtrvl.com/up/uploads/a...3676400872.jpg http://www.arabtrvl.com/up/uploads/a...3676400893.jpg http://www.arabtrvl.com/up/uploads/a...3676400924.jpg طبعاً الهدف من جلوسنا في بانكوك هو التسوق فقط لضيق الوقت ولرخص الأسعار في بانكوك وخاصة الملابس .. بعد ما ارتحنا شوي نزلنا نستكشف المكان بجانب الفندق .. ولقينا أسواق صغيرة للملابس أخذنا فيها جولة تسوق إلى المغرب وبعدها تمشينا في الشوارع المحيطة للفندق والمنطقة حيوية فيها كل اللي يحتاجة السائح من اسواق ومطاعم ومحلات تدليك بالاضافة لسوق ليلي صغير بجانب الفندق على شكل كوشكات يباع فيها الاشياء المقلدة من ملابس وشنط وساعات وغيرها .. وفيه كذلك المشغولات اليدوية والتحف واشياء كثيرة لكن زحمة وازعاج ولا تاخذ راحتك في التسوق .. بعدها رجعنا للفندق ورتبنا امورنا للتسوق في اليوم التالي في اليوم التالي من الصبح توجهنا لطوكيو سنتر والحقيقة توقعت انه مركز تجاري ضخم ولكن طلع متجر كبير للملابس ولكنه مميز ومنوع واسعارهم جيده الى متوسطه واخذنا فيه جولة تسوق واشترينا بعض الملابس .. بجانب طوكيو سنتر سوق آخر اسمه MBK وهو عبارة عن سوق من عدة ادوار وكل دور يختص بنوع معين من البضائع ... مثلاً دور للملابس ودور للشنط والاحذية ودور للالكترونيات ودور للتحف ودور للاجهزة الكهربائية ..... الخ صراحه من اجمل الاسواق في بانكوك يعني ميزته انه منوع واسعارهم رخيصة الى متوسطه وخاصة في الملابس ويحتاج وقت طويل عشان تلفه وتشوف كل الادوار احنا لفيناه الين تعبنا وكملنا من بكره ... وانصح أي شخص يزور بانكوك لغرض التسوق زيارة الـ MBK .. راح انزل لكم كم صورة اخذتها بالجوال لاني واجهت مشكلة في الاسواق وهي منع دخول الكميرا للسوق لذلك اعتذر منكم لقلة الصور في هذا الجزء http://www.arabtrvl.com/up/uploads/a...3676400997.jpg http://www.arabtrvl.com/up/uploads/a...3676400966.jpg http://www.arabtrvl.com/up/uploads/a...3676401018.jpg http://www.arabtrvl.com/up/uploads/a...3676400945.jpg وعلى فكرة لازم تكاسر وتفاصل في السعر اذا جيت تشتري ... وبالنسبة للملابس غالبيتها تايلندية الصنع يعني ما تقارن ببعض الماركات العالمية لكن الخامات جيدة وخاصة للطلعات العادية او ملابس البيت او حتى المناسبات .. وفيه اشياء بعد جودتها عالية بعد ما اخذنا عدة ساعات في هالسوق المميز واشترينا اغراض وملابس طلعنا لسوق ثاني اسمه بوبي او بوبوي وطلع سوق يبيع بالجملة ومناسب للتجار واصحاب المحلات وطلعنا منه لانه ما يناسبنا .. وبعدها رحنا على مجمع سيام وهو قريب من الـ MBK وتصميمه مميز وكله ماركات عالمية غالية السعر زي اللي عندنا في الخليج .. ولاحظنا عدد المتسوقين فيه قليل مقارنه بطوكيو سنتر والـ MBK يمكن عشان الأسعار غالية أو ان السياح يلقون نفس هالماركات في بلادهم ونفس البضائع ويمكن عشان استغلال