|
استفسار عن طريقة بوكينق الحمد لله بفضل الله ثم فضلكم خلصت جميع الحجوزات وكان الفرق كبير جدا من ناحية المبالغ عن المكاتب السياحية سؤالي الان عن طريق بوكينق الان حجزت 4 ايام مثلا راح يطلع لي القيمة كاملة لاربعة ايام هل بعد وصولي الفندق وتقديمي اوراق الحجز ادفع مبلغ الضريبة شامله للفندق او يحسب كل ليلة بقيمتها .. |
مجموع الضريبة عن كل الليالي تضاف الى مجموع قيمة الغرف لكل الليالي وتدفع كلها مع بعض سواء عند الدخول او الخروج |
ما فهمتك اخوي الان حجزت في برجايا 4 ليال بمبلغ 1800 مثلا ومكتوب غير شامل الضريبة 10% ادفع فقط للفندق 10% قيمة 4 ليال يعني =180 صح الحسبة اخوي |
اخي الكريم بما اني عميل مميز في بوكينق وكل سفراتي احجز منه بالنسبة لفنادق ماليزيا السعر المعروض في بوكينق الأسعار للغرفة الواحدة لـ 4 ليالي غير مشمول: 10 % رسوم الخدمة, 6 % الضريبة يعني راح تدفع المبلغ اللي في حجزك وتضيف له 16% ( 10% الخدمة + 6% الضريبه ) مثلا لو كان قيمة حجزك بـ 1800 رينجت 1800x16%=288 المبلغ الكلي اللى راح تدفعه هو 288 + 1800 = 2088 ان شاء الله الشرح واضح واي مساعدة حاضرة اختكم - قصة حب :(114): |
واحب انوه لشي مهم الشاي والنسكافيه مجانا مع الغرفه في كل الفنادق الثلاجة يكون فيها بعض العصاير والمشروبات وبعض المكسرات او التسالي يطلبون منك تأمين تقريبا 200 رينجنت وربما يختلف من فندق لآخر الافضل عند الدخول تقولهم يشيلون كل اللي بالثلاجة ولا تدفع التأمين كل سفراتي بشرق اسيا نتبع نفس الطريقة مرتاحين وما ندفع تأمين |
الله لايهينك اختي الكريمة الان وضحت بشكل كامل يعطيك العافيه التامين ماراح ادفعه الفنادق بكم خبرتك بيراميد بلانجي بيتش ( متريوس) تريدز اعمل دن عليها |
اقتباس:
الله يعافيك اخوي الأسعار ماهي ثابته لازم تحجز من المواقع المعتمدة والمشهورة على سبيل المثال لا الحصر بوكينق - اقودا - هوتل كومبايند وتشوف الاسعار حسب التواريخ اللي بتسافر فيها البراميد انا جربته 3 مرات حلو وسعره ماهو غالي اما الباقي فمالي تجربه فيهم لكن التردز يمدحونه ومو رخيص فيه تقرير عنه بقسم الفنادق :(114): |
يعطيك العافية استغل تواجدك دامك موجوده باص الهوب هوب تذاكرة احصلها في نفس نقطة الانطلاق |
محطـات الباص الـ 22 كالتالي : 1 MTC (Malaysia Tourism Center) مركز السياحة الماليزي 2 KL Tower برج المنارة 3 P.Ramlee منطقة شارع رملي 4 KL Convention Center & Aquaria مركز كوالمبور للمؤتمرات وعالم ما تحت الماء 5 Karyaneka مركز الهدايا والحرف والصناعات التقليدية 6 Bintang Walk ممشى بنتانق ( أول شارع العرب ) 7 Tengkat Tong Shin منطقة تنقكات تونق شن ( مشهورة بالمطاعم الصينية واليابانية النقليدية وقريبة من شارع العرب ) 8 China Town تشاينا تاون 9 Central Market سنترال ماركت 10 National Palace أو ما يسمى ب Istana_Negara إستانا نيقارا القصر الرئاسي ... 11 KL Sentral المحطة الرئيسية للقطارات والباصات والنقل العام في كوالمبور 12 National Museum المتحف الوطني ... بجوار حديقة بردانا ... 13 Lake Garden ليك قاردن أو حديقة بردانا ... حديقة البحيرة ... 14 Bird Park حديقة الطيور 15 National Mosque الجامع الوطني 16 Dataran Merdeka مربع ميرديكا بجانب مبني السلطان عبدالصمد .... 17 Medan MARA 18 Raja Laut طريق راجا لاوت ... 19 Bulatan Pahang شارع بولاتان باهانق 20 Titiwangsa منطقة تيتيوانقسا ... ( كانت تحتضن عين ماليزيا سابقا ) ... 21 City Bank سيتي بانك ... 22 KLCC علم على رأسه نار إبراج وسوق بتروناس ... المحطات المميزهـ والمهمـه التي بالارقـام التالية : 2 - 4 - 6 - 8 - 11 - 13 - 14 - 22 وهذي النقاط التي يمرها صحيحه |
