شبكة و منتديات العرب المسافرون

شبكة و منتديات العرب المسافرون (https://www.arabtrvl.com/vb/)
-   ماليزيا (https://www.arabtrvl.com/vb/f282.html)
-   -   تقرير ماليزيا - لنكاوي - بينانق (https://www.arabtrvl.com/vb/t10599.html)

malak21 09-09-2015 07:56 AM

تقرير ماليزيا - لنكاوي - بينانق
 
العرب المسافرون

السلام عليكم ورحمة الله وبركاته

اولا حابه اشكر جميع القائمين على هذا المنتدى العظيم من ادارة الى اعضاء :(114):
المرجع الاول والاخير لي في جميع سفراتي هو هذا المنتدى الجميل :(60):

ثانيا جايبه لكم تقرير بسيط وخفيف رحلتي لماليزيا وبعض جزرها :(125):
يمكن الصور ما تكون كافيه او واضحه لأني ما توقعت اني راح احط تقرير هنا بس ان شاء لله اكتب جميع الاشياء اللي واجهتني وبعض النصائح :(125):


وقت الرحله :
2015/3/30 – 2015/4/13
الناقل:
الخطوط السعودية , تذكرتين بقيمة 4500 ريال سعودي
الخطوط الداخلية:
اير اسيا : من كوالا الى لنكاوي , ومن لنكاوي الى بينانق , ومن بينانق الى كوالا , بقيمة 1000 تقريبا ناسيه بالضبط كم عن طريق برنامج cheapoair
ترتيب الرحله:
سلانجور ليلتين
لنكاوي 4 ليالي
بينانق 3 ليالي
كوالا 4 ليالي
بعد ما عملنا الحجوزات كلها من تذاكر لفنادق طبعتها وكل فندق اروحله اعطيهم ورقة الحجز
وافضل من ناحية التكسي بعضهم ما يعرفوا فندق فيكون عنده الخريطة والرقم
برضوا اماكن الي راح نزورها والمطاعم والاسواق كل شيء طبعته وكل جزيره لحالها والفندق تبعها لحاله عشان ما نحاس .

رحلتنا كانت الساعة 1 بالليل بتوقيت السعودية وافضل وقت هذا لأنه وقت نومنا من دخلنا الطيارة واحنا نايمين لين وصلنا ههههههه

وقت الوصول تقريبا 12 الظهر
بعد ما اخذنا الشنط توجهنا لمكتب اتصالات واخذنا شريحه اتصال مع نت لمده شهر اقل من 100 رنقت جميييله جدا نسوي بث ونشتغل عليها بكثره ولا خلصت من كشك لونه ازرق للأسف ما عرف اسمه عاد الي يبيها يدور كشك ازرق قبل بوابات الخروج :(155)::(47):

malak21 09-09-2015 08:01 AM

رد: تقرير ماليزيا - لنكاوي - بينانق
 
بسم الله نبدا لسيلانجور نقطة الانطلاق

حجزنا بفندق صن واي لاقون الفندق غني عن التعريف طبعا افضل فندق في ولايه سيلانجور من وجهة نظري الفخامة و الراحة والمعاملة وجنبه مول 10/10

http://s01.arab.sh/i/00045/rqp7davu7ok9.jpg
http://s01.arab.sh/i/00045/eq9ky6nq2iql.jpg

اول ما وصلنا ارتحنا بالفندق بعدها طلعنا ناخذ تاكسي وودنا لمطعم حضرموت يمني بس للأسف اكله الله يديم النعمة جدا سيء طبعا اكيد متفق معاهم لان اغلب المواقف لتكاسي الله يرزقه بس لو مودينا مطعم لذيذ

وطلعنا منه ورحنا للشلالات كانت فاضيه ع اخر العصر الجو كان جميل مطر خفيف وضباب بس ما طولنا فيه ولا قدرنا نوصل لأول شلال اكتفينا نشوفه من بعيد المكان متعب كله درج ونزول وصعود ولا فيه لياقه ابد:(57):

http://s01.arab.sh/i/00045/w50z8m0yb7r0.jpg
http://s01.arab.sh/i/00045/u090qsfi7sgb.jpg