السلع التايلندية الجيدة والرخيصة في الاسواق الثانية.. هذي صور للسوق من الداخل وطبعاً بالجوال لان الكميرا ممنوعه http://www.arabtrvl.com/up/uploads/a...3676401039.jpg http://www.arabtrvl.com/up/uploads/a...3677541661.jpg http://www.arabtrvl.com/up/uploads/a...3677541682.jpg اخذنا فيه جولة تسوق وتغدينا في مجمع المطاعم داخل السوق .. وطلعنا من المكان ورجعنا للـ MBK مرة ثانية لانه كبير وفيه ادوار كثيرة وفيه سينما ويحتاج وقت طويل .. بعدها رجعنا للفندق وريحنا بعد التسوق فترة المغرب وفي الليل رحنا للحي العربي وموقعه في شارع سوكو مفيت ورقم الشارع 3 وكان التخطيط نتمشى ونتعشى هناك ونشوف هالشارع اللي كثير ما نسمع عنه .. وصلنا المكان وماشاء الله الخليج العربي كله هناك http://www.sfari.com/forums/images/smilies/73_as.gifhttp://www.sfari.com/forums/images/smilies/038.gifhttp://www.sfari.com/forums/images/smilies/aa_em.gifhttp://www.sfari.com/forums/images/s...100_p39006.gifhttp://www.sfari.com/forums/images/smilies/Oman.gifhttp://www.sfari.com/forums/images/smilies/Qatar.gifhttp://www.sfari.com/forums/images/smilies/Kuwait.gif والكل كاشخ بزي بلده يعني تشوف الثوب والشماغ والغترة ... حصلنا في المكان كل شي متوفر من محلات وسوق ليلي وحلاقين ومطاعم عربية وهنديه ومكاتب سياحية وغيرها .. لكن حمدت ربي اني ما سكنت في هالمنطقة لانها زحمة وازعاج وفيها مناظر غيره جيده وبخاصة للعوائل والاطفال (بنات الليل في الشوارع) .. بعدها طلعنا نتسوق في المحلات والسوق الليلي وصارت لنا حادثة بسيطة في المكان .. وانا امشي ومعي المدام في السوق الليلي لاحظت شخص شكله غريب وتصرفاته اغرب وكان يمشي وراي بالضبط وانا عاد متنبه في هالامور وخاصة في الاسواق الليلية .. المهم اذا ناظرت ورا اشوفه قاعد يحوس ويدوس وشكله ما اعجبني .. قلت للمدام شوفي هالشخص ما ارتحت له تصرفاته غريبه .. بعدها طلعنا من السوق الليلي ورحنا لمطعم هندي وتعشينا وبعد العشاء رجعنا للمحلات وشفت نفس الشخص قاعد يمشي ورا أخ بحريني ويحاول يسحب شي من مخباته الخلفية وانا في هاللحظة رحت له بسرعة وصوت للشخص وهذا سمع صوتي وحط رجله وطلع معه واحد ثاني لما انتبه لحق خويه وانحاشوا وكلمت الاخ البحريني واشوى طلع مافي جيبه شي ولكنه عصب وراح يدور اللي حاول يسرقه .. انا بعدها قلت ما لنا جلسه في هالمكان واخذت تاكسي وعلى الفندق واحذر الاخوان والاخوات من النشالين في شارع العرب او أي مكان فيه سوق ليلي وازدحام وانصحهم ما يحطون محافظهم في الجيب الخلفي او أي مكان سهل السرقة .. والاخوات انصحهم يعلقون شنطهم الخاصه على الرقبة بدل من تعليقها على الكتف .. واي شي ضروري ومهم اتركوه في السوفت بوكس في الفندق في اليوم التالي بعد الافطار الصباحي رحنا مشي لمجمع الباتونام لانه