|
مساعدتكم في ترتيب برنامج شهر عسل يوليو 2016 السلام عليكم ورحمة الله وبركاته احب اشكر جميع اعضاء هذا المنتدى الرائع على المشاركات الجميلة والراقية انا لي فترة متابع للمواضيع ويعلم الله اني استفدت منكم كثير زواجي بأذن الله في يوم 20 يوليو 2016 وقررت اقضي جزء من شهر العسل في ماليزيا طبعا بعد تفكير ومشاورات وقرأت في المنتدى عن تجارب كنت محتار بين اكثر من مكان لكن الحمد لله وقع الاختيار على ماليزيا حجزت تذاكر طيران على الخطوط الاردنية الذهاب 24 يوليو والعودة 6 يوليو سويت برنامج بسيط وناقصني شي فيه واتمنى تساعدوني فيه : سلانجور يومين ( فندق وسبا صب واي ريزوت ) طبعاً عشان الالعاب المائية والمول بينانج يومين ( هوليدي ان بينانج ) لنكاوي 4 ليالي كوالالمبور 3 ايام ( فندق ذا رويال شولان ) اللي ناقصني هو لنكاوي الى الان مالقيت شي مناسب انا ميزانيتي الى 1800 ريال تقريباً ولو في منتجع على البحر ماعندي مشكلة وبالنسبة لتوزيع الايام هل هو مناسب والفنادق ممتازة ولا في افضل منها طبعا حجزت الطيران الداخلي وبس ابغى اعرف المعالم بكل منطقة وجزاكم الله خير |
ماشاء الله الف مبرووك والله يتمملكم على خير بالنسبة لتوزيع الايام من خبرتي القليلة اشوفها تمام ماعدا كوالالمبور اشوف 3 ايام قليلة عليها كان ممكن اقترح توزيع ثاني بس حجزتو الطيران الداخلي والفنادق رويال شولان كثير اعضاء يمدحوه اما بينانج ماجربت غير قولدن ساندس شوف تقرير اخوي تركي كاتب تجربته في الهوليدي ان صن واي لاقون غني عن التعريف ممكن تسكن في الفندق الملاصق له بيراميد خصوصا انو تجدد الفترة الاخيرة والمبلغ الزايد تضيفه لفندق لنكاوي وتصير بقعة الخيارات اوسع انا جربت وستن لنكاوي رووووعة بس الفترة الاخيرة شيكت زادت اسعاره كثير طبعا الاخوان ماحيقصرو ورحلة سعيدة يارب |
وعليكم السلام ورحمة الله وبركاته الف مبروك مقدما ونسأل الله تعالى أن يتمم لكم بخير فيه خطأ أنت ذكرت الذهاب 24 يوليو والعودة 6 يوليو والظاهر تقصد 6 اغسطس بالنسبة لتوزيعك ممتاز على المدة التي ستقضيها في ماليزيا اختياراتك ممتازة للفنادق بالنسبة للميزانية انت ذكرت 1800 ريال هل تقصد تريدها للنكاوي وهذه خاصة بلنكاوي فإن هذا المقصود طبعاً لاتكفي لمدة اربعة ليالي في لنكاوي أم تقصد ميزانية الرحلة كاملة واخطأت في كتابة الرقم ياليت لو توضح وإن شاء الله الجميع ماراح يقصر معاك بأي معلومة تفيدك تحياتي لك |
اتوقع قصده 1800 قيمة اربع ليالي لفندق لنكاوي:e017: هو الصراحة قليل لو تبغا منتجع على البحر بس في بدايل رخيصة مثل ايديا مو على البحر بس نظيف ومطل على البحر وفي فندق برجايا مناسب للمبلغ المذكور او تاخذ من ميزانية المدن الثانية زي ماقلتلك قبل سيلانجور او كوالالمبور وتحطها للنكاوي لان حلاوة لنكاوي والجزر عموما تختار منتجعات على البحر رحلة سعيدة |