اليوم الثاني
رحنا لملاهي الصن واي كان حجز الغرفة معه تذاكر مجانية للملاهي فما ادري كم سعر التذكرة
جدا جميلة والعابهم المائية ممتعه جدا والاهم من هذا كله مااااافي زحمه لأنه وقت مدارس مو اجازه ولا ويكند
وفيها اقسام للطيور والالعاب والحيوانات انصحك بالخريطة متوفرة عند صندوق الامانات حق اغراضك الشخصية يوفر عليك الوقت والجهد

http://s01.arab.sh/i/00045/ywzcxlhuyzc1.jpg

قسم الطيور

http://s01.arab.sh/i/00045/72lcrbn5qji1.jpg

هذا الجسر المعلق كان مغلق للصيانة وجنبه لعبه حلوة يربطونك بحبل وتنزل منه تجربه جميله

http://s01.arab.sh/i/00045/jn1w5sz1hi37.jpg

وهذي قريبه من قسم الطيور اتوقع تسوي مجسمات من الشمع بيدك الفكرة حلوه وجديده بس ما نصحك تسويها عندها اذا انت بتروح لبينانق في هضبه بينانق واحد يسوي زيها بس الوان اكثر وشغل مضبوط افضل منها

اليوم الثالث سوينا شيك اوت وطلبنا تاكسي بالساعة لان رحلتنا للنكاوي بالليل متأخر
رحنا لمجمع الماينز واخذنا رحلة بحرية فيه

http://s01.arab.sh/i/00045/i3omlo34osxj.jpg

وبعدها منطقه بتروجايا

http://s01.arab.sh/i/00045/ib5u77t5f9jo.jpg

وبعدها منطقه أي سيتي مدينة الاضواء
ما طولنا فيها كانت فاضيه ما فيها احد والجو مطر




وبكذا انتهينا من جوله لولايه سيلانجور:(39):

malak21 09-09-2015 08:09 AM

رد: تقرير ماليزيا - لنكاوي - بينانق
 
جزيرة لنكاوي الساحرة

وصلنا متاخر بالليل وطبعا من نصائحكم اني احجز رحلة المانغروف من المطار وفعلا رحت لواحد من الاكشاك كان هو اللي فاتح وحجزت عندها رحلة المانغروف 300 رنقت
ومع الجزيرة الخاصة 50 رنقت =350 رنقت مع التوصيل من والى الفندق

حجزنا كان في فندق برجايا
الفندق جميييل ويعيشك اجواء الجزر والغابة
ما تطفش وانت فيه ع اني سمعت كثير ما يمدحونه بس توكلت ع الله وحجزت والحمدلله اني ما هونت
عيبه فقط : البعد عن الاماكن السياحية , والفطور ما عجبني كان صيني , واللوبي بعيد عن الغرف بس هذي ما تعد سلبيه يعني حلو تطلع تمشي بالاجواء وبوسط الغابة عن نفسي ما ستخدمت السيارة حقتهم الا بالليل لان موحش المكان شوي المكان فيه حشرات وضاطور وزغ مدري بعرصي بس مؤدب لدرجة اني ما لاحظت وجودة زوجي الي شافة واشوا انه ماقالي لان ممكن انام باللوبي الغرفة موجود فيها بخاخ الحشرات وقووي جدا وريحته حلوه ماتكتم وشي طبيعي لان كل الجزر كذا