قريب للفندق ولايحتاج تكسي ويشبه لبضائع MBK لكن السوق عادي .. وتسوقنا فيه ورحينا في الدنكن دونات شوي وبعدها طلعنا للام بي كي نرجع بعض الاغراض ونكمل باقي الادوار .. وبعدها رجعنا للفندق وقبل لا ندخل الفندق مرينا محل للمساج واخذنا فوت مساج بـ 250 بات للساعة ورجعنا الفندق في الليل قررنا زيارة النايت بازار واخذنا تاكسي ورحنا للمكان وهو عبارة عن محلات صغيرة وكوشكات تبيع كل شي والمكان كبير والمحلات كثيرة لكن مكتومه وكلها زحمة والاسعار غالية عشان يحسبون حساب المكاسر في السعر وبصراحه ما احب وجع الراس والمفاصل في السعر ولا طولنا في المكان ورجعنا للفندق وقبل ما ندخل الفندق مرينا مطعم حلال فيه مسلمين واكلهم حلو وفيه رز ومشاوي وكل شي وتعشينا عندهم ورجعنا للفندق عشان نجهز الشنط للسفر الى ارض الوطن .. قبل لا اختم هذي بعض الاماكن السياحية اللي تستحق الزيارة في بانكوك ولكن لضيق الوقت ما زرناها وهي: - السوق العائم - دريم وورد - ساندي ماركت - سفاري وورلد ومن بكره صباحاً توجهنا للمطار واقلعت الطائرة في الوقت المحدد .. مرورًا بالبحرين ثم وصلنا للرياض بسلام والحمد لله واختم تقريري هذا ببعض النصائح لمسافرين الى مملكة تايلند نقاط ونصائح للمسافر الى تايلند: • لا تنسى اذكار الصباح والمساء وخلي ذكر الله على لسانك في كل مكان . • البلد ان شاء الله امان لكن الواحد لازم يعرف متى يطلع ووين رايح ومع مين وابتعد عن مواطن الشبهه .. يعني انت بيدك تحفظ نفسك بعد حفظ الله لك . • خذ علبة ماء صغيرة معك في كل مكان قدر المستطاع لان اغلب حماماتهم (تكرمون) مافيها مويه لذلك ممكن الواحد يصير له مواقف محرجه . • انت في بلد له انظمته وقوانينه لذلك يجب احترام النظام وعدم الجدال واعكس صوره حسنه عن بلدك ودينك .. • قبل ركوب الطائرة احرص على عدم حمل أي مادة سائلة (الكريمات ..المعجون .. الخ) في شنطة اليد واللي تتعدى 100m لانها ممنوعه وراح يصادرونها منك فلذلك اشحنها مع العفش ما عدا ما يقل عن هذه الكمية . وفي نهاية التقرير اتمنى ان اكون وفقت في نقل تجربتي الخاصة عن هذا البلد باسلوب ممتع ومفيد .. وتضل بعض الآراء والنصائح تجارب شخصية تختلف من شخص لآخر .. مع تمنياتي للجميع بالصحة والعافية .. ورحلات سعيدة ان شاء الله اخوكم فهد المنيع |
رد: ياعيون الكون غضي بالنظر ،، اتركينا اثنين عين تحكي لعين (تقرير تايلند) تقرير رائع اخى |
رد: ياعيون الكون غضي بالنظر ،، اتركينا اثنين عين تحكي لعين (تقرير تايلند) ماقصرت معلومات وافية تحياتي |
رد: ياعيون الكون غضي بالنظر ،، اتركينا اثنين عين تحكي لعين (تقرير تايلند) يعطيك العافية تقرير ممتع وجميل بالفعل شارع العرب ازعاج بس تحس فيه بالألفة شكرا لك |
رد: ياعيون الكون غضي بالنظر ،، اتركينا اثنين عين تحكي لعين (تقرير تايلند) جزء رائع ماشاء الله متااابع وياااك يالغالي شكرا لك فهد |
