|
قطار المونوريل في كوالا وتنقلاته السلام عليكم اخواني انا الان في فندق فوراما مقابل برجايا تايمز سكوير من الخلف واتوقع امام التايمز سكوير محطة اسمها IMPI اريد اعرف الحين لو ركبتها وين اتوقف عند اي محطه ؟؟ انا شفت موضوع احد الاخوان بس مافهمت كيف ترتيب المحطات يعني الحين شو هي المحطه اللي بعد IMPi !! علما بأني اريد ازور البرجين التوأم والسوق الصيني وسوق سوانج وانج ياليت تساعدوني كيف اروحهم بالتريب من اي محطه لاي محطه ؟؟ وشو الاوقات المناسبه لزياره هالاماكن؟؟ وهل منطقتهم امان ولا وجزيتم خيير اخواني |
قطار المانوريل في كوالا من امتع الاشياء واكثرها توفير للوقت والمال. بس حبذا تتجنبون اوقات الزحام. مثل وقت الذهاب للعمل في الصباح او العودة.. محطات المانوريل حسب ماافتكر معروفه بالدعايات اللي عليها وبكذا تحفظها بسهولة. فمثلا المحطة اللي تنزلك عند فندق رويال شولان تقريبا دعايتها كنتاكي واللي عند التايم سكوير دعايتها شركة اتصالات, وحسب ماافتكر اذا دخلت محطة امبي اللي عند التايم وكان التايم سكوير خلفك واخذت القطار المتجة يمين فانك ستذهب للبرجين واسم المحطة klcc. اما اذا اخذت يسار فانك ستتجه للسوق الصيني ومحطة الباصات بودرايا والافضل لك تحمل صورة للبرجين والسوق الصنيني او اسمهم بالانقلش وتوريه الموظف اللي بالمحطة وهو يدلك. والامور بسيطة جدا. وحتى لو طيعت ارجع وعدل مسار الرحلة. |
محطة المونورول اهم شي تعرف ايش المعالم بجانب كل محطة والاتجاه يمين او يسار لما تطلع المحطة (تسأل الامن والناس وراح يساعدوك) |
المحطة اللي جنبكم محطة Air Asia Bukit Binatng .. هذي محطة شارع العرب ، والمونوريل من امتع الاشياء اللي ممكن تجربها في كوالالمبور وهي كلها 9 محطات من اولها لآخرها اما لو تبغى تروح الـ KLCC فلازم تروح للمحطة اللي قبلكم Hung Tua << كاتبها غلط بس حاجة زي كذا ومن هناك تنزل وتسألهم فين الـ LRT ، الـ LRT هذا قطار ثاني غير المونوريل ، اشهر المحطات : KLCC Pasar Sini السوق الصيني والاحياء الشعبية Masjid Jamik قريب من اقدم مسجد بكوالالمبور وقريب 10 دقايق مشي من ساحة ميرديكا الشهيرة بكوالالمبور ومن هذي الاماكن لو تبغى ترجغ التايم سكوير خذ قطار لين Hung Tuah وبعدين انزل وروح للمونوريل حق نفس المحطة لان المحطة هذي فيها مونوريل و LRT ، ومن المونوريل على IMBI |
| الساعة الآن 10:31 PM |
Powered by vBulletin® Copyright ©2000 - 2025, Jelsoft Enterprises Ltd.
Search Engine Optimization by vBSEO