|
وعدت اليكي بعد سنين الشوق والحنين ~مغامراتي الماليزية2015~ بسم الله الرحمن الرحيم بداية من لا يشكر الناس لا يشكر الله شكرا من القلب للجميع دون استثاء على المساعدة والمعلومات سواء كانت عن طريق تقاريركم الجميلة او اجابتكم عن استفساراتي في البداية اول زيارة لي لماليزيا كانت في 2002 عدت منها وكلي شوق وحنين للعودة لتلك الديار الجميلة مرت السنين والحمدلله ربي كتبلنا نرجعلها بعد 13 سنة شهر اكتوبر الماضي سيكون تقرير بسيط حيث لا يرتقي لتقاريركم الجميلة ولكني احببت ان ارد جزء من مساعدتكم طبعا االسبب اللي اجلت عشانه التقرير هو الصور مااعرف وماعندي خبرة في الموضوع سيكون التقرير عبارة عن نقاط بسيطة للفائدة فقط وان عرفت طريقة لرفع الصور سيتم ارفاقها ان شاء الله في البداية كانت وجهتنا تركيا لكن لم تكتب لنا بسبب الاولاد وصغر سنهم استبعدت تركيا لان جو المتاحف وغيره لا يناسب سنهم طبعا كان هناك خيارات كثيرة استقرينا بعدها على ماليزيا لانها من وجهة نظرنا اجمل بلد للسياحة العائلية توكلت على الله اولا حجزنا التذاكر قبلها بشهرين وقبل السفر بمدة كانت هناك عروض الخطوط السعودية وكان الفرق كبير انزلت استفسار في بوابتنا العزيزة الكل رد وماقصر وبعدها كنت يوميا متكية في بوكنج انام واصحى عليه ههههه بعدها كان الجدول الاولي ليلتين سيلانجور فندق بيراميد مع باقة المرح العائلي قيمة 950 4ليالي ايديا لنكاوي بقيمة الف وشوي مو متذكرة السعر بالضبط 4 ليالي كوالالمبور فندق تريدز بقيمة 1590 قبل السفر بعشرة ايام لقيت عرض على فندق وستن لنكاوي 4 ليالي ب2500 مع الافطار كنسلت ايديا حجزت وستن اللي كانت اجمل ايام رحلتنا فيه طبعا التقرير حيكون فيه نصايح للسفر مع الاطفال خصوصا اني سافرت مع اولادي 3 و4 سنين الله يحفظهم ويحفظ اولادكم تكلفة الرحلة كاملة 19 الف شاملة تذاكر وفنادق ومصاريف وهدايا الفنادق تقريبا 5300ريال والتذاكر 7800 ريال والمصاريف والهدايا 6000 اما المصاريف اليومية سياتي ذكرها لاحقا بعد كل جزء ان شاء الله هاذي المقدمة البسيطة لتقريري المتواضع والقادم اجمل بإذن الله |
بإنتظارك لا تطولي يبدو سوف يكون تقرير جميل. بالنسبة للصور بسيط الامر و هذا رابط لشرح الموضوع http://www.arabtrvl.com/vb/t10584.html |
ماشاء الله تبارك الله , بداية رائعه التقرير واضح بيكون جميل |
بانتظارك :) مقدمة جميلة وطبعا اهم شي بالنسبة النا التفاصيل والأطافيل :D متابعة :e328: |
حيا الله عشاقة لنكاوي بداية جميلة وموفقة باذن الله ما شاء الله العودة لماليزيا بعد 13 سنة واااااااااااااااايد واكيد الشوق والحنين لها هو السبب:e327: متابعين معاك وهالله هالله بالصور حتى يزين التقرير اكثر واكثر تحياتي لج :e303: |
اقتباس:
اما التقرير مايجي شي عند تقاريركم الجميلة ماشاء الله بس حبيت اكتب بعض المعلومات البسيطة قد يستفيد منها احد في يوم من الايام ان شاء الله مااطول بس انتظروني ارفع الصور بإذن الله |
اقتباس:
|
اقتباس:
بس مايجي نقطة في بحر ابداعك وتقاريرك ومغامراتك |
اقتباس:
