|
واجهتني مشكلة في ماليزيا.. مساعدتكم عاجلا السلام عليكم اخواني انا ف ماليزيا وعندي مشكله دخلت مطار كوالالمبور.. وقابلني شخص ماليزي وقال ان المكتب الي حجز لي الفنادق و الرحله موصيه علي المهم عطاني جدول ب سواق وقالي ان كل شيء مدفوع وم تحتاج تدفع ولاشيء وقسمها لي على مدة الرحله وطلع لي سعر مقبول ومميز 206 ريالات بس دفعت له 2800 ريال على اساس ان كل شيء مدفوع رحت الفندق وانا موسوس.. كلمتهم قالوا عطنا الايصال.. وعطيتهم اتصلوا عليه وكلموه.. قالوا لا تخاف هذي شركة معروفه وبكرا نشوف.. اذا يجي او لأ وقلت لهم لو صار اي شيء بروح الشرطه واول يوم تفاجئت ان تغير الكلام وانه بس مواصلات اتصلت عليه وقال ان ما بعد تروح لنكاوي ولا بيننغ ف قلت فخاطري ان هذا أولها الله يستر من تاليها ولاني عارف شسوي الحين شنو شوركم ي اخواني |
عليكم السلام استاذ امجد يا ليت توضح كلامك انت تقول ان كل شي مدفوع ليش دافع له 2800 ؟؟؟ حق ايش هذا المبلغ ؟ الفنادق انت حجزها من فين ؟ هل انت حاجز سائق او استقبال في المطار ؟ ننصح بشدة عدم اعطاء اي وجهه لاي شخص يعرض خدماتة عليك وبشكل خاص اي شخص يتكلم عربي سواً في المطار او غيرة كذلك نصيحة مهمة جداً لا تدع موقف سلبي يعكر عليك رحلتك استخدم الخطة البديلة مباشرة |
الله يعينك اخوي و سبق ان نبهنا من المتواجدين في المطار و الذين يعرضون خدماتهم خصوصاً هاذيل اللي لابسين بدلات و احلى لبس هذيل اكبر حراميه و نصابين في ماليزيا |
وٍعَلْيّكَمُ الْسَلآإمّ وٍرٍحَمُةٌ الله وٍبُرٍكآإتَهّ انت لست عضو جديد بالمنتدى وهناك اكثر من عضو نبه و حذر من الغش والتلاعب واكثر من موضوع تكلم بهذا الامر يا عزيزي المبلغ اللي انت دفعته في نظري انه للمواصلات والتنقلات المثل يقول يا صاحبي ( كل دقة بـ تعليمة ) تحياتي أرسلت بواسطة أوكسير بإستخدام Tapatalk ردِّدْ دائماً: سبحانك اللهم وبحمدك ( أستغفرك وأتوب اليك ) |
اقصد ان كل شيء مدفوع ب العرض الي عطاني اياه وقيمته 2800 ريال نعم حاجز استقبال في المطار والفنادق عت طريق احد المكاتب الي خلاني اصدق انه قالي ان المكتب الي بالمملكه هو الي قاله يسوي لي عرض |
الله يعطيكم العافيه الي فات مات الحين وم ينفع اللوم |
يا عزيزي احسنت لتقبلك الامر لكن خلنا نمشي معك خطوة خطوة انت كم يوم رحلتك الى ماليزيا ؟ وهل حجزت الفنادق قبل الوصول الى ماليزيا ؟ ومن اين حجزت الفنادق ؟ وانا ساستوضح الامر تماماً لعل الموقف الذي حصل معك هو نفسه الذي حصل معي في سفرتي لماليزيا عام 2013 تحياتي أرسلت بواسطة أوكسير بإستخدام Tapatalk ردِّدْ دائماً: سبحانك اللهم وبحمدك ( أستغفرك وأتوب اليك ) |
اهلا حبيبي من 28 الى 11. May ايه نعم حجزتها قبل الوصول وعن طريق احد المكاتب ف الدمام |
