|
ممكن تخطيط سفر لماليزيا اول مرة اروح لها ممكن تخطيط سفر لماليزيا اول مرة اروح لها حنا ثلاثة بالغين وطفلين السفر لمدة 16 يوم السفر يوم 27/ يوليو الى 12 / اغسطس باذن الله |
صباح الخير يا زعيم اذا وصولك يوم 28 فعندك 15 ليلة 2 ليلة سلانجور فندق صن وي ريزورت او براميد ويست 5 لنكاوي بالطائرة ساعة منتجع ويستن .. او ذا دانا .. بلانجي بيتش .. برجايا .. فرنجباني وفي منتجعات فخمة بس المواقع بعيدة عن الخدمات 3 بينانج بالطائرة من لنكاوي نصف ساعة او بالعبارة 3 ساعات.. شانغريلا .. قولدن ساندس .. لون باين .. بارك رويال .. هوليدي ان .. هارد روك 5 كوالالمبور بالطائرة 45 دقيقة او بالباص 4 ساعات وافضلها ايرولاين وعندك منطقة البرجين جراند حياة وتريدرز وامبيانا وشقق اسكوت ومنطقة شارع العرب ويستن .. ماريوت .. جراند ملينيوم .. قريب من شارع العرب عندك شقق ايه اند اوه وفندق رويال شولان وممكن زيارة كاميرون بالباص او السيارة من بينانج 4 ساعات وتاخذ ليلتين في منتجع كاميرون هايلاند فيصير عندك 2 سلانجور 4 لنكاوي 3 بينانج 2 كاميرون 4 كوالا وحاول تقرأ تقارير الاعضاء وراح تستفيد كثير وتشوف اللي يناسب ذوقكم رحلة ممتعة هاي مزمز |
السلام عليكم ورحمة الله وبركاته الاخ himzmz صراحة ما قصر يعطيه الف عافية ورحلة موفقه لزعيم :) |
اقتباس:
الله يعطيك الصحة والعافية وتسلم على البرنامج الرائع بس اذا ماكلفت عليك عندي بعض الاستفسارات لاهنت .. اولا / بالنسبة للذهاب من لنكاوي الى بيننانغ وش الافضل الطائرة ام العبارة ؟؟ ثانيا / كاميرون هل تصلح للاطفال لان معاي طفلين 9 سنوات و 3 سنوات وفيه الكبير 12 سنة واذا هي ماتصلح اخلي اليومين الزيادة في كوالا ؟؟ ثالثا / في كوالا هل السكن في شارع العرب افضل ام السكن في منطقة البرجين افضل ؟؟ وفيه شي بسالك عنه لانه شاغل بالي وهو ان ولدي الكبير كمل 12 سنة من 15 يوم فكيف بيتم التعامل معاه في الفنادق هل يلزموننا ناخذ غرفتين ام ناخذ غرفة كبيرة او كيف الي بيصير ؟؟ وتسلم لي على تعبك والف شكر |
الله يسلمك يا عسل الافضل الطائرة لان المدة نصف ساعة مقارنة بالعبارة 3 ساعات .. تكسب وقت الا اذا حاب تجربها كشي جديد فهذا راجع لك كاميرون جميلة وفعالياتها ما تناسب الاطفال .. خليك على كوالا دام الاطفال الله يحفظهم راح يشغلوك بطلبات الملاهي والالعاب وغيره كل منطقة لها ميزتها البرجين ارقى في معظم الفنادق منطقة شارع العرب حيوية حيث المطاعم والمقاهي والكافيهات والاسواق وفيها بعض الفنادق الراقية ما يدققوا على الاطفال بس انت تتدبر كيف يناموا في الغرفة على الكنبة وغيره رحلة ممتعة هاي مزمز |
اقتباس:
الله يعافيك ويطول عمرك على طاعته بس انا محتار مابين لنكاوي وبيننانغ هل اخلي لنكاوي 4 ايام زي ماقلت وبيننانغ 3 ايام او ازود بيننانغ على حساب لنكاوي ودي اعرف منك وش الي تستاهل ازود فيها اكثر ويعطيك العافية يارب |