هلا قصوصتنا من زمااان وانا خاطري ارجع لماليزيا بس ربي ماكتب الحمدلله رجعنالها وربنا يسر رحلتنا وكانت من اجمل الايام وابشرو من عيوني اتعلم على الصور كيف انزلها بس عاد اصبرو علي شوي <<تطبخ تقريرها على نار هادية على ماتستوي تقارير الجيران هههه |
ماشالله ما اجمل العوده الى ماليزيا بعد تلك السنوات ..ويبدوا ان لكي رجعه قريبه باْذن الله.. كيف كانت الأجواء خلال شهر أكتوبر لأَنِّي انوي زياره ماليزيا في هذا الشهر لأول مره.. اختيارك للويستن موفق فهو منتجع متكامل وقريب من المدينه.. ننتظر باقي التفاصيل بشغف.. |
اقتباس:
الاجواء كانت جميلة الامطار شبه يومية بس عكر الجو شوي الضباب الدخاني القادم من حرائق غابات انونيسيا بس مع الامطار كان الجو يصفى شوي شوي اما منتجع وستن هوا احلى مافي الرحلة وان ربي سهل عودتنا لماليزيا اول واهم خيار وستن بإذن الله |
اهلا اختي عاشقة لنكاوي ﻻزم تشدي حيلك وتنزلي صور خاصة عن العروسة الجميلة لنكاوي منتجع الويستن جميل جدا وذكرياتي فيه حلوة والستاف متعاونين جدا .. اذكر وقت الافطار ابني ما خلانا مرتاحين على الطاولة فأخذته عاملة وجلست تلعب معاه وتلف به هنا وهناك مدة نصف ساعة .. اضافة الى موظف اتاح لي دخول البخار والجاكوزي خاص انا وزوجتي في القسم النسائي ان شاء الله راح اعيد السكن فيه |
هلا خبيرنا ان شاء الله انزل الصور وبالنسبة للنكاوي المحزن انو كاميرتي الكانون بنتي ضيعتها واحنا في طريقنا لقدح بالباص بس كلمنا صاحب الباص ورجعنا اخدناها منه في كوالالمبور والحمدلله على كل حال بارت لنكاوي الصور بجوالي اهم شي انبسطنا وكان منتجع وستن افضل منتجع زرته في حياتي الله يحفظ ولدك وتكون رحلتكم جميلة وسعيدة بقدر قلبك الطيب ومساعدتك للكل |
الشوق تستاهل لنكاوي خاصه العوده صراحه تركيا المتاحف صحيح ما راح تعجب الأطفال منتظرين شكرا لك |
الله يعطيك الصحة والعافية ماشاء الله الزيارة الاولى 2002 والثانية 2015... هل لاحظتي فيه تغيير في ماليزيا وتطور؟؟؟ |
الله يعطيك العافية وبالعكس متابعين معك والتقرير بإذن الله جميل خصوصاً كمية المعلومات اللي فيه الصور موضوعها سهل ومشرفنا تركي ماقصر شوفي الرابط بالتوفيق إن شاء الله |
يالله يا عاشقة وينك :48: اذا تبين اي مساعدة راسليني انا بالخدمة |
اقتباس:
|
اقتباس:
بس للامانة كانت ماليزيا في 2002 رايقة واحلى من الحين لكن مهما الواحد يسافر ويروح يرجعنا الحنين لها |
اقتباس:
|
اقتباس:
ماتقصري قصقوصة حبيبتي اليومين دي القى وقت ان شاء الله واشوف موضوع الصور واكيد مانستغنى عن مساعدتك |
أهلاً بك عاشقة .. الحمد لله ع السلامة .. ماشاء الله عليكم .. ( تكلفة السفر ) أشوفها منخفظة .. يبدو إدارتكم للميزانية بشكل ممتاااز .. الويستن .. كان من أهم محطات لنكاوي التي مازالت عالقة بأذهاننا .. ماشاء الله عرض الويستن راااااائع ( رخيص ) شدي حيلك .. ومسألة الصور سهلة جداً .. بانتظارك .. |
اقتباس:
والفنادق مليون مرة الغي واحجز بوكينق خلاص اتجننو مني اول ماالقى سعر لقطة زي منتجع وستن كان سعر ممتاز الحمدلله ونصحت فيه كل مسافر للنكاوي بس شيكت على وستن الايام هاذي فجاة غليت الاسعار وقفزت فوق عن تجربة قبل السفر بفترة احجز لكن الغاء مجاني حتى لو كان اغلى وقبل السفرة ب10 ايام الغيها وخليها غير مسترد وبتوفر كثير طبعا لو كانت سفرة في غير الاجازات لكن ايام الاجازات ممكن تلاقي اغلب الفنادق فل |
