|
جدول الرحله وبالله المستعان اتمنى دخولكم :) السلام عليكم ورحمة الله وبركاته صباحكم ورد وياسمين جدول لرحلتي المقرره بمشيئة الله الشهر القادم الطيران الدولي القطرية بداية الاقلاع / 16 ابريل تاريخ العوده / 26-27 ابريل سلانجور ( يومين ) فندق بيتالينغ جايا 5 نجوم لنكاوي ( 3 أيام ) منتجعات فيفانتا باي تاج - جزيرة ريباك 5 نجوم بينانغ ( 3 أيام ) منتجع وسبا شانغريلا راسا سيانغ 5 نجوم كوالالمبور ( 3 أيام ) فندق غراند حياة كوالالمبور 5 نجوم الطيران الداخلي ( أير آسيا ) المطلوب / 1- آرائكم حول هذا الجدول وإذا فيه أفضل ياليت تدلوني عليه . 2- ارقام سواقين محترمين وثقات في كل مدينة . 3- تحويل العمله كيف طريقتها ؟ . |
اقتباس:
و عليكم السلام و رحمة الله و بركاته بالنسبه لتقسيم الايام و الفنادق ممتاز بس فندق سيلانجور اذا تغيره ب صنواي ريزورت افضل. لارقام السواقين يوجد موضوع بارقامهم تحويل العمله اما من بلدك او من كوالا او مجمع بيراميد في سيلانجور و ابتعد عن الصرف في المطارات. |
منتجع فيفانتا باي تاج .. ممتاز حسب التقييم لكن سالفة القارب الي ياخذك للمدينة نفسها واخر قارب يكون الساعة 8 مساء ما حبيتها .. اذا كنت تبغى استجمام واسترخاء وبعيد عن الازعاج فيصلح لك والله يوفقك وسيلانجور لا يفوتك صن واي ريزورت عند الالعاب المائية.. والله يوفقك أرسلت من SM-G928C بإستخدام تاباتلك |
ماشالله توزيع الأيام ممتاز اتفق مع اخي نمس فيما ذكر وانصحك بالويستن في لنكاوي بالنسبه لبينانغ انصك بجناح الراسا أفخم من جناح الحديقه ولا يوجد فيه مسابح أطفال هادي ونضيف وفخم.. |
اخي الكريم الجدول حلو لكن انصح بفندق الصن واي لاقون او البراميد التابع له حتى تكون قريب من كل شي ولنكاوي انا مع الاخوان مواعيد القارب بتلزمك وتحد من حريتك بالطلعات والتمشيات اختار فندق غيره افضل وفنجق بينانغ جميل وبالتوفيق سفرة موفقة |
اقتباس:
الله يسعدك على توجيهك ومشكور على مرورك |
اقتباس:
وش تنصحني فيه اذا كنت بغير رأيي عن منتجع فيفانتا باي تاج ؟ ومشكور على توجيهك ياغالي |
اقتباس:
الله يوفقك ويسعدك اخوي الهاجري على توجيهك |
اقتباس:
شكرا على مرورك اختي بالنسبه للصنواي البراميد لم اجده في البوكينق هل اذا جيتهم هناك اختار او كيف الطريقة ؟ |
صن واي ريزورت فندق مختلف عن البيرامد البيراميد اسمه sunway byramid tower east أرسلت من SM-G928C بإستخدام تاباتلك |
انصحكم في الويستن بلنكاوي روووعه وفيه فلل بمسبح خاص ع البحر سبق اني حجزت فيه غرفة عادية يوم جيتهم الا يحاولون اني اختار غرفة افضل وادفع الفرق وقلت لهم لاااااا المهم اثاريهم متوهقين ما فيه غرفة وانا حاجز من مكتب حجوزات وواضح فيه نوع الغرفة.. المهم عطوني جناح ملكي اسمه رويال سويت روووووووووعه وأفضل يومين قضيتها في فندق ..وعندك بلانجي بيتش حجزت فيه ممتاز لكن الويستن احلا منه.. |
اقتباس:
الله يوفقك ويسعدك ياغالي .. تم تدوين هالملاحظه وجاري الحجز بإذن الله :):e306: |
اقتباس:
السلام عليكم اخوي الغالي صباح الخير بالنسبه بينانغ لقيت بالبوكينق بس اشكال وانواع وش رايك في غرفة ديلوكس مع اطلالة على البحر - مبنى الحديقة وقابله للإسترداد المبلغ بـ 2651 ريال لمدة 3 ليالي |
وعليكم السلام اخوي انا الان فاتح بوكنق سعر الثلاث ليالي للرسا بريمير جناح مع الافطار ب 2784 ريال ومساحه الغرفة 62 ومعها مسبح رخامي في البلكونة ..السعر ممتاز جدا وهذا الجناح اعتبره الأفضل في بينانغ وسكنت فيه سبتمبر الماضي على فكره جناح الراسا له لوبي لحاله ومطعم لحاله غير مزحوم بالاضافة ان هذا الحجز يشمل العديد من المزايا مثل الكوكتيلات المجانيه في المساء وشاي بعد الظهر مع السندويشات و فيه أشياء كثيره مجانيه مثل المشروبات الغازيه.. انصحك فيه وبقوه السعر هذا حصلته اذا كان دخولك 21 ابريل وخروجك 24 ابريل بالنسبه للغرفه اللي ذكرتها في جناح الحديقه لم اجربها لكن جناح الحديقه مزحوم خصوصا وقت الافطار.. |