رد: ياعيون الكون غضي بالنظر ،، اتركينا اثنين عين تحكي لعين (تقرير تايلند) يعطيك ربي الف عافية وماقصرت |
رد: ياعيون الكون غضي بالنظر ،، اتركينا اثنين عين تحكي لعين (تقرير تايلند) http://www.arabtrvl.com/up/uploads/a...3676400924.jpg يا ليل كم عذبت مثلي ملايين وكم واحد بيني اذا اقبلت تشفيه تقرير جميل ورائع جذبتني الاوتيلات اختيار موفق من وجهة نظري نظيفه ومرتبه يعطيك العافيه متابعين معك للاخر الى ذلكم الوقت دمت بكامل صحتك وسرورك وعافيتك تقـآسيم الصباح:(114): |
رد: ياعيون الكون غضي بالنظر ،، اتركينا اثنين عين تحكي لعين (تقرير تايلند) ما شاء الله عجبني وايد هالبارت والصور حلوووووووووووة والماي صافي تبارك الخالق اتذكر هالاماكن عدل شارع العرب (نانا) من اسوأ الشوارع بتايلند واقذرها ويخوووووف من الأشكال اللي فيه الله حفظكم ودائما هم يتقصدون الخليجين احنا لما نقول من الكويت اول كلمه نسمعها منهم (وااااااااااو بترول كاش موني ) يعني فلوووووووووس :(3): يحسبونا بير نفط ماشي شكرا لك على هالتقرير الممتع صراحة عشنا معاكم اللحظات الحلوة والأسواق اللي ذكرتها فعلا اسعارها وبضاعتها ممتازة ان شاء الله تتكرر مرات ومرات سفراتكم الحلوة وعليكم بألف عافية اختكم - قصة حب :(114): |
رد: ياعيون الكون غضي بالنظر ،، اتركينا اثنين عين تحكي لعين (تقرير تايلند) اقتباس:
اقتباس:
ولك نفس التحية على متابعتك اقتباس:
الله يعافيك .. وشارع العرب ينفع تتمشى فيه ام الاقامه فما يصلح ابد |
رد: ياعيون الكون غضي بالنظر ،، اتركينا اثنين عين تحكي لعين (تقرير تايلند) اقتباس:
منور يالغالي وتسعدني متابعتك .. اقتباس:
اقتباس:
الله يعافيك اختي تقاسم .. والاوتيلات الحمد لله توفقنا فيها .. للاخر وصلنا له للاسف وانتهى التقرير :(155): شاكر لك على مرورك العطر |
رد: ياعيون الكون غضي بالنظر ،، اتركينا اثنين عين تحكي لعين (تقرير تايلند) اقتباس:
ههههههههههههه صادقة يتخيلون الخليجي بنك يمشي على الارض اسعدني حضورك ومتابعتك للتقرير من بدايته واكيد الصور رجعتك لذكريات جميلة عشتوها في سفرتكم لتايلند .. ربي يعيدها عليكم وانتم بصحة وعافية .. |
رد: ياعيون الكون غضي بالنظر ،، اتركينا اثنين عين تحكي لعين (تقرير تايلند) شكرا لك علي التقرير أخوي فهد ولا قصرت ممكن ترجع للديره مره ثانيه وتخصص أيام لبانكوك غير التسوق أو أنت ما تحب تزور البلد أكثر من مره بانكوك بنظرك تستحق أسبوع تمشيه وتسوق |
رد: ياعيون الكون غضي بالنظر ،، اتركينا اثنين عين تحكي لعين (تقرير تايلند) ما شاء الله .. والله هالجزيرة رهيبة .. بس اتوقع الحر مناسب في الأماكن بسبب السباحة ولا لو الجو بارد كان راحت الإجازة وانت مزكم وإنفلونزا ههههههه وفعلا البحر صافي جدا .. حتى لونه رهيب .. والله جميلة هالتايلند أجل تقولي يمنعون الكاميرات من التصوير داخل المول أما كاميرات الجوالات عادي http://stream1.gifsoup.com/view4/404...to-laugh-o.gif وش صنف الحشيش اللي يستخدمونه هههههههههههههههههه والحمد لله .. ستر الله عليكم من السرقة في شارع العرب .. وش ميزته هالشارع أصلا .. كان رحتوا من شارع ثاني ههههههه الله يعطيك العافية |