[COLOR="Navy"][SIZE="4"][B]الف مبروك يا عريس بارك الله لكما وبارك عليكما وجمع بينكما في خير الله يسعدكم دنيا واخرة انا افضل لك ثلاث مناطق فقط كونك عريس وعلى مدتك 12 ليلة لكن بما انك حجزت خلاص فنادقك حلوة لنكاوي على ميزانينك شوف برجايا رائع او فرينجيباني فيلا على الحديقة او مطلة على البحر ... او ريباك ايسلاند بس عيبه ان اﻻنتقال له بالقارب او لنكاوي ﻻقون وعيبه موقعه حلاوة لنكاوي بالسكن على شاطي واشوف ﻻزم تزيد الميزانية شوي رحلة ممتعة هاي مزمز |
افغلاخوان ماقصرو وانا معاهم لو انك ماحجزت كان قلنا لك خلها 3 مدن بس اريح لكم وافضل لكن قدر الله واماشاء فعل والخيره فيما اختاره الله ممكن تدخل موضوعي وتستفيد مه http://www.arabtrvl.com/vb/t11352.html |
اقتباس:
بيني وبينك انا تورطت في العودة وانتبهت انها يوم 6 اغسطس بالليل يوم جيت اغير الحجز قالوا لازم تدفع فرق 558 ريال واخليها يوم 9 اغسطس مادري هل مناسب اغير الحجز ولا كذا ممتاز الله يسعدك ماقصرت شكرا على ردك |
اقتباس:
اي نعم اخطأت العودة يوم 6 اغسطس الميزانية هذي لمنتجع او فندق في لنكاوي فقط انا محتاج خيارات حلوة في لنكاوي وتكون بااسعار معقولة |
يااخوان انا اقدر اغير الطيران الداخلي عادي بس عطوني جدول ممتاز للعرسان وهل في رأيكم اخلي العودة 9 اغسطس افضل ولا كذا الجدول ممتاز |
بالنسبة لتعديل الحجز يعتمد على حسب ميزانيتك ....في حال التعديل سيكون أفضل لك ويترتب جدولك بشكل مريح وومكن تزود ليلة في بينانج يكون بعد أفضل لكن راح يواجهك التالي : راح تزيد الليالي وهذا طبعا زيادة في مصاريف السكن والمصاريف اليومية وأيضاً عند تعديل الليالي في بينانج راح تواجه مشكلة الحجز الداخلي وبهذا تكون زيادة الليالي عندك فقط في كوالا لكن اذا وضعك يسمح لامانع من زيادتها على الأقل ترتاح آخر الايام في كوالا وتتسوق براحتك ومنها تزور جنتنق في نفس اليوم وتعود للفندق رحلة موفقه إن شاء الله |
لو ميزانيتك تسمح لزيادة الايام فخليها الى 9 اغسطس يصير عندك 15 ليلة 2 سلانجور 4 لنكاوي 3 بينانغ 2 كاميرون منطقة مرتفعة باردة 4 كوالا |
اقتباس:
اذا تقدر تغير الرحلات الداخلية وميزانيتك تسمح غير أفضل وزود ليلة أو ليلتين في بينانج أفضل 2 سلانجور 4 لنكاوي 4 بينانج 5 كوالا ياليت توضح موعد الوصول في الحجز على شان توضح الصورة أكثر لعدد الليالي لوتقدر تاخذ فندق جولدن ساندس في بينانج غرفة اطلالة على البحر أفضل بكثييييير وراح تستمتع أيضاً ترتيب أخوي هاي مزمز ممتاز |
العفو اخوي انا لو مكانك ححذف بينانج من جدولي كثرة تنقلات واصلا ماعجبتني زرتها من زمان والناس اذواق اخوي فاللي يحكمك قراءتك للتقارير وتحديد المدن اللي تعجبك ممكن ماتدفع الزيادة لتغيير حجزك الدولي حرام الزيادة ممكن تحطها مع منتجع لنكاوي انا اخر مرا سفرتي كانت يومين سيلانجور فندق صن واي بيراميد ملاصق واخو الصن واي لاقون 4 ايام في وستن لنكاوي وكان عليه عرض غير مسترد 2700 مع الافطار افضل فندق سكنته للان 4 ايام كوالالمبور وانتا لو حتحذف بينانج ممكن تصير ه ايام لك في كوالالمبور شوف التقارير اخوي وممكم عندك الكاميرون هايلاند يمدحوها كثير بس انا ماقد زرتها مااقدر افيدك و رحلة سعيدة يارب |
