|
رد: قرية كوخيم الالمانيه وماحواليها جميله ألمانيا بتنوعها وكثرة الفعاليات والمزارات. اما الجو الحار والمشمس فعلا يكدر في مثل هالاماكن. تقرير ممتع |
رد: قرية كوخيم الالمانيه وماحواليها اقتباس: المشاركة الأصلية كتبت بواسطة هدوء العالم http://www.arabtrvl.com/vb/traveler/...s/viewpost.gif ماشاءالله كنتم برحلة أوروبية اجل لا احنا ما طلعنا كانت رحلة علاجية وماشاءالله جزئين ولا اروووووع متااابعين ان شاءالله المره اليايه الله يكتبلكم رحله ترفيهيه ويعافي مريضكم يارب اقتباس: المشاركة الأصلية كتبت بواسطة FuNnY GIRL http://www.arabtrvl.com/vb/traveler/...s/viewpost.gif هههههههههههههههههههههههههههههههاي ليش يراقبونج خربوا عليج نومتج وزين سويتي كملتي نومتج في السياره خايسه هالحبوب ،، حسيت فيج انا تو كلت حبة حساسيه طول اليوم مسطله ودايخه وماتشبعين رقاد امي اتقولي لاتاكلينها وقت النوم اكليها مثلا الساعه 8 علشان الصبح مفعولها يخف اتقولي غلط تاكلينها وقت النوم اتمين دايخه طول اليوم والالعاب حلووووه تنفع للي قلوبهم قويه مب الخوافين مثلي :( متابعين معاج يااحلى ام عيسى اضحكي عليه ، ما أحبج :busted_red: الصراحه يوم تعيس اللي مريت فيه ، ماتهنيت بأي شي صح عندهم العاب حلوه بس حسيت فانتازيا احلى اقتباس: المشاركة الأصلية كتبت بواسطة mbsa http://www.arabtrvl.com/vb/traveler/...s/viewpost.gif جميله ألمانيا بتنوعها وكثرة الفعاليات والمزارات. اما الجو الحار والمشمس فعلا يكدر في مثل هالاماكن. تقرير ممتع هيه والله مهما البلاد كانت جميله اذا الجو حر وشمس انتزعت المتعه من المكان |
رد: قرية كوخيم الالمانيه وماحواليها فيس بادن Wiesbaden معلومات جمعتها قبل سفرنا مدينه رائعه جدا ومثاليه للاسترخاء والراحه تمتاز بمنتجعات متخصصه للتدليك وعلاج العظام والمياه الساخنه وتتميز ايضا بالاسواق والقلاع التاريخيه والمتاحف والحدائق الجميله وتعتبر فنادقها ذات الخمس نجوم فاخره وهي كمنتجع صحي فاخر اهم الاماكن السياحيه بها.. ساحة وحديقة جميله جدا Schlossplatz Wiesbaden ومن أشهر شوارع التسوق Market Halls Wiesbaden معلومات اضافيه عنها معلومات عن فيسبادن معلومات من ويكيبيديا صور عنها فيسبادن تفاصيل رحلتنا أخترنا في هاليوم نزور فيسبادن ونستكشفها طبخت غدانا وشلينا عدتنا وتوكلنا الى فيسبادن اللي تبعد عن منتجعنا ساعه ونص أول ماوصلنا بركنا وسرنا نمشي لين مكتب المعلومات السياحيه أحب دايما أول مكان أدخله هو المكتب السياحي وعقب أقرر وين بنتفسح خصوصا اذا ماعندي خلفيه كافيه عن المنطقه بعد ماخذينا المعلومات قررنا اول شي نركب القطار السياحي اللي ياخذنا في جوله في حوالين مدينة فيسبادن سرنا وين مكان توقف القطار وشفناه بيتحرك ومتروس فقالنا سايق القطار انه بيكون هنيه في موعد عطانا ياه فقلنا بنتجول في السنتر وبنرجع ع الموعد السنتر كان يجنن ، وكان عندهم أعتقد مهرجان وصافين الكشكات والمكان فيه حياه وجميل ماتوقعناه جيه حتى قلنا بس بنسير رحلة القطار ومابنطلع