|
اول مره اسافر ماليزيا ساعدوني السلام عليكم اول مره اسافر برى السعوديه واخترت ماليزيا ياليت تساعدوني ودي احجز طيران رخيص اعطوني اسماء شركات طيران وفنادق رخيصه ونظيفه ماتهمني 5 او 4 نجوم لان ميزانيتي محدوده اهم شي نظيف الرياض كوالا بعدها لنكاوي بعدها بينانغ بعدها الكاميرون بعدها كوالا وش رايكم كذا واعطوني جدول للتمشيه فيهم شخصين كبار وطفلين 8 شهور وسنتين ونص وقت السفر 28 رمضان او 30 7/3 او 7/5 يوليو لمدة اسبوع |
الله يعينكم على الاطفال راح يحدون من تنقلاتكم وكمان متعبين في هالعمر ودي اساعدك بس للاسف مالي خبره في ماليزي عندك كازمي وشموخ و ابو عمر وتقرير دينا ماشاء الله كل المعلومات وبالتفصيل وراح يفيدك كثير بس انصحك لاتكثرين تنقلات عشان اطفالك وكمان حددي عدد الايام والتاريخ عشان الاعضاء يساعدونك في التخطيط الطيران الافضل السعوديه عشان رحلاتهم مباشره وعندك الاتحاد والقطرية والاماراتيه الكاثي بايسفك وفيه كم طيران يودي ماليزيا بس هذا الافضل وكلها فيها ترانزيت |
وعليكم السلام اختي حياك الله بالنسبه للخطوط فبما ان عندك رضيع فنصيحه خذي مباشره من الرياض الى ماليزيا اريح لكم وهي في الخطوط السعوديه قد تكون غاليه بنسبه لغيرها لكن نصيحه اذا قارنتي التعب بالترنزيت والمبلغ اللي تدفعينه يستاهل المبلغ مقابل الراحه او الماليزيه وهي مباشره وقد تلقينها ارخص من السعوديه لكن انتي متاخره كثير بالحجز والاسعار مرتفعه مع قرب الاجازه سواء طيران او فنادق ثانيا بالنسبه للمناطق اللي ذكرتيها كثيره للمده اللي بتجلسينها يعني اللي،فهمته ان الرحله مدتها اسبوع فقط خصوصا ان معاك اطفال ماليزيا تحتاج 15 يوم حتى تزورين الاماكن اللي،ذكرتيها لذلك عندي لك ثلاث اقتراحات اولهم ان تخلين زيارة ماليزيا لسفره ثانيه وتزورين هذي المره دبي اقرب لكن مناسبه لك اكثر وتستمتعين فيها واسبوع يكفيها او الاقتراح الثاني ان تقتصر زيارتك على 2سيلانجور (وهي قريبه من كوالالمبور 40 دقيقه،بالسياره لكنها اقرب للمطار وفيها المدينه المائيه وعادتا تكون اول مدينه يسكنها السياح ) 2يوم الكاميرون بالسياره ثلاث ساعات 3ايام كوالمبور او تخطيط ثاني توصلون مطار كوالمبور ومباشره طيران داخلي الى لانكاوي 3 ايام لانكاوي وبالطياره لكوالالمبور 4 ايام في كوالالمبور وحتى هنا راح يكون متعب جدا على الاطفال رحله مواصله خصوصا اذا في ترنزيت الاقتراح الاخير انكم تزيدون عدد ايام الرحله من اسبوع الى 10 ايام اقل شي حتى يكفيكم الوقت ويصير جدولكم 2 يوم سيلانجور 4 ايام (لانكاوي او بينانج)وانصح ان تكون لانكاوي 4 ايام كوالمبور هذا انسب حل اذا مصرين على ماليزيا اذا قررتي راح نقترح لك الفنادق والجدول اللي،يناسبك بالتوفيق أرسلت من GT-I9300 بإستخدام تاباتلك |
