|
استفسارات لسفرة ماكانت بالبال السلام عليكم و رحمة الله و بركاته عندي عدة استفسارات تنتظر اجوبة منكم الرحلة جات مفاجئة و اليوم بس راح نحجز الطيران يفترض ان وقت السفر يكون من 11 مايو الى 20 مايو على الخطوط القطرية الوصول لكوالا في 12 مايو المخطط مبدئيا من 12 الى 14 كوالا فندق جراند حياة من 14 الى 16 لنكاوي فندق و يستن من 16 الى 20 كوالا شقق اوسيس سويتس العدد عائلة من 4 اشخاص استفساراتي هي مدى احتياجي للسائق الخاص ؟ وترشيح لسائق يتحدث العربية في كوالا و لنكاوي الاستفسار الثاني بالنسبة للكاميرون و بينانغ كان مخططنا فقط كوالا و الكاميرون تم الغاء الاخيرة و استبدالها بلنكاوي لكن الان احترت اكثر وعندي احتمال ازيد يومين و احطهم للكاميرون او بينانغ > نبغى القهوة و الشكولاته لذلك الاحتمال بيكون لبينانغ و بنفس الوقت ودنا بجو استرخاء معتدل مثل اجواء الكاميرون فايش الافضل بينهم و هل ممكن احصل القهوة بنفس الجودة و الاسعار الموجودة في بينانغ ؟ الفنادق بالكاميرون لقيت فقط فندق واحد تقييمه جيد فهل عندكم فكرة عن فنادق جيدة غيرها و اسعارها اقل؟ و بينانغ لقيت خيارات كثيرة و اسعار جيدة وتقييم ممتاز لكن تعليقات العرب شبه منقرضة ؟ الان المواصلات بين المدن من كوالا الى لنكاوي بالطائرة من لنكاوي الى بينانغ بالفيري > كم ساعة ؟ و الاوقات و طريقة الحجز ( لأول مرة أسأل بهالطريقة التفصيلية عادة ارتب على حسب قراءاتي لكن للاسف ماعندي وقت ) لو اخترت الكاميرون فبيكون من لنكاوي الى الكاميرون كيف الطريقة ؟ او ممكن نرجع من لنكاوي الى كوالا وبعد يومين نطلع من كوالا الى الكاميرون ؟ كم الوقت ؟ وكم سعر التوصيل بالسيارة الخاصة ؟ او بالباص؟ ومن بينانغ الى كوالا ؟ ايش المواصلات المتوفرة و اسعارها التقريبية و المدة؟ الاسواق الشعبية بكوالا مثل البازات هل متوفرة عندهم ؟ وهل هي كويسة ؟ احنا عائلة محبة للاستكشاف فايش مناطق الاسواق اللي ممكن نستكشفها ؟ :e030: و بالاخير اتمنى تتحملوني و احصل اجابات :e030: |
الله يوفقكم في سفرتكم وان شاء الله تسانسون بالنسبة للسائقين شوف في موضوع مثبت للاخت شموخ عتيبة وراح تلاقي السائق اللي يناسبك ان شاء الله الاخوان والاخوات راح يجاوبوك على بقية الاستفسارات أرسلت بواسطة iPhone بإستخدام Tapatalk |
مساء الخير اختي الفاضلة 8 ايام جدا قليلة وانت تقولي اضافة يومين يعني ممكن تصير 10 اذا 8 ليال اقترح 2 ليلة سلانجور 3 لنكاوي 3كوالا واذا 10 ليال 2 سلانجور 3لنكاوي 2 بينانغ 3 كوالا وعن نفسي لو 8 ليال او 10 راح اخليها بس 3 مناطق الشكولاته والقهوة موجودة في كوالا وارخص ايضا افضل فنادق كاميرون .. كاميرون هاي ﻻند ريزورت.. سموك هاوس .. دي ﻻفرانس الفيري 3 ساعات تقريبا والطيارة نصف ساعة والسعر قريب من بعض وارشح الطيارة اختصار للوقت والحجز عبر موقعهم او من المرفأ مباشرة ويفضل قبلها بكم يوم او من اي مكتب سياحي معترف به لو اخترت كاميرون فبيكون ترجعي كوالا بالطيارة ومنها باص الى كاميرون 5 ساعات تقريبا من المطار والسعر للشخص ﻻيزيد عن 40 رينحت اما السيارة بتكلف تقريبا 500 الى 600 رينجت من المطار وممكن طريقة ثانية بالذهاب بالطائرة الى بينانج ومن المطار باص او تاكسي الى كاميرون والمسافة تقريبا 4 ساعات بالباص من كاميرون لكوالا بالباص ساعات يوجد بعض البازارات داخل الاسواق ومنها التايمز كوير كما يوجد بعض الاسواق الليلية وممكن اصحاب التكاسي يفيدوك فيها وهي خارج حدزد شارع العرب ومنطقة البرجين يوجد خلف شارع العرب بسطات لكن اغلبها اكل افضل الاسواق الرخيصة وبضاعة جيدة تايمز كوير وسوق سوانجي ونج رحلة ممتعة هاي مزمز |
اقتباس:
وتم تسجيل ارقامهم اقتباس:
شاكرة تجاوبك معاي و الان حجزت و رحلتنا ان شاءالله اليوم من 11 - 22 / 5 ليلتين كوالا - ليلتين لانكاوي - ليلتين بينانغ - 4 ليالي كوالا المواصلات بين المدن اخذت بنصيحتك و خليتها طيران سؤال بالنسبة لاير اسيا متى تقريبا يسكر الكاونتر قبل الرحلة بكم ؟ السؤال الثاني حجزت الرحلات كلها على اير اسيا وكان يعطيني السعر مناسب لكن بعد كذا يضيف عليهم زيادة لل20 كيلو هل هذا نظامهم ؟ يعني الرحلة بدون وزن ؟ اخر شي الغيت التامين تبع اير اسيا برايك اللي سويته صح ؟ و الا يفترض اني اكون اضفته افضل ؟ وشكرا لك مرة ثانية |
اقتباس:
بالنسبة لي نفس الشي حجزت وأضاف سعر وزن كيلو وألغيت التأمين توصلون بالسلامة وننتظر تقرير الرحلة [emoji106] |
كاونتر ايراسيا يغلق قبل الرحله بـ ساعه بالضبط اعملوا شك إن عن طريق الموقع من الآن يكون افضل مطار ايراسيا يختلف عن المطار الدولي ... و لكنه قريب منه عن نفسي التأمين دايماً الغيه |
دائما الغي التأمين الكاونتر يقفل قبل ساعة وبالامكان قص البوردنج قبل 14 يوم من النت اير اسيا دائما يعطيك على حجزك 20 كيلو وممكن تحذفها اذا ماتحتاج وزن ويقل السعر .. بس اكيد في الغالب معظمنا معه اوزان |
اقتباس:
خليك على الوزن أفضل لك والبوردنق أفضل قبل الرحلة بوقت كافي |
اقتباس:
كذلك نفس السؤال على الخطوط القطريه من الرياض الى كوالا اقدر اقص البوردنج على النت قبل الرحله بايام :yolks00220: |
| الساعة الآن 09:43 PM |
Powered by vBulletin® Copyright ©2000 - 2025, Jelsoft Enterprises Ltd.
Search Engine Optimization by vBSEO