فعلاً التكلفة لفتت انتباهي ولكن الوقت له دور وخاصة حجوزات الطيران والفنادق وايضاً عدد الأفراد المطاعم العربية أشوف اسعارهم مبالغ فيها والجودة دون المستوى لذلك لاتستهويني أبداً في السفر وفضلت الابتعاد عنها أما النظافة فلدي حساسية كبيرة لهذا الموضوع ربما من اول ما أدخل للمطعم وأي مطعم وفي أي مكان لو شاهدت منظر حتى في لبس أو هيئة العاملين فيه سيتم أخذ الدوران مباشرة وأقرب مخرج للشارع :e317:هههههههه |
اقتباس:
لا وابشركم الميزانية كانت 17 الف شاملة كل شي ولكن صارلنا ظرف اضطرينا نروح لقدح ونحجز ليلة زايدة وتروح علينا ليلة في وستن لنكاوي على الفاضي:20: ولا كانت على المقاس بس الحمدلله على كل حال وترى دا مو بخل بس اولويات مرتبة ممكن ناس عندهم شوبينق وناس زي التسوق اخر اهتماماتي في السفر بقدر مايهمني اغير جو وطبيعة بس لو تركيا ممكن يكون التسوق اول الاهتمامات هههههه وفعلا في الاجازات كل شي يدبل الله يسهل للجميع |
صباح الورد والتقارير الحلوة والعودة للساحرة ماليزيا بعد سنوات طويلة أنا مثلك زرتها عام 2001 وزرتها بعد فترة طويلة وحسيت انو ماليزيا كانت أجمل بكثير عام 2001 اللي زارها زمان ويزورها الآن يعرف الفرق تماما ننتظر تقريرك وتفاصيلك واضح إن إدارتك لميزانية وبرنامج الرحلة كانت موفقة ما شاء الله أوافقك الرأي في الوستن , كان من أجمل المنتجعات التي سكنتها أي مساعدة عزيزتي الجميع بالخدمة وماراح يقصرون بإذن الله منتظرينك يا عسل ومقدرين جهدك :e20c: تحياتي .. |
اقتباس:
اكيد ان شاء الله قريب ولو احنجت مساعدة اكيد ماتقصرون ربنا يسعدك يالؤلؤة ماليزيا |
لا زلنا ننتظر |
اعتذر بشدة اخواني على التاخير كان خارج عن ارادتي ان شاء الله قريب استكمل التقرير المتواضع |
مرحبا عاشقة لنكاوي // لفت انتباهي اسمك لما اشوف مشاركاتك جميلة العودة بعد سنوات طويلة ننتظر الصور وبقية التقرير |
السلام عليكم الله يعطيك العافية أختنا عاشقة لنكاوي ما شاء الله يبدو هناك الكثير من المعلومات والأحداث ويبدو التقرير مليء وزخم . وبالنسبة للاختيارات موفقة ما شاء الله وأهم شيء الميزانية مرتبة .... بانتظار بشائر التقرير الرائع ....وخصوصاً قسم لنكاوي :) |
مشكورين كلامكم الجميل يشجع ان شاء الله ينال التقرير على اعجابكم |
ب انتظار التقرير اختي الكريمه ما بقى على السفر الا ايام قليله ، ف ابي استفيد منه كثير موفقه ومشكوره |
ان شاء الله اخوي في اسرع وقت احاول بس لاني نسيت شاحن الكاميرا في فندق تريدز ولاب توب فيه خراب اول مايتصلح انزل الصور وابدا باذن الله اسفة على التاخير |
يسعد صباحك بانتظارك لا تطولين علينا ربي يسهل امورك:e328: |
مشكورة قصقوصة حبيبتي واياكم يارب |
ناخذ لفه في التقارير الاخرى وراجعين ويعطيك العافيه عموماً ..... |
اعتذررر وبشدة منكم اخواني حصلت ظروف والكاميرا مو قادرة اخذ منها الصور مالقيت الشاحن ولاب توب كسروه الاولاد:2: طبعا انا جدا محرجة منكم مع اني تعلمت رفع الصور و كل شي الا انه ماقدرت اوفي بالوعد بس باذن الله في السفرة القادمة اعوضكم بتقرير خونفشاري ان شاء الله طبعا بكتب تقرير سريع من غير صور وان شاء الله تقبلو عذري :23: |