من السنتر من حلاته ورجعنا ع الموعد ويوم شافنا السواق فرح فينا وووايد كان متعاون ويانا ويشرحلنا ومتربض لنا وصدق احسه كان يعاملنا معامله خاصه ركبنا القطار وخذينا جوله جميله فيها ، وبعطيكم بعض صور هاي الرحله http://i1050.photobucket.com/albums/...psff6dc51b.jpg مرينا ع هاي الكنيسه الجميله ، وهنيه راعي القطار نزلنا نتفرج ونتصور وكان في مطل روعه تشوف منها مدينة فيسبادن http://i1050.photobucket.com/albums/...ps8cbc0f74.jpg http://i1050.photobucket.com/albums/...ps84578782.jpg http://i1050.photobucket.com/albums/...ps78cce6c9.jpg عقب ماكملنا جولتنا ونزلنا من القطار سرنا صوب سيارتنا ونزلنا سجادتنا وعدتنا وسرنا صوب الحديقه الجميله اللي تبعد عن السنتر بشارع بس http://i1050.photobucket.com/albums/...ps9b160a6e.jpg فرشنا في الحديقه عدال البحيره وتغدينا والمناظر تجنن وعقب ماتغدينا سرنا نطعم البط ونتصور http://i1050.photobucket.com/albums/...ps5b9cc84c.jpg سامحوني الصور قليله لهاي الحديقه الجميله http://i1050.photobucket.com/albums/...psbb07a14a.jpg http://i1050.photobucket.com/albums/...ps5e235e85.jpg وهذا عزكم الله حمام عام عدال الحديقه http://i1050.photobucket.com/albums/...ps7f0c9fcc.jpg عقب ما استمتعنا باليلسه في الحديقه رجعنا أغراضنا في السياره ورجعنا نتمشى في السنتر http://i1050.photobucket.com/albums/...ps6d623d83.jpg http://i1050.photobucket.com/albums/...psef2c60bb.jpg تذكرت المهرجان كان عن الخمور أكرمكم الله http://i1050.photobucket.com/albums/...psf7a40f6a.jpg http://i1050.photobucket.com/albums/...ps4568ddc5.jpg هذا المحل حبيت منتجاته كلها من أشياء طبيعيه http://i1050.photobucket.com/albums/...psd1a126a8.jpg http://i1050.photobucket.com/albums/...ps56be1c78.jpg http://i1050.photobucket.com/albums/...ps9ffc43ec.jpg http://i1050.photobucket.com/albums/...pse3312157.jpg http://i1050.photobucket.com/albums/...psdf2e9bff.jpg http://i1050.photobucket.com/albums/...psaeefec24.jpg ولازم انه نحلي ونبرد ع قلوبنا بآيسكريمهم الغاوي http://i1050.photobucket.com/albums/...ps2699202b.jpg http://i1050.photobucket.com/albums/...ps93e9b14e.jpg تابعوني ورحلتنا اليايه في دوسلدورف |
رد: قرية كوخيم الالمانيه وماحواليها رحلتنا الى دوسلدورف من منتجعنا الى دوسلدورف ساعتين و8 دقايق صور لدسلدورف من النت يلا نشوف صور رحلتنا وتعليقاتي عليها في الطريق الى دوسلدورف شوفوا ماشاءالله الجو شقايل يخبل http://i1050.photobucket.com/albums/...ps40912b67.jpg سرنا هاليوم أنا وبوعيسى والبنات بس والقروب حبوا ايلسون في المنتجع وتم عبادي وياهم أول ماوصلنا سرنا مكتب المعلومات كعادتي دايما وخذيت المطلوب http://i1050.photobucket.com/albums/...ps5b09829e.jpg عقب قررنا نسير البرج ونتفرج ع دوسلدورف من فوق http://i1050.photobucket.com/albums/...psa27955c2.jpg