|
مسافر ماليزيا شهر مارس وابي رايكم والفائده منكم .... السلام عليكم ورحمة الله وبركاته باذن الله مسافر في مارس الى ماليزيا شهر عسل واخترت فنادق وابي رأيكم فيها ... 3 ايام لنكاوي في (( فندق برجايا لنكاوى ؛ بريمير شاليه فوق الماء )) 3 ايام بينانغ في (( فندق راسا سايانج ؛ ديلوكس على البحر )) يومين في مرتفعات الكاميرون في (( فندق ليك هاوس ؛ غرفة ديلوكس )) 3 ايام في لنكاوي في (( فندق شانجريلا ؛ غرفة بريمير )) يومين في سيلانجور في (( فندق صنواي لاجون ؛ فــيـلا شهر العسل )) ابغى رايكم فالفنادق ؟؟ وبالنسبه لموضوع التكاسي اش الطريقه فيها هل في احد عنده ارقام سواقين ثقه واسعارهم تمام لاني صراحه خايف من ذا النقطه .. |
بارك الله لكما وبارك عليكما وجمع بينكما في خير الله يوفقك يا عسل فنادقك ممتازة لكن برجايا قي لنكاوي فيه اللي افضل منه وعندك ذا دانا .. ويستن وهذه مواقعها كويسة وعندك منتجعات فخمة بس معزولة الخدمات ومنها اندامان وذا داتاي وفور سيزون وتانجونج رهو كاميرون ممتاز ويوجد افضل منه كاميرون هايلاند شانغريلا اتوقع تقصد اللي في كوالا .. ممتاز ولكن يوجد افضل ومنها جراند حياة وتريدرز وماندرين وماجستيك بالنسبة ﻻرقام السائقين يوجد موضوع مثبت ﻻرقام سواقين مجربين وهذي نبذة عن المواصلات راح تساعدك المواصلات : بالنسبة للمواصلات في ماليزيا ففي المطار اما بالتاكسي وذلك عن طريق مكاتب التكاسي ولها سيارات مخصصة قبل الخروج من المطار والاسعار تتفاوت حسب حجم السيارة وهذا الشي يحكمه عدد الافراد والشنط فقط تعطيهم اسم الفندق ... بالنسبة لهذه المكاتب في الاونة الاخيرة ارتفع سعرها وعموما السعر الى منطقة الصن واي لاجون في حدود 80 رينجت او عن طريق التاكسي بالعداد وهو موجود في الدور الارضي فقط تذكرة اعتقد بــ 2 رينجت وبعد كدا بالعداد وهذا اوفر لكن التكاسي راح تكون انت وحظك قديم جديد لانها لعامة التكاسي الطريقة الثانية بالباص رخيصة واقتصادية واعتقد في حدود 10 رينجت للشخص الطريقة الثالثة بالقطار اكسبريس وهو الاسرع لكن النزول راح يكون في محطة kl sentral بالنسبة لكوالا وبعد كدا تاكسي الى الفندق واعتقد الشخص للقطار بـ 40 رينجت الطريقة الرابعة ايضا داخل كوالا المونورول (المترو ) اقتصادي و تجربته جميلة ورائعة لكن بالنسبة لكبار السن واللي عنده اطفال وعربات راح يتعب شوي واشوف ما يحتاج ان احد يستقبلك في المطار لان الامور واضحة جدا في المطار كما يوجد تطبيق ماي تاكسي الرائع على الجوال عند تشغيله في أي مكان راح يعطيك السعر التقريبي للمكان اللي رايحين فيه وبعد كدا يوضح لكم التكاسي القريبة منك واللي وافقوا على السعر ويمكن تضع زيادة بقشيش في التطبيق وعلى طول راح تشوف كمية الاتصالات عليك البرنامج هذا كان له تقرير رائع من اخونا العدني الله يذكره بالخير في المنتدى السابق اذا كان الاتفاق بالجولة في كوالا او سلانجور اعتقد الساعة في حدود 25 الى 30 رينجت للساعة الواحدة في لنكاوي المطار نفس الطريقة مكتب التكاسي والسعر بسيط غالبا لمعظم الفنادق 20 الى 25 رينجت عدا بعض الفنادق البعيدة مثل اندامان وانصحكم في لنكاوي باستئجار سيارة واسعارها حسب الموديلات والشركة من 60 رينجت الى 120 بالنسبة لاسعار الجولة في لنكاوي الساعة ب20 رينجت الى 25 بالنسبة لمكاتب التكاسي في المطار دائما تكون قبل بوابة الخروج يعني لما تستلموا الشنط وتعدوا تفتيش الشنط راح تمشي شوي وتحصل مكاتب تاكسي اوفيس او اسأل اي موظف رسمي في المطار وانتبهوا من النصابين اللي يتكشخوا في اللبس ويضحكوا على العرب من ناحية التكاسي ونصب حجز الفنادق فنصيحة اي شخص يأتيكم ويسوي نفسه موظف ويلزمك انك تأخذ تاكسي من عنده اعرف انه نصابوطبعا زي ما قلت في الدور الارضي يوجد تاكسي العداد بالنسبة لبعض الاسواق فيها مكاتب تاكسي يعني مثلا سوق البراميد صن واي لاجون امام مدخله الرئيسي يوجد مكتب واسعاره رخيصة بس تعطيه اسم الفندق ويعطيك السعر اذكر اني رحت من عنده الى شارع العرب ب 24 رينجت بينما لو وقفت تاكسي من خارج هذا المكتب راح يقولوا 40 رينجت لكن مع التطبيق السعر معروف الان رحلة ممتعة هاي مزمز |