رد: ياعيون الكون غضي بالنظر ،، اتركينا اثنين عين تحكي لعين (تقرير تايلند) اقتباس:
انا بعد كنت ساكن بنفس الفندق وايامها كان امامه كم محل بعده المطعم حق الفندق اول ما تدخل ع ايدك اليمين وكذلك الاصنصير :yolks00250: يسلموووو |
رد: ياعيون الكون غضي بالنظر ،، اتركينا اثنين عين تحكي لعين (تقرير تايلند) رائع ومبدع اخوي فهد واستانسنا كثير واحنا نتابع التقرير كل شي حلو الصور والجزر والفنادق ورجعتنا لماضي وذكريات جميلة بالنسبة لفندق بيوك هو فندق قديم وكان اعلى تاور في بانكوك ميزته الوحيدة قربه من الا سواق واقترح للي بيكون هدفه التسوق في بانكوك يوم او يومين انه يسكن في الباتونام في فنادق فايف ستار وكل الاسواق حوليه اخير لك الشكر اخوي فهد على مجهودك الرائع |
رد: ياعيون الكون غضي بالنظر ،، اتركينا اثنين عين تحكي لعين (تقرير تايلند) يعطيك العافيه ع التقرير وتصوير موفق ورائع شوقتني بزود من بعد تاي لها اخ القلب يحن لبحر بوكت وشواطيئها ولاسواق بانكوك كل اختياراتك موفقه للمجمعات والاسواق والرحلات والفنادق اتمنى ان تعاود الذهاب لها وسيحن القلب لها |
رد: ياعيون الكون غضي بالنظر ،، اتركينا اثنين عين تحكي لعين (تقرير تايلند) اقتباس:
و الله عندي نفس الهاجس:(47): أحس لو ركبت واحد مثل هذا بيغرق و الا يقلبني على صوب و انا ما اعرف اسبح....و الاحظ ما ملبسين الناس جاكيتات النجاة و أفكر بعد كيف لما يقول لنا نامو عشان ما ننخبط في الصخور،،، كيف قدام العالم؟؟ بس الحمدلله انه في مجال ان الواحد ينتظر على القارب الكبير |
رد: ياعيون الكون غضي بالنظر ،، اتركينا اثنين عين تحكي لعين (تقرير تايلند) اقتباس:
أخي فهد....تقريرك رائع و ما زلت متابعة بحماس بس كنت حابة اسألك عن سهولة الأنشطة مثل ركوب الدباب و الرافتنج و مدى ملاءمتها للمرأة الخليجية بالعباية؟ و أيضا بالنسبة للرافتنج هل يسمح للأطفال بالركوب؟ |
رد: ياعيون الكون غضي بالنظر ،، اتركينا اثنين عين تحكي لعين (تقرير تايلند) أخي فهد....تقريرك رائع و ما زلت متابعة بحماس بس كنت حابة اسألك عن سهولة الأنشطة مثل ركوب الدباب و الرافتنج و مدى ملاءمتها للمرأة الخليجية بالعباية؟ و أيضا بالنسبة للرافتنج هل يسمح للأطفال بالركوب؟ ممكن اجاوب بعد اذنك اخ فهد اختي لايمنع من الركوب سواء للخليجيه او الاطفال لا احراج ولا مستحىً ولا فشله الحياه جدا سهله هناك وسلسه وطبيعيه وفي خوذه وحمايه يرتديها الطفل وكذلك الكبير ان رغب سواء الرافتينغ او الدبابات كله مايمنع من الركوب والفرفشه واللعب |