السلام عليكم ورحمة الله وبركاته اتمنى لكم رحلة سعيدة كما وضحت الاخت عشقي السفر المدة قصيرة جدا ولا تستطيعي زيارة كل الاماكن الذي ذكرتيها في اسبوع بخصوص الطيران كما اشارة الاخت لرحة من عناء الترانزيت يفضل السعودية او الماليزية واذا تريدو الارخص هناك السريلانكية او العمانية .. لكن لاتتاخرو بالحجز لان الطيران سعره يرتفع مع قرب الاجازة توزيع الايام 2 سيلانجور 2 كاميرون 3 كوالالمبور او يوم سيلانجور 3 لنكاوي 3 كوالالمبور الفنادق الاقتصادية سيلانجور ( الخيول الذهبية - الهيلتون - فوربونت باي شيراتون - كانكورد ) لنكاوي ( اديا - دياناج - باي فيو ) الكاميرون ( ستروبري بارك - كابثرون - ديلا فرينس ) كوالالمبور ( رويال بينانج - استانا - سويس قاردن - فوراما ) واي استفسار اخر نحن حاضرين موفقين |
اقتباس:
اذا اسبوع مايكفي في ماليزيا بتكفي بتركيا او لا والتنقل فيها بيكون اسهل اولا خصوصا مع اطفالي اقصى خد لي من اسبوع الى 11 يوم وبالنسبه لجو ماليزيا هل صحيح بشهر شوال بيكون حار عكس تركيا بيكون جميل |
بالنسبه للجو بشكل عام وطول العام رطوبه مع حراره متوسطه في ماليزيا ممكن يزين الجو اذل نزل مطر والكاميرون لان هي مرتفعات تكون ابرد اذا ممكن تمددون الرحله ل11 يوم خليك على الجدول الاخير بالنسبه لتركيا جوها مره جميل في الصيف ابرد من ماليزيا بشكل عام السفر لمدة اسبوع يفضل يكون بالخليج لان ماتسوى تذاكر وفيزا (تركيا مطلوب،فيزه الشخص ب60 دولار ) واذا اخترتي تركيا،ومدتك اسبوع فعندي اقتراحين تخلين الرحله كلها في الشمال التركي يعني،تحجزين طيران من الرياض الى طربزون مباشره عن طريق رحلات العجاجي وتقضين الاسبوع في 2 طربزون 4 ايام اوزنجول ويوم طربزون اذا تبين الطبيعه والجو الحلو والافضل تستاجرون سياره بالشمال التركي او ممكن 2 اسطنبول 2 بورصه 3 ايام اسطنبول للعلم اسطنبول حاره في الصيف وهنا الجدول راح تستخدم التكسي وانتبهي من النصب هناك خصوصا مع التكسي والمواصلات العامه متعبه لكم مع الاطفال واذا اخترتي تركيا وزدتي المده الى 11 يوم عندك هذي الجداول 2اسطنبول طيران داخلي 2طربزون سياره اجار في الشمال التركي 3 اوزنجول 1طربزون طيران داخلي 3 اسطنبول او تخلين المده كلها بالشمال التركي، 2طربزون 5اوزنجول 2ايدر 3طربزون قرري بسرعه لان الاسعار ترتفع أرسلت من GT-I9300 بإستخدام تاباتلك |
ماشاءالله خبيرة دبي عشقي السفر ما قصرت كفت ووفت ربي يبارك فيها وربي يسهل لك سفرتك في عندك خبراء ومشرفين مميزين ممكن تشوفين تقاريرهم مثل تقارير قصة حب المميزة والمفصلة وكذلك دينا لها تقرير قديم وابوعبدة كلها تقارير تسهل لك امور السفر من كثر تفاصيلها |