ماشاءالله الاخوان ماقصروا جزاهم الله خير اتفق مع كلام اخوي الهاجري مية بالمية للمعلومية يوجد جناحين في الفندق 1-جناح الحديقة ( جاردن وينج) جناح متعدد الطوابق وسط حديقة بها اشجار يصل عمرها الى قريب 80 سنة من ضمنها غرفة مطله ع البحر وع الحديقة الخخخخ 2- راسا وينج (((افخم جناح في الفندق وله استقبال خاص عن جناح الحديقة انواع الغرف في هذا الجناح 1-راسا سوبريور 2- راسا ديلوكس 3- راسا بريمير بالمختصر المفيد سواء سكنت في اي الجناحين ماراح تندم ولكن راسا وينج بيكون افخم الفندق ماشاء الله من افخم الفنادق في الجزيرة مع ايسترن اند اورينتال |
اقتباس:
السلام عليكم اخوي الغالي تم تعديل الجدول والاستغناء عن بينانغ واضافة ايامها الى لنكاوي لما رأيته من تقارير عن جزيرة لنكاوي وروعتها وش رأيك ؟ يعني راح تكون لنكاوي 5 ايام :52: |
للمعلومية اخوي لنكاوي الآن لها شهرين او 3 قلة الامطار فيها وبتختلف عليك شوي في طبيعتها عن الي شفتها في التقارير.. سويت مثلك ولا رحت بينانق لاني جيت قبل اسبوع وندمت اني ما رحت بينانق.. لنكاوي اكيد تبقى جميله وهادئة لكن لاني رحت لها مرتين واعجبتني طبيعتها والامطار فيها لكن حضي هالمره 4 ليالي ما غيم الجو فيها وبعض الاشجار الصغيره والحشايش صفرت.. أرسلت من SM-G928C بإستخدام تاباتلك |
انصحك ترجع لجدولك القديم لانه أفضل وزياره بينانغ ولنكاوي تعطي تنوع اكثر خصوصا انها اول زياره.. انا كنت في السابق أضع بينانغ خارج الحسابات وفي رحلتي العام الماضي وضعتها في الجدول والحمدلله كانت أفضل بكثير مماتوقعت واحد الأسباب فندق شنغريلا الساحر وراح تحب بينانغ ربما لأجل هذا المنتجع وبعدها راح تحب لنكاوي اذا سكنت في الويستن وماراح تندم أبد والله يوفقك .. |
اقتباس:
الله يعطيك العافيه وراح اراجع الجدول |
اقتباس:
الله يعطيك العافيه وراح اعدل الجدول |
رحلة سعيدة يالحبيب بما ان جدودك ايام فتوزيعك جميل ولو كانت المدة اطول لقلت لك اختر كاميرون انا ما عجبني الا كاميرون اما الباقي تكملة عدد بييانغ و لنكاوي الله يعينك على الحشرات والناموس اذا جسمك حساس مثلي ما بتعين الراحة انصحك من الحين تاخذ لك بخاخ جسم مخصص حق النامس بالصيدليات سيلانجور اختر صن واي لاقون او البراميد الي جنبه هذا نجوم وذلك نجوم اذا انت تبحث عن النجومية اما لنكاوي شف من خلال تجربة اللهم كثر السواويق الشعبيين رنجت ويقعد معك طول اليوم ونصيحة لوجه الله لا تركب الا مع الماليزي الاصلي مو صيني والا هندي ياخي تحسهم امناء عندي رقم احد السواقين تبي تجربه رجل محترم ومتدين +60 14 7411 669 في كوالامبور هذا بعد رقم سواق حاج يعقوب +60 1660134374594 00 60 13 437 4594 ورحلة سعيدة اتمناها لكم ايه قبل انسى انتبه من الشريطية اللي بيستقبلونك في المطار وخلك حذر وحذق ومنتبه وشوف اللي يناسبك أرسلت بواسطة iPhone بإستخدام Tapatalk سبحانك اللهم وبحمدك أستغفرك وأتوب إليك |
اقتباس:
الله يسعدك دنيا وآخره تم تدوين الملاحظات وياليت ترسل علي الارقام بالخاص لأنها هنا ملخبطه :) |
ماشاء الله الاخوه ماقصرو بالمساعده وهذا عهدي بهم بينانج بصراحه ممتعه ولها رونق خاص يختلف عن لنكاوي ربي يسهل لك وتتمتع باقامتك |
اقتباس:
أشكر لك مرورك ام زياد وان شاء الله نعود بتقرير مفصل للرحله على امل ان ينال اعجابكم الله يسعدك ومن يقرأ . |
| الساعة الآن 10:48 PM |
Powered by vBulletin® Copyright ©2000 - 2025, Jelsoft Enterprises Ltd.
Search Engine Optimization by vBSEO