|
استفسار السلام عليكم انا خلصت الحجوزات من البوكنج واخذت اوراق تأكيد الحجز بس استفسار مافيه خصم من الفيزه هل الخصم في اول ليله اسكن عندهم وهل اعتبر ان حجزي مؤكد لني اول مره احجز من البوكنج ماابا ادرعم ويلعبون علي :202: |
رد: استفسار الحجز مؤكد تاكد ان في فلوس في البطاقه بس علشان بعض الفنادق قبل الوصول بثلاث ايام يعملوا حجز للمبلغ لضمان حقهم اذا مافي فلوس بالبطاقه بيتم الغاء الحجز بعد تنبيهك بذلك بالاضافه الى ان لما توصل ادفع بالبطاقه فقط واذا طلبوا تامين اعطيهم كاش مو فيزا علشان تسترجعه وانت طالع من الفنادق |
رد: استفسار الله لاهينك يالعدني انا الفيزه اللي معي مسبقه الدفع وفيها مبلغ الحجز بالضبط هل فيه رسوم على اذا سحبو من الفيزه اذا بغيت ادفع كاش عندهم مافي مشكله ويفكون الحجز على المبلغ انا خلصت حجز كل الفنادق باقي الطيران الداخلي ويش تنصحني من ناحيه الوزن |
رد: استفسار لو حجزت الغاء مجاني ودفع لاحقا يصير تدفع في الغندق عند الوصول كاش او بطاقة زي ماتحب لو غير مسترد ممكن يسحبو المبلغ او يحجزوه الطيران الداخلي شوف شنطك ولو تزود الوزن افضل لانو السعر في المطار يذبح ... |
رد: استفسار شكرآ عاشقة لنكاوي لا ابشرك كل الحجوزات فيها أللغاء مجاني كم الوزن اللي المسموح في الطيران الداخلي ؟ |
رد: استفسار العفو اخوي الطيران الداخلي اير اسيا انتا تشتري الوزن يعني مثلا انا اخدت 25 كيلو ممكن انتا تاخد اكثر او اقل حسب تقديرك بس حاول يكون تقريبي لانو السعر لو رحت المطار وطلع اكثر يكون مضاعف وغالي ممكن تاخد من ساكو ميزان الشنط وانتا طالع المطار اوزن لو في زيادة عن اللي حددته تحطها في شنطة صغيرة جهزها تدخلها الطيارة معاك ورحلة سعيدة |
رد: استفسار ﻻيوجد رسوم على الفيزا فقط فرق العملة .. الرسوم فقط عند السحب منها كاش انت راح تدفع المبلغ المطلوب منك بعملتهم شامل ضريبة وخدمة الوزن زي ما قالت اىخت الفاضلة عاشقة لنكاوي وغالبا 25 طيبة بما انك لم تتسوق بعد |
انا الحين خلصت الحجز الطيران الداخلي يمدني اقص البوردنق الحين انا حاجز على اسيا في 4 كتوبر |
انا سمعت انو ممكن تقص البوردنق قبل موعد السغر ب14 يوم ياريت الاخوان يفيدونا في دا الموضوع |
يمديك تقص البوردينج فقط قبل الرحله ب١٤ يوم او اقل انا جربتها حلوه الفكره |
وين يقص البوردنق وهو مابعد وصل ماليزيا اخوي |
قص البوردنج بالنت اخوي عن طريق موقعهم |
اقتباس:
ثانيا يفضل ان تخلي الفندق يسحبوا بالبطاقه واذا كاش مو مشكله بس مرات يستهبلوا ويرجعوها بعد اسبوعين مش حرام ؟ على الاقل بتستعملها هناك |
14 يوم او اقل ممكن تشوف شرحي في قص البوردينج اذا واجهة صعوبه |
الله لاهينكم جميع عطني رابط الموضوع الله لاهينك يالعدني علشان ماتصير هناك لخبطه وانت جربت قص البوردنق من النت وهل هناك مشاكل ؟ |
كل سفراتي من النت اقص البوردينج عدى رحله وحده حبيت اجرب جهاز اير اسيا في مطار لنكاوي وطلع خربان فرحت على الكاونتر دايركت مدري اذا الموقع تغير كثير ولا لأ بس هذا الشرح عملته من سنتين او ثلاث لقص البوردينج https://www.youtube.com/watch?v=w7sezsPohcg يفصل تعديل الوضوح الى 1080 وتكبير الشاشه فل سكرين |
مشكور يالعدني وكا العاده سباق لمساعده انت ولاخوان ايضا والله يرزقكم الحين خلاص كل شي وسويته من حجوزات طيران دولي وطيران داخلي وفنادق وهذا الشي كله اول مره والله يستر واللي خلني اسوي هذا الشى هو تحدي مني ودفعه معنويه منكم الحين السؤال المهم انا حجوزاتي من موقع بوكنج كيف وضعها اروح وانا راكن من بعدالله مافيه لخبطه من ناحيتي كلش تمام الدراهم في الفيزه لني بغيت اكلم الفنادق اللي انا حاجز فيها بس معينت اللي عنده موهبه انجليزيه وسوسه وشهر عسل وانتم خابرين مانبا نطيح من عينها من اول الايام |
الله يتمم لك يا عريس حلو بم ان الفلوس في الفيزا بعض الفنادق تخصم او تحجز مبلغ اول ليلة اذا تم الحجز او الخصم ﻻول ليلة.. انت تقول لهم انتو اخذتوا حق ليلة وعند الحساب يكملوا حق باقي الليالي .. وادفع التامين كاش وخذ ايصال عليه وبلغهم انك تاخذوا وقت الخروج كاش .. بعض الفنادق اطلب منهم تفريغ الثﻻجة وراح يعفوك من التأمين بس مش كلهم يوافقوا |