فعلا مثل ما قالوا الإخوان والأخوات فوق إذا مدة السفر أسبوع حرام ماليزيا وبقوة وأفضل حل هو الشمال التركي أحد الزملاء رجع قبل أسبوعين من طربزون وقالي 5 أيام إلى 7 أيام حلوة وجميلة جدا وكمان رخيصة |
وعليكم السلام ورحمة الله وبركاته حياك الله اختي الفاضله ماراح اطول عليك بما اني زرت ماليزيا وزرت تركيا ونفس وضعك اخر سفره كان معي طفلتين عندك ثلاث عقبات :- مدة رحلتك اسبوع فصراحه غير كافيه لماليزيا وخاصة الاماكن الي انتي اخترتيها ولا تنسي بيضيع يوم في الذهاب و يوم في الاياب ثاني نقطه الاطفال في ماليزيا راح يكونو جدا متعبين وما راح تستمتعين بالرحله لان اغلب تنقلاتك بالتكسي و الباقي مشي خاصة انو في بعض المناطق لا تصلح لعربات الاطفال ثالث نقطه العفش راح يكون مره كثير فالله يعينكم تشيلو الاطفال ولا العفش في كل مره تروحو من مكان الى مكان النصائح :- طالما المده كلها اسبوع فإذا كان فيه احد من خواتك او الوالده الله يعطيها العافيه تقدر تتكفل في موضوع الاطفال يكون افضل النصيحه الثانيه تركيا او ماليزيا كلها جميله وتقريبا نفس المده لانك ماليزيا 9 ساعات مباشره بينما تركيا تقريبا اربع ساعات وراح يكون فيه ترانزيت عشان تروحي الشمال التركي والرحله لشمال اعتقد انها في حدود الساعه و الربع او النص النصيحه الثالثه اذا ما تقدري تخلينا الاطفال شوفي اسطنبول فقط بدون الشمال التركي و يمكن من يخالف رئيي بس انا لو مكانك هذا الي راح اسويه ونتمنى لك التوفيق :e304: |
اقتباس:
شهادتك عزيزة على قلبي :e329: |
ما شاء الله الاخوان والخوات ما قصروا كلنا هنا لمساعدة بعضنا البعض وان شاء الله نكون عند حسن الظن انا من رايي اسبوع تكفي منطقة واحدة فقط في ماليزيا طالما ما في امكانية لزيارد عدد الايام وخصوصا معاك اطفال والتنقل الكثير خلال هالفترة القصيرة مهلك وضياع للوقت وانت رايحة باجازه العيد يعني توقعي انه زحمة والطيران انت شوفي المكاتب او النت تحصلين عروض حلوة واللي يناسبك اخذيه والافضل انه دايركت او ترانزيت قصير عشان الصغار ما يتعبون وتركيا انا ما افضلها مع الصغار يمكن في ماليزيا الوضع اهون واريح واي مساعدة باي وقت انا حاضرة تلاقيني موجودة :25: تحياتي لك وسفرة سعيدة ان شاء الله |
اقتباس:
جميع الاعضاء فيهم الخير والبركه احرجتوني كل مااقرا رد القى اسمي مقرون بخبيره دبي وماافهم ايش القصد الى ان دخلت من اللب توب وفهمت القصه [emoji4] اشكر ادارة المنتدى على ثقتها واتمنى ان اكون عند حسن ظنهم بي أرسلت من GT-I9300 بإستخدام تاباتلك |
