|
رد: تنسيق جدول الرحله انا في الرياض وين افضل مكان للصرف وانا ودي اخذ معي عزبه قهوه وشاهي هل صحيح لازم اغلفها |
رد: تنسيق جدول الرحله ياعزيزي بالرياض افضل مكان للصرف هو البطحاء. وبالنسبة للقهوة والشاي فانا عن نفسي لاغلفتها ولاحاجة اخذت لي ثلاجة قهوة ودله وحطيت جوتهم كل المقادير الي ابيها في اكياس ثم قفلت عليهم ولفيتها بسفرة واسفل شنطة الملابس. وتبي لصدق ماتقهويت الا مرتين تقريبا لان القهوة الماليزية ومحلاتها هناك تطربك. |
رد: تنسيق جدول الرحله لاهنتم على المعلومات |
رد: تنسيق جدول الرحله طيب الشريحه المالزيه فيها باقات وافضلها نت ومكالمات والطيران الداخلى من وين احجز |
رد: تنسيق جدول الرحله افضل شرايح الاتصال والنت بماليزيا وكلهم تقريبا في الجودة زي بعض عندك هوت لينك وسيليكوم وماكسيس وتجدها في المطار وفي معظم المولات واهم شي تاخذها رسمية يعني ياخذوا صورة من جوازك ويدخلوا بيناتك في النظام بالنسبة للطيران الداخلي عندك الخطوط الماليزية والوزن 30 كيلو وبعض الاحيان سعرهم ارخص من الاقتصادي اما الطيران الاقتصادي اير اسيا وماليندو وفايرفلاي والحجز كلهم من النت ومن مواقعهم الرسمية اير اسيا موقعهم بالعربي |
رد: تنسيق جدول الرحله الطيران الداخلي تحجزه من النت بكل سهولة. اهم شي تعرف ان كل شي بفلوس. تختار وزن بفلوس تختار كرسي بفلوس. وكذا. ايضا حاول ماتاخذ تامين على الشنط لان ماله داعي. بخصوص النت عندك عدة شركات, افضلها سيلكوم وهوت لينك اتوقع. ويفيدوك الاعضاء فيها. لان العروض والباقات تختلف من وقت لاخر. |
رد: تنسيق جدول الرحله فيه ملاحظه انا ابنائي مع والدتهم في نفس الجواز واحد عمره 11 تقريبا والثاني 8 سنوات والجواز ينتهي بعد سنه ونصف هل لازم اطلعهم ولا عادي اخليهم لمين ينتهي الجواز وهل ماليزيا عادي اسافر لها بنفس الجواز |
رد: تنسيق جدول الرحله اخوي الفيصل عادي خلي عيالك الله يحفظهم في جواز امهم مضافين طبعا شرط سفر صاحب الجواز الام معهم والمدة اقل من ست شهور ﻻزم يتجدد انت في السليم ماليزيا ما تحتاج فيزا لها بم انك خليجي |
رد: تنسيق جدول الرحله انا اليوم قصيت التذاكر الوصول مطار كولالمبور الساعه 3:05 مساء يوم 9/26 العوده الساعه 7:25 مساء يوم 10/6 ابي ترتيب جدولي الله يعطيكم العافيه |
رد: تنسيق جدول الرحله عزيزي الله يسعدك انا اعطيتك في الردود السابقة جميع خيارات توزيع المدن + افضل الفنادق + الفعاليات التي تناسب عائلتك الكريمة + بالاضافة لكثير من التفاصيل لعمل البرنامج ﻻزم تحدد توزيع المدن اللي استقريت عليه وانا ارشح لك 2 سلانجور 4 لنكاوي 4كوالا وايضا ﻻزم تحدد فنادقك اللي اخترتها لتوزيع البرنامج اليومي حسب القرب من الفندق حدد توزيع المدن وابشر بما يرضيك وبمساعدة من الجميع بمشيئة الله مع اطيب التحايا هاي مزمز |
| الساعة الآن 09:11 PM |
Powered by vBulletin® Copyright ©2000 - 2025, Jelsoft Enterprises Ltd.
Search Engine Optimization by vBSEO