اخوي اوكسار كلمني هنا اسرع للتواصل XXXXXXXXXXXXXXXXXXXXx عذرا من الاداره لكن عشان حل المشكله |
خلاص لا تعكر عليك رحلتك بس ترى نصابين وهوا يقول انه من الشركة اللي حجزتها من هنا من راسه لعل وعسى تضبط معاه وهاذا اللي صار اي احد يجي يكلمك تعال وعروض وجولة وخرابيط اعطيه طناااااااش ولا تعبره وانتا ماشاء الله عليك مسنتر هنا في المنتدى واخدت فكرة واطلعت على التقارير كمل رحلتك ورحلة سعيدة ان شاء الله |
احسنت وهذا المكتب حجزت من عندهـ الفنادق فقط ام الفنادق والمواصلات ؟ وبما انه في الدمام يعني اكيد كنت فاهم عليه لانه بيتحدث اللغه العربية اذا كان حجزك فقط الفنادق هذا يعني ان اتفاقيتك اللي في مطار كوالالمبور هو اتفاق مواصلات وتنقلات تحت بند ( جولة حول المدينة ) صح والا انا غلطان ؟ نرجو انك تتقبل ردودنا بصدر رحب حتى يكون موضوعك تنبيهاً للاخرين تحياتي أرسلت بواسطة أوكسير بإستخدام Tapatalk ردِّدْ دائماً: سبحانك اللهم وبحمدك ( أستغفرك وأتوب اليك ) |
حجزت من عند المكتب طيران داخلي وخارجي الفنادق والمواصلات من المطار الى الفندق والعكس الاتفاقيه ب الكلام ان جميع الرحلات السياحيه م احتاج ان ادفع شيء حتى سالته عن المانغروف.. وعن جزيرة القرود وقال اي ما يحتاج احنا بنهتم وبنوديك.. قلت وما ادفع شئ قال لا انسى الدفع , وبعض الاماكن تحتاج تدفع من 2 الى 20 رينقت عشان الكاميرا او الضريبه لكن لما كلمت الفندق عن المشكلة قالوا ان حتى لو تشتكي ما راح يرجع لك شيء لان ولا شيء مكتوب انه بيدفع بس الايام والاوقات |
يا عزيزي هذا يعني ان الامر كما ذكرت لك العقد فقط ( للتنقلات ) واوهمك بالكثير من الامور ووقعت واستلم المبلغ وانتهى الامر وان اشتكيت لا يضرهم شيء دام ان العقد يعتبر شريعة المتعاقدين لابد ان نتعلم من الحياة والسفر والترحال تحياتي أرسلت بواسطة أوكسير بإستخدام Tapatalk ردِّدْ دائماً: سبحانك اللهم وبحمدك ( أستغفرك وأتوب اليك ) |
تم تدوين الرقم وسعدنا بالتواصل معك و رحلة سعيدة اتمناها لك تحياتي أرسلت بواسطة أوكسير بإستخدام Tapatalk ردِّدْ دائماً: سبحانك اللهم وبحمدك ( أستغفرك وأتوب اليك ) |
الله يعينك ياخوي ويحل مشكلتك ان شاءالله واجهت هالاشخاص في المطار بس ابداا ماعطيتهم مجال انهم يكملون كلام معي مشيت ولا كانهم موجودين الله يحفظنا بس منهم |
حسبي الله عليه..والله لازم نشن حمله عليهم لو كل شخص سوا عنهم تقرير ف الشرطة كان افتكينا من العينات |