شكرا اخواني ماقصرتو الحمدلله صارت مدة الرحلة 15 يوم من 26 رمضان الى 10 شوال الاقلاع من مطار الرياض الياعه 5 مساء الى جده ومن جده الساعه 11 مساء الى كوالا ممكن ترتبونها لي اذا وصلت كوالا بححز فيها بس كم يوم ويهمني فيها الشلالات والالعاب المائية وين موجوده بسلانجور او كوالا وبرج التوائم وصن لاقون لنكاوي اهم الاماكن فيها والتلفريك عالم ماتحت الماء دلوني على الاماكن الخلوه فيها وبها تنصحوني وين اروخ جنتج او الكاميرون او بيانق الكامرون قالولي متعبه ماتصلح للاطفال والنساء ياليت ترتبوها لي لان ببدأ حجز الفنادق ويالنسبه للفنادق ابغى اسعارها معقوله مثل 3 ايام لحدود 500 او 700 بالكثير وتكون نظيفه وتستاهل مثل اطلاله |
انصحك لاتروحي ولاتفكري ف الكاميرون مع اطفال توي جايه مع انه اطفالي كبار 8و5سنوات تعبوا ف الطريق وجلسنا يومين طفشوا الين رحنا كوالا انتعشوا :1: |
تصحيح ايامك يعتبرون 13 يوم لان اول يوم وصولك 11 بالليل يعني متاخر ماراح،تدخلين الفندق الا 1 صباحا تقريبا يعني اليوم مفي فايده واخر يوم راح يكون العوده للوطن وحسب ساعة اقلاعك راح تكون فايدتك من اليوم لي عوده مع الفنادق بالنسبه للجدول وترتيبه صراحه ماعندي خلفيه كيف ارتبه لك والبدايه راح تكون برمضان لان سيلانجور ماراح احطها اول الرحله لان تبون الالعاب المائيه ولا عندي خلفيه عن طريقتها برمضان بالتوفيق أرسلت من GT-I9300 بإستخدام تاباتلك |
ما شاء الله تبارك الله ما قصرو الاعضاء افادوك باقي بس عندي نقطه جدا مهمه اتمنى تنتبهي لها تحديدي لكل مدينه جدول يتضمن :- نوع المواصلات اسم الفندق افضل الفعاليات او الاماكن الي تستحق الزياره تحياتي |
|
2 ايام كوالمبور لابد ان تحجزين من تاريخ 26 يوم كامل لانك بتوصلين متاخر يعني لو تحجزين يوم 27 راح تكونين من غير سكن من الساعه 1 بالليل الى ثاني يوم الساعه 12 الظهر لذلك خلي حجزك من يوم 26 وبلغي الفندق ان وصولك راح يكون في ثاني ويم الساعه 1 صباحا لفندق ترايديز عند البرجين Booking.com: ظپظ†ط¯ظ‚ طھط±ظٹط¯ط±ط² ظƒظˆط§ظ„ط§ظ„ظ…ط¨ظˆط± - ظƒظˆط§ظ„ط§ظ„ظ…ط¨ظˆط±, ظ…ط§ظ„ظٹط²ظٹط§ 4لايام لانكاوي فندق ايديا Booking.com: ظپظ†ط¯ظ‚ ط§ظٹط¯ظٹط§ ظ„ظ†ظƒط§ظˆظٹ - ظƒظˆط§ظ‡, ظ…ط§ظ„ظٹط²ظٹط§ او هوليدي فيلا وهو اللي انصحك فيه لانه على البحر http://www.booking.com/hotel/my/holi...=total;ucfs=1& 3 بينانج فندق هوليدي ان بينانج Booking.com: ظ…ظ†طھط¬ط¹ ظ‡ظˆظ„ظٹط¯ط§ظٹ ط¥ظ† ط¨ظٹظ†ط§ظ†ط؛ - ط¨ط§طھظˆ ظپظٹط±ظٹظ†ط؛ظٹ, ظ…ط§ظ„ظٹط²ظٹط§ 2ايام سيلانجور وهي عند كوالمبور صنواي براميد ويست والمميز فيها ان تحتها الالعاب المائيه لكن فترت العيد يكون زحمه فالذهاب للحديقه يقضل يكون اول ماتفتح لتجنب زحمه العيد اذا حجزتي بعيد عنها راح تصادفك زحمه الطريق وزحمه التذاكر وزحمه المسابح Booking.com: ظپظ†ط¯ظ‚ طµظ†ظˆط§ظٹ ط¨ظٹط±ط§ظ…ظٹط¯ ظˆظٹط³طھ - ظƒظˆط§ظ„ط§ظ„ظ…ط¨ظˆط±, ظ…ط§ظ„ظٹط²ظٹط§ 3ايام كوالمبور وهالمره غيرت لكم حتى تكونين قريبه من شارع العرب وتتسوقين في فندق استانا Booking.com: ظپظ†ط¯ظ‚ ط§ط³طھط§ظ†ط§ ظƒظˆط§ظ„ط§ظ„ظ…ط¨ظˆط± ط³ظٹطھظٹ ط³ظ†طھط± - ظƒظˆط§ظ„ط§ظ„ظ…ط¨ظˆط±, ظ…ط§ظ„ظٹط²ظٹط§ بالتوفيق ملاحظات 1- دخلي التواريخ بالروابط من جديد لاني في فنادق غلطت في عدد الايام 2- حطي في اعتبارك ان السعر المعروض قد يضاف اليه رسوم للخدمه تكون موضحه داخل الصفحه الخاصه للفندق ادخلي وشوفي نسبه رسوم الخدومه هذا اجتهاد شخصي اتمنى اكون وفقة فيه تستعجل يالحجز خصوصا الطيران الداخلي لانه الاسعار ترتفع كل ماقرب وقت الرحله كوالالمبور الى لانكاوي طياره لانكاوي الى بينانج طياره بينانج الى كوالمبور طياره طبعا الاطفال عندك الاصغر من 2 نص التذكره واللي اكبرمن 2 تذكرة بالغ بالتوفيق |
بالتوفيق |
حاليا ارخص طيران العماني مسوي عروض |
اتا اقصد الطيران اللي،ينقلك بين المدن داخل ماليزيا ويكون اما عن طريق الخطوط الماليزيه او اير اسيا او فير فلاي لان التنقل بين المدن راح يكون طيران توقعت انه تم الحجز الطيران ابدولي،خلاص أرسلت من GT-I9300 بإستخدام تاباتلك |
شكرا ماقصرتو مره استفدت منكم الحمدلله حجزت الفنادق 3 ايام سلانجور فندق صن واي 3 ايام لنكاوي 3 ايام بيانغ فندق شنغريلا 2 كوالا 2 جنتج بس بتأكد الالعاب مفتوحه ولا صيانه وفيها اماكن تنزه غيرها ولا اخليها يوم عندي استفسار عن المطاعم حلوه وتكون اسعارها معقوله في كل منطقه وبالنسبه للتمشيه اخذ سواق من الفندق ولا بتكون اسعاره مرتفعه |
اختيارات ممتازه بس جنتنج لا تصلح للسكن و الالعاب ما زالت مغلقه الافضل وضع اليومين مع كوالا. المطاعم في سيلانجور: مطعم الطربوش، مرحبا. لنكاوي: القصر، الفيشاوي، السلطان، صقر الهندي. بينانج: الطربوش، الخيام. كوالا: الطربوش، ناب، القمر في البافليون، طاجين، الباشا. طبعاً بالاضافة الى مطاعم الوجبات السريعه في كل مدينه. بالنسبه للتكاسي ممكن اخذ اي رقم من موضوع السائقين بالمنتدى او اخذ اي تاكسي من الشارع و الاتفاق معه بالساعه. |
اقتباس:
طيب بالنسبه للتلفريك كم ساعه من كوالا لجنتج وكم من بيانغ ل جنتج هل صخيح بتكون طويله 3 ساعات اقل شي او اربع واقدر اركبه من جنتج اخذ دوره فيه وارجع بحيث انه ماتكون المسافه طويله اكثر من ساعه ونص خصوصا مع الاطفال الشي الثاني لنكاوي فيها شلالات او قوارب واماكن مثل كذا حلوه اعطوني اسمائها ونفس الشي ببيانغ |
بالنسبه لجنتينج هي قريبه من كوالمبور واذا بتروحينها تروحين لها من كوالالمبور وترجعين بنفس اليوم مايحتاج تباتين فيها ووبالطريق تمرين على مزرعة القروله وتركبين التلفريك لجنتنج وتجلسين فيها واخر النهار ترجعين كوالمبور والمشوار مايزيد عن ساعه ونص رايحه ومثلها راجعه اما اللي تكلمتي عنها وتبعد عن بينانج 3 ساعات اسمها الكاميرون وليس جنتنج وبالنسبه للجداول خذيلك لفه في في مواضيع البوابه واختاري اللي،يناسب ميولك وانا سبق حطيت رابط لموضوعي،فيه جدول جاهز ومرتب ممكن تتطلعين عليه وتاخذين الاماكن اللي،تناسب ذوقك بالتوفيق أرسلت من GT-I9300 بإستخدام تاباتلك |