طبعا ما أتذكر كم دفعنا صعدنا فوق ويلسنا نتفرج ونصور وشربنا كوفي والصراحه استانسنا لأنه تمينا انا وبناتي نسوي حركات أستهبال ونحن نتصور http://i1050.photobucket.com/albums/...ps4de38859.jpg http://i1050.photobucket.com/albums/...pseb201abb.jpg http://i1050.photobucket.com/albums/...pseb201abb.jpg http://i1050.photobucket.com/albums/...ps139c531e.jpg http://i1050.photobucket.com/albums/...psc75e4667.jpg http://i1050.photobucket.com/albums/...psac40d816.jpg http://i1050.photobucket.com/albums/...ps700233dd.jpg http://i1050.photobucket.com/albums/...psc066292b.jpg http://i1050.photobucket.com/albums/...ps51fb47d2.jpg وعقب ماخلصنا البرج قررنا نسير السوق مانبا نضيع الوقت ونحن في الطريج شفت كوفي استغربت لما شفته في المانيا واسمه سميد سرايي وهذا الكوفي عرفناه في تركيا وكنا يوميا نتريق فيه ، ساندويشاته لذيذه بس للاسف مادخلته هذا اللي في المانيا http://i1050.photobucket.com/albums/...ps3f45c89a.jpg عقب مابركنا أول شي يينا عند النهر والمنظر جميل من هنيه وخذينا كم صوره للذكرى ، وعقب دخلنا السوق http://i1050.photobucket.com/albums/...ps6bb8f575.jpg أول شي يينا صوب محلات الماركات هاي المحلات اللي مفضيه جيوبنا http://i1050.photobucket.com/albums/...ps9a9d525b.jpg http://i1050.photobucket.com/albums/...ps1c02d9e8.jpg http://i1050.photobucket.com/albums/...ps6310a152.jpg http://i1050.photobucket.com/albums/...ps8257bd6b.jpg http://i1050.photobucket.com/albums/...ps0c7924fe.jpg http://i1050.photobucket.com/albums/...ps072ce684.jpg C & A أحلى فرع دخلته كان في دوسلدورف هادي ومرتب ويشرح القلب ممثل اللي في ميونخ من الزحمه وتكدس البضايع مانعرف نشتري عدل منه وهذا المحل معروف وايد في المانيا وبضاعته تعتبر رخيصه وجوده ، انصحكم فيه http://i1050.photobucket.com/albums/...ps996fb1db.jpg http://i1050.photobucket.com/albums/...psd6881a10.jpg محل بريمارك محل معروف في لندن وشفنا له فروع في المانيا وهو أرخص من C&A ولكن أقل جوده منه والصراحه بتحصلون فيه أشياء وايد حلوه وخصوصا حق الهدايا وفي رأيي الشخصي اللي في لندن أحلى بوايد منه http://i1050.photobucket.com/albums/...ps1a493e6e.jpg http://i1050.photobucket.com/albums/...ps0683c806.jpg تسوقنا وتسوقنا لين تعبنا وتغدينا في خلال جولتنا بس ناسيه وين تغدينا وشو كلينا وعقب بدات الدنيا تظلم وطبعا التسوق مايخلص عدنا وكان خاطري أسير صوب المدينه القديمه واتمشى فيها ولكن بوعيسى قال لا خلونا نروح عشان مانتأخر ويظلم علينا الوقت أكثر ولكن نحن نبا نسير صوب المدينه القديمه فدرنا أنا والبنات عليه نحاول نقنعه لين المسكين وافق وين بيقدر ع 3 صبايا وهو بروحه هههههههه وسرنا صوب المدينه القديمه http://i1050.photobucket.com/albums/...ps56006b2d.jpg وأول مامشينا شفنا