|
رحله شباب ل ماليزيا أرجو المساعدة السلام عليكم كيف حالكم ي أعضاء المنتدى متابع ل منتداكم ل فتره طويله والحين احتاج مساعدتكم بدل المكاتب الي راح يستغلونا في البدايه كنّا ب نسافر عن طريق مكتب ثم قررنا نسال ونستفسر ونحجز كل شي ب أنفسنا ف صارت الوجهه ل ماليزيا باْذن الله ف حاب تساعدوني وان شاء الله م تقصرون وتبادلوني خبراتكم لانها اول سفره لي ول أصدقائي ف الخطه مبدئيا 14 يوم او 15 موزعه ع اربع مدن او جزر كوالالمبور لنكاوي بينانج وشي رابع اقترحو علينا طبعا نبي مغامرات وألعاب وفله وكذا وجو شباب ف ايش رأيكم وكيف ترتيب المدن .. وايش تنصحون ب فنادق اربع نجوم ب كل مدينه ؟ ومكانها ب نص المدينه لاننا نحب المشي عادي نمشي كثير والتنقلات بين المدن طيران داخلي او سفن او سيارات انتظر دركم |
و عليكم السلام حياك الله بيننا طالما اخترتوا الوجهة فالمكان المناسب هو استفسارات ماليزيا و الخبراء ما يقصرون تابعه هناك |
اعتذر لك هل افتح موضوع اخر أم سيتم نقل الموضوع ؟ |
اقتباس:
ماليزيا بلد جميل وسياحي لكن للشباب لك عليه شوي فيه خيارات افضل وبتكلفه اقل انا اقترح عليكم تغيروا الوجهة الى اندونيسيا انا زرت البلدين واعرفهم جيداً اندونيسيا للشباب افضل هذا مجرد اقتراح |
غيروا الوجهه. .. |
حياكم الله.. وبماانكم اخترت زيزا فابشروا بالمشورة الزينة باذن الله. واذا غيرتم الوجهه فربي يوفقكم وتروحون وترجعون بالسلامة. اول شي اتمنى تخلون الايام الصافية في مالزيزيا 15. غير يومي السفر. يعني المدة كاملة 17 يوم. 15 يوم وانتم شباب فراح تفلونها صح. ويارب احلى وناسة تكون قدامكم. تقسيم الايام .. 2سلانقور..3لنكاوي..3بينانغ..3كاميرون..4كوالا.. الفنادق.. صنواي براميد.. فرنجباني.. هوليدي ان.. كاميرون هايلاندز.. بارك رويال.. هذا اقتراح وبالامكان التعديل. ونسمع اراء بقية الاعضاء. واذا غيرتم الوجهه خبرونا |
الشباب الي اقترحو تغيير الوجهه ايش الأسباب شوي توضيح لو سمحتم |
الشباب ما قصروا جزاهم الله خير ماليزيا بلد تصلح لكل الاعمار انا راح اضع لك اهم المعالم السياحية وعلى ضوئها تقدر تختار المدينة اللي ترتاح لها في سلانجور عندك الفعاليات : الالعاب المائية صن واي لاجون ..... مجمع الماينز ورحلة الكروز – أي سيتي وهي عبارة مدينة الاضواء ومتحف الشمع للمشاهير وبيت الرعب وعالم الثلج وعالم الفضاء ) - بوتروجايا(كروز في البحيرة – جسر بوتراجايا وفي المساء يكون شكله جميل بالالوان – القصر الرئاسي - مسجد بوترا في لنكاوي رحلة المانغروف - رحلة الجزر الثلاث – القرية الشرقية والتلفريك والبطة البرمائية وسكاي دوم – اسطبل الخيول – شلال الابار السبعة – شلال تيمرون – شلال دوريان - دبابات الدفع الرباعي في مزارع الارز ميدان النسر -رحلة جزيرة بولا بايار - الالعاب البحرية في شاطي سينانغ او تينغاه او تانجونج رهو – حلبة سباق الفورمولا ون - ركوب الهليلوكوبتر – قرية ايرهانجت: عين ساخنة - سكاي تريكس (العاب في الغابة من تزحلق وتسلق اشجار ومغامرات رياضية ) - القفز المظلي من الطائرة (سكاي دايف ) Skydive في بينانغ محلات القهوة والشكولاتة والشاي والعسل – العاب بحرية على شاطي باتو فرينجي - هضبة بينانغ – باص هوب اون هوب اوف وهو باص ياخذك بجولة الى اهم المعالم السياحية - سد اير اتام –ايكو ايسكيب( تسلق وتزحلق في الغابات ) – لعبة الهروب من الغرفة -رحلة صيد السمك وجزيرة القرود مدينة ايبوه وفيها العاب مائية العالم المفقود – مغامرة المشي داخل الكهف بالساعات – التجديف في نهر كامبر ويبعد حدود