|
طلب مساعده ومشوره عاجله السلام عليكم .. الله يعطيكم العافية ناوي اسافر ماليزيا في الاجازه القادمة من 18 مايو ال 2 يونيو وهذي اول سفره لي الى ماليزيا وبرفقة أطفالي ،، وأنا ليست لدي اي خلفيه لافضل الفنادق ومحتار في تقسيم رحلتي بين اهم المدن والأماكن هناك علما أن أطفالي أعمارهم 11 و8 و6 سنوات ،، فياليت توجهوني للأفضل فيما ترونه مناسب للعائلة ، والأفضل لي إن أولادي معي بنفس الغرفه . جزاكم الله خيرا |
اهلا عزيزي الله يحفظك ويحفظ اولادك وعائلتك ويسعدكم دنيا واخرة عندك تقريبا 14 ليلة 2 سلانجور 4 لنكاوي الذهاب لها بالطائرة من كوالا مدة ساعة 3 بينانج الذهاب لها من لنكاوي بالطائرة مدة نصف ساعة او بالعبارة مدة 3 ساعات والطائرة افضل واسرع 5 كوالا لمبور والطريق اليها برا بالباص 4 ساعات تقريبا والطريق جميل من طبيعة وغيره وبالطائرة 50 دقيقة بالنسبة للفنادق يوجد الغالي والمتوسط والاقتصادي ويعتمد على ميزانيتك وراح اذكر الافضل وانت شوف الاسعار تناسبك او لا في مواقع الحجز الافضل لك في كوالا السكن في شقة اما باقي المدن اما تاخذ سويت عائلي او غرفتين متصلة رحلة ممتعة هاي مزمز |
سلانقور: الفنادق : منتجع الصن واي لاجون – براميد ويست – امباير(اقتصادي) ويبعد عن الصن واي لاجون خمس دقائق بالسيارة وملاصق لسوق – منتجع الماينز الفعاليات : الالعاب المائية صن واي لاجون ..... مجمع الماينز ورحلة الكروز – أي سيتي وهي عبارة مدينة الاضواء ومتحف الشمع للمشاهير وبيت الرعب وعالم الثلج وعالم الفضاء ) - مسجد صلاح الدين(المسجد الازرق) – امباير بلازا- باركسون مول _ براميد مول – كيد زانيا ويقع في كيرف مول حيث يمكن للصغار تجربة عالم الكبار طب رجل اطفاء طبخ طيار وغيره - بوتروجايا(كروز في البحيرة – جسر بوتراجايا وفي المساء يكون شكله جميل بالالوان – القصر الرئاسي - مسجد بوترا – حديقة نباتات بوتراجايا – منتزه بوتراجايا (بوتراجايا لاند مارك) لنكاوي : الفنادق : دانة – ويستن – بلانجي بيتش – كاسا دلمار – اندامان - داتاي – تانجو روهو – فرينجباني – برجايا (نظام اكواخ في الغابات او مطلة على البحر او فوق البحر ) – ريباك ايسلاند (يقع في جزيرة خاصة داخل حدود لنكاوي استجمام وخصوصية عيبه الوحيد عند الخروج من الفندق لازم تركب العبارة او قارب للوصول لجزيرة لنكاوي وتكون لها اوقات معينة للدخول او الخروج من الفندق ) لنكاوي لاقون – فلل لنكاوي لاقون الجديدة - فوربوينت شيراتون - هوليدي فيلا بيتش (سعر متوسط ومسابح ممتازة وشاطي رائع ونظيف بالعاب بحرية بس بعض الغرف نظيفة واثاثها مستهلك واخرى مجددة )- بيست ستار(اقتصادي) - اديا (اقتصادي نظيف من غير شاطي فقط اطلالة) الفعاليات : رحلة المانغروف – رحلة الغروب :عشلء رومانسي على اليخت - رحلة الجزر الثلاث – القرية الشرقية والتلفريك والبطة البرمائية وسكاي دوم- ركوب الفيل – اسطبل الخيول – شلال الابار السبعة – شلال تيمرون – شلال دوريان - دبابات الدفع الرباعي في مزارع الارز – حديقة لاجيندا – ميدان النسر - حديقة التماسيح – حديقة الحيوانات – عالم تحت الماء – حديقة الفواكه - رحلة جزيرة بولا بايار - صيد سمك والغوص - الالعاب البحرية في شاطي سينانغ او تينغاه او تانجونج رهو – حلبة سباق الفورمولا ون - ركوب الهليلوكوبتر – قرية ايرهانجت: عين ساخنة – منزل الكريستال – جبل جونونق رايا – متحف السلطان - متحف مزارع الارز – مسجد الهنا – سكاي تريكس(مغامرات التسلق في الغابة وغيره) – القفز بالمظلة من الطائرة ساكي دايف skydive المجمعات : لنكاوي فير – جيتي بوينت دوتي فري بينانغ : الفنادق : شانغريلا راسا سايانغ – قولدن ساندس – لون باين – بارك رويال – هوليدي ان – هارد روك – باي فيو بيتش(اقتصادي على شاطي الباتو فرينجي) – فلامنجو(اقتصادي وعلى شاطي اخر غير الباتو فرينجي ويبعد عنه بالسيارة قرابة 5 الى 10 دقائق ) الفعاليات : المجمعات : قورني وكوينسيبي كوالالمبور الفنادق: في منطقة البرجين : فندق تريدرز – جراند حياة – مندرين – شانغريلا الشقق الفندقية اسكوت – شقق فندقية لانسون بلاس بوكيت ريسدانس – شقق فراسير ريسدانس الفندقية – شقق ايه اند اوه الفندقية - امبيانا قريبة من شارع العرب: رويال شولان – التايم سكوير - البرنس – شقق البرنس - بارك رويال - شقق البارك رويال – استانا- مترو(اقتصادي) - فيورما (اقتصادي نظيف وخلف التايمز كوير) على شارع العرب : الوستن - ماريوت- ريتزكارلتون وهو خلف الويستن مباشرة – جراند ملينيوم - دوريست ريجنسي (اقتصادي)– wolo (اقتصادي ونظيف وجديد وغرفه ضيقة جدا جدا و ماينفع للعوائل واللي عنده اطفال فقط ينفع لخفيفي الامتعة واللي حاب ينام في مكان نظيف و موقعه للتسوق هو الافضل بين كل الفنادق سواء فخمة او غيرها وبجانبه معظم المطاعم وتحته كوفي ومخبز جلساته حلوة ). الفعاليات جنتينج مغلقة للصيانة بالاضافة لمزارع الفراولة في طريق جنتينج - وبوكيت تينجي (القرية الفرنسية واليابانية : منطقة طبيعة وباردة وتبعد ساعة ونص من كوالا)افاموسا وفيهها العاب مائية وسفاري الحيوانات وعروض الحيوانات وعروض الكابوي والهنود الحمر وتبعد ساعة ونص عن كوالالمبور – شارع العرب وفيه مجمع بافليون وسونغاي ونج المجمعات : بافليون وسوريا (غالي وماركات ) والرخيص وفيه شغلات طيبة وحلوة التايمز كوير وسونغاي ونج ملاحظة : يمكن زيارة الفعاليات اللي في سلانجور من كوالا والعكس لان المسافة بين سلانجور وكوالا 25 دقيقة بالتاكسي |
الله يعطيك العافية خبيرنا هاي مزمز دائماً لك حضور مميز وتقدم كل ماتملك من معلومة جعلها الله في ميزان حسناتك :6: |
مساء الخير اخوي بالتوفيق الرحلة ومثل ماقاله الاخوان كل ماحجزت بدري كان اوفر وأفضل وتكون الخيارات اللي أمامك اكثر بالنسبة لموضوع ان أطفال معاك بنفس الغرفة في الشقق مااعتقد انك بتواجه مشاكل اما الفنادق وخصوصا الكبير أتوقع لازم جناح عائلي او غرفتين متصلتين لان بِسْم الله عليهم ثلاثة مو واحد لو كان واحد اثنين ممكن ما يركزون وأعمارهم كبيره يعني اريح لهم بعرفه وفوق سرير والاتحادي الدنيا أمان في ماليزيا ولله الحمد والمنه استودعهم الله ثانيا ادخل موضوعي راح تستفيد منه في ترتيب جدولك وخبيران ماقصر عطاك اهم الفنادق واهم الأماكن وبالتوفيق http://www.arabtrvl.com/vb/t11352.html |