اقتباس:
لنكاوي فيها كم شلال منها دوريان و شلال الابار السبعه. القرية الشرقيه و فيها تلفريك و اشوفه يكفي عن جنتنج. و فيها عدد من الرحلات البحرية مثل المانغروف و رحلة الجزيرة الحامل و رحلة الغوص , و ممكن حجز هذه الرحلات من المكاتب السياحيه في مطار لنكاوي. و بينانغ فيها شلال قريب من حديقة الفواكه. عموما اي تاكسي راح تركبو معه راح يعطيكم كتيب بالمناطق السياحية يلي في منطقته. |
شكرا اخواني اطلعت على مواضيع المنتدى وعلى الاماكن وتم حجز طيران الداخلي عندي استفسار بخصوص الفنادق الي حجزتها كيف اعرف بأي دور الغرف خصوصا الغرف المطله على البحر تكون بالدور الثالث او الثاني هل اتصل عليهم وأأكد ذالك وايضا الافطار في رمضان سلانجور وش فيها اماكن ترفيهه او مطاعم مالقيت مواضيع عنها كلها كوالا بيكون 3 ايام في فندق صن واي ماادري ين نروح اول يوم ز اليوم الثاني بيكون في مدينة الالعاب المائيه تبع الفندق اذا ممكن تذكرون لي اماكن فيها لنكاوي بيكون 5 ايام فيها في لنكاوي لاغون ويومين ميريتوس ومن ضمن البرنامج المنجروف التلفريك والقريه الشرقيه والشلالات ووش افضل شلال عندهم يستحق الزياره وحديقة الطيور والفواكه رحلة الجزيره الحامل والغوص عبارة عن ايش ماشفت تغطيه لها بينانغ 3 ايام في شنغريلا لاحظت ان مافي تغطيات عنها في المواضيع فقط شاطئ الباتوفرنجي اتوقع اسمه كذا :24: واخر 3 ايام في كوالا والفضل لله ثم لكم باختيار الاماكن والترتيب للرحله وبالنسبه للسائقين مالقيت ارقام اذا ممكن ترسلون لي وشاكره لكم جهودكم |
صباح الخير بالنسبة للادوار اكتبي في الملاحظات للحجز الرغبة بدور علوي وطبعا كل مسمى غرفة له دور معين والتدخين وغيره كل هذه الامور لها علاقة بالطوابق وللتأكد اكثر راسليهم الافطار راح يكون في لغير المسلمين صباحا وافطار رمضان للمسلمين في المغرب ومكتوب في بوكينج سياسة الافطار بالنسبة لارقام السائقين موجود في ملف مرفق تجديه في اسفل الموضوع سلانجور المطاعم العالمية موجودة في مول البراميد ويوجد مطعم طربوش ومطعم منهاتن فيش ماركت سلانجور ممكن زيارة ملاهي الصن وي لاجون .. الماينز .. بوتراجايا .. اي سيتي حديقة طيور كزالا واكواريوم كوالا افضل من لنكاوي بمراحل شلال تيمرون اسهل الشلالات ثم دوريان بينانغ عندك قطار الهضبة ويوجد موضوع مثبت فيه كل الفعاليات ومواقعها الرسمية رحلة ممتعة هاي مزمز |
| الساعة الآن 10:43 PM |
Powered by vBulletin® Copyright ©2000 - 2025, Jelsoft Enterprises Ltd.
Search Engine Optimization by vBSEO