![]() |
استفسار .. الدفع عند الوصول السلام عليكم ورحمة الله أسعد الله مساكم وصباحكم بكل خير اخواني الأعزاء .. حسب مشورتكم قررت مبدئيا الحجز بدون أحد المكاتب ب حجز أن شاء الله تعالى كل شيء بنفسي لكن عندي عقدة وخوف مو طبيعي من زمان من الفيزا ف ما ادري فيه طريقة حجز بدون استخدام فيزا .. أو ب استخدام فيزا لكن الدفع عند الوصول الى الفندق ؟ |
عليكم السلام استاذ امجد ليه الخوف من الفيزا ملايين الناس تستخدمها بشكل يومي والحمد لله الامور زينه وفي وقتنا الحالي اصبح الكثير من الناس لا يذهب للاسواق كل مشترياته من الانترنت بالفيزا بسعر ارخص وجوده اعلى انا بنصحك بفيزا شحن ما فيها فلوس انت تحط المبلغ اللي تبغى يعني ابغى احجز فندق بـ 500 ريال خلاص احط 500 بس وكذا ما فيه اي تخوفه من السرقه وكثير من البنوك تصدرها بمسميات مختلفه عند الراجحي اسمها تسوق كثير من الفنادق تطلب الدفع عند الوصول لكن تستخدم الفيزا كضمان حتى لو لم تحضر لاي سبب تسحب قيمة الحجز من الفيزا |
أهلا حبيبي سبحان الله .. كذا فيه خوف منها ، يمكن لأن الوالد الله يطول بعمره يحذرنا منها كثير أو لاني ما استخدمتها من قبل .. لكن بعد الاستفسار من الشباب .. قررت اطلب لي وحده أن شاء الله لكن انا عندي أكثر من بنك الرياض .. ماستر كارد الأهلي .. بطاقة سحب عاديه البريطاني + البلاد + الاستثمار + الهولندي .. كلها عليها كلمة visa ممكن تخدمني هالبطاقات ؟ |
يلي بتخدمك بطاقة ماستر كارد و اتوقع بطاقة البلاد كذلك بس لازم تفعل خدمة الشراء من النت |
استاذ امجد انا اقترح فيزا او مستركارد مسبقة الدفع حتى لا تقع في مشكلة المديونيات ولخبطت الحسابات خذ لك مسبقة الدفع وتضع فيها المبلغ اللي يكفيك وفي وقتنا الحالي الفيزا لا غني عنها |
لازلت متوهق من ناحية هالبطاقات ولكن اللي عرفته ان بطاقة الصراف العاديه لا يمكن السحب منها عن طريق الفنادق في البوكينق رغم انه مسجل عليها " فيزا " !!! ويلزمك بدالها فيزا " تسوق " من مصرف الرجحي مثلاً .. كما فعلت طبعاً :) |
اخي الكريم اذا كنت حاجز من موقع البوكينق فتطمن الموقع مضمون وآآآآآمن جدا لي سنوات ااتعامل معاهم والفيزا ضرورية ولما تكتب بياناتها بالحجز تبقى سريه وما يخصم اي مبلغ الا اذا كان الشرط من ضمن حجزك للغرفة المختارة كل سفراتي احجز مع الغاء مجاني تحسبا للظروف واختار الدفع نقدا بالفندق ولك حرية الخيار لو وصلت الفندق تدفع كاش او بالبطاقه البنكية انا دائما اخذ الفيزا احتياط تجسبا لأي ظرف طارئ واصرف مبلغ محترم للصرف هناك واذا احتجت اسحب من بطاقتي العادية (ATM) استخرج لك بطاقه الراجحي مثل ما قالوا الاخوان:72: والحمد لله الامور ماشية تمام بكل سفرة بالتوفيق سفرة موفقة باذن الله ،،،،،،،،،:e032: |
اقتباس:
انا دائما استخدم بطاقتي العادية ولاحصل معاي رفض ابدا دفعت فيها في فندق بارك رويال في بينانغ :62: |
اقتباس:
والله بالنسبه لي حصل العكس حجزت ببطاقة الصراف الآلي العاديه في سلانجور وكوالالمبور ولنكاوي وبينانج ولم يتم اقتطاع المبالغ رغم ان حجوزاتي جميعها غير مسترده ولمّا طلبت من المصرف بطاقة فيزا (تسوّق ) وسلموها لي أودعت المبالغ فيها و اصلت على البوكينق وبدورهم طلبوا من الفنادق خصم المبالغ والحين وانا اكتب هذا الكلام وصلت رسائل على جوالي تفيد بأن 2 من الفنادق بدأت تخصم المبالغ من البطاقة الجديدة وبالرغم من ذلك كلّه علامة استفهام ؟ لماذا ما خصموا من الباطقة الاخرى علماً أنه يوجد بها كلمة فيزا !! |
انا صراحة ادفع الف ريال زيادة .. ولا اجلس كذا متوتر واحاتي والواحد اول مره يسافر لحاله يتلعوز .. الله يخلي ويحفظ الوالد .. كنت اشيل هم الجوال بس والشاحن الحين لما تزوجت .. حسيت بقيمة ذيك الايام :24::e023: اخوي shoom0072 اذا رحت هناك .. تواصل معنا اول ب اول .. لاني بكون وديعتك هناك .. وين م بتروح بروح وي ليلت تكتب لنا جدولك النهائي وحجوزاتك |
الساعة الآن 12:49 AM |
Powered by vBulletin® Copyright ©2000 - 2025, Jelsoft Enterprises Ltd.
Search Engine Optimization by vBSEO