يسعدكم الله جميعا ، وشكرا لتجاوبكم السريع معي . فأنا ناوي احجز بنفسي كل شيء من طيران داخلي وفنادق ، وطبعا ماستغني عن مشورتكم ، لأني لأخفيكم شايل هم أطفالي الي معاي ، والأهل يبغون الأطفال معانا بنفس الغرفة ، لأنها خايفه عليهم ، وما عندي مشكله كثير بالسعر ، مع إني ابغى السفره اقتصادية :27: ، أهم شيء الفندق نظيف وآمن بإذن الله وموقعه جيد بالنسبة للأماكن السياحية . وجزااااااااااكم الله خير جميعا وعلى رأسهم خبيرنا المميز |
وطيب ما تنصحون بزيارة الكاميرون ، وكيف طيرانهم الداخلي ، وكيف اسعاره ، هل هناك طريقه بالمنتدى تساعدني على حجز طيرانهم الداخلي ، وهل احجز على ليلة 19 او 18 لأن رحلتي االمغادرة الساعة تسعة ليلا تقريبا والوصول الساعة 13 . الله يعطيكم العافية حتعبكم معاي |
الله يجزاااك خير يا ( عشقي السفر ) أيضااااا استفدت من جدولك الكثيرا فالله يسعدك دنيا وآخرررره . |
وتتوقعوا كم تقريبا تكلفني الرحلة ، وهل لوحجزت قريب الوقت افضل ام الآن احجز الفنادق مع الغاء مجاني ، تحسبا لأي طارئ يكنسل الرحله كلها مع حجز الطيران الدولي غير مسترد ، والله أنا والأهل شايلين هم الأطفال كثير الله يستر |
لا تشيل هم الأأطفال أبدا، ما شاء الله أعمارهم مناسبة للسفر ومش متعبين .. أولادي تلاتة ومعنا بكل السفريات وما في مشاكل الحمدلله من لما كانوا بهالعمر وأصغر بكتير .. كاميرون ما الها طيران، وبصراحة طريقها هي الوحيدة اللي تعبت الاولاد وواحد منهم تعب جدا لانه الطريق 70 كيلومتر منعطفات وصعود مستمر .. مع انها جدا جدا جميلة وبتمنى ما حدا يفوّت زيارتها .. لكن من باب الأمانة، المكان الوحيد اللي اولادي تعبوا من زيارته .. بإمكانك تاخد شقة فندقية في كوالالمبور من غرفتين نوم وبتكونوا مع بعض بنفس المكان.. وابحث دائماا في مواقع الحجز عن family rooms أو اختار عدد الكبار 2 والأطفال 3 والغرفة 1 .. هيك بيطلع لك بأول الخيارات كل الفنادق اللي عندها غرف عائلية ... استرخي وريح اعصابك ... ماليزيا من أنسب الدول اللي زرناها للأطفال، مستحيل يملوا فيها |
كاميوون جميلة بطبيعتها ؤطقسها بس ما فيها فعاليات للاطفال من ملاهي وغيرها فلو بتروح لها لاتزيد عن يومين احجز بدري تحصل اسعار حلوة وخلي الحجز الغاء مجاني مع متابغة مستمرة لاسعار الفنادق |
طيب الله يسعدكم كيف الجول لو أبغى أضيف الكاميرون كيف حيكون الجدول ،، وكم تقريبا الطيران الداخلي |
اقتباس:
يكون جدولك 2 سيلانجور 3 لنكاوي 3 بينانغ 2 كاميرون 4 كوالالمبور الكاميرون تقدر تروح لها برا فقط. و بالنسبة للطيران للمدن الاخرى الاسعار تتراوح بين 100 الى 200 رنجت للشخص الواحد. |
الله يعطيك العافية الكاميرون ما يكفيها يوم ،، وكيف طريق التنقلات بينهم |
أين أنتم ياااا سادة المنتدى ورواده |
اقتباس:
لا ما يكفيها يوم التنقلات من سيلانجور الى لنكاوي طيران من لنكاوي الى بينانغ طيران او عبارة من بينانغ الى كاميرون باص او تاكسي من كاميرون الى كوالالمبور باص او تاكسي الطيران عندك طيران اسيا او الخطوط الماليزية او فاير فلايز. |
طيب جزاكم الله خير ما ينفع مباشرة بعد الرحلة الدولية رحلة داخليه الى لنكاوي |
^^^^^^^^^^^^^^^^^^^^^^^^ طبعاً ينفع بالتاكيد , بس من وجهة نظري المتواضعه بيكون تعب عليكم يفضل تريحون يوووووم ع الاقل وبعدها على لنكاااااااااوي |
السلام عليكم .. الحمدلله تم حجز الفنادق كالتالي ليلتين ١٩- ٢٠ فندق وسبا صن واي ريزورت بسعر ١٠٠١ ثلاث ليال لنكاوي بفندق بيرجايا لانكاوي ١٥٠٠ تقريبا ثلاث ليال بينانغ حجزت فندقين لاني محتار بينهم فندق غولدن ساندر باي شانغريلا ب ١٣٧٤ والثاني بارك رويال ب ١٥١٣ ويومين الكاميرون ب منتجع كاميرون هايلاندز ب ١٠٤٦ ريال واخيرا اربع ليال بكوالالمبور ب ١٥٠٠ تقريبا اش رايكم ،، واذ كان هناك اي رأي او اقتراح لفنادق افضل من حيث السعر او المكان ما استغني عنكم . |
اقتباس:
اختياراتك ممتازه ما شاء الله بس اشوف جولدن ساندس افضل من بارك رويال من وجهة نظري. |
تمام الله يعطيك العافيه ،، هذا بعد توجيهاتكم طيب اش افضل طيران سعره مناسب وكيف الوزن وغيرك كذا لحظة الفنادق بالتكلفة النهائيه كاتبين غير شامل تكلفة ضرائب٦٪ والخدمه ١٠٪ كيف حتكون الزيادة هذه ،، وليش ما التكلفة تكون نهائيه |
واش رايكم لو حجزت الطيران الداخلي من مكتب سياحي اخاف اتوهق ،، وبكم حيحجز لي المكتب السياحي التذاكر واحجزه مسترد او غير مسترد علما ان الحجز الدولي غير مسترد ،، جزااكم الله خير |
اقتباس:
قولدن ساندس وبارك رويال كلها حلوة , انا جربت القولدن وعجبني |
اقتباس:
كل مناطق ماليزيا 16% خدمة وضريبة ماعدا لنكاوي 10% لانها معفية من الضرائب يعني فندق الصن واي زيزورت سعره 1001*16% =160.16 المجموع الكلي1161.16 فندق بيرجايا 1500*10%=150 المجموع الكلي 1550 اووووووووووووووووووو فندق الصن واي 1001*1.16=1161.16 فندق برجايا 1500*1.10=1650 |
بالنسبة للطيران ما يحتاج مكتب الموضوع سهل ادخل على موقع طيران اسيا و تراه بالعربي و احجز و طبعا الحجز غير مسترد و يعطونك وزن ١٥ كيلو لكل شخص و تقدر تشتري اكثر. |
اقتباس:
الشخص من 70الى 200 رينجت بالكثير على ايراسيا اوفايرفلاي او ماليندووووو وكل ماحجزت بدري كل ماقل السعر يفضل تحجز وقت مبكر على الساعة 11 او 12 او 1 مشان تستفيد من بقية اليوووووووووم, |
الله يعطيك العافية هل افضل طيران اسيا ام الطيران الماليزي ،،،،،،،،،،،،، فتحت طيران آسيا مالقيت ايقونة تحويله من انجليزي الى عربي |
وهل افضل احجز رحلة من كوالا الى لانكاوي لوحدها ورحلة من لانكاوي إلى بينانغ لوحدها أم ارخص وافضل احجزها مع بعض |
اقتباس:
اقتباس:
|
طيب الله يسعدكم كيف احول موقع الطيران الداخلي الى اللغة العربية مالقيت ايقونتها ، وما عليكم أمر لو ترسلولي الروابط ممكن داخل مواقع وسيطه لشركات الطيران |
تفضل اخوي http://www.airasia.com/sa/ar/home.page |
^^^^^^^^^^^^^^^^^^^^^^^ الله يعطية العافية اخوي هاي مزمز وضعلك الرابط بس اتوقع في مشكله تقنية في المووووووووووقع |