فندق إمبيانا كيه.إل.سي.سي شو رايك في هذا الفندق |
الحسبة صح في لنكاوي فقط ياخذوا 10% كوالا وباقي المدن اللي رايح لها 16% بينانج عندهم ضريبة جديدة تقريبا 3 رينجت مع ال 16 % بعض الفنادق تجد عندهم فقط ضريبة الحكومة وما في ضريبة خدمة وهذي قليل تذاكر الباص السياحي تقدر تشتريها من موقعهم الرسمي بالنت او من خلال الباص نفسه .. يوجد كشك صغير في شارع العرب امام فندق بيكولو على الشارع بالتحديد امام الملهى الليلي هناك على الشارع العام امبيانا رائع ومجدد ومرتبط دايركت بالجسر المكيف وهو قريب من البرجين ومن شارع العرب |
لاهنت اخوي هاي مزمز انت تحديد جميع الخطط التي علمتها والجوزات انت الملهم فيها |
اخونا هاي مزمز ما قصر كتب المختصر والمفيد جدا سفرة موفقة باذن الله |
اخواني لقيت اجودا يفرق عن بوكينق بسعر 600 ريال اجودا ثقه اقدر احجز منه !!!! |
اجودا ابو الثقة على طول يسحب فلوسك وتروح الفندق وانت مرتاح بس تعطيهم رقم الحجز او ورقة الحجز وتدخل من غير هات الفيزا وخذ الفيزا |
تقصد حتى ضريبة الخدمة يخصمونها مادفعها لهم |
اخواني واخواتي الكرام كلهم فيهم الخير والبركة وراح يساعدوك لترتيب كل ما يلزم لنجاح رحلتك |
اقتباس:
اجودا يعطيك ايضا برنامج نقاط تستفيد منه مستقبلا اما اذا حاب تستفيد فجرب اللي اقول لك عليه ضع تواريخك في موقع هوتيل كومبايند واختر نفس الفندق والغرفة من موقع اجودا راح تجدها بسعر ارخص ... هذا ما حصل معي .. اعتقد انهم اعطوني خصمية النقاط مقدما عبر موقع هوتيل كومبايند ولا اعلم اذا الموضوع دا موجود وﻻ ﻻ اﻻن جرب وبلغني |
انسى كلامي بخصوص هوتيل كومبايند لاني جربت وما ظهر معي موقع اجودا نهائيا فيبدو انهم غير متعاملين معاه لكني لاحظت في اجودا بعض العروض خاصة لمن يحجز عبر الموبايل |
لاهنت شجعتني عليه رمز الأمان هي 3 ارقام للتأكيد فقط صحيح |
بس انتبه الالغاء المجاني عندهم يخصموا على ما اذكر حدود 40 ريال فﻻزم خلاص تكون منتهي من امر اختيار الفنادق اقرأ سياسة الموقع رقم حساب الفيزا الطويل اللي في واجهة البطاقة وفي ايضا ثلاث ارقام من الخلف هي رمز الامان |
لاهنت الغالي ان شاء الله يس الأفضل برجايا او بلانجي بيتش |
وشنو الأفضل احجز بالعمله تبع السعوديه او أحولها تبع ماليزيا |
اقتباس:
|
برجايا جميل جدا ونظيف عبارة عن اكواخ في الغابة وعيبه الوحيد التنقل بالعربة من الغرفة للمسابح والاستقبال بالقرب منه تماما التلفريك والقرية الشرقية والابار السبعة وفندق الدانا ومطعم السلطان ومحطة ومغسلة وسوبر ماركت وشاطي رملي نظيف بلانجي بيتش نظيف ورائع وافخم قليلا وشاطي رملي نظيف ةعليه فعاليات العاب بحرية وكل الخدمات مشي من مطاعم الهدوء والروقان اكثر عند برجايا رؤية الناس والرايح والجاي والبراشوت وغيره تجدها في بلانجي بيتش اتوقع الحجز باي عملة ما راح يفرق |
تم الانتهاء من حجز الفنادق لاهنتوا جميعا لولا الله ثم لولاكم ماعزمت على ترتيب السفر حجزت في بلانجي بيتش باقي ترتيب الفعاليات وراح أرتبها وانزلها ان شاء الله |
| الساعة الآن 01:43 AM |
Powered by vBulletin® Copyright ©2000 - 2025, Jelsoft Enterprises Ltd.
Search Engine Optimization by vBSEO