http://s01.arab.sh/i/00045/mnh4w3olhm6x.jpg

http://s01.arab.sh/i/00045/zgzt9appzq72.jpg

http://s01.arab.sh/i/00045/qldylqpf1t64.jpg

http://s01.arab.sh/i/00045/o0jwwmkvimv7.jpg

زائرة لطيفة
http://s01.arab.sh/i/00045/ce3ui44o9qqn.jpg

كتبت بالحجز انو هني مون وماقصرو جابوا كيكة وفواكه وميني شوكلت


اليوم الاول رحلة المانغروف
انصحكم تاخذو معكم شبسات وشوكلت ومووييييييه اهم شي المويه
عشان الجزيرة الخاصة
توكلنا ع الله وركبنا اللنش وراح يدور فينا رحنا لاطعام الصقور طبعا ماتجي تاكل بس تشوفها تحلق فوقك وبعدها كهف التماسيح طبعا مافيها تماسيح بس كهف وكانت الموية مرتفعه فمادخلنا
وبعدها كهف الخفافيش طبعا ماقدرنا ندخل لان الرييييحة مو طبيعية الريحة تدخل بالحلق مو بس تشمها ورجعنا نركب اللنش ورحنا نتغدا في المطعم العائم كان موجود مطعمين دخلنا الاول اللي الزحمة عليه بس ماعجبنا تعاملهم وطلعنا للثاني لان الويتر تقول اختاروا سمكه ونشويها لكم وكل ماخترنا سمكه تقول مافيه وهي قدامنا يعني تصيد قدامنا كذب عيني عينك تبينا ناخذ سمكة كبيرة واحنا شخصين
المهم طلعنا منهم ورحنا للثاني فاضي مافيه احد واخترنا سميكتنا ع كيفنا مع انو ماعجبني لانهم ماحطو تتبيله ولا شي بس شووها وجابوها
وبعدها اتجهنا للجزيرة الخاصة هذي تقع بين تايلند وماليزيا مجموعة جزر ولا يشتغل فيها الشريحة يعني اذا تبي تقول شيء للسواق قوله قبل تنزل يعني تبي تتأخر فيها او شيء يخليك ساعه و يجيك بس جميلة وممتعه ومافيها قرود
عن نفسي اهم شي بالرحلة هذي الجزيرة الخاصه

http://s01.arab.sh/i/00045/8ul0pxqq8nw7.jpg

http://s01.arab.sh/i/00045/29btamuv77cq.jpg

محاولة فاشله لتصوير النسر

http://s01.arab.sh/i/00045/hzivix4gg6sp.jpg

http://s01.arab.sh/i/00045/hctyol3huyjy.jpg

اطعام السمك بالمطعم العائم

وبكذا انتهينا من رحلة اليوم
وبعدها رجعنا و جلسنا نستكشف مرافق الفندق

اليوم الثاني رحلة التلفريك

افضل وقت تروحون الصباح ومو وقت ويكند عشان تتفادون الزحمة وبرضو ناسيه بكم التذكرة بس اتوقع 35 رنقت وفيه vip ب 55 رنقت اتوقع
فندقنا كان يوصل للتلفريك مجانا بما انه قريب مرا منه
القرية الشرقية فيها محلات بسيطة والعاب اطفال ومطعم عربي اسمه ليلى اتوقع ممم اكله مشي حالك بما انه المطعم العربي الوحيد فيه
وفيه محل للمساج وفيه حريم يسوو مساج لهم مكان خاص وتقدرون تطلبونهم يجونكم للفندق يسوولكم مساج اذا كان قريب
وفوق فيه كوفي ومطل وفيه الجسر المعلق

http://s01.arab.sh/i/00045/ip8gkyu3t07g.jpg

القرية الشرقية

http://s01.arab.sh/i/00045/cgz9haowttfq.jpg

http://s01.arab.sh/i/00045/4ixm97gnj0im.jpg

الجسر المعلق طبعا له رسوم غير التلفريك يمكن 10 رنقت او اقل اكتفيت بمشاهدتة وتصويرة شفت مكان النزول درج وطين هونت وغير انك تمشين 12 كيلو راحت طاقتي :(57):


اليوم الثالث

اخذنا تاكسي بالساعة يودينا الاماكن السياحية حقتهم
رحنا لحديقة الفواكة الشخص 30 رنقت
من وجهة نظري ماتسوى ابببببد صراحة انصدمت متوقعه انو نمشي بين الفواكة متوقعة نقطف منها متوقعة يعرفونا ع انواعها متخيله شي وجاني شي ثاني الي صار انو يجمعونكم بمكان ويجي باص الي مفتوح من الجنب وتركبونه ويمشي فيكم بين الفواكة والاششجار طبعا ماشفت الا اللوحات ولا فواكة مغلفينها بقماش عشان العصافير ماتخربها اتوقع الين يوصل عند مكان فيه بوفيه فواكة ومحل بسيط يبيع تذكار طبعا البوفيه اتوقع انه موسمي كان موجود نوعين جح بطيخ اصفر واحمر وفاكة نجمة مادري وش اسمها ويالله تاكلون ويرجعكم ويمر فيكم ع الشجرة المعروفة هذي