|
ما شاء الله تبارك الله الاخوان كفو ووفو بالنسبه للسكن فممتاز جدا لكن لم تذكر سكنك في كوالالمبور وبالنسبه لماليزيا دوله مسلمه ولله الحمد والمنه وشعبها ودود ومحترم ويعامل السائح بشكل جيد وهذا من سنوات طويله وهي مقصد للسياح العرب والسعوديين خاصه والامان بالله طبعا اولا واخيرا اعقلها وتوكل المهم انك تخطط لجدولك تمام وتحط الاماكن اللي بتزورها بكل يوم حتى ما يضيع وقتك وخصوصا ان السواق او التكسي راح يجمل بعض المحلات لك انت اصر على جدولك لان هم لهم نسبه وثانيا انتبه من النصابين الموجودين عن بوابه الخروج في مطار كوالالمبور واللي يلبسون بدلات ويغرونك برحلات وجولات واسعارها غاليه لو تحجزها بنفسك لا تتتناقش معاهم ولا حتى توقف لهم ماكانك تشوفهم وثالثا بعد عن التكاسي الي يسوقها صينيين واستخدم برنامج ماي تكسي لانه راح يعطيك السعر التقريبي للمشوار واتبع اهم نصيحه للمسافر في كل ماكان ان عند ركوب وسيلة النقل الاب يركب اول واحد وبعدين يركبون باقي افراد الاسره وعند النزول لاتنزل الا لما تتاكد من نزول جميع العائله تكون انت اخر واحد ولابد من ان تبحر في لاتقارير هنا وتقراها لان راح تكون عندك خبره ومعرفه بالامور وتتعلم من المواقف اللي تصير للغير كذا بتطمن اكثر وباذن الله رحله سعيده |
جدولك جدا رائع ولاتفوت الكاميرون راااااائعه الجو البارد وهتان المطر ومزارع الشاي والفراوله بالنسبه لطيران اير آسيا لهم مكتب في جده على طريق المدينه دايم نحجز من عندهم الله يتمم سفرك على خير يارب |
الله يعطيكم العافية أنا حجزت طيران داخلي اير اسيا ولاحظت مبلغ تذاكر الاطفال نفس مبلغ البالغين هل هذا صحيح |
وطلع المبلغ 937 بعملتهم الرحلة من كوالا الى لانكاوي |
جزااااكم الله خيرا جميعا ، حجزت في كوالا سكن إي آند أوه اليوم لقيت حجز في فندق سنواي بيراميد ويست في سلانجور وحجزته مع الغاء مجاني افضل هو ولا فندق وسبا صن واي ريزورت . وهل فندق بيرجايا بلانكاوي مررره تمام أو فيه الأفضل منه وسعره طيب |
اقتباس:
اكيد صنواي افضل برجايا كويس بس شيك على الويستن او دانا او بيلانجي بيتش. بالنسبة للاسعار التذاكر ممتازه و الصغير مثل الكبير |
برجايا ممتاز وفيه افضل منه بس اكيد السعر اغلى عيب برجايا من وجهة نظري ان التنقل من الشالية الى الاستقبال او الشاطي اما بعربة القولف او المشي ومشكلة المشي انك ممكن تواجه قرود وفي الليل الممرات تخوف لانك وسط غابة تقريبا الشاطي فيه العاب بحرية عدا البراشوت وما تشوف احد يلعب يعني الشاطي هادي اما الغرف نظيفة والتعامل كويس اما لوكنت من محبي الجلسة امام الشاطي ورؤية الناس تلعب بالالعاب البحرية فأنصحك بالسكن على شاطي سينانغ وبالتحديد كاسا دلمار او بلانجي بيتش او في شاطي تينغاه وفندق فرنجباني او هوليدي فيلا بيتش(وهذا فيه غرف قديمة وفيه مجددة) |
| الساعة الآن 10:38 PM |
Powered by vBulletin® Copyright ©2000 - 2025, Jelsoft Enterprises Ltd.
Search Engine Optimization by vBSEO