يعطيك العافيه بس اختياري بيرجايا في لنكاوي بسبب وجود شاليه فوق الماء ،، هل يوجد شاليهات او غرف فوق الماء في فنادق اخرى غير بيرجايا ؟؟ وبالنسبه لكوالا بديت افكر اغير الفندق صراحه |
يوجد في لنكاوي شاليهات فوق الماء في برجايا وايضا في لنكاوي لاقون.. لنكاوي لاقون راح تجد في مواقع الحجز انواع كثيرة ومسميات كثيرة بعضها جديد وبعضها قديم .. اخوي جرب فلل امباك عل البحر ويمدح نظافتها لانها جديدة لكن يذم الموقع نوعا ما .. برجايا افضل في الموقع وشاطئه اجمل |
الف مبرووك الله يتمم لك على خير نصيحة فندق لنكاوي لاقون لاتحجز فيه موقعه كئيب ولايوجد شاطئ له فندق برجايا أفضل منه إذا أنت حاب شاليه على البحر فيه الدانا والوستن أفضل من برجايا لاكن لاتوجد شاليهات على البحر بالنسبة ل كوالا جربت فندق تريدز رائع جدا وقريب من البرجين إذا أنت حاب يكون في شارع العرب عندك فندق الماريوت موقع ونظافةومقابل ل مول البافليون واحسنت الاختيار لزيارة الكاميرون مزارع الشاي والفراولة والحجز لها عن طريق باص من بيانغ أو تاكسي |
ليش ما تجرب فندق بانكور لاوت في جزيرة بانكور عندهم فلل فوق الماء و رومانسيه جداً هذا رابطهم من بوكينج منتجع بانكور لاوت |
اقتباس:
يعطيك العافية |
اخوي حجز فيه فلل الموجوده على مدخل السبا معزوله عن الفندق و هادئه و البحر نظيف حجز من موقعهم الرسمي و اخذ بكج مع المواصلات اتوقع اغلى من انك تدبر نفسك في المواصلات بس هو يحب يريح نفسه و ملاحظة: سبب حجزه في هذا الفندق كان ملغي فكرة الذهاب الى لنكاوي او بينانج و اكتفى ب ثلاث ايام في بانكور و اسبوع في كوالا و سيلانجور . |
اقتباس:
شاكرلك تجاوبك اخوي ابو سيلين لاعدمناك |
اذا حاب باكواخ عالبحر في غير لنكاوي مثل ما تفضل اخوس ابو سيلين بانكور وعندي اقتراح اخر بوردت ديكسون فيها اكواخ عالبحر وهي قريبة من كوالا ايضا منتجع منتجع أفاني سيبانغ غولد كوست قريب من سلانجور بس اكيد لنكاوي غير ولها رونقها وسحرها الخاص |
يعطيكم العافيه اخوي ابو سيلين منتجع بانكور لاوت وش اقرب شي له ؟؟ |
بعد اذن اخوي ابو سيلين بانكور تصل لها برا من اي مكان حتى تصل الى ميناء لوموت ومن لوموت الى جزيرة بانكور بالقارب مدة اقل من نصف ساعة وﻻ يوجد طيران مباشر الى الجزيرة ... كان في رحلات سابقا على طيران برجايا لكن توقفت |
اقتباس:
تكسي الاحمر اررخص واحد و تكسي الازرق يكون شوي مرتفع وعندك الباصات للتنقل مره حلوه وسهله جدا في كوالالمبور و التكاسي تقدر تتفق معاهم قبل ان تركب معاهم ناس طيبين جدا . اتمنى اني فدتك في الشي البسيط تقبل مروري مبارك لكم والله يجمعكم على الخير ان شاءالله |
السلام عليكم اريد مساعدتكم ومقترحاتكم خاصه من الأخ خبير ماليزيا اريد السفر الى ماليزيا لمدة اسبوع ما المناطق ذات الأجواء الجميلة الغير حاره وغير رطبه تنصحوني بها لان قالوا لي ان اغلب المناطق حاره ورطوبة |
السفر بإذن الله بعد أسبوعين |
اهلا اخوي الكل راح يساعدك ان شاء الله المناطق ااباردة كاميرون وتبعد عن كوالا تقريبا من 3 الى 4 ساعات بالسيارة او الباص والمواصلات لها فقط برا وما يميزها مزارع الشاي ومرتفع برنشانق ومزارع الفراولة وحديقة الزهور والشلالات ومناحل العسل جنتينج وتبعد عن كوالا فقط 45 دقيقة الى ساعة 60 دقيقة والمواصلات برا فقط وفيها الملاهي الداخلية حاليا اما الخارجية تحت التجديد ويوجد عالم الثلج بوكيت تينجي وفيها القرية الفرنسية واليابانية وتبعد عن جنتينج مسافة 30 دقيقة والمواصلات لها برا ويوجد منتجع ذا شاتوه الرائع ويوجد مناطق اخرى لكن هذه المشهورة رحلة ممتعة هاي مزمز |
أشكرك ع الرد ويعطيك العافية |
| الساعة الآن 10:47 PM |
Powered by vBulletin® Copyright ©2000 - 2025, Jelsoft Enterprises Ltd.
Search Engine Optimization by vBSEO