http://s01.arab.sh/i/00045/zs4pjgnne90d.jpg

http://s01.arab.sh/i/00045/oasq8wxyuh0n.jpg

زراعه الاناناس

وبعدها رحنا لمكان فيه انشطه للاسف ماعرف وش اسمه :(155):
فيها مجموعه انشطه وانت تختار اللي يناسبك وممكن تختار البكج كامل فيه ركوب الاحصنة وفيه الدبابات وفيه سيارات الفورميلا وفيه الرماية وفيه النزول بالحبل يعني ترقى درج طويل ويربطونك بالحبل وتنزل وبعدها ترقى وتنزل 3 مرات ترقى وتنزل :(38):

انا اخترت الفورميلا وكنت مختارة النزول بالحبل بس شفتها وهونت حسبتها نفس الي بالصن عاليه وطويل وممتعه غيرتها للرماية
المكان حلو وانشطتهم حلوه بعد بس انصحكم تشوفون الالعاب قبل تحاسبون وتسالونهم كل شي تبونه يعني الوقت او المكان كبير او صغير يعني اشياء تبونها انتو عشان ماتنصدمون مثلي:(37):

http://s01.arab.sh/i/00045/mq3xts8yhwly.jpg

http://s01.arab.sh/i/00045/ft1sr3h8elyt.jpg

وبعدها رحنا لميدان النسر

http://s01.arab.sh/i/00045/1iwlgigt2z56.jpg

وطلعنا منه على فندق ذا ويستن

http://s01.arab.sh/i/00045/33qgli7s2lci.jpg

http://s01.arab.sh/i/00045/ktv43ymnwbkt.jpg

رحنا نشوفه ع مدح الناس له جدا جميييل وموقعه مميز قريب من كل شي

وبعدها رحنا نتغدى بهالمطعم الذيذ خسارة ماعرفناه الا اخر يوم

http://s01.arab.sh/i/00045/qcnx6zrttimp.jpg

البيتزا لذيذة والكاساديا او التاكو برضو لذيييذة
وفيه مطعم اسمه السلطان ماعرف مكانة بس لذيذ اكلهم يوميا ناكل فيه لان ماعجبتني مطاعم لنكاوي مع انو فيه مطاعم عربيه بس مو لذيذة

وفيه سوبر ماركت الحاج سعيد اتوقع اسمة كذا عنده تخفيض او كان يبيع بدون ضرائب المهم الناس يقشون قش اذا انتو بتاخذون كميات روحولة

وبكذا انتهينا من جزيرة لنكاوي الحمدلله:(95):

malak21 09-09-2015 08:17 AM

رد: تقرير ماليزيا - لنكاوي - بينانق
 
جزيرة بينانق الممتعة

رحلتنا كانت الصباح بالطيارة مدة نص ساعة
بس الي اخرنا كثير انو شنطنا ماطلعت مع الناس طلعت انتظرنا اكثر من ساعة وبعد مارحنا نسال ويدورون معنا حصلناها بمكان ثاني احنا وعائلة مادري ليش سوو كذا :(36):

حجزنا كان في فندق فيلامنقو ليلتين الفندق جدا عادي وبسيط بس كان للنوم فقط اهم شي موقعة كويس :(37):

اول يوم رحنا لهضبة بينانق سعر التذكر 30 رنقت للشخص
المكان جميل والجو لطيف ممتعة وفيها كوفي وفيها شخص يسوي مجسم باليد من الشمع مرا حلو والوانه حلوة وشغله مضبوط

http://s01.arab.sh/i/00045/lioizqqrfriq.jpg

http://s01.arab.sh/i/00045/y98wmm9nfpni.jpg

http://s01.arab.sh/i/00045/6by0iy6g8xos.jpg

جسر الحب

http://s01.arab.sh/i/00045/yw4iszyolve5.jpg

نصيحه اذا تبون تعلقون قفل جيبوا معكم واحد يبيعون اشكال والوان ورخيصة واكتبو عليها وعلقوا بدال ماتاخذون منهم :(56)::(37):


