|
رد: امريكا في اجازة منتصف العام 2016 اقتباس:
نعم كان معاي طفلين 11 و 9 سنوات عيالي وبالنسبة للدور نعم فيه دور ومثل الي بلوس انجلوس بالضبط خليطي لكن الدور يمشي واغلب الالعاب بتشوف لوحة فيها توقيت مدة الانتظار بعضهم يوصل 60 دقيقة لكن الدور يمشي والفاست باس يسهل عليك هذا الشي نعم بعض الالعاب الخطرة يتم قياس طول الاطفال لكن مااذكر ان فيه لعبة منعونا منها ماادري عيالي طوال او ان الي قائمين على الالعاب سمحين يعني اغلب الالعاب لعبناها وخاصة ان احد الوالدين بيكون معاهم لذلك ماعندك مشكلة باذن الله لا ابد لاتخاف من شي ادفع وانبسط انت وعيالك يستاهلون كل قرش اندفع فيهم |
رد: امريكا في اجازة منتصف العام 2016 اقتباس:
|
رد: امريكا في اجازة منتصف العام 2016 مشكورين والله يعطيكم الف عافيه للردود سؤالي بالنسبة للفنادق لاحظت اغلب المنتجعات ماعندهم افطار ايش تنصحوني منتجعات او فنادق فيها فطور ومن غرفتين |
رد: امريكا في اجازة منتصف العام 2016 اقتباس:
Oakwater Resort - Global Resort Homes وممكن تدخل على بوكينغ من هالرابط وتشوف الأسعار طبعاً انا أخذت عندهم بيت عباره عن 3 غرف نوم وحمامين (وانتوا بكرامة) مع مطبخ كامل وصالة وغرفة غسيل ملابس بالاضافة لكراج مغطى للسيارة ، طبعاً النظام كأنك في بيت الفطور لازم تسويه في البيت وهذي متعة السفر خصوصاً انك مسافر 3 اسابيع الفندق راح يكون غالي وراح تمل منه بالنهاية ، لكن هنا لك حرية متى تبدا وجباتك طبعاً المنتجع فيه أمن وتدخل ببطاقه له وفيه مسبح يخدم المنتجع كامل بالاضافه الى منطقة لعب الاطفال وملعلب تنس وكرة سلة .. والسعر جداَ جداَ مناسب انا اخذتها لمدة 12 يوم طلعت علي ب970 دولار حتى ماكملت 1000 دولار هذا الكلام كان سنة 2011، وحتى لو كان في زيادة في الاسعار ماراح تكون كبيرة ، وعندهم خيار غرفتين بدل ثلاث غرف. اتمنى اكون ساعدتك وانا مستعد لأي استفسار عن أمريكا من الشرق للغرب ... تقبل تحياتي |
مرحبا أخوي vip_temaa أورلاندو مثل ماذكرو الأخوان مدينة عائلية بإمتياز, لكن مشكلتها في جوها . أنا كنت فيها بداية سبتمبر و كان الجو لا يطاق فأكيد أنه في أوقست كان أسوأ. درجة الحرارة ما تتعدى 34 لكن المشكلة في الرطوبة العالية. ف نصيحتي لك ان تخلي الزيارة لها في الشتا اذا مو حاب تزور مدينة ثانية. بالنسبة للسكن .. أفضل انك تسكن في المنتجعات .. مساحة أوسع, و نشاطات أكثر , و أسعارها معقولة جدا و عندك خيارات واسعة حسب ميزانيتك. فيه بعض المنتجعات توفر خدمة ال Shattle إلى مدن الألعاب الرئيسية, لكن من الأفضل أنك تستأجر سيارة لأن المواصلات العامة داخل المدينة معتمدة أكثر شي على الباصات و مارح تكون مريحة لعائلة فيها أطفال. بالنسبة لأسعار التذاكر.. غير كونسيرج الفندق و visit Orlando تقدر تشيك على الوبسايت الرسمي لمدن الألعاب أحيانا تكون فيها عروض ممتازة . و سعرها أون لاين يكون أفضل من السعر عند البوابة. هذا اللي يحضرني حاليا. و أي استفسار حنا في الخدمة |
اقتباس:
شكرا لك على الرد هل رطوبة الجو مثل جونا هنا بالسعودية يعني مثل جدة لاننا عارفين كيف الرطوبة بالصيف عندنا بجدة تكون فوق ال40 والرطوبة عالية جدا فكيف ب 34 درجة الحراة ورطوبة عاليه اعتقد انها لاتقارن ابدا |
عدنا من جديد ياشباب انا رحلتي بعد شهر ولمدة 3 اسابيع في اورلاندو من فين اشتري التذاكر وخلاص الفترة هذه وين اروح اش فيه اماكن غير اللي ذكروها الشباب وبالنسبة للمطاعم اللي زاروا اورلاندوا وين ياكلون |
اقتباس:
إإن شاء الله بالسلامه والله الله بالتقرير المصور عشان يتسفيد منه بقية الأعضاء بالنسبه للتذاكر اذا كان قدصك تذاكر ديزني وورلد عن طريق الموقع عندك 3 خيارات: 1- تذكرة زيارة حديقة منفرد: - يعني تشترري تذكرة بسعر 107 دولار اذا بتزور Magic kingdom - والا 97 دولار اذا بتزور احد الحدئق الأخرى Epcot, Disney Animal kingdom, Disney Hollywood 2- تذكرة الأيام (من يومين - خمسة ايام) لأي حديقة تختارها: - يومين 192 دولار - 3 ايام 275 دولار - 4 ايام 305 دولار . . . الخ 3-اذا خيار التذاكر يعني: مثلاً شريت تذكرة2 ايام. المفترض كل يوم حديقة وحده فقط - فبإضافة خيار Park Hopper option بـ 58 دولار للتذكرة يخليك خلال تذكرة الـ 2 ايام تدخل كل الحدائق بشرط ما تكرر دخول الحديقه مرتين. بالنسبه للأسعار كلها نفسها في كل الاماكن بس تجيك عروض مثلاً يقولون اشتر تذكرة ديزني نعطيك رحله بالباص مجاناً او رحلة للبوت المروحي . هذي العروض تنفع للي عنده مدة طويله. أتمنى أكون افدتك بعض الشي فيما بخص التذاكر النشاطات في اورلادنو كثيره ركوب هيلكوبتر, زيارد وكالة NASA, زيارة بوش قاردنز, البيت المقلوب, متحف الشمع, الات لت, ....الخ والطاعم فيه كثير من كل شي حتى المطاعم العربية والهندية ...استخدمي بعض التطبيقات مثل فور سكوير و yelp وأي استفسارات انا حاضر |
| الساعة الآن 10:39 PM |
Powered by vBulletin® Copyright ©2000 - 2025, Jelsoft Enterprises Ltd.
Search Engine Optimization by vBSEO