الله يسعدكم جميعاً وبيض الله وجهيكم انا افكر احذف بينانج لاني شفت اغلب الناس يقولوا بينانج ولنكاوي نفس النظام تقريباً بس لنكاوي احلى بكثير وتنفع للعرسان والمبلغ الفارق بحطه في منتجع فخم وازود كم ليلة في كوالالمبور قبل العودة اما بالنسبة لتعديل الحجز الى 9 الفارق كبير لان حجزي مخفض وقيمة التغيير 200 ريال لكل تذكرة هذا غير فرق السعر بين التذاكر بيطلع مبلغ حول الـ 800 ريال مادري وش رأيكم اكنسل بينانج وازودها في لنكاوي وكوالالمبور |
ايش رأيكم في فيلا موليك شفت سعره ممتاز 4 ليالي ب 2335 ريال اهم شي يكون نظيف ومافي حشرات ومطل على البحر |
اقتباس:
عندك كاسا ديل مار او بيلانغي ميريتوس او اغلى و افضل ويستن |
مااعرف انا قريت انو فيلا موليك فيها حشرات في تعليقات بوكينق اذا ماكنت ملخبطة واحنا الحريم موتنا ولا الوزغ ههههه انا جربت زمان هوليدي فيلا وما عجبني وقبل كم شهر جربت وستن واتمنى ارجع لماليزيا لخاطر عيون وستن لنكاوي بس للامانة كان عليه عرض وقتها والحين شفت الاسعار قفزت فووووق |
الحين شيكت على وقت سفرتك اخوي يعني من ضمن الحلول انك تقسم الفترة يومين في فندق فيفاتنا ريباك لنكاوي هو فندق في جزيرة وحده التنقل له مرسى خاص والتنقل له بالقارب التابع للفندق شوف تقرير اخوي تركي ماشاء الله 3 سفرات يجلس فيه يومين في غرفة على الحديقة طلعت 700 وشوي وغرفة مطلة على اابحر 800 وشوي مع الافطار ويومين في فندق ذا دانا طلع تقريبا اليومين 1700يعني تقريبا يطلع التوتال قريب على سعر فيلا موليك بس لاتنسى اخوي تحسب الضرائب عشرة بالمية يعني صح انا ماايد التنقل بين فندقين الا لو كانت الفترة اكثر من 5 ايام بس عشان ميزانيتك ممكن وعرسان الله يسعدكم يعني لو احد معاه اطفال ممكن تعب وفي الاخير عندك خيارات كثير وربنا يسهل امورك ورحلة سعيدة |
اقتباس:
كلهم اسعارهم غالية جدا انا عندي خيارين الان ولازم اختار واحد منهم وياليت رأيكم فيهم 1- منتجع ماليبيست 2- فندق ايديا لنكاوي الخيار الاول على البحر مباشرة بس عادي الثاني فندق وموقعه ممتاز يعني |
اقتباس:
انا لقيت خيارين مثل ماذكرت في الرد السابق ياليت لو تعطوني احد جرب او رأيكم عشان اتوكل على الله واحجز خلاص |
فندق ايديا جميل اخوي صح ماله شاطئ بس نظيف ومطل على البحر شوف تقرير الاخت دينا عنه اما المنتجع الثاني اول مرة اسمع فيه لا تغامر بشي مو معروف اختار ايديا وتوكل على الله |
اقتباس:
الله يجزاك خير يااختي وماقصرتي تم حجز فندق ايديا لنكاوي لمدة 4 ليالي بس عندي اخر استفسار ابغى منتجع او فندق يوفر مسبح خاص دورت في بوكينج بس مافي شي واضح |
