|
رد: مطلووووب kzami في الداخل تسلم ياكازامي على مساعدتك ليا رحلت الغروب اللي تقولي تقريبا سعرها 300 هي اسمها كدا الغروب؟ لانو قريت كذه واحد يقول رحلة الغروب وفيه كمان رحلة عشاء على اليخت المنجروف والرحلة حق الغروب اين كانت اسمها يفرق عددنا بالعائلة وله 300 حق اتنين كمان ابغى اقلك دحين الارقام هناك تبده ب 01 وله 601؟ راح اعدل ملاحظتك واعرضها على العائلة ولو فيه استفسارات تانيه رح اسئلك عنها ماننحرمش :(148): |
رد: مطلووووب kzami في الداخل خذي راحتك بالاستفسارات.. بخصوص المانغروف حسب معرفتي ان العدد ماياثر .. لانك القارب بيكون لكم ومافرق فيه واحد او اربعه. وسعره اربع اماكن والوقت اربع ساعات في حدود 300 وقد تزيد بالمواسم. رحلة الغروب واسمها زي كذا. لاتفوتكم لانها الاجمل بصراحة وكما قلت بتكلفكم تقريبا 200 الى250 للفرد حسب معلومة من احد الاعضاء سابقا. وبيفرق معاكم العدد لانهم يطبخون لكم وجبة العشاء. لكن اعتقد ان الاطفال وضعهم يختلف في الحسبة. للاسف مااقدر افيدك اكثر بخصووص الاطفال لان كل سفرياتي بدون اطفال. بخصوص الارقام فهي عدة شركات وكل شركة لها اقام خاصة مثل عندنا موبايلي والاتصالات وزين. كذا. |
رد: مطلووووب kzami في الداخل رحلة الغروب يخت خاص فينا ولا جماعي؟ كمان رحلة الجزيرة اللي فيها سباحة خاصه شو اسمها وبكم؟ الشلالات في لنكاوي قريت انو التقييم الافضل والاروع لصالح تيمرون افضل من دوريان شو رايك؟ ولو بغير الى تيمرون اخليه بنفس اليوم اللي كان في دوريان؟ حسب جدولي في لنكاوي وبينانغ ... الاتفاق مع التكسي يكون جولة وينتظر معانا وله نخليه يروح وبعدين نشوف تكسي غيرو؟ كمان خاصة لما نروح شاطى سينانغ ينتظر وله يروح؟ فيه خطر لمن نسبح في شواطى ماليزيا لان قريت انو فيه حيوان يطلع فيه دبابيس :yolks00780: تشكرات:(60): |
رد: مطلووووب kzami في الداخل وعندي سوال ايضا في رحلة الغروب {{{ مرتبها في الجدول عندي ))) لكن وش وضعها وضعها فيها امور تخدش الحياء من الناس الي معاي في اليخت من السواح ْْ... متردد في هالموضوع عزز لي الامر اخوي |
رد: مطلووووب kzami في الداخل عزيزي الهاجري.. ولايهونون البقية. اليخت قد يكون فيه اجانب الغربيين وقد لايكون. ثانيا حتى الاجانب منهم المحتشم ومن المحترم. ثالثا اقصى مابيسوونه على اليخت هو ان ينزلون بملابس السباحة على السقالة او الشبكة التي في اخر اليخت. رابعا اليخت ليس بالصغير. يعني احد االزملاء يقولي حين سالته عن الغروب قال اصلا ماادري وين هم ووش يسوون يقول اخذت لي كرسيين ورحت مقدمة اليخت انا والمدام وكشفت ولااحد حولنا واستمتعنا بكل ماتعنيه الكلمة. خامسا الامر بسيط وهين. حتى لو اتضح بعض السلوكيات الخاطئة او الملابس المشخلعه فانك ببلد مسلم يعني تكلم المسوولين باليخت او انت تنصح وتنبه يتغير الوضع. هذا ان وجد. |
رد: مطلووووب kzami في الداخل كازامي شكلك نسبت تقرا استفساراتي �� |
رد: مطلووووب kzami في الداخل اسف والله. العتب على النظر. الغروب مو خاص يكون معك ناس ثانين لكن قليل العدد الكلي تقريبا 10 الى15. وممكن اقل حسب المواسم. الجزيرة الخاص للسباحة. تضيفينها للمانغروف تقولين لهم ابي مانغروف اربع ساعات وساعة خامسة للجزيرة الخاصة. الشلال الافضل في نظري تيمرون لكن مشكلته وسلبيته المشوار بالسيارة فهي بعيد. تيمرون والشلالات السبع قريبة من التلفريك فيكونو في نفس اليوم اذا اردتي. دوريان الافضل مع حديقة الفواكة والطيور والدبابات البرية لانه قريب منهم. التاكسي خصوصا بلنكاوي لازم يكون معكم. بيننانغ لو لازم لان التكاسي واجد والمدينة مزدحمه وهناك شبكة باصات وايضا برنامج التاكسي شغال وممتاز فاذا كنتم في وسط الاماكن المزدحمه مثل الاسواق والهضبة فماله داعي ينتظر فغيره واجد. واذا اخذتم بالجولة في ببينانغ فهو احسن بس اكثر صرفيه. شاطي سينانغ.. للاسف انا سالت عن فنادقكم وعن وقت الوصول لكنكم ماجاوبتم وبراحتكم. الجدول بيكون احسن وانسب لو عرفت الفنادق. عموما اذا فندقكم في لنكاوي قريب من سينانغ فما يحتاج ينتظر. واذا بعيد فلازم ينتظر. اخيرا قنديل البحر لسعاته مولمه وحاره. لكنه في الاغلب ليس قاتلا. اهم شي يكون معاكم علبة صغيرة خل. لانه لاقدرالله لوحصل وانلسعتم فان الخل يزيل الالم بسرعه. في لنكاوي سبحت في كل الاماكن والحمدلله ماجاني شي. مع اني والله شفته كثير. لكنه يندر تواجده في الاماكن المزدحمه. وافضل مكان للسباحه الفندق. |
رد: مطلووووب kzami في الداخل فندقنا ويستن في كواه تسلم كازامي ع مساعدتك ليا :(114): |
رد: مطلووووب kzami في الداخل ماشاءالله اختيار رائع.. وسينانغ بعيد عنكم. فاقترح يبقى معكم التاكسي. لان تركه يذهب تعد مغامرة قد لاتجدون تكسي . رغم ان الشاطي مزدحم وستشاهدين الكثير من التكاسي |
رد: مطلووووب kzami في الداخل اهلين دحين عرفت انو المنجروف ورحلة الغروب احجزها من المطار طيب الدبابات الرباعية في مزارع الارز كدا اسمها؟ والفورميلا ون مين فين احجزهم كمان من الكشتات في المطار؟ وكم سعرهم الاثنين للفرد الدبابات كل اثنين في دباب ؟ فيه شي غير هذي الاشياء في جدولي يكون لهم حجز مسبق من مكان قبل ماروح لهم؟ :(3): |
| الساعة الآن 12:41 AM |
Powered by vBulletin® Copyright ©2000 - 2025, Jelsoft Enterprises Ltd.
Search Engine Optimization by vBSEO