رد: ياعيون الكون غضي بالنظر ،، اتركينا اثنين عين تحكي لعين (تقرير تايلند) اقتباس:
لا والله يا فيصل انا من النوع اللي يزور البلد مره وحده ... احب التغيير بعدين بانكوك جيتها لما تشبعت من الرحلات والبرامج السياحية .. وخليتها للتسوق مشكور حبيبي على المتابعه |
رد: ياعيون الكون غضي بالنظر ،، اتركينا اثنين عين تحكي لعين (تقرير تايلند) اقتباس:
هههههههههههه :(47): الله يعافيك يابو قحط .. والشواطئ لا تسأل .. ما ودك الا تسدح عندها مشكور يا بعدي |
رد: ياعيون الكون غضي بالنظر ،، اتركينا اثنين عين تحكي لعين (تقرير تايلند) كما هي بداياتك ... لا غرابة أن تكون نهاياتك بهذا الجمال .. ( فهد المنيع ) مُعرِّفٌ ابحث عنه لتسعدَ بقربه .. ما أجمل صفاء مياههم .. واضحة تماما بالصور فما بالك على الطبيعة .. ( بانكوك ) مدينة الصخب والجنون .. لم أزرها ولكنك أبدعت في وصفها .. لا تستهويني الأماكن المزدحمة أبداً .. لذلك أراها بعيدةٌ عن الهوى .. في شرق آسيا .. دائما ماتكون ( منطقة العرب ) مليئة بالسلبيات للأسف .. شكراً لك .. جهد أقدِّره لك كثييييرا .. نظمتَ لنا تقارير كعقدٍ من اللؤلؤ ازدانت به بوابات منتدانا الجميل .. |
رد: ياعيون الكون غضي بالنظر ،، اتركينا اثنين عين تحكي لعين (تقرير تايلند) عليكم بالعافيه السفرة السعيدة ربي يسعدكم دووم هالديرة اللي ما جازت لي من تقارير الاخوان والخوات يمكن اذا رحت اغير نظرتي لها بس ابي جو بارد |
رد: ياعيون الكون غضي بالنظر ،، اتركينا اثنين عين تحكي لعين (تقرير تايلند) الله يافهد من احلى السفرات كانت تايلند ب 2010 وسكنا في الهوليدي ان في بوكت اينن والرحلات تقريبا نفس جدولنا انت اتينن رحلاتهم وبحرهم وناسه ابدعت يا فهد في كل جزء والتصوير اللي لازم ناخذ دورة عندك الله يعطيك العافيه على التقرير التايلندي الجميل |
رد: ياعيون الكون غضي بالنظر ،، اتركينا اثنين عين تحكي لعين (تقرير تايلند) استمتعت جداً برحلة الغوص تمنيت يكون معك كاميرتك الجو برو المياه صافية جداً وتنوع السمك وألوانه رائعة شكرًا لك وننتظر تقرير جديد باناملك وعدستك الذهبية |
رد: ياعيون الكون غضي بالنظر ،، اتركينا اثنين عين تحكي لعين (تقرير تايلند) تقرير اقل مايقال عنه رائع جدا تسلم الايادي يافهد تصويرك جميل جدا وابدعت في تفاصيل التقرير تايلند من بعد تقريرك ستظل عالقه بالذاكره وعلى قائمة الدول التي سازورها باذن الله اعجبتني بوكيت والاماكن السياحيه فيها البلد واضح انو رخيص وهذا احلى شي اعجبني تحذيرك للسيدات في بانكوك بتعليق الحقيبه في الرقبه هههههههههههههههههه الف شكر يافهد ع هالتقرير الفخم والمليء بالمعلومات المختصره والمفيده عن تايلند الله يعطيك العافية ع مجهودك الجميل ولك منا الدعاء في ظهر الغيب وان يرزقك من حيث لاتكتسب ويحفظك لمن تحب تحياتي لك |
رد: ياعيون الكون غضي بالنظر ،، اتركينا اثنين عين تحكي لعين (تقرير تايلند) فارس تايلاند وما ادراك ماتايلند |