ساعة ونص كاميرون : مزارع الشاي وجبل برنشانق والشلالات كوالالمبور الاكواريوم عالم تحت الماء - البرجين التوأم والحديقة التابعة لها والمجمع التجاري سوريا – النافورة الراقصة - برج المنارة – باص الهوب اون هوب السياحي – كوالالمبور – شارع العرب وفيه مجمع بافليون وسونغاي ونج فنادق سعرها كويس في سلانجور : براميد لنكاوي : هوليدي فيلا بيتش بينانغ : هوليدي ان او بارك رويال او فلامنجو اقتصادي ايبوه : اي فندق في ايبوه ما راح تفرق مع الشباب بس المهم انه يكون في وسط البلد كوالا : بارك رويال - امبيانا - wolo بس غرفه ضيقة جدا حق نوم فقط بس موقعه رقم 1 في شارع العرب وبعض الغرف من غير نوافذ رحلة ممتعة هاي مزمز |
اقتباس:
مشرفنا هاي مزمز ما شاء الله عليه مرجع في ماليزيا مثل ما وضحت لك انا زرت ماليزيا وزرت اندونيسيا واشوف ان اندونيسيا افضل للشباب من ماليزيا وتوجد فيها جميع الفعاليات الموجود في ماليزيا وبأسعار اقل بكثير انا طرحت موضوع في قبل فترة طويلة عن برامج جزيرة بالي هذا جزء بسيط وتوجد الكثير غيرها انا اشوف اندونيسيا في الجبل (بونشاك) طبيعة وجوا يرد الروح وفي جزيرة بالي اكشن ومغامرات ما تنتهي وفي جاكرتا تسوق والكثير من المزرات السياحية قبل زيارتي الأولى الى اندونيسيا قال لي احد الزملاء راح تقضي يوم كامل في حديقة الحيوانات (السفاري) بصرحة غلبني الضحك على كلامه ايش اسوي في حديقة حيوانات يوم كامل وعندما زرتها وجدت ان كلامه صحيح وان كتاب الله لك زيارتها راح تشوف ان كلامه صحيح انا اشوف انك تسوي جدول للدولتين وتقارن بينهم والخيار لك واي سؤال عن اندونيسيا انا في خدمتك اما ماليزيا عند مشرفنا هاي مزمز ما اقدر اتعدى عليه:32::32: أتمنى لك التوفيق |
هلا اخوي الردادي فعلا اذا اراد الشباب تغيير الوجهة الى بالي فأنصحهم بجزيرة بالي اما اذا ارادوا ماليزيا فأراها ايضا مناسبة للجميع بعدين انا مجرد تلميذ بين فطاحلة المنتدى |
انا زرت ماليزيا شباب و عوائل في كلا الحالتين فهي ممتعه الجدول من كازمي ممتاز وانا معه قلباً وقالباً ماعدا كاميرون ينقص منها يوم و يحطه في لنكاوي المزارات و النشاطات ماقصر هاي مزمز جاب المختصر المفيد ------ من الاشياء اللي كنت اسويها في لنكاوي بالتحديد في فندق فرنجي باني طبعا من الصباح تمشيات الى بعد العصر ثم اللعب في مسبح الفندق الى المغرب ثم تحضير عده الشاهي :e30e:و الذهاب للشاطئ و احلى جلسه طرب مع الشباب :e03e: صراحة كانت ايام لا تنسى --------- |
اقتباس:
بالنسبه للتجديف لو كنت ساكن بينانج او كوالا هل يوجد شركة توصلني من والى الموقع من الفندق تبعي؟ لو عندك معلومه لاني اخر مره تعبت وانا شرح للتكاسي محد فهم حاجه |
في تجديف قريب في نهر خارج سلانجور في ايبوه .. الشركة تاخذك من الفندق وترجعك اسم الشركة ان شاء الله تجده في موضوعي المواقع الرسمية من النت ﻻهم معالم ماليزيا |
|
|
اقتباس:
ماشاء الله عليك الله يزيدك أشكرك الف شكر ماشاء الله رد كافي بس اخر استفسار حنا موعد وصولنا 29 يونيو يعني رمضان قبل العيد ف طبعا الوجهه زي م قلنا كولامبور وبينانج و لنكاوي ويمكن سيلانجور متردد لانها قريبه من كولامبور طيب ايش يكون ترتيب المدن كولامبور في البدايه او النهايه وطريقه المواصلات بينها عن طريق ايش ؟؟؟ |
ماقصروا الخبراء. .. ترييب المدن سلانجور بينانغ لنكاوي كوالا خلي تنقلاتك الداخليه طيران |
| الساعة الآن 08:48 AM |
Powered by vBulletin® Copyright ©2000 - 2025, Jelsoft Enterprises Ltd.
Search Engine Optimization by vBSEO