|
اتمنى الاقي جواااااااب السلام عليكم ورحمة الله وبركاته اسعد الله مساءكم بكل خير اخواني الغالين اسأل الله لي ولكم التوفيق والسعاده في الدارين الموضوع : حجزت قبل اسبوعين على الخطوط القطريه الى ماليزيا شخصين ذهاب واياب اعتباراً من 16 ابريل الموافق 9 رجب ولمدة 11 يوم وهذه اول مره اسافر فيها لخارج المملكة السؤال / هل ألتزم بالشركات السياحية وأكون معهم ؟ إذا كان الجواب بنعم فأرجو منكم توجيهي لأفضل شركه سياحية . وإذا كان الجواب بـ لا .. فماذا تنصحوني به ؟ الله يوفقكم ويرحم والدينكم |
لازلت انتظر الرد ممن لهم خبره |
السؤال / هل ألتزم بالشركات السياحية وأكون معهم ؟ إذا كان الجواب بنعم فأرجو منكم توجيهي لأفضل شركه سياحية . اخي العزيز اهلا بك واتمنى لك رحلة سعيدة ... ابتعد عن المكاتب السياحية الا اذا كنت تعرف احد يعطيك خصم حلو وإذا كان الجواب بـ لا .. فماذا تنصحوني به ؟ انصحك بالحجز عبر مواقع الانترنت مثل بوكينج واقودا واسيا ترافل وغيره ويوجد موقع هوتيل كومبايند اللي يعطيك مقارنة بين المواقع الاخرى ... ايضا تقدر تحجز عبر الموقع الرسمي للفندق وفي الاخير شوف السعر اللي يناسبك سواء من مكتب سياحي موثوق او من مواقع النت |
وعلليكم السلام ورحمة الله وبركاته . كأني فهمت انك تقصد التمشيات ؟ اذا كذا فاتركهم عنك وبتلقى هنا برامج افضل وانت حر بوقتك تطلع بكيفك وترجع بكيفك واوفر كثير ... اذا تقصد السكن فما قصر himzmz وما يمنع تراسل المكاتب الموثوقه وتشوف انت بنفسك عن طريق مواقع الحجز وتقارن وتاخذ الازين لك ... مقدر شعور اول سفرة برا .. بس اسأل عن اي شي يخطر ببالك ومحد مقصر معك بحول الله ... وهنا ممكن يضبطون لك احلى برنامج ويقترحون لك السكن ومايبون منك الا سعادتك انت واللي معك :62: |
اقتباس:
الله يوفقك دنيا وآخره ومشكور على توجيهك بالنسبه للسائقين هل هناك احد تعرفه موثوق به وامين ؟ |
اقتباس:
والله ياغالي اللي اقصده كل شيء تمشيات حجوزات فنادق وطيران داخلي وسائقين اماكن رائعه للإستجمام . والله يسعدك ومن تحب دنيا وآخره |
اقتباس:
http://www.arabtrvl.com/vb/t15927.html ... لو تاخذ لفه عليها وتشوف لك تقرير جديد تقراه اذا ماعندك خلفيه عن البلد .. عشان يستقعد راسك شوي ثم تنزل وش تبي والشباب يعدلون لك او يسسون لك واحد جديد ... انا زيارتي لها قديمه شوي وزرت كوالا ولنكاوي وكاميرون وبورت ديكسون ( ما اعجبتني ) .. ترا حلو تقرا عن البلد قبل تزوره عشان مايفوتك شي حلو او تضيع وقتك بشي مايستاهل ... الطيران الداخلي المفروض تشوف حجزك قبل السفر بوقت كافي اضمن لك وارخص .. لا تخلي شي للظروف |
اقتباس:
الله يوفقك يا الامير ومن ناحية القراءه اخذت شرح كافي ووافي عن ماليزيا من خلال المنتدى ولكن متخوف من ناحية السائقين :( ومن ناحية الفنادق والطيران الداخلي حجوزاته سهله بس تبقى السائق في كل مدينة وحجز الفيري او الباص وتحويل العمله ما اعرف كيف طريقتها ؟ :) |
اقتباس:
تحويل العملة ... انا دايم استعمل الصرافات واصرف الحد الاعلى وخلاص البنك بيحسب رسوم السحب + فرق تحويل العملة وماراح تفرق كثير ترا ... بس شف الصرافات اللي تعطي فئات اكبر ( 100 رنقت ) لان هم يصرفون بعدد الاوراق واعلى شي 30 ورقة نقديه بس يمكن ماراح تلقى اللي يصرف 100 ورقه متوفر كثير ... فاذا انت تحب الكاش اكثر من التعامل بالبطاقة فمالك الا تشيلها من هنا شف هالموضوع يمكن تفيدك افكاره بس سعر التحويل ترا قديم http://www.arabtrvl.com/vb/t883-5.html |
وعليكم السلام ورحمة الله وبركاته والله يوفقك وتروح وترجع بالسلامة كوالا ما يحتاج سواق ممكن تحتاج سواق في لنكاوي وبينانق مع اني ما انصح في السايق الي اخذه معي من الصبح للمغرب عندك في لنكاوي تقدر تستاجر سيارة وانا جربتها قبل اسبوعين اخذت سيارة من المطار وسلمتها المطار وكتبت موضوع فيها فالمنتدى هذا.. ابعد عن هالشركات تاخذ عليك فلوس زايده الان الانترنت عندك تقدر تاخذ تفاصيل المدن والمناطق السياحية واي مكان تبغى تروح له.. وبالتوفيق أرسلت من SM-G928C بإستخدام تاباتلك |
| الساعة الآن 09:26 AM |
Powered by vBulletin® Copyright ©2000 - 2025, Jelsoft Enterprises Ltd.
Search Engine Optimization by vBSEO