مطعم لبناني وكنا يوعانين ، ع طول دخلنا وكلينا عنده وكان أكله لذيذ http://i1050.photobucket.com/albums/...ps03dff3cd.jpg http://i1050.photobucket.com/albums/...ps1bd29731.jpg http://i1050.photobucket.com/albums/...psfa708d1d.jpg عقب ماكلينا سرنا نتمشى صوب البحر والصراحه المكان رووووعه واتمنيت لو يينا مره ثانيه دوسلدورف بس عشان أمشي صوب المدينه القديمه المكان جميل وفيها حياه http://i1050.photobucket.com/albums/...ps7c4d4171.jpg http://i1050.photobucket.com/albums/...ps146343d1.jpg http://i1050.photobucket.com/albums/...ps984ce187.jpg http://i1050.photobucket.com/albums/...psf6d21c96.jpg http://i1050.photobucket.com/albums/...ps08538f43.jpg http://i1050.photobucket.com/albums/...psc1a428ec.jpg http://i1050.photobucket.com/albums/...ps88b317f5.jpg بعد ماتصورنا وتمشينا صوب البحر الا يطيح علينا مطر وصبيب ومظلاتنا في السياره ماتوقعنا بيتغير الجو فجأه وركضنا نبغي نرجع صوب السياره وتخرسنا في المطر وعشنا لحظات ممتعه وكنا نضحك ومتحمسين ونحن نركض في المطر ولما يزيد غزاره نستظل بأي شي وعقب نكمل http://i1050.photobucket.com/albums/...ps40416878.jpg دوسلدورف من المدن اللي وايد حبيناها ونتمنى نعيدها أكيد دوسلدورف فيها الكثير من الاشياء اللي تستحق انه نشووفها ولكن في رأيي انه سنترهم هذا بروحها حكايه لأنه مايحب السوق ويتم وايد يحن ويطفرنا في السوق تابعوني في الجزء الاخير من رحلتنا لقرية كوخيم وماحواليها والمره اليايه بوديكم رحله للزحلاقيه تابعوني |
رد: قرية كوخيم الالمانيه وماحواليها كم لها وحشة دوسلدورف قلبتي المواجع يا ام عيسى متاااابع معك ,,,,,,,,,,, |
رد: قرية كوخيم الالمانيه وماحواليها شكرا ام عيسي لكن ساعتين وشويه ذهاب وكثرهم رجعه مو كثيره يعني ما تفكرين المره الجايه السكن يكون أكثر قرب أو تسكنين بأكثر من مكان |
رد: قرية كوخيم الالمانيه وماحواليها كم لها وحشة دوسلدورف قلبتي المواجع يا ام عيسى متاااابع معك ,,,,,,,,,,, حيالله متابعيني وانا بعد شراتك تعبت وانا استرجع ذكرياتي ودي اكون هناك الحين اقتباس: المشاركة الأصلية كتبت بواسطة فيصل http://www.arabtrvl.com/vb/traveler/...s/viewpost.gif شكرا ام عيسي لكن ساعتين وشويه ذهاب وكثرهم رجعه مو كثيره يعني ما تفكرين المره الجايه السكن يكون أكثر قرب أو تسكنين بأكثر من مكان اسميه يافيصل ضربنا خطوط بس الحمدالله ماتضايقنا وماكنا نشعر بالدروب وخصوصا لما تكون الدنيا مغيمه ولو فكرت اسكن في هذا الجانب من المانيا ففي المره اليايه بسكن في كولن او دوسلدورف وايد حبيت الحياه اللي فيها ولكن لابد واسوي زياره لكوخيم الحلوه |