وبعد ماطلعنا رحنا نسوي مساج في بيت يعود لعسكري بريطاني ايام ماحتلو البريطانيين ع الجزيرة وبعدها باعه على صيني وحولة لفندق ومحل مساج ومطعم , مساجهم جمييييييل وتعاملهم راااقي جدا واسعارهم نفس اسعار هنا تقريبا طبعا كالعادة ماعرف وش اسم المكان :shutup:

http://s01.arab.sh/i/00045/fsw9os7obfo1.jpg

http://s01.arab.sh/i/00045/raaab2isnnej.jpg


اليوم الثاني قلنا للتاكسي يودينا للبارشوت

http://s01.arab.sh/i/00045/yyev1kd168i0.jpg

تجربة ممتعه جدا جدا جدا لازم تجربونها مشكلتها بس في البداية والنهاية خوف شوي مع طيحة شوي :bleh:

وبعدها رحنا لاحد المولات نتغدا ونتسوق

اليوم الثالث
سوينا الشيك اوت ورحنا لفندقنا الثاني ليلة وحده Sun Yi Villas by Ancasa Hotels & Resorts وطبعا بجزيرة توصلها باللنش يمكن 5 دقايق عن بينانق حجزنا كان غرفة مع 3 وجبات افضل حجزنا كان وسط اسبوع كان فاااااضي مافيه ولا مخلوق حاجز بالفندق غيرنا مدلعينا اخر دلع معيشينا ملوك هههههه

http://s01.arab.sh/i/00045/p8hu0m0ly3g3.jpg

http://s01.arab.sh/i/00045/myfued15w7m9.jpg

استقبلونا بفوطة ساخنة ومشروب باارد يسرسح مع هالحر
واستقبالهم كان بالغرفة
وصلنا ع وقت الغدا ف خيرونا وش نبي وجبتنا دجاج او لحم او سمك طلبنا دجاج

http://s01.arab.sh/i/00045/b8lzskng4yvu.jpg

وبعدها جا وقت السبااااااحة

http://s01.arab.sh/i/00045/f7cyjvorebqn.jpg

طبعا قلت للموظفه اني ابغى اسبح ولا ابغى أي رجال يجي هنا وقالت اوكي وقالتلهم ولا احد جانا او مر من عندنا الين خلصت سباحة مع انه بعز القايلة بس طلعت حرتي اول مرا اسبح بمسبح فندق ههههه

ع العصر جانا واحد واخذنا تحت طبعا الفندق فوق بالجبل جا اخذنا بالسيارة عشان الانشطة حقتهم رماية ورماية بمسدس وصيد سمك


http://s01.arab.sh/i/00045/5vkz35k2jpi6.jpg

http://s01.arab.sh/i/00045/zgf6csj6ltm5.jpg

http://s01.arab.sh/i/00045/ffamcms8dy5t.jpg

وهذي شجرة جوز الهند

http://s01.arab.sh/i/00045/ffamcms8dy5t.jpg

طلبت منه يجيبلي ثنتين وماقصر رقى ع الشجرة ونزلي ثنيتن وقشرهم وزينهم وعطانياه :(37):

وبعد الجهد رحنا نروق ع حبيبتنا

http://s01.arab.sh/i/00045/cwbimhl5oo1p.jpg



http://s01.arab.sh/i/00045/t423ffki8vlw.jpg

غرفة المساج طبعا برايفت محد يشوفك ومعها جاكوزي

ع الساعه 8 جا وقت العشا طلبت سيتك لحم وزوجي دجاج قلتلهم ابغى رومانتك دينر :(1): ابد ماحد محللهم غيري كل شيء بخاطري طلبته :bleh:

http://s01.arab.sh/i/00045/pub2h7a1qeyt.jpg

http://s01.arab.sh/i/00045/10hy1bgugcfh.jpg

كان يوم ميلادي لمن عرفوا جابولي كيكة وايس كريم :(94):
كانت رحلتنا الصباح بدري للمطار افطرنا ووصلونا للمطار مجانا
الفندق جدا جمييييل وتعاملهم راااقي يدلعونك اخر دلع بس فيه ملاحظات الاكل جدا شيء لا اللحم ولا الدجاج ماينوكل فقط البطاطس والشوربة هي الي اكلتها من جيتهم يعني خذو حسابكم بالاكل اشياء خفيفة يعني , الفندق كان قريب من المطار فتسمع الطيرات فوقك وليلتها كان فيه رعد ومطر مانمنا منها :(57):
اذكر كان فيه مباراة الهلال اتوقع وكان النت بطيء كلمناهم وجابو المودم بغرفتنا اكثر من كذا دلع مافيه ههههههه
بس بشكل عام يستحق التجربة وحق استرخاء ودلع وبس والله.