مثل ما قالك مزمز الامور سهالات واذا تخاف من الخربطه نزل لنا تورايخ الحجز نعمل عليها تشييك |
حجزه في صن واي ٣-٤/كتوبر نكاوي وستن ٤-٧/كتوبر كولا ٧-١١ في traders ايه والله سولي تشيك وكون شااااااااااااااااااااااكرآ لك يالعدني |
الصن واي ٢-٤كتوبر |
تواريخ الفنادق مضبوطه برافو عليك باقي تواريخ الطيران الدولي و الداخلي |
الطيران الدولي الوصول ٢اكتوبر الساعه ١ظهرا العوده ١١اكتوبر الساعه ٦مساء الطيران الداخلي من كولا الى لنكاوي من ٤ كتوبر الى ٧اكتوبر الوصول كلها ع الساعه ١٢:٣٠ظهرا |
لاهنت اخوي العدني الحجز كضيف او اسوي تسجيل بحساب جديد وهل لازم احجز باللغة الانجليزية او العربية وش تنصحني فيه حجز بريميوم او حجز عادي |
اقتباس:
|
اقتباس:
في الترويحه الى الوطن تشك اوت 12 من تريدرز خلي الشنط عندهم وروح المول شوي تغدى وارجع خذ الشنط واركب تاكسي للمطار klia 1 الساعه 2 بالضبط لان 45 دقيق الطريق وما تضمن الزحمه |
الله يعطيگ الف عافيه يالعدني اوكيه الحين في لنكاوي ويش ترشح افضل رحله بحريه وين احصل الحجز فيها وافضل وقت لها وافضل المزرات تنصحني فيها مع التوقيت والكوالا عطني جدول في الايام اللي بسكن فيها مع الوقت ويعطيك الف عافيه لني تعبتكم معي انت واخواني والله يرزقكم اللي في بالكم ويسعدكم |
في لنكاوي لا تفوت رحلة الغروب روعه و بعدها رحله المنغروف و الجزر الثلاثه و افضل شي تحجزها من المطار. الاماكن القريه الشرقيه حديقة الفواكه حديقة التماسيح ميدان النسر الدبابات الرباعيه و سباق الفورميلا ( الكارتينغ) الشلالات و تجربة لعب القولف ممتع جداً |
في لنكاوي والكولا ويش المزرات اللتي تكون فاتحه من بعد المغرب عطونى علشان اسويها بعد المغرب وبعدين طريقه حجز الرحلات البحريه وين في المطار واسماء الرحلات ويش اقولهم اذا ابغي وحده منهم يعني موضحينها باللغه العربيه ولا لها اسماء بالغه الانجليزيه وكم اسعارها تقريبا |
اغلب المزارات تقفل الساعة 6 او 7 مساء الموﻻت تقفل 10 مطاعم الموﻻت تقفل 11 او 12 عندك اي سيتي ومﻻهي التايمز كوير فاتحة بعد المغرب الى نهاية دوامهم ادخل المواقع الرسمية للمزارات للتاكد من اوقاتهم الرسمية http://www.arabtrvl.com/vb/t7776.html |
ممكن تقولي المزرات اللي مثل التلفيريك والقريه والشلالات وغيرها كم تبعد من فندق وستن تقريبآ |
الويستن : قريب منك ميدان النسر وحديقة ليجندا والموﻻت الصغيرة وحديقة الفواكه وشلال دوريان والمانغروف المطار يبعد عنك تقريبا نصف ساعة التلفريك والقرية الشرقية تبعد عنك تقريبا 45 دقيقة |
لاهنت ياهاي مزمز على الرد طيب ياخوان هذا الخدمه بستفيد منها ولا في فندق الويستن (هذا النوع من الغرف يوفر خدمة نقل من وإلي المطار. ويجب تقديم تفاصيل الرحلة الجوية في وقت الحجز لضمان هذه الخدمة.) اذا نعم ويش اسوي بالضبط علشان استفيد من الخدمه ذا |
في مطار لنكاوي يوجد صالة صغيرة لنزلاء ويستن عادي تبلغ الفندق بايميل او تكتب هذه النلاحظات في بوكينج برقم الحجز للفندق واسمك ووقت المغادرة ووقت الوصول للرحلة ورقم الرحلة ونوع الخطوط |
اشكرك بكل عمق تم ارسال لفندق وتم الرد بالترتيب النقل بعد ارسال له ماتم كتابته لي يامزمز هاي شكرا شكرا وشكر لجميع الاخوان |
الحين انا ويش بكفني صرفيه في ماليزيا اذا كانت كلها مزرات واكل لمده عشره ايام تقريبا هل اخذ كاش ولا خلي نصها في الفيزه واخذ كاش انا الحين محول ١٠٠٠٠الف ريال وجاني ١٠٠ ب ١٠٥رنقت والفنادق خلصت منها والطيران الداخلي والخارجي خلصت منها وكيف بكون جوها في بدايه اكتوبر تقريبا وهل في هذا الوقت فيها زحمه |
500 ريال تكفي لشخصين مزارات ومطاعم وتكاسي في اليوم اكتوبر موسم امطار واجواء روعة الزحمة .. العرب ما راح تحصلهم بكثرة واهم شي اﻻماكن الحلوة تحنبها في الويكند |
الويكند يوم السبت والاحد |
نعم وفي لنكاوي جمعة وسبت |
| الساعة الآن 11:49 AM |
Powered by vBulletin® Copyright ©2000 - 2025, Jelsoft Enterprises Ltd.
Search Engine Optimization by vBSEO