|
يعطيك الف عافية موضوع رائع جدا جدا استفدت منه لاقصى درجة خصوصا انه ناويين باذن الله نسافر اليونان بس ماكان عندنا اي فكرة عن البلد او النظام كيف بس ماشاء الله عليك ما قصرتي شرح كافي و وافي يعطيك العافية |
اقتباس:
الله يعافيج نونا والله يكتبها لكم ويسهلها بلد جميل ويستاهل الزياره [emoji1360] والحمدلله قدرت أفيدكم في هالتقرير البسيط عنها نورتي[emoji253] Sent from my iPhone using Tapatalk |
هالموضوع ثبته عندي كمرجع ماشالله ❤ أشكرك اختي الكريمة |
اقتباس:
من حسن حظي [emoji1374][emoji253] العفو[emoji253] Sent from my iPhone using Tapatalk |
ماشاء الله تبارك الرحمن تقرير رائع وشرح وافي كفيتوا ووفيتوا بذا التقرير ياكثر مااشوف عروض لليونان وكذا بس يوم شفت التقرير احس انها فعلا جميله بالذات الحزيرة ذي كثير قريت عنها احس تنفع عرسان امثر من اطفال صحيح ويعطيك العافية |
اقتباس:
الحمدلله توفقت فيه وعجبكم اليونان وايد حلوه وتستاهل الزياره [emoji1360][emoji1360] صح كلها عرسان بس مايمنع وجود الأطفال الله يعافيك Sent from my iPhone using Tapatalk |
مرحبا اختي أبرار مره مره سوري على الحكي الكثير . انا بس ابغى رايك بما انو انتي بنسبه لي صرتي موسوعة اليونان ^^ قريت تقريرك حرف حرف مُفيد بشكل ماشاءلله تبارك الرحمن اذا ممكن بس لو تكرمتي اذا فظيتي تردين علي بحكم خبرتك اذا ممكن ترشحين لي او تساعدوني في الأختيار رحلتنا بتكون في 11 يناير لمدة 14 يوم ... 4 أشخاص كبار 2 أطفال أعمارهم 14 و 10 .... بما انو وقت سفرتنا بيكون برد وشتاء فا الدول المرشحه هي اليونان وإيطاليا بما انها إدفى دولتين في أوروبا ومحتارين كثير كثير بين هالدولتين ياانو تكون روما و فينيسيا او اثينا وسانتوريني ماني عارفه اي هالدولتين كويسه في شهر يناير وعندي سؤال الله يعافيك هل في وقتي هذا بتكون سانتوريني وهالجزر مفتوحه وفيها سياح وفعاليات او حتكون فاضيه وميته ؟ وهل هي متعبه جداً في التنقل والدرج؟ لأن ابغى اسكن في (فيرا) عشان مااظطر انو اطلع لها كل شوي ومعانا شخص رجوله ماتساعده كثير في الدرج هل راح تكون شاقه عليه؟ لو وقع الأختيار على اليونان راح تكون 7 ايام سانتوريني و7 ايام اثينا .. بس كيف تكون تقسيمها و ما هي اسهل الطرق للسفر من اثينا الى سانتوريني ؟ وبنسبه للشناط الله يعافيك عادي لو ناخذ شناط كثيره يعني زي العاده يعني هل حيكون فيه خدمه زي اي دوله نجي من المطار لسناتوريني بعدين تاخذنا سياره لحد باب الأوتيل وتدخل الشناط للغرف يعني احنا مانسحبها مع الدرج معانا وتعب وآخر سؤال .. انا اشوف في الصور كثير فيه مرتفعات في الجزيره وكمان المسبح يكون واره هاويه هل يعتبر خطر على اخواني الصغار ؟؟ وشكراً شكراً جزيلاً مقدماً أكرر اسفي على هالكلام الكثير بس النت مافيه معلومات كثير عن اليونان |
اقتباس:
افا عليج لنا اخذي راحتج وانا كتبت تقريري عشان تستفيدون وتسألوني .. والله يا لنا يناير ابرد الشهور و روما في يناير وايد بارده الحراره فيها توصل واحد ف لاتتصورين إنهم ادفى دول اوربا ممكن يكونون ادفى دول اوربا في ابريل بس يناير لا انا من رايي تروحين ايطاليا اليونان حسافه الجزر بالشتا ومثل ما قلتي الجزر بتكون ميته و بعض المطاعم اصلا ما تفتح في الشتا حرام تروحين لها في هالوقت كلش مو وقت مناسب احنا زيارتنا في مايو وحاشنا برد فما بالج يناير ايطاليا الجو فيها بارد وحلو كوقت سياحه زرتها في يناير وايد كانت ممتازه حتى فينيسيا انصحج في ايطاليا في يناير اذا معاكم اغراض وايد ماتنفع لسانتوريني لان صعود ونزول وتحتاج احد يساعدكم واغلب الفنادق لازم تمشون لها ما توصل السياره لي الباب الى اذا اخترتوا الجهه المعاكسة لفيرا اغلبها تكون نظام فلل وبعض الفنادق بس موقع فيرا ممتاز واحلى وكل شي حواليكم . ماتكون شاقه وايد اذا اخترتوا الفنادق اللي فوق ماتكون نازل .. بالنسبه لمكان المسبح وبما انه معاكم اطفال فنادق تستقبل اطفال وتكون مسوره المكان بزجاج فأختاروا الفندق المرتفع والمسور وان شاءالله الامور تكون بالسليم العفووو واي سؤال او مساعده حاضر في اي وقت Sent from my iPhone using Tapatalk |
تكلفة الرحلة الى اليونان الرحلة الى اليونان في صيف 2015 كم كلفتك بدون تذكرة الطيران أقصد فقط المصروف الشخصي + الفنادق |
اقتباس:
ما كانت عز الصيف كانت بداية الصيف والله ناسيه الفنادق بس ذاكره اول التقرير عن تكلفتهم وبالنسبه المصروف اعتقد ما وصلت ال 500 دينار Sent from my iPhone using Tapatalk |
| الساعة الآن 02:03 AM |
Powered by vBulletin® Copyright ©2000 - 2025, Jelsoft Enterprises Ltd.
Search Engine Optimization by vBSEO