يعطيه العافية اخونا مزمز ما قصر انا اقترح عليك تشوف التقارير وتحكم مبدئيا على بينانغ ولنكاوي من حيث ميولك يعني القرار بيدك انا عن نفسي بكل سفرة اقعد في بينانغ اقل مدة اسبوع ولنكاوي 5 ايام كل جزيرة لها طعم مختلف :58: الفنادق في ماليزيا ما تدقق على العدد عن تجربه 3 سنوات لكن اذا حسيت انك متضايق في الغرفه الوحدة اطلب سرير اضافي للولد الكبير ويكون سعر السرير مع الفطور يدفع منفصلا عند الطلب او اذا عندك ميزانية تسمح خذ غرفتين متصلتين اذا السعر يطلع اوفر من طلب سرير اضافي بالتوفيق وسفرة ونيسة باذن الله |
اقتباس:
الله يعافيك وييسر امرك بالنسبة لي افضل لنكاوي عن بينانغ فعاليات لنكاوي اكثر وامتع من بينانغ بمراحل وبخصوص الالعاب البحرية موجودة في لنكاوي على عدة شواطي اهمها شاطي سينانغ وتينجاه ورهو وفي الاخير انت شوف التقارير والفعاليات واللي تفضلها زد المدة فيها رحلة ممتعة هاي مزمز |
اقتباس:
هاي مزمز يعطيك الصحة والعافية على تجاوبك معاي بس عندي بعد استفسار وادري ثقلت عليك : هل تنصحني اخذ بكج كامل عرض سياحي بفنادقه ببرامجه السياحية ام احجز انا الفنادق واسوي برامجي انا بنفسي لاني حتى الان ماسويت اي شي الا اني اشتريت التذاكر الدولية فقط ومابي اتأخر حتى مااتورط في الفنادق لو انا الي اخذها بنفسي |
اقتباس:
الله يعطيك الصحة والعافية يامشرفتنا المتميزة فعلا :e303: ونفس السؤال الي سالته لهاي مزمز اسالك اياه : هل تنصحيني اخذ بكج كامل عرض سياحي بفنادقه ببرامجه السياحية ام احجز انا الفنادق واسوي برامجي انا بنفسي لاني حتى الان ماسويت اي شي الا اني اشتريت التذاكر الدولية فقط ومابي اتأخر حتى مااتورط في الفنادق لو انا الي اخذها بنفسي |
اخوي الله يسعدك لا ثقلت ولا شي راح نجاوب على استفساراتك بصدر رحب احنا هنا في المنتدى جميعا نساعد بعض بتجاربنا وانت ان شاء الله راح تفيدنا بتجربتك احجز كل شي بنفسك من النت وراح توفر كثير واللي توفره انت اولى فيه خلص الرحلات الدولية والداخلية والفنادق اما البرامج اليومية فلا تشيل هم كلنا معاك والامور سهلة جدا في ماليزيا.. انت بس حدد المدن اللي تبغاها والجميع راح يساعدك رحلة ممتعة هاي مزمز |
اقتباس:
الله يعطيك العافية وماقصرت عندي سؤال وهو كيف اصرف الفلوس هل اصرفها كلها من هنا او اصرفها هناك ووش افضل سعر الصرف وكيف اقدر استخدم بطاقة الصراف هناك ؟؟؟ وكم حد السحب الي اقدر اسحبه هناك ؟؟ |
مافيه رد للحين !!!! |