بسم الله الرحمن الرحيم ماليزيا عدت لها بعد سنين كما ذكرت في المقدمة البسيطة وكلي شوق قبل الرحلة بشهرين حجزت التذاكر على الخطوط السعودية لشخصين وطفلين بمبلغ 7850 ريال بعدها حجزت الفنادق من بوكينق وغيرت كم مرا الين استقريت على الاتي: سيلانجور ليلتين في فندق صن واي بيراميد مع باقة المرح العائلي بقيمة 980 ريال لنكاوي 4 ليالي وستن لنكاوي مع الافطار غير مسترد عرض بقيمة 2500 ريال كوالالمبور 4 ليالي فندق تريدز من غير افطار بقيمة 1800 ريال طبعا الفنادق شاملة الضرائب المحطة الاولى سيلانجور : يوم السفر رتبنا الشنط وانطلقنا الى مطار الملك عبدالعزيز الدولي في جدة ووصلنا الساعة 9 مساء طبعا كانت زحمة الكاونترات:12: وانتهينا من شحن العفش اخدنا كوفي الين وقت الطائرة وعلى الساعة 11 طلعنا الطائرة واقلعنا الى كوالالمبور :e204: طبعا 9 ساعات مع اطفال صغار كانت متعبة بعض الشي ولكن انا استعديت لكل واحد بشنطة فيها دفاتر والعاب وسناك خفيف لهم والخطوط السعودية اعطت كل طفل شنط وكتيبات وغيرها للامانة الخطوط السعودية في الرحلات الخارجية عكس الداخلية تماما دقة في المواعيد وخدمة وكل شيء وصلنا مطار كوالالمبور الدولي الظهر الساعة 12 ونص نزلنا اخدنا الشنط واشترينا شرايح جوال ورحنا لمكتب التكاسي واخدنا تاكسي للفندق بقيمة 160 ريال قالت شنطكم كثير وقلنا يلا تعبانين والاولاد خلاص منتهيين من التعب بسم الله عليهم ولقيناها لكزس واتكشخنا:1: وصلنا الفندق عملنا تشيك ان وغيرناملابسنا وعلى مجمع البراميد للغدا في طربوش وجولة سريعة وعودة للفندق ونوووووم طبعا الاولاد مارضيو نطلع في البداية واكن اصريت حتى يتعدل نومهم والحمدلله طبعا ملاحظة السفر مع الاطفال تعب وخصوصا مسافة 9 ساعات وهاذا الشي عارفينه من قبل مانسافر عشان كذا الواحد يصبر ويفوت والامور تمشي باذن الله اليوم الثاني صحينا الفجر بدري ونزلنا بدري على الفطور فطورهم للاسف مو متنوع ومو مناسب للعرب والحمدلله على النعمة ورجعنا الفندق ريحنا وبعدها على الصن واي لاقون ومعانا تذاكرنا اخدناهامع الفندق عرض وطبعا صن واي لاقون معروفة وغنية عن التعريف بس للامانة ماعجبتني زحمة وكانت في نظري احسن قبل 12 سنة لذلك اذا ربي كتبلناسفرة ان شاء الله لماليزيا راح استثني سيلانجور من البداية والناس اذواق طبعا وبعد النزول من الصن واي الذهاب للغداء في طربوش ولفة سريعة في المول والعاب والاطفال والرجوع للفندق لترتيب الشنط للسفر في الغد للنكاوي العشق وكان في انتظارنا يوم شاق وكنسلت رحلات والحمدلله على كل حال وكل تأخيره فيها خيرة من رب العالمين |
نسيت مصاريف جزء سيلانجور تاكسي للمطار 160 رنجنت +شرايح ناسية بالضبط بكم بس تقريبا 150 ريال وفيها نت غذاء في طربوش قيمة 150 ريال لليوم الاول و130 ريال لليوم الثاني طبعا مواصلات مااحتجنا +تذاكر صن واي لاجون مادفعنا لانو عرض مع الفنادق ملاحظة جدولنا كان غير مضغوط يعني مارحنا مدينة الاضواء وغيرها لانو معانا اطفال صغار بعمر 3 و4 سنين |
| الساعة الآن 12:43 PM |
Powered by vBulletin® Copyright ©2000 - 2025, Jelsoft Enterprises Ltd.
Search Engine Optimization by vBSEO