طبعا سمعت بنصيحتكم اني ماشتري القهوه البيضاء ولا الشوكلت من بينانق لانهم حرامية
طبعا اذا دخلنا للمحل اذوق الانواع كلها واللي يعجبني اصور الكيسة والنوع ولمن رحت لكوالا بمجمع سوريا بالسوبر ماركت حصلتها بس مو كل الانواع موجودة وماركات كثيرة
اخذت الي ابيه وبسعر جدا رخيييص :(37):

وبكذا انتهينا من جزيرة بينانق:(55):

malak21 09-09-2015 08:31 AM

رد: تقرير ماليزيا - لنكاوي - بينانق
 
كوالا لمبور:(39):

حجزنا كان بفندق le apple قريب مررا من برج بتروناس التوام الفندق مش بطال عادي للنوم فقط يعني

http://s01.arab.sh/i/00045/gpgfkk72pche.jpg

http://s01.arab.sh/i/00045/jgzzg8ee37kb.jpg

http://s01.arab.sh/i/00045/7coz87dvkagt.jpg

هذا قاليري زي المتحف وفيه محل يبيع اشياء كوالا لمبور

كوالا لبمور خليتها تسوق فقط :(155):

مجمع سوريا
مجمع البافليون
مجمع ميقا مول
السوق الصيني
مجمع التايم سكوير

مطاعمهم

مطعم القمر شاورمتهم لذيذه بشارع العرب
مطعم ناب الايراني رز الرمان او الزرشك والكباب
وهذا المطعم التركي في مجمع بشارع العرب بس نسيت أي مجمع :(57):

http://s01.arab.sh/i/00045/lkwzpq3joj0u.jpg

وبكذا انتهينا من رحلتنا لماليزيا :(3):

ان شالله تكون خفيفه ومفيدة لكم في اشياء كثييييرة نسيتها ماكنت متوقعة بكتب تقرير بيوم من الايام وبصراحة ماكنت متوقعة ماليزيا كذا قبل اروحلها كنت كارهتها بس تغيرت نظرتي لها 180 درجة جميييلة جدا
وممتعة والتعامل الراقي

نشوفكم بتقرير ثاني ان شالله :(39):

Turki1407 09-09-2015 08:48 AM

رد: تقرير ماليزيا - لنكاوي - بينانق
 
الله يعطيكي العافيه.

صور جميله و تجربه جميله و كان ودي اجرب الفندق يلي في الجزيره بس الجايات اكثر ان شاء الله.

فيصل 09-09-2015 06:00 PM

رد: تقرير ماليزيا - لنكاوي - بينانق
 
كل الشكر لك علي التقرير
بعض الصور كبيره

ايه لازم تحللونهم

صار عندهم جسر حب بعد

اعتقد لنكاوي ما فيها ضرائب أو محل سعيد غير

شكرا لك

العدني 09-09-2015 06:22 PM

رد: تقرير ماليزيا - لنكاوي - بينانق
 
عجبني جدا بس في ملاحظات راح اقولها لما ادخل من كمبيوتر او لعلني لا اقول

الله اعلم

شكرا لك على التقرير اللطيف و الخفيف

Bu Rashed Al Shamsi 11-09-2015 10:57 AM

رد: تقرير ماليزيا - لنكاوي - بينانق
 
ما شاء الله تبارك الرحمن
شكرا على مشاركتج لنا موضوعج
وفندق بينانق رومنسي جدا

شارلوك هولمز 09-10-2015 09:19 AM

والله تقرير بطل .. الرماية والسباحة وشفت خيل لو ركبتوه كان مرة اخذتوة بالنصيحه علموا اولادكم ههههه

القهوة هنآك طعم اخر لووول

وش قصة الاقفال موضة راحت

تسلم الايادي

هولمز


الساعة الآن 10:25 PM

Powered by vBulletin® Copyright ©2000 - 2025, Jelsoft Enterprises Ltd.
Search Engine Optimization by vBSEO