مسبح خاص في سلانجور ذا فيلاز تابع لصن وي لاجون ريزورت في لنكاوي ويستن .. فلل داتاي(غالية حدود 3 الاف الليلة) .. ذا فيلا موقعها غير مناسب بس جميلة جدا ( سعرها قرابة 1200 ريال ) عندك في منطقة بورت ديكسون .. منتجع جراند ليكزس .. او منتجع هيبيوسكس لكزس واسعارها حلوة والاخير جديد رحلة ممتعة هاي مزمز |
ماقصر خبيرنا في فلل صن واي لاقون وفلل الوستن رائعة بس غالية الليلة تطلع بحدود الالفين اقل اكثر بقليل بس للامانة مو متاكدة من سعر فلل الصنو اي لاقون بس وستن في الحدود دي اما المنتجعات في بورت ديسكون اللي ذكرها خبيرنا هاي مزمز اسعارها جدا مناسبة في حدود 700 والجديدة 1200 وكثير يخلوها اخر ليلة قبل الرجوع او نقطة البداية رحلة موفقة وسعيدة |
الف مبروووك والله يوفقكم ويسعدكم بالنسبه للمعالم بقولك على الاماكن اللي زرتها لنكاوي حديقة الفواكه التلفريك واول ماتنزل منه تلاقي عرض ثري دي ممممره جممميل رحلة المانجروف لاتفوووتك ( احجزها من المكاتب اللي بالمطار) دور عالرخيص وفيه فالمحطه الاولى للتفلريك شمع اليد لو حابين تعملوه جممميل بس لااازم تنتبهوله اذا وصلتم هنا ماتنفعله الحراره ابببدا وميدان النسر روحوا له قبل الغروب لان غروبه حكاايه لااتنسى:yolks00640: فيه الدبابات رباعية الدفع ماجربتها بس الاخوان تكلموا عنها والشلالات كثثثيره فلنكاوي وجرب مطعم حبيبتنا قصة حب مطعم الصقر لو انتم من عشاق السبايسي كوالمبور انصحك بباص هوب اون هوب اوف مممممره جممميل ويوفر عليك ويتنقل بين كل معالم كوالمبور عالم ماتحت البحار جربت اللي فكوالمبور جميل ويقولوا اجممل من لنكاوي مطاعم فكوالمبور ملياانه بشارع العرب بس اغلبها غاااليه والطعم عااادي التسوق لاتتعدوا تايم سكوير جددددا جمميل خاصة الطوابق٣-٤-٥ رخيييصه اذا كنتم ناووين تسوق وهدايا زيدوا الوزن فالعوده الحدائق فلنكاوي وكوالمبور الزهور والطيور والفراشات وغيرها هذي راجعه لميولكم ومايستهويكم جنتنق اذا كانت انتهت الالعاب الخارجيه روح لها من كوالمبور واذا ماانتهت ماتحوج انك تروح كأني قرأت ان في الصن واي لاقون افتتحوا مطعم الصقر اسال عنه هناك وجربوه:18: انصحك بقراءة التقارير بددقه لانها راح تفيدك يارب مانسيت شي رحله سعيده في أحضان زيزا:(3): |
رحلة موفقه ماشاء الله الأخوان ماقصروا وبالنسبة لموضوع مطعم صقر في صنواي نعم موجود في الحديقة المائية بجانب الألعاب المائية موضوع الفلل بالمسابح الخاصة بالنسبة لبورت ديكسون إذا دخلت على الحجز للفندق تأكد من الصور المعروضة وراجع التعليقات لأن بعض المسابح في بعض الفلل قد يكون مكشوف وفي بعض الفنادق روعة وداخل الفلة أما الصنواي رايقة جداً وهدووووء وفقك الله |
| الساعة الآن 02:00 AM |
Powered by vBulletin® Copyright ©2000 - 2025, Jelsoft Enterprises Ltd.
Search Engine Optimization by vBSEO