رد: ياعيون الكون غضي بالنظر ،، اتركينا اثنين عين تحكي لعين (تقرير تايلند) اقتباس:
اقتباس:
شكراً لك على الرد وعلى النصيحة الجميلة بخصوص اللي حابين يتسوقون في بانكوك تحياتي لك اقتباس:
يالله يا ليمونه شدي حيلك وروحوا تايلند ... الديرة ما تنمل ابد واشكرك على متابعتك للتقرير من البداية |
رد: ياعيون الكون غضي بالنظر ،، اتركينا اثنين عين تحكي لعين (تقرير تايلند) اقتباس:
اقتباس:
حياك يا عاشقة مسقط والموضوع مافيه حرج للمرأة الخليجية مثل ما تفضلت اختنا ليمونه .. شاكر لك ردك وشاكر لليمونه التوضيح |
رد: ياعيون الكون غضي بالنظر ،، اتركينا اثنين عين تحكي لعين (تقرير تايلند) اقتباس:
تسلم يا كتكات على كلامك اللطيف وهذا ان دل على شي فهو يدل على ذوقك وجمال روحك .. وتشرفني متابعتك لمواضيعي اتفق معك بخصوص المدن المزدحمة وانها ما تستهويني بعد واساسًا احنا مالين من المراكز والاسواق وغيرها مما يتوفر في مدننا .. شاكر لك يا غالي |
رد: ياعيون الكون غضي بالنظر ،، اتركينا اثنين عين تحكي لعين (تقرير تايلند) اقتباس:
اقتباس:
الله يعافيك اختي وشاكر لك كلامك الحلو .. |
رد: ياعيون الكون غضي بالنظر ،، اتركينا اثنين عين تحكي لعين (تقرير تايلند) علشان جذيه احب اوربا لانها بارده مابي اطلع من ديرتي الحاره لمكان حار ربي يسعدك ويهنيك يبيلنا دورات بالتصوير Umhusoon ارسلت بواسطة Tapatalk |
رد: ياعيون الكون غضي بالنظر ،، اتركينا اثنين عين تحكي لعين (تقرير تايلند) اقتباس:
شاكر لك مرورك وتعليقك .. اقتباس:
:(114): |
رد: ياعيون الكون غضي بالنظر ،، اتركينا اثنين عين تحكي لعين (تقرير تايلند) اقتباس:
ما يدري http://www.arabtrvl.com/vb/images/icons/icon10.gif |
رد: ياعيون الكون غضي بالنظر ،، اتركينا اثنين عين تحكي لعين (تقرير تايلند) احسنت اخي الكريم بارك الله فيك |
رد: ياعيون الكون غضي بالنظر ،، اتركينا اثنين عين تحكي لعين (تقرير تايلند) اي والله مايدري فهد عنها فارس لكان عشقها مثل ما عشقتها انا |
رد: ياعيون الكون غضي بالنظر ،، اتركينا اثنين عين تحكي لعين (تقرير تايلند) فيه ناس تقول آآآآآآآآآه يا لندن احنا نقول آآآآآآآآآآآآآآآآآآآآآآآآآآآآآآآآآآآآآآآآه يا تايلند صج فارس ما شاف شي من جمالها ووناستها |
رد: ياعيون الكون غضي بالنظر ،، اتركينا اثنين عين تحكي لعين (تقرير تايلند) وااااااااه ياقلباااااااه يا حب القلب فاقد العشيق بخليها هالمره مذكر عشان توصل المعلومه لفارس مدى حبنها حب العشاق |
رد: ياعيون الكون غضي بالنظر ،، اتركينا اثنين عين تحكي لعين (تقرير تايلند) يعيطيك ألف عافية أخوي فهد على التقرير الرائع والمرتب والتصوير الأكثر من رائع |
| الساعة الآن 09:54 PM |
Powered by vBulletin® Copyright ©2000 - 2025, Jelsoft Enterprises Ltd.
Search Engine Optimization by vBSEO