عن نفسي اصرف من السعودية ثلاث ارباع المبلغ اختصارا للوقت هناك وباقي المبلغ اصرفه من شارع العرب وهناك اسأل كذا صراف لان في فرق بينهم وكان افضلهم تحت محطة المونورول ملاصق لمكينة الراجحي ومحل ايس كريم هاقنداز بطاقة الصراف معايا ما اشتغلت في كذا صراف مع العلم انها تحمل نفس الشعار انصحك ترفع طلب في البنك باستخدام بطاقة الصراف والفيزا لمنحك صلاحية باستخدامها وتوضح وقت السفر من والى اقصى سحب تقريبا وعلى ما اذكر 1500 رينجت وعلى كل سحبة تقريبا 30 ريال غير فرق العملة وسمعت انه في بعض الصراف 3000 رينجت. يعني لو تسحب 500 رينجت راح ياخذوا نفس العمولة عشان كدا حاول تسحب اعلى مبلغ الفيزا حاول تستخدمها في الفنادق والمطاعم والمحلات المشهورة تجنبا للسرقات الالكترونية |
مثل ماقال اخوي هاي مزمز حاول تصرف من بلدك قبل تسافر مبلغ يكفيك 3 او 4 ايام الاولى بس تأكد كم المبلغ المسموح حمله معك في الطائرة، وبلغ البنك بسفريتك وبالبطايق اللي راح تستعملها هناك عشان ما يوقفونها عليك بالنسبة للصرافات اعلى حد للسحب في اليوم الواحد 3000 رينجيت بحيث ما تتعدى 1500 في السحبة الواحدة والنسبة على استخدام الصراف 30 ريال . فيه فروع لبنك الراجحي منتشرة هناك بس مدري هل ياخذون عمولة على عملائهم او لا. |
اقتباس:
ما انصحك باي بكج خطط رحلتك بنفسك واحجز الفنادق اما من النت المواقع المعتمدة والمشهورة وشوف بعد اسعار الفنادق اللي تختار بمكتب سياحي والسعر اللي يناسبك توكل ع الله انا برحلتي الجايه حصلت الفنادق من مكتب سياحي ارخص من بوكينج واقودا راح تتعبب بالبدايه بالبحث لكن لما تشوف رحلتك ناجحة بتفرح كثير واي مساعده حاضرين ماشاء الله بوابتنا كل الاعضاء فيها مايقصرون هبة ريح جزاهم الله خير [emoji177]قصة حب[emoji177] |
الله يعطيكم العافية ماشاء الله عليكم والله تفاعلكم يثلج الصدر في تقديم المعلومة والنصيحة والله حتى أبغى أشارك ما لقيت شي أضيفة الله يكتب أجركم يارب |
يالفعل تجاوبكم مع الكل يعجز اللسان عن الشكر الله يجزاكم الجنة ويجعله في ميزان حسناتكم:e306: |
اقتباس:
الله يعطيك العافية ياهاي مزمز وحقيقة تفاعلك فعلا يثلج الصدر الله يوفقك دنيا واخره |
اقتباس:
الله يعطيك العافية يا قصة حب يامشرفتنا المميزة وحقيقة تفاعلك فعلا يثلج الصدر الله يوفقك دنيا واخره |
لي سؤال لكم : ابي اشهر محلات فاكتوري اوت لت في ماليزيا وينه هو ؟؟؟ |
في ولاية جوهور باهرو: بريميوم اوتلوت هذا جديد في كوالالمبور بالقرب من المطار : mitsui outlet park klia sepang ويوجد اسفل فهرنهايت بشارع العرب لكن من زمان ولااعلم اذا موجود الان او تغير |
انا مرات زرت ماليزيا ولامره احد سالني كم معاك فلوس ربي يسهل ع الجميع واجازه سعيده وعيدكم مبارك تقبل الله طاعتكم[emoji322][emoji257] [emoji177]قصة حب[emoji177] |
| الساعة الآن 05:56 AM |
Powered by vBulletin® Copyright ©2000 - 2025, Jelsoft Enterprises Ltd.
Search Engine Optimization by vBSEO