ماعليه اكمل رحلتك اول يوم انساهـ استمتع ببقية ايام الرحلة يا عزيزي في النهاية العقد شريعة المتعاقدين وانت وقعت على عقد تنقلات فقط وليس عقد برنامج سياحي وقعت في الفخ واوهموك بكثرة لق لق لق لق حقهم لهذا كنت متوقع شيء لكن الواقع شيء اخر لا تشيل هم لا بأس اعتبرها درساً بالحياة نتعلم منه بالمناسبة انت دفعت 2800 انا دفعت 3000 لكن بمحض ارادتي و على علم بان العقد للتنقلات والمواصلات ولو كنت اعلم لما قبلت العقد لاني لم اكن بحاجة في بعض الايام لسواقينهم هههههههه كنت اقضي اليوم تنقلات مشياً للتجول بالمنطقة تحياتي أرسلت بواسطة أوكسير بإستخدام Tapatalk ردِّدْ دائماً: سبحانك اللهم وبحمدك ( أستغفرك وأتوب اليك ) |
ومسألة الشرطة انساها فالكفة لن تميل لك اتحفنا بتقريرك في رحلتك بنهاية الامر وانسى سالفة العقد شد حيلك بالصور لاني شفت بصورتك كاميرا نيكون يعني لازم تكون محترف تصوير تحياتي أرسلت بواسطة أوكسير بإستخدام Tapatalk ردِّدْ دائماً: سبحانك اللهم وبحمدك ( أستغفرك وأتوب اليك ) |
اقتباس:
السلام عليكم حرام عليك يا اخ امجدد اشكثر حذرنا من هالنوع من الناس وللاسف وقعت في الفخ من بداية الرحلة لكن قدر الله وما شاء فعل الله يعوض عليك انسى الموضوع وكمل الرحلة على خير ولاتنسى اذكار اليوم واعتمد على نفسك ولا تلتفت لهم تم مسح الرقم لمخالفته للقوانين وان شاء الله انحلت مشكلتك وتواصلت مع الاخ اوكسير |
السلام عليكم اخي الغالي لكل جواد كبوه استمتع برحلتك وانس الي حصل فالنصابين موجودين في كل دوله بس الواجب الحذر في باقي الايام من الرحله يعني ممكن تقابل السحره الي يطلبون يشوفون عملة بلدك واذا وريته يسحب كل الي بجيبك بدون ما تحس وكمان راح تلاقي الشحاذين والشحاذات وخاصه الصينيات وما شابه هذول لا توقف لهم ابد ولا تخرج من الفندق الا بمصروف يومك موفق يا غالي ولا تنسانا من التقرير بعد العوده |
الله يعوض عليك حاول تستفيد منهم باكبر قدر ممكن ولو عرفت تخدعهم كما خدعوك فافعل هههههه بحب اهدي النفوس بس :) |
الله يعوض عليك الحذر ثـــــم الحذر من المحتالين الراقــــين |
اقتباس:
ومشيت عنهم وحصلت واحد من راعي البدل عطيته اسم الفندق قال 150 وبعدين قال تحتاجو سياره كبيره جيب 180 قالت والله ما اعطيك غير 140 ومشيت وناداني على 140 رينجت كان وقت متاخر من ليل يمكن الله لطف فيني او هوه اسعاره حلوه |
الله ييسر أمرك.. سبق نزلنا تقارير ومواضيع بالتفاصيل ونبهنا على استخدام اوبر وجراب بدل العروض والجولات بالذات في العاصمة ومشاوير من والى المطار..أتمنى اذا عندك اي استفسار تتواصل معانا نفيدك ونخدمك وندلك على أسهل الطرق ولاتثق بأي غريب.. 2800 أشوفه مبلغ خيالي |
اقتباس:
بالمناسبه من قبل سنه .. صاروا يسمحوا للتكاسي بالميتر بالتواجد و حمل الركاب من مطار كوالالمبور الدولي يتواجد كشك لهم في الطابق الأول و الثالث .. طبعاً رسوم 2 رينقيت في البدايه كما في بعض المولات في كوالا .. ومن ثم الرحله بالميتر |
| الساعة الآن 10:45 PM |
Powered by vBulletin® Copyright ©2000 - 2025, Jelsoft Enterprises Ltd.
Search Engine Optimization by vBSEO