رد: قرية كوخيم الالمانيه وماحواليها الجزء الأخير من التقرير اليوم بآخذكم في رحلة خفيفه وقريبه شويه من منتجعنا تبعد تقريبا ساعه أو أقل الصراحه نسيت كم بالضبط ، المكان هو الزحلاقيه الصيفيه http://i1050.photobucket.com/albums/...psfd50fafa.jpg المكان حلو حق اليهال وعيالنا استانسوا ، أنا ماركبت خلاص تشبعت منها عنوانها http://i1050.photobucket.com/albums/...pse2677de5.jpg http://i1050.photobucket.com/albums/...psd23886b3.jpg http://i1050.photobucket.com/albums/...ps1e8e2ad1.jpg http://i1050.photobucket.com/albums/...ps203af33d.jpg http://i1050.photobucket.com/albums/...ps8b924e6f.jpg http://i1050.photobucket.com/albums/...ps56cc60bd.jpg http://i1050.photobucket.com/albums/...ps8210a83c.jpg http://i1050.photobucket.com/albums/...psa994753f.jpg بعد ماخلصنا طلعنا تمشينا في المناطق اللي حواليها وشفنا هاي الدراجه المعلقه http://i1050.photobucket.com/albums/...ps307c7756.jpg معلومات اضافيه من الأماكن السياحيه اللي خارج كوخيم 1- فرانكفورت واللي تبعد عن منتجعنا ساعتين 2- منهايم Mannheim وتبعد عن منتجعنا ساعتين الا ربع بلده هادئه وجميله ممكن قضاء وقت بحدائقها وشوارعها الجميله مثل حديقةوفيها فعاليات جميله مثل ركوبالقواراب Luisenpark 3- هالديبرغ Heidelberg تبعد تقريبا ساعتين وهي قريبه من منهايم مدينه غايه بالجمال وانصح الكل بزيارتها وتعد واحده من اجمل وارقىالمدن بالمانيا واسواقها الجميله وتقع المدينه على امتداد نهر نيكر Neckar وتتميز ايضا بالهدوء والاجواءالرومانسيه على جسرها الشهير وايضا لا انسى قلعة هالديبرغ الرائعه Castle Heidelberg 4- ايسن من منتجعنا لين مدينة ايسن ساعتين ونص هاي المدينه قريبه من موفي وورلد 5- منتزه للألعاب ( Centro Freizeitpark ) تبعد عن منتجعنا ساعتين الا ربع المنتزه ملاصق لمجمع سنتراو الكبير شمال دسلدورف وهي قريبه من دسلدورف 6- مركز سنترو في اوبرهوسن Oberhausen Centroallee 46047 Oberhausen سوق اوبر هاوزن سنترو موقع السوق على النت احداثية المواقف المجانية للسوق N 51*29.524 E 006*52.233 يوجد هذا السوق في أوبر هاوزن وتبعد أقل من نصف ساعة من دوسلدورف وحوالي ساعة من كولن ويتميز السوق بمساحته الكبيرة وتنوع المحلات التجارية فيه كما يوجد بجانبه سنتر أو بارك وفيه مدينة العاب ممتعة للاطفال 7- Wuppertal تبعد ساعتين عن منتجعنا فيها حدايق طبيعه وورود جميله ومنها التوليب ممكن نسأل مكتب المعلومات عنها 8- gysenberg park في مدينة herne تبعد ساعتين وربع عن منتجعنا فيها طبيعه جميله وحديقه وغيره في الختام أشكركم ع متابعتكم ومشاركاتكم واتمنى اني سلطت الضوء ع منطقه جديده من الجانب الالماني ومن تجربتي تقدرون تقررون شو اللي يناسبكم وان شاءالله نلتقي دايما معاكم في رحلات جديده وتقارير جديده تحياتي لكم هداوه |
رد: قرية كوخيم الالمانيه وماحواليها الزحليقه للكبار والصغار متعه كل الشكر أم عيسي |
رد: قرية كوخيم الالمانيه وماحواليها الف شكر لك اختي الكريم على هذا الجهد الكبير منك......لي عودة بإذن الله تعالى لإكمال القراءة |
| الساعة الآن 09:51 PM |
Powered by vBulletin® Copyright ©2000 - 2025, Jelsoft Enterprises Ltd.
Search Engine Optimization by vBSEO